തിരുവനന്തപുരം: പൊലീസിലെ ദാസ്യപ്പണിക്ക് എതിരെ ക്യാന്പ് ഫോളോവർമാർ രംഗത്ത്. പൊലീസിലെ ദാസ്യപ്പണി അവസാനിപ്പിക്കണമെന്നാവശ്യപ്പെട്ട് അവർ ഡിജിപിക്ക് ഇന്ന് പരാതി നല്കും. ഇനി മേലുദ്യോഗസ്ഥരുടെ വീടുകളിൽ ദാസ്യപ്പണിക്ക് പോകരുതെന്ന് കാട്ടി ക്യാംപ് ഫോളോവേഴ്സ് അസോസിയേഷന് യൂണിറ്റ് തലത്തിൽ നിർദേശം നൽകി. ഇക്കാര്യം സംബന്ധിച്ചു യൂണിറ്റ് തലത്തില് നിര്ദേശം നല്കി. ദാസ്യപ്പണി ചെയ്യിക്കുന്ന ഉന്നതരുടെ പേരുവിവരങ്ങൾ ബുധനാഴ്ച പുറത്തുവിടുമെന്നും ക്യാംപ് ഫോളോവേഴ്സ് അസോസിയേഷന് അറിയിച്ചു. അതേസമയം, ഐപിഎസ് ഉദ്യോഗസ്ഥരുടെ വീട്ടില് പൊലീസുകാരെ ദാസ്യപണി ചെയ്യിക്കുന്നതിന്റെ കൂടുതല് വിവരങ്ങള് പുറത്തുവന്നു. അടുക്കള മാലിന്യം നീക്കം ചെയ്യാൻ തയ്യാറാകാത്ത പോലീസുകാരനെതിരെ ഒരു ഐ.പിഎസ് ഉദ്യോഗസ്ഥ മേലുദ്യോഗസ്ഥര്ക്ക് റിപ്പോര്ട്ട് നല്കിയതായി പരാതി. ഉദ്യോഗസ്ഥയുടെ വീട്ടിലെ അടുക്കള മാലിന്യം പൊലീസ് യൂണിഫോമിട്ട് പുറത്തുകൊണ്ടുകളയാൻ പറ്റില്ലെന്ന് പറഞ്ഞതോടെ തനിക്കെതിരെ ഗുരുതര അച്ചടക്ക ലംഘനത്തിന് മേലുദ്യോഗസ്ഥര്ക്ക് റിപ്പോര്ട്ട് സമര്പ്പിച്ചതായി പൊലീസുകാരൻ പറയുന്നു. ഇക്കാര്യങ്ങൾ ചൂണ്ടിക്കാട്ടി ഡിജിപിക്ക് പരാതി നൽകുമെന്ന്…
Read MoreCategory: TVM
കരിഞ്ചോലയിലെ തടയണയെ കുറിച്ച് വിദഗ്ധ സമിതി അന്വേഷിക്കുമെന്ന് മുഖ്യമന്ത്രി
തിരുവനന്തപുരം: ഉരുൾപൊട്ടലുണ്ടായ കരിഞ്ചോലയിൽ തടയണ നിർമിച്ചതിനെ കുറിച്ച് വിദഗ്ധ സമിതി അന്വേഷിക്കുമെന്ന് മുഖ്യമന്ത്രി പിണറായി വിജയൻ. തടയണകൾ ഉരുൾപെട്ടലിന് കാരണമായിട്ടുണ്ടെങ്കിൽ കുറ്റക്കാർക്കെതിരെ കർശന നടപടി സ്വീകരിക്കുമെന്നും അദ്ദേഹം പറഞ്ഞു. കരിഞ്ചോലയിൽ ഉരുൾപൊട്ടലുണ്ടായ ഉടൻ രക്ഷാപ്രവർത്തനങ്ങൾ നടത്തിയെന്നും അദ്ദേഹം പറഞ്ഞു. രക്ഷാപ്രവർത്തനം ഏകോപിപ്പിക്കുന്നതിന് മന്ത്രിമാർ കോഴിക്കോട്ട് ക്യാമ്പ് ചെയ്തുവെന്നും പ്രതിപക്ഷത്തിന്റെ അടിയന്തരപ്രമേയ നോട്ടീസിന് മറുപടിയായി മുഖ്യമന്ത്രി നിയമസഭയിൽ പറഞ്ഞു. കാലവർഷക്കെടുതിയും ഉരുൾപൊട്ടലുണ്ടായ സ്ഥലത്ത് ദുരന്തനിവാരണസേന എത്താൻ വൈകിയതും ചർച്ച ചെയ്യണമെന്ന് ആവശ്യപ്പെട്ട് പാറയ്ക്കൽ അബ്ദുള്ളയാണ് അടിയന്തര പ്രമേയത്തിന് നോട്ടീസ് നൽകിയത്. അടിയന്തരപ്രമേയത്തിന് അനുമതി നിഷേധിച്ചതോടെ പ്രതിപക്ഷം സഭ ബഹിഷ്കരിച്ചിരുന്നു.
Read Moreപോലീസിലെ ദാസ്യപ്പണി ഗൗരവമുള്ളത്; ഇക്കാര്യം പ്രത്യേക സംഘം അന്വേഷിക്കണമെന്ന് ചെന്നിത്തല
തിരുവനന്തപുരം: പോലീസിലെ ദാസ്യപ്പണി ഗൗരവമുള്ളതാണെന്ന് പ്രതിപക്ഷ നേതാവ് രമേശ് ചെന്നിത്തല. ഇക്കാര്യം പ്രത്യേക സംഘം അന്വേഷിക്കണമെന്നും അദ്ദേഹം ആവശ്യപ്പെട്ടു. എഡിജിപിയുടെ മകൾ പോലീസ് ഡ്രൈവറെ മർദ്ദിച്ച കേസിൽ ഡ്രൈവറായ ഗവാസ്കറിനെതിയാണ് ആദ്യം കേസ് എടുത്തത്. മാധ്യമങ്ങളിൽ വിഷയം ചർച്ചയായതോടെയാണ് എഡിജിപിയുടെ മകൾക്കെതിരെ കേസെടുത്തതെന്നും ചെന്നിത്തല പറഞ്ഞു.വരാപ്പുഴയിൽ ശ്രീജിത്ത് പോലീസ് കസ്റ്റഡിൽ കൊല്ലപ്പെട്ട കേസ് സിബിഐക്ക് വിടണം. കേസ് തേച്ചുമായിച്ച് കളയാനാണ് പോലീസ് ശ്രമിക്കുകയെന്നും ചെന്നിത്തല പറഞ്ഞു.
Read Moreവരാപ്പുഴ കൊലപാതകം; എ.വി. ജോർജിനെ ഒഴിവാക്കിയത് രാഷ്ട്രീയ ഇടപെടൽ മറയ്ക്കാനെന്ന് ഉമ്മൻ ചാണ്ടി
തിരുവനന്തപുരം: വരാപ്പുഴ ശ്രീജിത്ത് കസ്റ്റഡി മരണക്കേസിൽ ആലുവ മുൻ റൂറൽ എസ്പി എ.വി. ജോർജിനെ പ്രതിചേർക്കേണ്ടെന്ന തീരുമാനത്തിനെതിരെ എഐസിസി ജനറൽ സെക്രട്ടറി ഉമ്മൻ ചാണ്ടി. ശ്രീജിത്തിന്റെ കൊലപാതകത്തിൽ രാഷ്ട്രീയ ഇടപെടലുണ്ടായിട്ടുണ്ടെന്നും ഇത് മറച്ചുവയ്ക്കാനാണു ജോർജിനെ പ്രതിപ്പട്ടികയിൽനിന്ന് ഒഴിവാക്കിയതെന്നും ഉമ്മൻ ചാണ്ടി ആരോപിച്ചു. കുറ്റവാളികളെ നിയമത്തിനു മുന്നിൽ കൊണ്ടുവരുമെന്ന മുഖ്യമന്ത്രി വാക്ക് പാലിച്ചില്ലെന്നും അദ്ദേഹം കുറ്റപ്പെടുത്തി.കസ്റ്റഡി മരണക്കേസിൽ കുറ്റക്കാരനാണെന്നു ക്രൈംബ്രാഞ്ച് കണ്ടെത്തിയ എ.വി. ജോർജിനെ കേസിൽ പ്രതിയാക്കാനാവില്ലെന്നു ഡയറക്ടർ ജനറൽ ഓഫ് പ്രോസിക്യൂഷൻ(ഡിജിപി) നിയമോപദേശം നൽകിയിരുന്നു. എ.വി.ജോർജിനെ പ്രതിപ്പട്ടികയിൽ ഉൾപ്പെടുത്തുന്നതിനുള്ള തെളിവുകൾ അന്വേഷണ സംഘത്തിന്റെ കൈവശമില്ലാത്തതിനാൽ, ജോർജിനെ പ്രതിപ്പട്ടികയിൽ ഉൾപ്പെടുത്തുന്നത് നിയമപരമാകില്ലെന്നാണു ലഭിച്ചിരിക്കുന്ന നിയമോപദേശം. ക്രമവിരുദ്ധമായി റൂറൽ ടൈഗർ ഫോഴ്സ് രൂപീകരിച്ചു എന്നല്ലാതെ ക്രിമിനൽ കുറ്റത്തിൽ പങ്കുള്ളതിനു തെളിവില്ലെന്നും ഡിജിപി ചൂണ്ടിക്കാട്ടി. എ.വി. ജോർജിന്റെ കീഴിൽ പ്രവർത്തിച്ചിരുന്ന റൂറൽ ടൈഗർ ഫോഴ്സ് (ആർടിഎഫ്) അംഗങ്ങളാണു വരാപ്പുഴ ദേവസ്വംപാടത്തെ വീട്ടിൽനിന്നു…
Read Moreകേരള തീരത്ത് ശക്തമായ കാറ്റിന് സാധ്യത; ജാഗ്രത നിർദേശം നൽകി കാലാവസ്ഥാ നിരീക്ഷണ കേന്ദ്രം
തിരുവനന്തപുരം: കേരള തീരത്ത് ശക്തമായ കാറ്റിന് സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. മണിക്കൂറിൽ 45 കിലോമീറ്റർ വേഗത്തിൽ കാറ്റ് വീശിയേക്കുമെന്നാണ് മുന്നറിയിപ്പ്. മത്സ്യത്തൊഴിലാളികൾ കടലിൽ പോകരുതെന്നും നിർദേശം നൽകി.
Read Moreഎഡിജിപി സുധേഷ് കുമാറിന്റെ മകൾ പോലീസ് ഡ്രൈവറേ മർദ്ദിച്ച സംഭവം: അന്വേഷണം ക്രൈംബ്രാഞ്ചിന്
തിരുവനന്തപുരം: എഡിജിപി സുധേഷ് കുമാറിന്റെ മകൾ പോലീസ് ഡ്രൈവർ ഗവാസ്കറെ മർദിച്ച സംഭവം ക്രൈംബ്രാഞ്ച് അന്വേഷിക്കുന്നു. ക്രൈംബ്രാഞ്ച് എഡിജിപി ഷെയ്ഖ് ദർവേഷ് സാഹിബിനാണ് അന്വേഷണത്തിന്റെ ചുമതല. ഡിജിപി ലോക്നാഥ് ബെഹ്റ പോലീസ് അസോസിയേഷൻ ഭാരവാഹികളുമായി നടത്തിയ ചർച്ചയ്ക്കുശേഷമാണ് ഇക്കാര്യം തീരുമാനമായത്. എഡിജിപിയുടെ മകൾ സ്നിഗ്ധയുടെ പരാതിയും ക്രൈംബ്രാഞ്ച് അന്വേഷിക്കും. നേരത്തെ കേസ് അന്വേഷിക്കാൻ ഡിസിആർബി ഡിവൈഎസ്പി പ്രതാപൻ നായരുടെ നേതൃത്വത്തിൽ പ്രത്യേക സംഘത്തെ നിയോഗിച്ചിരുന്നു. സംഭവത്തിൽ കർശന നടപടി സ്വീകരിക്കുമെന്ന് ഡിജിപി യോഗത്തിൽ ഭാരവാഹികൾക്ക് ഉറപ്പ് നൽകി. ഗവാസ്കറിനു 50,000 രൂപ ചികിത്സ സഹായം നൽകാനും യോഗത്തിൽ തീരുമാനമായി. പോലീസുകാർക്കുള്ള ഇത്തരം പരാതി കേൾക്കാൻ പ്രത്യേക സെൽ രൂപീകരിക്കാനും തീരുമാനമായി. ഐജി ഹെഡ്ക്വാർട്ടേഴ്സിന്റെ നേതൃത്വത്തിലായിരിക്കും സെൽ. ജില്ലാ അടിസ്ഥാനത്തിലും പരാതി പരിഹാരത്തിന് പ്രത്യേക സംവിധാനമുണ്ടാക്കും. കാലങ്ങളായി മുടങ്ങിക്കിടക്കുന്ന പോലീസ് സ്റ്റാഫ് കൗണ്സിൽ യോഗങ്ങൾ ഉടൻ വിളിക്കും. എല്ലാ…
Read Moreവിഴിഞ്ഞം കരാർ സംരക്ഷിച്ചത് ആർക്കുവേണ്ടിയെന്ന് ഉമ്മൻ ചാണ്ടി പറയണം; സുധീരന്റെ ആരോപണങ്ങൾ ഗുരുതരമെന്ന് വി.എസ്
തിരുവനന്തപുരം: വിഴിഞ്ഞം കരാർ സംരക്ഷിച്ചത് അദാനിയുടെ താത്പര്യമാണോ എന്ന് മുൻ മുഖ്യമന്ത്രി ഉമ്മൻ ചാണ്ടി വ്യക്തമാക്കണമെന്ന് ഭരണപരിഷ്കാര കമ്മീഷൻ അധ്യക്ഷൻ വി.എസ്.അച്യുതാനന്ദൻ. പദ്ധതി സംബന്ധിച്ച് ഹൈക്കമാൻഡ് മുന്നോട്ട് വച്ച നിർദേശങ്ങൾ പോലും ഉമ്മൻ ചാണ്ടി അട്ടിമറിച്ചെന്നുള്ള മുൻ കെപിസിസി അധ്യക്ഷൻ വി.എം.സുധീരന്റെ ആരോപണങ്ങൾ ഗുരുതരമാണെന്നും അദ്ദേഹം പറഞ്ഞു.
Read Moreപോലീസിലെ ജാഗ്രതക്കുറവ്; പോലീസിലെ ദാസ്യപ്പണിക്ക് ഉത്തരവാദികൾ നേതൃത്വമെന്ന് സെൻകുമാർ
തിരുവനന്തപുരം: പോലീസിലെ ദാസ്യപ്പണിയുടെ ഉത്തവാദിത്വം പോലീസ് നേതൃത്വത്തിനാണെന്ന് മുൻ ഡിജിപി ടി.പി. സെൻകുമാർ. ഫ്യൂഡൽ പശ്ചാത്തലം അടിച്ചേൽപ്പിക്കുന്നത് കേരളത്തിന്റെ സാഹചര്യത്തിന് ചേരില്ലെന്നും അദ്ദേഹം പറഞ്ഞു. പോലീസിലെ ജാഗ്രതക്കുറവാണ് ഇത്തരം സംഭവങ്ങൾക്കു പിന്നിൽ. ഇത്തരം സാഹചര്യങ്ങൾ ജാഗ്രതയോടെ ഇടപെട്ടാൽ മാത്രമേ ഒഴിവാക്കാൻ സാധിക്കുകയുള്ളുവെന്നും അദ്ദേഹം പറഞ്ഞു. പോലീസിലെ ദാസ്യപ്പണി അവസാനിപ്പിക്കാൻ അധികാരത്തിലിരുന്നപ്പോൾ താൻ നടപടി സ്വീകരിച്ചിരുന്നു. മുതിർന്ന ഉദ്യോഗസ്ഥരാണ് ഇക്കാര്യത്തിൽ കരുതലെടുക്കേണ്ടത്. പോലീസിലെ നിബന്ധനകൾ കർശനമാക്കണമെന്നും സെൻകുമാർ ആവശ്യപ്പെട്ടു.
Read Moreഗണേഷിനെതിരെ നിയമാനുസൃതമായ നടപടി വേണം; ഗണേഷിനെതിരെ നിസാര വകുപ്പുകളാണ് പോലീസ് ചുമത്തിയിരിക്കുന്നതെന്ന് സുധീരൻ
തിരുവനന്തപുരം: വാഹനത്തിന് സൈഡ് നൽകിയില്ലെന്ന് ആരോപിച്ച് യുവാവിനെ മർദിച്ച സംഭവത്തിൽ പത്തനാപുരം എംഎൽഎ കെ.ബി. ഗണേഷ് കുമാറിനെതിരെ നിയമാനുസൃതമായ നടപടി വേണമെന്ന് മുൻ കെപിസിസി അധ്യക്ഷൻ വി.എം. സുധീരൻ. അഞ്ചൽ സ്വദേശി അനന്തകൃഷ്ണനെ മർദിച്ച സംഭവത്തിൽ ഗണേഷിനെതിരെ നിസാര വകുപ്പുകളാണ് ചുമത്തിയിരിക്കുന്നതെന്നും അദ്ദേഹം കുറ്റപ്പെടുത്തി. വിഷയത്തിൽ നീതി ഉറപ്പാക്കാൻ മുഖ്യമന്ത്രി ഇടപെടണമെന്നും സുധീരൻ ആവശ്യപ്പെട്ടു. കഴിഞ്ഞ ദിവസം അഞ്ചലിനു സമീപം അഗസ്ത്യക്കോടായിരുന്നു സംഭവം. എംഎൽഎയുടെയും ഡ്രൈവറിന്റെ മർദനത്തിൽ പരിക്കേറ്റ അനന്തകൃഷ്ണൻ ചികിത്സയിലാണ്.
Read Moreമഴ കനത്തു: നാശം വിതച്ച ആറ് ജില്ലകളിൽ റെഡ് അലർട്ട്; കോട്ടയം, ആലപ്പുഴ, ഇടുക്കി ജില്ലകളിൽ ഓറഞ്ച് അലർട്ട്
തിരുവനന്തപുരം: സംസ്ഥാനത്ത് കനത്ത മഴ തുടരുന്ന സാഹചര്യത്തിൽ റെഡ് അലർട്ട് പ്രഖ്യാപിച്ചു. മഴ കനത്ത നാശം വിതച്ച വടക്കൻ ജില്ലകളിലാണ് റെഡ് അലർട്ട് പ്രഖ്യാപിച്ചിരിക്കുന്നത്. കോഴിക്കോട്, മലപ്പുറം, വയനാട്, കണ്ണൂർ, കാസർഗോഡ്, പലക്കാട് എന്നിവിടങ്ങളിലാണ് റെഡ് അലർട്ട്. കോട്ടയം, ആലപ്പുഴ, ഇടുക്കി ജില്ലകളിൽ ഓറഞ്ച് അലർട്ടും പ്രഖ്യാപിച്ചിട്ടുണ്ട്.
Read More