ആലപ്പുഴ: യു.പ്രതിഭ എംഎൽഎയുടെ മകനെതിരായ കേസിന് പിന്നാലെ ആലപ്പുഴ എക്സൈസ് ഡെപ്യൂട്ടി കമ്മീഷണർ പി.കെ.ജയരാജിനെ സ്ഥലം മാറ്റി. സർവീസിൽനിന്ന് വിരമിക്കാൻ അഞ്ചുമാസം മാത്രം ശേഷിക്കെയാണ് കൊല്ലം സ്വദേശിയായ ഇദ്ദേഹത്തെ മലപ്പുറത്തേക്ക് സ്ഥലം മാറ്റിയത്. മൂന്ന് മാസം മുന്പാണ് ഇദ്ദേഹം ആലപ്പുഴ ഡെപ്യൂട്ടി കമ്മീഷണറായി ചുമതലയേറ്റത്. കഴിഞ്ഞ ദിവസമാണ് പ്രതിഭയുടെ മകൻ കനിവ് അടക്കമുള്ള സംഘത്തെ എക്സൈസ് സംഘം പിടികൂടിയത്. മൂന്ന് ഗ്രാം കഞ്ചാവാണ് സംഘത്തിൽനിന്ന് പിടിച്ചെടുത്തത്. ഇതിന് പിന്നാലെ എക്സൈസ് കേസെടുത്തിരുന്നു. കേസിൽ ഒന്പതാം പ്രതിയാണ് എംഎൽഎയുടെ മകൻ. എന്നാൽ മകൻ നിരപരാധിയാണെന്ന് അവകാശപ്പെട്ട് ഫേസ്ബുക്ക് ലൈവിലൂടെ യു. പ്രതിഭ രംഗത്തെത്തിയിരുന്നു.
Read MoreCategory: Loud Speaker
ദൈവത്തിങ്കലേക്ക് പോകുന്നുവെന്ന് ആത്മഹത്യാക്കുറിപ്പ് എഴുതിവച്ചശേഷം ജീവനൊടുക്കി… തമിഴ്നാട്ടിലെ ഹോട്ടലിൽ കൂട്ടആത്മഹത്യ; ആഭിചാരമാണെന്നു പോലീസ്
ചെന്നൈ: തമിഴ്നാട് തിരുവണ്ണാമലൈയിലെ ഹോട്ടൽ മുറിയിൽ നടന്ന കൂട്ടആത്മഹത്യ ആഭിചാരവുമായി ബന്ധപ്പെട്ടതാണെന്നു പോലീസ്. ശ്രീമഹാകാല വ്യാസർ, സുഹൃത്ത് രുക്മിനി പ്രിയ, മക്കളായ മുകുന്ദ് ആകാശ്, ജലന്ദരി എന്നിവരാണു ദൈവത്തിങ്കലേക്ക് പോകുന്നുവെന്ന് ആത്മഹത്യാക്കുറിപ്പ് എഴുതിവച്ചശേഷം ജീവനൊടുക്കിയത്. ഇവരുടെ മൊബൈൽ ഫോൺ പരിശോധിച്ചപ്പോഴാണ് ആഭിചാര ആത്മഹത്യയാണെന്ന വിവരം ലഭിച്ചതെന്നു പോലീസ് പറഞ്ഞു. വിവാഹാമോചിതയയ രുക്മിനിയുമായി ഒരു തീർഥയാത്രയ്ക്കിടെ പരിചയപ്പെട്ട വ്യാസർ, അമ്മൻ ദേവിയുടെ ദൂതനാണ് താനെന്ന് അവരെ പറഞ്ഞു വിശ്വസിപ്പിച്ചു. ധ്യാനത്തിനിടെ ദേവിയുമായി നേരിട്ട് സംസാരിക്കും എന്ന വ്യാസരുടെ അവകാശവാദം വിശ്വസിച്ച രുക്മിനി ഇയാൾക്കൊപ്പം യാത്രകളും പതിവാക്കി. പിന്നാലെ മോക്ഷം പ്രാപിക്കാനുള്ള മാർഗം എന്ന നിലയിലാണ് തിരുവണ്ണാമലയിൽ വച്ചുള്ള മരണം നിർദേശിച്ചത്. 17കാരിയായ ജലന്ദരിയും 12കാരനായ മുകുന്ദും ആത്മഹത്യക്ക് ഒരുക്കാമായിരുന്നില്ല. എന്നാൽ താൻ മരിച്ചാൽ കുട്ടികളുടെ യഥാർഥ അച്ഛന്റെ ശല്യം ഉണ്ടാകുമെന്ന് രുക്മിനി ഭീഷണിപ്പെടുത്തിയപ്പോൾ ഇരുവരും വഴങ്ങിയതായും പോലീസ് പറയുന്നു.…
Read More‘യോഗിയുടെ വസതിക്കു താഴെ ശിവലിംഗമുണ്ട്, അവിടെയും ഖനനം നടത്തണം, മാധ്യമങ്ങൾ ആദ്യം പോകണം അതിനുശേഷം ഞങ്ങളും വരും’; അഖിലേഷ് യാദവ്
ന്യൂഡൽഹി: ഉത്തർപ്രദേശിലെ സംഭാലിൽ നടക്കുന്ന ഖനന പ്രവർത്തനങ്ങളിൽ യോഗി ആദിത്യനാഥ് സർക്കാരിനെ വിമർശിച്ചും പരിഹസിച്ചും സമാജ് വാദി പാർട്ടി നേതാവ് അഖിലേഷ് യാദവ്. ഉത്തർപ്രദേശ് മുഖ്യമന്ത്രിയുടെ വസതിക്ക് താഴെയും ഒരു ശിവലിംഗം ഉണ്ടെന്നു വിശ്വസിക്കുന്നതായും അവിടെയും ഖനനം നടത്തണമെന്നും അദ്ദേഹം പറഞ്ഞു. ‘ശിവലിംഗം അവിടെ ഉണ്ടെന്നു ഞങ്ങൾക്ക് വിശ്വാസമുണ്ട്. എല്ലാവരും ഖനനത്തിന് തയാറാകണം. മാധ്യമങ്ങൾ ആദ്യം പോകണം. അതിനുശേഷം ഞങ്ങളും വരും’ അഖിലേഷ് യാദവ് പറഞ്ഞു. സംഭാൽ ജില്ലയിൽ നടക്കുന്ന ഉത്ഖനന പ്രവർത്തനങ്ങൾ ഒമ്പതു ദിവസം പിന്നിട്ട സാഹചര്യത്തിൽ പത്രസമ്മേളനത്തിലായിരുന്നു അഖിലേഷിന്റെ പരാമർശം. സംഭാലിൽ നടത്തിയ സർവേയിൽ ക്ഷേത്രവും കിണറും കണ്ടെത്തിയതിനു പിന്നാലെയാണു ഖനനം തുടങ്ങിയത്. അതേ പ്രദേശത്ത് പുരാതനമായ ഒരു ബങ്കെ ബിഹാരി ക്ഷേത്രത്തിന്റെ അവശിഷ്ടങ്ങൾ നേരത്തെ കണ്ടെത്തിയിരുന്നു.
Read Moreസംസ്ഥാന സ്കൂൾ കലോത്സവം; കുട്ടികളെ ഇറക്കി പ്രതിഷേധിച്ചാൽ കേസെടുക്കുമെന്ന് വിദ്യാഭ്യാസമന്ത്രി വി.ശിവൻകുട്ടി
തിരുവനന്തപുരം: സംസ്ഥാന സ്കൂൾ കലോത്സവങ്ങളുമായി ബന്ധപ്പെട്ടുണ്ടാകുന്ന പ്രതിഷേധങ്ങൾക്കെതിരെ കർശന നടപടികൾ സ്വീകരിക്കുമെന്ന് വിദ്യാഭ്യാസമന്ത്രി വി.ശിവൻകുട്ടി. കുട്ടികളെ ഇറക്കിയുള്ള പ്രതിഷേധങ്ങൾക്ക് കര്ശന വിലക്ക് ഏര്പ്പെടുത്തി. വിധിയിൽ ആക്ഷേപമുള്ളവര്ക്ക് കോടതിയെ സമീപിക്കാമെന്നാണ് നിലപാട്. കുട്ടികളെ വേദിയിലോ റോഡിലോ ഇറക്കി പ്രതിഷേധിച്ചാൽ അധ്യാപകര്ക്കും നൃത്താധ്യാപകര്ക്കും എതിരെ കേസ് എടുക്കുമെന്നും മന്ത്രി വി.ശിവൻകുട്ടി പറഞ്ഞു. നേരത്തെ സംസ്ഥാന സ്കൂൾ കായിക മേളയുടെ സമാപന സമ്മേളനം പ്രതിഷേധത്തെ തുടര്ന്ന് അലങ്കോലമായത് വിവാദമായിരുന്നു. ജനുവരി നാല് മുതൽ എട്ടുവരെ തിരുവനന്തപുരത്താണ് സംസ്ഥാന സ്കൂൾ കലോത്സവം.
Read Moreപാർലമെന്റിനു മുന്നിൽ തീ കൊളുത്തിയ യുവാവ് മരിച്ചു
ന്യൂഡൽഹി: പുതിയ പാർലമെന്റ്മന്ദിരത്തിനു മുന്നിൽ തീകൊളുത്തി ആത്മഹത്യയ്ക്ക് ശ്രമിച്ച യുവാവ് ചികിത്സയിലിരിക്കെ മരിച്ചു. ഉത്തർപ്രദേശ് ബാഗ്പത് സ്വദേശി ജിതേന്ദ്രയാണ് (26) മരിച്ചത്. ബുധനാഴ്ചയാണ് ജിതേന്ദ്ര പെട്രോൾ ഒഴിച്ച് തീ കൊളുത്തിയത്. ഡൽഹിയിലെ ആർഎംഎൽ ആശുപത്രിയിൽ തീവ്ര പരിചരണ വിഭാഗത്തിൽ ചികിത്സയിലായിരുന്നു. നാട്ടിൽനിന്നു ബുധനാഴ്ച രാവിലെ പെട്രോളുമായി ഡൽഹിയിലെത്തിയ ജിതേന്ദ്ര പാർലമെന്റ് മന്ദിരത്തിലേക്ക് വന്നുവെന്നാണ് വിവരം. വൈകിട്ട് മൂന്നരയ്ക്കാണ് പാർലമെന്റ് മന്ദിരത്തിനു മുന്നിലെ റോഡിൽ ആത്മഹത്യയ്ക്ക് ശ്രമിച്ചത്. ദേഹത്ത് പെട്രോൾ ഒഴിച്ച് തീകൊളുത്തി പാർലമെന്റിന് മുന്നിലേക്ക് ഓടിവരികയായിരുന്നു. പാർലമെന്റിന് സമീപമുണ്ടായിരുന്ന പോലീസ് ഉദ്യോഗസ്ഥരും നാട്ടുകാരും ചേർന്ന് തീ അണച്ചശേഷം ആശുപത്രിയിലെത്തിച്ചു. ഉത്തർപ്രദേശ് പോലീസ് തനിക്കെതിരേ രജിസ്റ്റർ കേസുകളിൽ കൃത്യമായി അന്വേഷണം നടത്തുന്നില്ലെന്നാണ് ഇയാൾ നൽകിയ മരണമൊഴി. 2021ൽ ബാഗ്പത്തിൽ റജിസ്റ്റർ ചെയ്ത മൂന്നു കേസുകളിൽ ജിതേന്ദ്ര പ്രതിയാണെന്നു ഡൽഹി പോലീസ് സ്ഥിരീകരിച്ചു.
Read Moreജവഹർലാൽ നെഹ്റുവിനെ പോലെ ഇന്ത്യയിലെ മികച്ച മതേതര മാതൃകയാണ് എ.കെ.ആന്റണി: ചെറിയാൻ ഫിലിപ്
തിരുവനന്തപുരം: ജവഹർലാൽ നെഹ്റുവിനെ പോലെ ഇന്ത്യയിലെ മികച്ച മതേതരമാതൃകയാണു എ.കെ.ആന്റണിയെന്ന് കോൺഗ്രസ് മാധ്യമസമിതി അധ്യക്ഷൻ ചെറിയാൻ ഫിലിപ്പ്. നൂറു ശതമാനം മതേതരവാദിയായ ആന്റണി ജാതി-മത ശക്തികളുടെ സമ്മർദതന്ത്രങ്ങൾക്കു മുമ്പിൽ ഒരിക്കലും കീഴടങ്ങിയിട്ടില്ലെന്നും ശതാഭിഷിക്തനാവുന്ന എ.കെ.ആന്റണിക്ക് മംഗളം നേർന്നുകൊണ്ട് ചെറിയാൻ ഫിലിപ്പ് ഫേസ്ബുക്കിൽ കുറിച്ചു. ജനിച്ച മതത്തിന്റെയോ മറ്റു സമുദായങ്ങളുടെയോ പിന്തുണയോ സഹായമോ കൂടാതെയാണ് ഇന്ത്യയിലും കേരളത്തിലും ആന്റണി രാഷ്ട്രീയ ഔന്നത്യം നേടിയത്. രാഷ്ട്രീയ കക്ഷികളും നേതാക്കളും വർഗീയപ്രീണനം മുഖ്യ നയമായി സ്വീകരിക്കുമ്പോൾ എന്നും വർഗീയ വിരുദ്ധ നിലപാട് സ്വീകരിച്ചിട്ടുള്ള ആന്റണിക്ക് പ്രസക്തിയേറുന്നു. പല സന്ദർഭങ്ങളിലും സമുദായശക്തികൾ ആന്റണിയെ നിശിതമായി വിമർശിച്ചിട്ടുണ്ടെങ്കിലും അദ്ദേഹം അതിനോടൊന്നും പ്രതികരിച്ചിരുന്നില്ലെന്നും ചെറിയാൻ ഫിലിപ്പ് പറഞ്ഞു.
Read Moreആയിരം പൂർണ ചന്ദ്രൻമാരെ കണ്ട ദേശീയരാഷ്ട്രീയത്തിലെ അതികായൻ : ആഘോഷങ്ങളില്ലാതെ എ. കെ ആന്റണിക്ക് ഇന്ന് ശതാഭിഷേകം
തിരുവനന്തപുരം: മുതിർന്ന കോണ്ഗ്രസ് നേതാവ് എ.കെ. ആന്റണിക്ക് ഇന്ന് ശതാഭിഷേകം. ആയിരം പൂർണ ചന്ദ്രൻമാരെ കണ്ട ദേശീയരാഷ്ട്രീയത്തിലെ അതികായൻ ജഗതിയിലെ വീട്ടിൽ വിശ്രമ ജീവിതം നയിക്കുകയാണ്. 84ാം ജന്മദിനമായ ഇന്ന് ആഘോഷങ്ങളൊന്നുമില്ല. പണ്ടും ജന്മദിനാഘോഷ പരിപാടികൾ ഒന്നും അദ്ദേഹം താൽപ്പര്യം കാണിച്ചിരുന്നില്ല. കെപിസിസി ആസ്ഥാനത്ത് സംഘടിപ്പിച്ചിരിക്കുന്ന മൻമോഹൻ സിംഗ് അനുസ്മരണ പരിപാടി അദ്ദേഹം ഇന്ന് രാവിലെ പതിനൊന്നരയ്ക്ക് ഉദ്ഘാടനം ചെയ്യും. രാവിലെ കെപിസിസി ആസ്ഥാനത്തെത്തുന്ന എ.കെ. ആന്റണി പാർട്ടി പ്രവർത്തകരോടൊപ്പം ചെലവഴിക്കും. ലളിതജീവിതവും ആദർശ രാഷ്ട്രീയവും മുഖമുദ്രയാക്കിയ കോണ്ഗ്രസ് നേതാവാണ് എ.കെ. ആന്റണി. അറയ്ക്കപറന്പിൽ കുര്യൻ ആന്റണി എന്ന എ.കെ. ആന്റണി 1940 ഡിസംബർ 28 നാണ് ജനിച്ചത്. കെഎസ്യുവിലൂടെ വിദ്യാർത്ഥി രാഷ്ട്രീയത്തിൽ പ്രവേശിച്ച അദ്ദേഹം കേരളത്തിലെ പ്രതിപക്ഷ നേതാവ്, മുഖ്യമന്ത്രി, ഇന്ത്യൻ പ്രതിരോധ വകുപ്പ് മന്ത്രി എന്നീ നിലകളിൽ പ്രവർത്തിച്ചു. മൻമോഹൻ സിംഗിന്റെ മന്ത്രിസഭയിലായിരുന്നു അദ്ദേഹം…
Read Moreഅണ്ണാ സർവകലാശാല ബലാത്സംഗക്കേസ്: എഫ്ഐആർ ചോർന്നതിൽ പോലീസിനെ പഴിച്ച് കോടതി
ചെന്നൈ: അണ്ണാ സർവകലാശാല ബലാത്സംഗക്കേസിൽ ഇന്നും വാദം തുടരും. ചെന്നൈ പോലീസിനെതിരേ രൂക്ഷവിമർശനങ്ങളാണു കഴിഞ്ഞ ദിവസം വേദം കേൾക്കവെ മദ്രാസ് ഹൈക്കോടതി ഉന്നയിച്ചത്. കേസിന്റെ എഫ്ഐആർ ചോർന്നത് പോലീസ് ഉദ്യോഗസ്ഥരിൽനിന്നാണെന്നു കോടതി വിമർശിച്ചു. പെൺകുട്ടി അനുഭവിക്കുന്ന മനോവിഷമത്തിനു സർക്കാർ മാത്രമാണ് ഉത്തരവാദി. പോലീസിന് കാന്പസിൽ വിലക്കേർപ്പെടുത്തിയെന്നും അതേസമയം പ്രതിക്കു പൂർണസ്വാതന്ത്യം നൽകിയെന്നും രൂക്ഷഭാഷയിൽ കോടതി പ്രതികരിച്ചു. കാമ്പസിൽ ദുരനുഭവം നേരിട്ട പെൺകുട്ടികളുണ്ടെങ്കിൽ മുന്നോട്ടുവരണമെന്ന് കോടതി പറഞ്ഞു. പത്തുവർഷമായി പ്രതി കാമ്പസിൽ കയറിയിറങ്ങുന്നുവെന്നും എന്തൊക്കെ സംഭവിച്ചിട്ടുണ്ടെന്ന് ആർക്കറിയാമെന്നും കോടതി ചോദിച്ചു. പെൺകുട്ടിയെക്കുറിച്ച് മോശമായി സംസാരിക്കാൻ ആർക്കും അവകാശമില്ല. പുരുഷസുഹൃത്തിനൊപ്പം സമയം ചെലവിടുന്നത് അവളുടെ അവകാശമാണ്. ആൺകുട്ടികൾ പെൺകുട്ടികൾക്കൊപ്പം പോകരുതെന്ന് സർവകലാശാലയ്ക്കു പറയാനാകില്ല. വാദം കേൾക്കലിനിടെ സ്ത്രീ സ്വാതന്ത്ര്യത്തെക്കുറിച്ച് അസംബന്ധ പരാമർശങ്ങൾ അനുവദിക്കില്ലെന്നും കോടതി പറഞ്ഞു. ചെന്നൈ അണ്ണാ സർവകലാശാലാ കാന്പസിലാണ് വിദ്യാർഥിനി പീഡിപ്പിക്കപ്പെട്ടത്. നാലാം വര്ഷ വിദ്യാര്ഥിക്കൊപ്പം പള്ളിയില്…
Read Moreചോദ്യപേപ്പര് ചോര്ച്ച: അധ്യാപകരെ കസ്റ്റഡിയിലെടുക്കാന് ക്രൈംബ്രാഞ്ച്
കോഴിക്കോട്: പത്താംക്ലാസ് ക്രിസ്മസ് പരീക്ഷയുടെ ചോദ്യപേപ്പര് ചോര്ന്ന സംഭവത്തില് കൊടുവള്ളി എംഎസ് സൊല്യൂഷനിലെ രണ്ട് അധ്യാപകര്ക്കു വീണ്ടും ക്രൈംബ്രാഞ്ച് നോട്ടീസ്. ഈ മാസം 30നും 31നും ഹാജരാകാനാണ് അധ്യാപകരോട് ക്രൈംബ്രാഞ്ച് ആവശ്യപ്പെട്ടിട്ടുള്ളത്. കഴിഞ്ഞ ദിവസം നോട്ടീസ് നല്കിയിട്ടും രണ്ടുപേരും ഹാജരായിരുന്നില്ല. ഇത്തവണ ഹാജരായില്ലെങ്കില് ഇവരെ കസ്റ്റഡിയില് എടുക്കുമെന്ന് അന്വേഷണസംഘം സൂചിപ്പിച്ചു. അധ്യാപകരായ ജിഷ്ണുവിനോട് 30നും ഫഹദിനോട് 31നും ഹാജരാകാനാണു നോട്ടീസ്. അവര്ക്ക് ചോദ്യപേപ്പര് ചോര്ച്ചയില് പങ്കുണ്ടെന്നാണ് ക്രൈംബ്രാഞ്ചിന്റെ നിഗമനം. ഇവര് ഹാജരാകുന്നതില്നിന്ന് ഒഴിഞ്ഞുമാറുന്നത് സംശയമുയര്ത്തിയിട്ടുണ്ട്. അറസ്റ്റിലേക്കു നീങ്ങാന് സാധ്യതയുണ്ടെന്ന് ഇവര്ക്ക് നിയമോപദേശം ലഭിച്ചതിനാല് മുങ്ങിയെന്നാണു സൂചന. ഈ സ്ഥാപനത്തിന്റെ സിഇഒ ഷുഹൈബും ഒളിവിലാണ്. ഇയാള് കേരളം വിട്ടിട്ടില്ലെന്ന് അന്വേഷണ സംഘത്തിനു വിവരം ലഭിച്ചിട്ടുണ്ട്. ബന്ധുവീടുകളിലോ സുഹൃത്തുക്കളുടെ വീടുകളിലോ ഒളിവില് കഴിയുന്നതായി പോലീസിനു സംശയമുണ്ട്. ഷുബൈിന്റെ വീട്ടില് കഴിഞ്ഞ ദിവസം പോലീസ് റെയ്ഡ് നടത്തിയിരുന്നു. ഇയാളുെട ബന്ധുവീടുകളില് അടുത്ത…
Read More“താങ്കൾ ചരിത്രത്തോടാണ് ദയ കാണിച്ചത് ‘; മൻമോഹൻ സിംഗിനെ അനുസ്മരിച്ച് ശശി തരൂർ
ന്യൂഡൽഹി: ലോകം മുഴുവൻ സാമ്പത്തിക മാന്ദ്യത്തിൽപ്പെട്ട് ഉഴലുമ്പോൾ, മൻമോഹൻ സിംഗ് ഇന്ത്യയെ സാമ്പത്തിക വളർച്ചയുടെ പടവുകൾ ഒന്നൊന്നായി കൈപിടിച്ചു കയറ്റുകയായിരുന്നുവെന്ന് ശശി തരൂർ എംപി അനുസ്മരിച്ചു.ശശി തരൂരിന്റെ ഫേസ്ബുക്ക് പോസ്റ്റിൽനിന്ന്: ഡോ. മൻമോഹൻ സിംഗ്, ചരിത്രം താങ്കളോടല്ല ദയകാണിച്ചിരിക്കുന്നത്, താങ്കൾ ചരിത്രത്തോടാണ്. വ്യാജചരിത്ര നിർമിതികൾ പരത്തുന്ന ഇരുട്ടിൽ സത്യത്തിന്റെ കെടാവിളക്കുകൾ തെളിയിച്ച്, അംബരചുംബിയായൊരു ദീപസ്തംഭമായി, അങ്ങ് ചരിത്രത്തിനു വഴി കാട്ടുന്നു. താങ്കൾ ചരിത്രത്തിനു മുമ്പേ നടന്നയാളാണ്…ഡോ. സിംഗ്, താങ്കൾ ഞങ്ങളെ സാമ്പത്തിക വിപ്ലവത്തിന്റെ വഴിയിലൂടെ നയിച്ചു. അങ്ങയുടെ ഭരണത്തിൽ ഇന്ത്യ സാമ്പത്തിക രംഗത്ത് ലോകശക്തിയായി കൊണ്ടിരിക്കുമ്പോഴും പാവപ്പെട്ടവരിലേക്കും സാമ്പത്തിക വളർച്ചയുടെ സദ്ഫലങ്ങൾ എത്തിക്കുവാൻ താങ്കൾക്ക് കഴിഞ്ഞു. മഹാത്മാഗാന്ധി ഗ്രാമീണ തൊഴിലുറപ്പു പദ്ധതിയും, ഭക്ഷ്യ ഭദ്രതാ നിയമവും, വിദ്യാഭ്യാസ അവകാശ നിയമവും, വിവരാവകാശ നിയമങ്ങളും മറ്റൊരു കാലഘട്ടത്തിലുമില്ലാത്തവണ്ണം ക്ഷേമ പദ്ധതികളിലൂടെ ഞങ്ങളെ ശാക്തീകരിച്ചു. ലോകം മുഴുവൻ സാമ്പത്തിക മാന്ദ്യത്തിൽപ്പെട്ട്…
Read More