തിരുവനന്തപുരം: യൂണിഫോം നല്കാമെന്ന് വിശ്വസിപ്പിച്ച് പോലീസ് ട്രെയിനികളില് നിന്നും ഏഴ് ലക്ഷത്തില്പരം രൂപ തട്ടിയെടുത്ത പോലീസ് ട്രെയിനിയെ പേരൂര്ക്കട പോലീസ് അറസ്റ്റ് ചെയ്തു. എസ്എപി ട്രെയിനിയായ ശംഭു കൃഷ്ണനെയാണ് പോലീസ് അറസ്റ്റ് ചെയ്തത്.
ട്രെയിനികളായ സഹപ്രവര്ത്തകര്ക്ക് കുറഞ്ഞ നിരക്കില് പോലീസ് യൂണിഫോം നല്കാമെന്ന് വിശ്വസിപ്പിച്ചാണ് ഇയാള് 25 ല്പരം സഹപ്രവര്ത്തകരില് നിന്നു പണം തട്ടിയെടുത്തതെന്ന് പോലീസ് പറഞ്ഞു. യൂണിഫോം കിട്ടാതെ വന്നതോടെ ട്രെയിനികള് ഇയാളോട് പണം ആവശ്യപ്പെട്ടിരുന്നു.
എന്നാല് ഓണ്ലൈന് റമ്മി കളിച്ച് പണം നഷ്ടപ്പെട്ടെന്നായിരുന്നു ഇയാള് വ്യക്തമാക്കിയിരുന്നത്. പണം ലഭിക്കാതെ വന്നതോടെ ട്രെയിനികള് പോലീസില് പരാതി നല്കിയിരുന്നു. ഇതേ തുടര്ന്ന് ശംഭുവിനെതിരെ പോലീസ് കേസെടുത്തിരുന്നു. ഇന്നലെ രാത്രിയിലാണ് ഇയാളെ പോലീസ് അറസ്റ്റ് ചെയ്തത്.
