കൊച്ചി: താരസംഘടനയായ അമ്മയുടെ പ്രസിഡന്റ് സ്ഥാനത്തേക്ക് സ്ത്രീ വരണമെന്ന് നടി രഞ്ജിനി. പ്രസിഡന്റ് പുരുഷന് തന്നെയാകണം എന്ന് എന്തിനാണ് നിര്ബന്ധം? എന്താണ് സംഭവിച്ചത് എന്ന് തനിക്ക് അറിയില്ല. അന്വേഷണത്തിലൂടെ എല്ലാം പുറത്തു വരണം. കുറ്റം ചെയ്തവരെ ശിക്ഷിക്കണമെന്നും അവര് പറഞ്ഞു. ഇനി കോണ്ക്ലേവ് അല്ല നടത്തേണ്ടത്. ഹേമ കമ്മിറ്റിയുടെ ശുപാര്ശകള് ഉടന് നടപ്പാക്കുകയാണ് വേണ്ടത്. ഇനി ചര്ച്ചയുടെ ആവശ്യമില്ല. ട്രിബൂണല് സംവിധാനം കൊണ്ടുവരണം. കരാര് ഉണ്ടാകണം. ഇപ്പോള് പുറത്തുവരുന്നത് സിനിമാ വ്യവസായത്തെ തന്നെ ബാധിക്കുന്ന സംഗതികളാണ്. ബാധിച്ചു തുടങ്ങിയിട്ടുണ്ടെന്നും ഹേമ കമ്മിറ്റി രൂപീകരിച്ചത് നല്ല കാര്യമാണെന്നും രഞ്ജിനി പറഞ്ഞു.ഹേമ കമ്മിറ്റി റിപ്പോര്ട്ട് പുറത്തുവിടുന്നതിനെതിരേ നടി രഞ്ജിനി ഹൈക്കോടതിയെ സമീപിച്ചിരുന്നു. എന്നാല് രഞ്ജിനിയുടെ ഹര്ജി കോടതി പരിഗണിച്ചില്ല. തുടര്ന്ന് അന്നുതന്നെ ഹേമ കമ്മിറ്റി റിപ്പോര്ട്ട് പുറത്തുവിടുകയായിരുന്നു.
Read MoreCategory: Loud Speaker
താന് ഇ-മെയില് അയച്ചെന്ന മുകേഷിന്റെ ആരോപണം ‘കുക്ക്ഡ് അപ്പ്’ സ്റ്റോറിയെന്നു പരാതിക്കാരി
കൊച്ചി: താന് ഇ -മെയില് അയച്ചെന്ന മുകേഷിന്റെ ആരോപണം “കുക്ക്ഡ് അപ്പ്’ (മനപ്പൂർവം ഉണ്ടാക്കിയെടുത്തത്) സ്റ്റോറിയെന്ന് എറണാകുളം സ്വദേശിനിയായ പരാതിക്കാരി. മുന്കൂര് ജാമ്യം തേടി നടനും എംഎല്എയുമായ മുകേഷ് കോടതിയില് സമര്പ്പിച്ച തെളിവുകള് ഇവര് നിഷേധിക്കുകയാണ്. മുകേഷിന് താന് അയച്ചതായി പറയുന്ന ഇമെയിലിനെ കുറിച്ച് ഓര്മയില്ലെന്നും ഇമെയില് മുകേഷിന്റെ ‘കുക്ക്ഡ് അപ്പ്’ സ്റ്റോറി ആണെന്നുമാണ് പരാതിക്കാരി പറയുന്നത്. എന്നാല്, മുകേഷും ആദ്യ ഭാര്യയും തമ്മിലുള്ള പ്രശ്നം പരിഹരിക്കാന് ഇടപെടാം എന്ന് താന് പറഞ്ഞകാര്യം സത്യമാണ്. മുകേഷിന്റെ മരടിലെ വീട്ടില് വച്ചായിരുന്നു കേസിനാസ്പദമായ സംഭവമെന്നും ഇതുമായി ബന്ധപ്പെട്ട തെളിവുകള് അന്വേഷണ സംഘത്തിന് കൈമാറിയിട്ടുണ്ടെന്നും പരാതിക്കാരി അവകാശപ്പെട്ടു. 2009 ല് തന്നെ ലാപ്ടോപ്പ് പഠിപ്പിക്കാമോ എന്ന് മുകേഷ് ചോദിച്ചിരുന്നുവെന്നും ലാപ്ടോപ്പ് ഉപയോഗിക്കാന് അറിയാത്ത ആള്ക്ക് എങ്ങനെ ഇ-മെയില് അയയ്ക്കുമെന്നും നടി ചോദിക്കുന്നു. താന് ഇ-മെയില് അയച്ചെന്ന മുകേഷിന്റെ ആരോപണം കെട്ടിച്ചമച്ചതാണ്.…
Read Moreരഞ്ജിത്തിനെതിരേ പരാതി: മൊഴി മാറ്റാൻ സമ്മർദമെന്ന് പരാതിക്കാരൻ
കോഴിക്കോട്: സംവിധായകൻ രഞ്ജിത്തിനെതിരേ വെളിപ്പെടുത്തൽ നടത്തിയ ശേഷം പരാതി പിൻവലിക്കാൻ തനിക്കുമേൽ കടുത്ത സമ്മർദ്ദമെന്ന് കോഴിക്കോട് മാങ്കാവ് സ്വദേശി സജീർ. പേര് വെളിപ്പെടുത്താതെയാണ് പലരും തന്നെ വിളിക്കുന്നതും സമ്മർദ്ദത്തിലാക്കുന്നതുമെന്ന് സജീർ പറഞ്ഞു. ഇന്ന് പ്രത്യേക അന്വേഷണ സംഘത്തിന് ഇക്കാര്യങ്ങളെല്ലാം വ്യക്തമാക്കി മൊഴി നൽകുമെന്നും സജീർ വ്യക്തമാക്കി. രഞ്ജിത്ത് ബംഗുളൂരുവിലെ ഹോട്ടലിൽ വച്ച് തന്നെ ലൈംഗിക അതിക്രമത്തിന് ഇരയാക്കിയെന്നും നഗ്ന ചിത്രങ്ങൾ പകർത്തിയെന്നുമായിരുന്നു സജീറിന്റെ ആരോപണം. തന്റെ ചിത്രങ്ങൾ രഞ്ജിത്ത് ഒരു പ്രമുഖ നടിക്ക് അയച്ചു കൊടുത്തതായും സജീർ പറഞ്ഞു.
Read Moreഡബ്ല്യുസിസി പോലൊരു സംഘടനയുടെ ആവശ്യം സിനിമയിൽ ഉണ്ടെന്ന് തോന്നിയിട്ടില്ല: മറ്റേത് സ്ഥലത്തേക്കാളും സുരക്ഷിതമായി ജോലി ചെയ്യാൻ കഴിയുന്നത് സിനിമ മേഖലയിലാണ്; സ്വാസിക
കൊച്ചി: വിവാദ കലുഷിതമായ അവസ്ഥയിലൂടെയാണ് ഇന്ന് മലയാള സിനിമാ ലോകം കടന്നുപോകുന്നത്. പല പ്രമുഖ നടൻമാർക്കെതിരെയും ലൈംഗിക ആരോപണങ്ങൾ ഉന്നയിച്ച് ജൂണിയർആർട്ടിസ്റ്റുകൾ ഉൾപ്പെടെയുള്ളവർ രംഗത്തെത്തി. ഇതിനുമുൻപ് നടി സ്വാസിക മലയാള സിനിമയിലെ കാസ്റ്റിംഗ് കൗച്ചിനെ കുറിച്ചും ഡബ്ല്യൂസിസി എന്ന സംഘടനയെ കുറിച്ചും പറഞ്ഞ ചില വാക്കുകളാണ് വീണ്ടും ശ്രദ്ധ നേടുന്നത്. ഡബ്ല്യുസിസി പോലൊരു സംഘടനയുടെ ആവശ്യം സിനിമയിൽ ഉണ്ടെന്ന് തോന്നിയിട്ടില്ലന്ന് സ്വാസിക അഭിപ്രായപ്പെട്ടിരുന്നു. ധൈര്യം നമ്മുടെ ഉള്ളിൽ നിന്ന് വരേണ്ടതാണ്. ഡബ്ല്യുസിസി പോലൊരു സ്ഥലത്ത് എന്തിനാണ് പരാതികൾ പോയി പറയുന്നത്. ഡബ്ല്യുസിസിയിൽ ആണെങ്കിലും മറ്റേതൊരു സംഘടനയിലാണെങ്കിലും നമ്മൾ ഒരു പരാധിയുമായി ചെന്നാൽ ഉടനെ തന്നെ നീതി കിട്ടുന്നോണ്ടോ എന്നും താരം ചോദിച്ചു. എന്തെങ്കിലും പ്രശ്നം ഉണ്ടെങ്കിൽ തന്നെ പരാതി പറയാൻ നമുക്ക് വേറെ എത്രയോ സ്ഥലങ്ങളുണ്ട്, പോലീസ് സ്റ്റേഷനിലോ വനിതാ കമ്മീഷനിലോ പോയി പരാതി പറഞ്ഞുകൂടെയെന്നും സ്വാസിക…
Read More‘പൃഥ്വിരാജാണോ അമ്മയുടെ പ്രസിഡന്റ് ആകേണ്ടത്? ഞാൻ വല്ലതും പറഞ്ഞാൽ അത് പച്ചയ്ക്ക് പറയേണ്ടി വരും’: ധര്മജൻ
ഹേമകമ്മിറ്റി റിപ്പോർട്ട് പുറത്ത് വന്നതോടെ താര സഘടന അമ്മ ഇപ്പോൾ ഏറ്റവും വലിയ പ്രതിസന്ധി ഘട്ടത്തിലൂടെയാണ് കടന്ന് പോകുന്നത്. സംഘടനയുടെ സെക്രട്ടറി സ്ഥാനത്ത് നിന്നു സിദ്ദിഖ് രാജിവച്ചതിനു പിന്നാലെ പ്രസിഡന്റ് മോഹന്ലാലും മറ്റ് 17 എക്സ്ക്യൂട്ടീവ് അംഗങ്ങളും രാജിവച്ചു. അതെത്തുടര്ന്ന് ഭരണസമിതി പിരിച്ചുവിട്ടു. ഈ സാഹചര്യത്തിൽ അമ്മയുടെ പ്രസിഡന്റ് സ്ഥാനത്തേക്ക് പൃഥ്വിരാജ് ആയാൽ നന്നായിരിക്കുമെന്നാണ് ശ്വേതാ മേനോൻ ഉൾപ്പടെ പല താരങ്ങളും അഭിപ്രായപ്പെടുന്നത്. എന്നാൽ പൃഥിരാജിന്റെ പേര് താരങ്ങൾ ഉന്നയിച്ചതിനെതിരേ നടനും കോൺഗ്രസ് പ്രവർത്തകനുമായ ധർമ്മജൻ ബോൾഗാട്ടി രംഗത്ത്. പൃഥ്വിരാജിനെ കുറിച്ച് വല്ലതും പറഞ്ഞാല് പച്ചയ്ക്ക് പറയേണ്ടി വരും. അമ്മ വിളിക്കുന്ന മീറ്റിംഗില് പങ്കെടുക്കുക എന്നതാണ് ഒരു അംഗമെന്ന നിലയില് ആദ്യം ചെയ്യേണ്ടതെന്നും ധർമ്മജൻ ആരോപിച്ചു. ‘വർഷത്തിലൊരിക്കലാണ് അമ്മ മീറ്റിംഗ് വെക്കുന്നത്. ആ മീറ്റിംഗില് വരിക എന്നതാണ് ഒരു അംഗത്തിന്റെ ദൗത്യം. ലാലേട്ടൻ മാറിയാല് കുഞ്ചാക്കോ ബോബൻ…
Read Moreസംസ്ഥാനത്ത് ഇന്ന് അതിശക്തമായ മഴയ്ക്ക് സാധ്യത: നാല് ജില്ലകളിൽ ഓറഞ്ച് അലർട്ട്
തിരുവനന്തപുരം: സംസ്ഥാനത്ത് ഇന്നും അതിശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. സംസ്ഥാനത്തെ 11 ജില്ലകളിലാണ് ഇന്ന് മഴ മുന്നറിയിപ്പ് പ്രഖ്യാപിച്ചിട്ടുള്ളത്. കനത്ത മഴയ്ക്ക് സാധ്യതയുള്ളതിനാല് കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ ഇന്ന് ഓറഞ്ച് അലര്ട്ട് ആണ് പ്രഖ്യാപിച്ചിരിക്കുന്നത്. പത്തനംതിട്ട, കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം, ജില്ലകളിൽ യെല്ലോ അലര്ട്ട് മുന്നറിയിപ്പും പ്രഖ്യാപിച്ചിട്ടുണ്ട്. കേരളാ തീരത്ത് മത്സ്യബന്ധനത്തിന് വിലക്ക് തുടരുകയാണ്. രാവിലെ കേരളത്തിലെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, പാലക്കാട്, മലപ്പുറം, കോഴിക്കോട് ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ ഇടത്തരം മഴയ്ക്കും മണിക്കൂറിൽ 40 കിലോമീറ്ററിൽ താഴെവരെ വേഗതയിൽ വീശിയേക്കാവുന്ന ശക്തമായ കാറ്റിനും സാധ്യതയുണ്ട്. മറ്റു ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്കും സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
Read Moreമുകേഷ് എംഎല്എ സ്ഥാനം രാജിവെക്കേണ്ടതില്ല, ആരോപണ വിധേയര് മാറി നില്ക്കണം എന്ന് നിയമത്തില് പറയുന്നില്ല; പി.കെ. ശ്രീമതി
കൊച്ചി: ലൈംഗികാതിക്രമ ആരോപണം നേരിടുന്ന നടന് മുകേഷ് എംഎല്എ സ്ഥാനം രാജിവെക്കേണ്ടതില്ലെന്ന് പി. കെ. ശ്രീമതി. മുകേഷ് രാജിവെക്കേണ്ടതില്ല. ആരോപണ വിധേയര് മാറി നില്ക്കണം എന്ന് നിയമത്തില് പറയുന്നില്ല. ഔചിത്യത്തോടെ കാര്യങ്ങളെ കാണണം. രാഷ്ട്രീയം നോക്കി സര്ക്കാരിനെതിരെ രംഗത്തിറങ്ങുന്ന സ്ത്രീകള് ഉള്പ്പെടെ എന്തുകൊണ്ടാണ് മറ്റ് സംഭവങ്ങള് ഇതുപോലെ കാണുന്നില്ലെന്നും ശ്രീമതി പ്രതികരിച്ചു. ആരോപണ വിധേയരായവരെ നിയമത്തിന്റെ മുന്നില് കൊണ്ടുവരുമെന്നത് സര്ക്കാരിന്റെ ഉറപ്പാണ്. കുറ്റം തെളിഞ്ഞാല് സര്ക്കാര് നടപടി സ്വീകരിക്കും. മുഖ്യമന്ത്രിയുടെ വാക്കുകള് പൂര്ണ്ണമായും വിശ്വസിക്കുന്നു. പ്രത്യേക അന്വേഷണ സംഘത്തിലും വിശ്വാസമുണ്ട്. ടീമിനെ അഭിനന്ദിക്കുന്നു. മുഖം നോക്കാതെ കാര്യങ്ങള് ചെയ്യുന്നു. ആരോപണം ഗുരുതരമായി കാണണം. ഏത് സ്ഥാനത്തുള്ളവരായാലും മുഖം നോക്കാതെ നടപടിയെടുക്കുമെന്നും മുന് മന്ത്രി പറഞ്ഞു.
Read Moreനടൻ വിജയ്യുടെ ആദ്യ പാർട്ടി റാലി അടുത്തമാസം 23ന്; 1.5 ലക്ഷം പേർ പങ്കെടുക്കും, 85 ഏക്കർ പ്ലോട്ട് വാടകയ്ക്കെടുത്തു
ചെന്നൈ: തമിഴ് സൂപ്പർ സ്റ്റാർ വിജയ് നയിക്കുന്ന തമിഴഗ വെട്രി കഴകത്തിന്റെ (ടിവികെ) ആദ്യ മെഗാ സംസ്ഥാനതല സമ്മേളനം സെപ്റ്റംബർ 23ന് തമിഴ്നാട്ടിലെ വിക്രവണ്ടിയിൽ നടത്താൻ ഒരുങ്ങുന്നു. പരിപാടിയുടെ സുരക്ഷാ ക്രമീകരണങ്ങൾ ആവശ്യപ്പെട്ട് ടിവികെ ജനറൽ സെക്രട്ടറി എൻ ആനന്ദ് വില്ലുപുരം ജില്ലാ പോലീസിന് ഔദ്യോഗിക അപേക്ഷ നൽകി. പരിപാടിക്ക് ആതിഥേയത്വം വഹിക്കാൻ പാർട്ടി 85 ഏക്കർ പ്ലോട്ട് വാടകയ്ക്കെടുത്തിട്ടുണ്ടെന്നും ഏകദേശം 1.5 ലക്ഷം ആളുകൾ പങ്കെടുക്കുമെന്ന് പ്രതീക്ഷിക്കുന്നതായും ആനന്ദ് പറഞ്ഞു. വൻ ജനപങ്കാളിത്തം കണക്കിലെടുത്ത് വിപുലമായ ഒരുക്കങ്ങളാണ് നടത്തുന്നത്. പാർക്കിംഗ് സൗകര്യങ്ങൾ, ഭക്ഷണം, വെള്ളം, ടോയ്ലറ്റ് സൗകര്യങ്ങൾ, ആംബുലൻസുകളുടെ ലഭ്യത ഉൾപ്പെടെയുള്ള മെഡിക്കൽ സേവനങ്ങൾ എന്നിവ ക്രമീകരണങ്ങളിൽ ഉൾപ്പെടുന്നു. പാർട്ടിയുടെ പതാക കഴിഞ്ഞ ദിവസം വിജയ് അനാച്ഛാദനം ചെയ്തിരുന്നു.
Read Moreപെരുമഴയിൽ മുങ്ങി ഗുജറാത്ത്: വെള്ളത്തിൽ മുങ്ങി വഡോദര; രക്ഷാപ്രവർത്തനത്തിനായി സൈന്യത്തെ വിളിച്ചു
വഡോദര: ഗുജറാത്തിൽ കഴിഞ്ഞ ദിവസങ്ങളിലായി പെയ്യുന്ന കനത്ത മഴയിൽ സംസ്ഥാനത്തെ പ്രധാന നഗരമായ വഡോദരയും സമീപ പ്രദേശങ്ങളും മുങ്ങിയതോടെ രക്ഷാപ്രവർത്തനത്തിനായി സൈന്യത്തെ വിളിച്ചു. ചില പ്രദേശങ്ങൾ 10 മുതൽ 12 അടി വരെ വെള്ളത്തിനടിയിലാണെന്ന് സംസ്ഥാന ആരോഗ്യമന്ത്രി റുഷികേശ് പട്ടേൽ പറഞ്ഞു. മൂന്നു ദിവസത്തിനുള്ളിൽ 15 പേർ മരിച്ചു, 6,440 പേരെ താഴ്ന്ന പ്രദേശങ്ങളിൽനിന്നു സുരക്ഷിത സ്ഥലങ്ങളിലേക്ക് മാറ്റി. രക്ഷാപ്രവർത്തനം തുടരുകയാണെന്നു ഗാന്ധിനഗർ ദുരിതാശ്വാസ കമ്മീഷണർ അലോക് പാണ്ഡെ പറഞ്ഞു. രണ്ട് ദിവസമായി കനത്ത മഴ പെയ്യുകയാണെന്നും പുറത്തിറങ്ങാൻ പോലും സാധിക്കുന്നില്ലെന്നും പ്രദേശവാസികൾ പറഞ്ഞു. പ്രളയജലം വിശ്വാമിത്രി നദിയിൽ തുറന്നുവിടുന്നതിനുപകരം നർമദ കനാലിലേക്ക് ഒഴുക്കിവിടാനാണ് സംസ്ഥാന സർക്കാർ ആലോചിക്കുന്നത്. ഏകദേശം 20 വർഷത്തിന് ശേഷമാണ് ഇത്തരമൊരു സാഹചര്യം ഉണ്ടായത്. 38,000 ഭക്ഷണ പാക്കറ്റുകൾ വിതരണം ചെയ്തിട്ടുണ്ടെന്നും ഒരു ലക്ഷം പാക്കറ്റുകൾ വിതരണം ചെയ്യാൻ തയാറാണെന്നും സർക്കാർ അറിയിച്ചു.
Read Moreഅവിടെയുമില്ല, ഇവിടെയുമില്ല; പിന്നെ എവിടെ മുകേഷ്..? തെരഞ്ഞ് മാധ്യമപ്പട; തിരുവനന്തപുരത്തെ വീടിന് സുരക്ഷ ഏർപ്പെടുത്തി പോലീസ്
തിരുവനന്തപുരം: നടിയുടെ പരാതിയിൽ നടനും എംഎൽഎയുമായ മുകേഷിനെതിരേ പോലീസ് കേസെടുത്തതിനെത്തുടർന്നു പ്രതികരണത്തിനായി ഓടിയെത്തിയ മാധ്യമങ്ങൾക്ക് മുകേഷിനെ കണ്ടെത്താനായില്ല. കേസെടുത്ത പശ്ചാത്തലത്തിൽ മുകേഷ് രാജി വയ്ക്കുമോ ഇല്ലയോ എന്ന കാര്യത്തിൽ പ്രതികരണത്തിനായാണ് മാധ്യമപ്പട രാവിലെ മുതൽ മുകേഷിന്റെ വീടിനു മുന്നിൽ തന്പടിച്ചത്. എന്നാൽ വീട്ടിൽ മുകേഷുണ്ടോ ഇല്ലയോ എന്ന കാര്യത്തിൽ ആർക്കും വ്യക്തത ഇല്ലായിരുന്നു. പോലീസിൽ അന്വേഷിച്ചപ്പോൾ പോലും അവർക്കും കൃത്യമായ മറുപടി ഉണ്ടായിരുന്നില്ല. രാവിലെ എട്ട് മുതൽ തന്നെ മാധ്യമങ്ങൾ വീടിനു മുന്നിൽ ഉണ്ടായിരുന്നു. ആരും വീടിനു പുറത്തേക്കു വന്നില്ല. അതേസമയം മുകേഷിന്റെ ബിഎംഡബ്ലിയു കാർ പോർച്ചിൽ ഉണ്ടായിരുന്നു. കൊല്ലം ആനന്ദവല്ലീശ്വരത്തുള്ള മുകേഷിന്റെ ഓഫീസും അടഞ്ഞുകിടക്കുകയായിരുന്നു. അതേസമയം തിരുവനന്തപുരത്തെ മുകേഷിന്റെ വീട്ടിലേക്ക് പ്രതിഷേധ മാർച്ചുകൾ ഉണ്ടാകാനുള്ള സാധ്യതകൾ കണക്കിലെടുത്ത് മെഡിക്കൽ കോളജ് പോലീസ് വീടിനു സുരക്ഷ ഏർപ്പെടുത്തി. ആരോപണം ഉയർന്നശേഷം മുകേഷ് ഇതുവരെ മാധ്യമങ്ങളോടു നേരിട്ടു പ്രതികരിച്ചിരുന്നില്ല.…
Read More