ന്യൂഡൽഹി: കോൽക്കത്തയിൽ വനിതാ ഡോക്ടർ കൊല്ലപ്പെട്ട സംഭവത്തിൽ നിയമം അതിന്റെ വഴിക്കാണു പോകുന്നതെന്ന് സുപ്രീംകോടതി. സംഭവം രാഷ്ട്രീയവത്കരിക്കരുതെന്നും കേസ് പരിഗണിക്കവേ സുപ്രീംകോടതി ബെഞ്ച് അഭിപ്രായപ്പെട്ടു. സുപ്രീംകോടതിയുടെ നിർദേശങ്ങൾ * ഡോക്ടർമാർ തിരികെ ജോലിയിൽ പ്രവേശിക്കണം * പ്രതിഷേധിച്ച ഡോക്ടർമാർക്കെതിരേ നടപടി പാടില്ല * ഡോക്ടർമാരുടെ സുരക്ഷ ഉറപ്പാക്കണം. ഇതിനായി സംസ്ഥാന ചീഫ് സെക്രട്ടറിമാരുടെയും പോലീസ് മേധാവികളുടെയും യോഗം ഒരാഴ്ചയ്ക്കകം ചേരാൻ കേന്ദ്ര ആരോഗ്യ സെക്രട്ടറിയോട് നിർദേശിച്ചു. രണ്ടാഴ്ചയ്ക്കകം ബന്ധപ്പെട്ട നടപടികൾ സർക്കാർ സ്വീകരിക്കണം. *പ്രതിഷേധങ്ങൾ നിയന്ത്രിക്കുന്നതിന് നിയമപരമായ അധികാരം വിനിയോഗിക്കാൻ അധികാരികൾക്ക് സ്വാതന്ത്രമുണ്ട്. എന്നാൽ സമാധാനപരമായ പ്രതിഷേധങ്ങൾ തടസപ്പെടുത്തരുത്. * ദേശീയ ദൗത്യ സേന നൽകുന്ന ശിപാർശകൾ സ്വീകരിക്കുന്പോൾ ഡോക്ടർമാരുടെ ആശങ്കകൾ പരിഗണിക്കും. * എൻടിഎഫ് സ്വീകരിക്കേണ്ട നിർദേശങ്ങൾക്കായി ആരോഗ്യമന്ത്രാലയത്തിന്റെ വെബ്സൈറ്റിൽ പോർട്ടൽ തുറക്കണം.
Read MoreCategory: Loud Speaker
ഇരകളെയും വേട്ടക്കാരെയും ഒരുമിച്ചിരുത്തി കോൺക്ലേവ് നടത്തിയാൽ തടയും; ഗണേഷ്കുമാറിന് പങ്കുണ്ടോയെന്ന് അന്വേഷിക്കണമെന്ന് പ്രതിപക്ഷ നേതാവ്
കൊച്ചി: ഹേമ കമ്മിറ്റി റിപ്പോർട്ടുമായി ബന്ധപ്പെടുത്തി കോൺക്ലേവ് നടത്തിയാൽ തടയുമെന്നും, ആരോപണങ്ങളുടെ അടിസ്ഥാനത്തിൽ ഗണേഷ്കുമാറിന് പങ്കുണ്ടോയെന്നു അന്വേഷിക്കണമെന്നും പ്രതിപക്ഷ നേതാവ് വി.ഡി. സതീശന് ആവശ്യപ്പെട്ടു. പ്രതിപക്ഷം ഉയർത്തിയ അതേ കാര്യങ്ങൾ ഡബ്ല്യുസിസിയും ഉയർത്തി. ഇരകളെയും വേട്ടക്കാരെയും ഒരുമിച്ചിരുത്തിയുള്ള കോണ്ക്ലേവ് തെറ്റാണെന്ന് സതീശൻ പറഞ്ഞു. റിപ്പോർട്ട് നാലരവർഷം മറച്ചുവെച്ച മുഖ്യമന്ത്രി ചെയ്തത് കുറ്റകരമായ കാര്യമാണ്. ഗുരുതരമായ കുറ്റം സർക്കാർ ചെയ്തുവെന്നും വി.ഡി. സതീശൻ പറഞ്ഞു. ഹേമ കമ്മിറ്റി റിപ്പോര്ട്ടിനെക്കുറിച്ച് കൊച്ചിയിൽ മാധ്യമപ്രവർത്തകരോട് പ്രതികരിക്കുകയായിരുന്നു അദ്ദേഹം. കോൺക്ലവ് സ്ത്രീത്വത്തിന് എതിരായ നടപടിയാണ്. ഇരകളായ സ്ത്രീകളെ ചേർത്ത് പിടിക്കാൻ ആരെയും കണ്ടില്ലല്ലോ. ഇരകൾ കൊടുത്ത മൊഴികളുടെ അടിസ്ഥാനത്തിൽ തയ്യാറാക്കിയ റിപ്പോർട്ടാണ്. കേസെടുക്കാൻ പറ്റില്ലെന്ന ബെഹ്റയുടെ ഉപദേശം സർക്കാർ ആഗ്രഹിച്ചതാണ്. ബെഹ്റയല്ല, കേസെടുക്കാണോ വേണ്ടയോ എന്ന തീരുമാനം അറിയിക്കേണ്ടത്. ഇരകളുടെ അഭിമാനം സംരക്ഷിക്കാൻ എല്ലാവരും തയ്യാറാവണമെന്നും സതീശൻ പറഞ്ഞു. ആരോപണങ്ങളുടെ അടിസ്ഥാനത്തിൽ ഗണേഷ്കുമാറിന്…
Read Moreഎന്ത് കെയറിംഗ് ആണ് ഏട്ടായിക്ക്; നടുറോഡില് യുവതിയെ മര്ദിച്ച സംഭവം: യുവാവിനെതിരേ കേസെടുത്തു
കൊച്ചി: വൈറ്റിലയില് നടുറോഡില് യുവതിയെ ക്രൂരമായി മര്ദിച്ച സംഭവത്തില് യുവാവിനെതിരേ പോലീസ് കേസെടുത്തു. തൈക്കൂടം സ്വദേശി അരുണിനെതിരേയാണ് മരട് പോലീസ് കേസെടുത്തത്. സംഭവത്തില് യുവതിക്ക് പരാതിയില്ലെന്ന് പോലീസിനെ അറിയിച്ചിരുന്നെങ്കിലും യുവതിയുടെ മൊഴി രേഖപ്പെടുത്തിയ പോലീസ് സിസിടിവി ദൃശ്യങ്ങളുടെ അടിസ്ഥാനത്തിലാണ് കേസെടുത്തത്. അരുണിനെ ഉടന് അറസ്റ്റ് ചെയ്യുമെന്ന് പോലീസ് പറഞ്ഞു. എരൂര് സ്വദേശിയായ യുവതിയും അരുണും വിവാഹം കഴിക്കാന് തീരുമാനിച്ചിരിക്കുന്നവരാണ്. യുവതി സുഹൃത്തുക്കള്ക്കൊപ്പം പോയ ശേഷം പുലര്ച്ചെ എത്തിയതിലുള്ള തര്ക്കമാണ് മര്ദനത്തിലേക്ക് നയിച്ചതെന്ന് പോലീസ് പറഞ്ഞു. മര്ദിച്ചവരുടെയും മൊഴി പോലീസ് രേഖപ്പെടുത്തിയിട്ടുണ്ട്. വൈറ്റില ജനത റോഡില് ബുധനാഴ്ച പുലര്ച്ചെ 4.30 ഓടെ ആയിരുന്നു സംഭവം. എരൂര് സ്വദേശിയായ യുവതി ബ്യൂട്ടി പാര്ലര് നടത്തുകയാണ്. ചൊവ്വാഴ്ച ജോലിക്കു പോയ ഇവര് ബുധനാഴ്ച പുലര്ച്ചയോടെയാണ് തിരികെ എത്തിയത്. ഇത് ചോദ്യംചെയ്ത് തുടങ്ങിയ സംസാരം ആക്രമണത്തിലേക്ക് എത്തുകയായിരുന്നു. ബഹളം കേട്ട് പ്രദേശവാസികള് എത്തിയെങ്കിലും…
Read Moreത്രിപുരയിൽ പേമാരി; 10 മരണം നിരവധിപ്പേരെ കാണാതായി
അഗർത്തല: ത്രിപുരയിൽ പേമാരിയിലും മണ്ണിടിച്ചിലിലും 12കാരിയുൾപ്പെടെ പത്തുപേർ മരിച്ചു. ദക്ഷിണ ത്രിപുര, ഗോമതി, ഖോവായ് ജില്ലകളിലാണു കനത്ത നാശം വിതച്ചത്. നിരവധിപ്പേരെ കാണാതായിട്ടുണ്ട്. ആയിരത്തിലധികം വീടുകൾ പൂർണമായും തകർന്നു. 34,000ത്തിലധികം പേരെ എട്ടു ജില്ലകളിലെ ക്യാന്പുകളിലേക്കു മാറ്റിപ്പാർപ്പിച്ചു. കാണാതായവർക്കുള്ള തെരച്ചിൽ തുടരുകയാണെന്ന് അധികൃതർ അറിയിച്ചു. മരണസംഖ്യ ഇനിയും ഉയരുമെന്നാണ് ആശങ്ക. വിവിധയിടങ്ങളിൽ ട്രെയിൻ, റോഡ് ഗതാഗതം സ്തംഭിച്ചു. വൈദ്യുതി, ടെലിഫോൺ ബന്ധങ്ങളും വിച്ഛേദിക്കപ്പെട്ടിട്ടുണ്ട്. 48 മണിക്കൂറായി ത്രിപുരയിൽ അതിശക്തമായ മഴ തുടരുകയാണ്.
Read Moreശരദ് പവാറിന് ഇസഡ് കാറ്റഗറി സുരക്ഷ; സുരക്ഷ ഉപേക്ഷിച്ച് മകൾ സുപ്രിയ
മുംബൈ: മഹാരാഷ്ട്ര നിയമസഭാ തെരഞ്ഞെടുപ്പ് പ്രഖ്യാപിക്കാനിരിക്കെ എൻസിപി നേതാവും മുൻ കേന്ദ്രമന്ത്രിയുമായ ശരദ് പവാറിന് ഇസഡ് കാറ്റഗറി സുരക്ഷ അനുവദിച്ചു. ഇന്റലിജൻസ് ബ്യൂറോയുടെ റിപ്പോർട്ടിനെ ത്തുടർന്നാണ് കേന്ദ്ര ആഭ്യന്തര മന്ത്രാലയത്തിന്റെ നടപടി. എണ്പത്തിമൂന്നുകാരനായ പവാറിന്റെ വസതിയിലും രാജ്യത്തുടനീളമുള്ള യാത്രയിലും സുരക്ഷയുണ്ടാകും. അറുപതിലധികം ഉദ്യോഗസ്ഥരാകും സുരക്ഷയ്ക്ക് ഉണ്ടാകുക. ശരദ് പവാറിന്റെ മകൾ സുപ്രിയ സുലെ തന്റെ സുരക്ഷ പിൻവലിക്കണമെന്ന് മഹാരാഷ്ട്ര സർക്കാരിനോട് ആവശ്യപ്പെട്ടതിനു പിന്നാലെയാണ് ശരദ് പവാറിന്റെ സുരക്ഷ വർധിപ്പിച്ചതെന്നത് ശ്രദ്ധേയമായി. താനെ ജില്ലയിലെ ബദ്ലാപുരിലെ സ്കൂളിൽ ശുചീകരണത്തൊഴിലാളി നാലുവയസുള്ള രണ്ട് പെൺകുട്ടികളെ ലൈംഗികമായി പീഡിപ്പിച്ചതിനെ തുടർന്നാണ് സുപ്രിയ സുലെ തന്റെ സുരക്ഷ പിൻവലിക്കാൻ സംസ്ഥാന സർക്കാരിനോട് ആവശ്യപ്പെട്ടത്. ജനപ്രതിനിധികൾക്കും മുൻ ജനപ്രതിനിധികൾക്കും സുരക്ഷ നൽകുന്നതിനു പോലീസ് സേനയുടെ ഒരു പ്രധാന ഭാഗം ഉപയോഗിക്കുന്നത് അനുചിതമായതിനാലാണ് ഈ ആവശ്യമെന്നാണ് സുപ്രിയ വിശദീകരിച്ചത്.
Read Moreനഴ്സറി വിദ്യാർഥിനികളെ പീഡിപ്പിച്ചു; പ്രതിയുടെ വീട് നാട്ടുകാർ അടിച്ചുതകർത്ത് നാട്ടുകാർ; സ്കൂളുകളിൽ കാമറ സ്ഥാപിക്കണമെന്ന നിർദേശവുമായി വിദ്യാർഥികൾ
മുംബൈ: മഹാരാഷ്ട്രയിലെ ബദ്ലാപുരിലെ നഴ്സറി സ്കൂൾ കുട്ടികളെ ലൈംഗികമായി പീഡിപ്പിച്ച കേസിലെ പ്രതിയുടെ വീട് അടിച്ചുതകർത്തു. സ്കൂളിലെ തൂപ്പുകാരൻ അക്ഷയ് ഷിൻഡെയുടെ വീടാണു നാട്ടുകാർ തകർത്തത്. ഈ മാസം 16നു മൂന്നും നാലും വയസുള്ള വിദ്യാർഥിനികളെ പീഡിപ്പിച്ച പ്രതിയെ പോലീസ് അറസ്റ്റ് ചെയ്തിരുന്നു. ഇയാൾ റിമാൻഡിലാണ്. സംഭവത്തിനു പിന്നാലെ ചൊവ്വാഴ്ച ആയിരക്കണക്കിന് പ്രതിഷേധക്കാർ ട്രെയിനുകൾ തടയുകയും പെൺകുട്ടികൾ പീഡിപ്പിക്കപ്പെട്ട സ്കൂളിലേക്ക് ഇരച്ചുകയറുകയും ചെയ്തതിനെത്തുടർന്ന് നഗരം സ്തംഭിച്ചിരുന്നു. സംഭവത്തെ തുടർന്ന് എല്ലാ സ്കൂളുകളോടും ഒരു മാസത്തിനകം സിസിടിവി കാമറകൾ സ്ഥാപിക്കണമെന്ന് മഹാരാഷ്ട്ര സർക്കാർ നിർദേശം നൽകി. ലോക്കൽ പോലീസ് സ്റ്റേഷന്റെ സഹായത്തോടെ എല്ലാ ജീവനക്കാരുടെയും പശ്ചാത്തലം വിശദമായി പരിശോധിക്കാൻ സ്കൂൾ മാനേജ്മെന്റുകൾക്ക് നിർദ്ദേശം നൽകിയിട്ടുണ്ട്. സംഭവവുമായി ബന്ധപ്പെട്ട് പ്രിൻസിപ്പൽ, ക്ലാസ് ടീച്ചർ, വനിതാ അറ്റൻഡർ എന്നിവരെ സസ്പെൻഡ് ചെയ്തു.കേസ് അന്വേഷിക്കുന്നതിൽ വീഴ്ച വരുത്തിയതിന് പോലീസ് ഇൻസ്പെക്ടർ ഉൾപ്പെടെ മൂന്നു…
Read More‘കുട്ടിയെ കണ്ടെത്തിയ കേരളത്തിന് നന്ദി; ശകാരിച്ചത് കൊണ്ടാണ് വീട്ടിൽ നിന്നും ഇറങ്ങിപോയത്’; മാതാപിതാക്കൾ
തിരുവനന്തപുരം: കഴക്കൂട്ടത്ത് നിന്ന് കാണാതായ പെൺകുട്ടിയെ കണ്ടെത്തിയതിൽ നന്ദി അറിയിച്ച് രക്ഷിതാക്കൾ. ശകാരിച്ചത് കൊണ്ടാണ് കുട്ടി വീട് വിട്ടിറങ്ങിയതെന്ന് മാതാവ് പറഞ്ഞു. മകളുമായി ഇന്നലെ വീഡിയോ കോളിൽ സംസാരിച്ചു. കുട്ടിയെ കണ്ടെത്തിയ കേരളത്തിന് നന്ദിയെന്നും മാതാപിതാക്കൾ പറഞ്ഞു. കുട്ടി എത്തിയ ശേഷം നാട്ടിലേക്കും മടങ്ങുമെന്ന് അവർ വ്യക്തമാക്കി. കുട്ടിയെ നാട്ടിലെത്തിക്കുന്നതിനായി കഴക്കൂട്ടം പോലീസ് സ്റ്റേഷനിലെ അഞ്ചംഗ സംഘമാണ് വിശാഖപട്ടണത്തേക്ക് പുറപ്പെട്ടിരിക്കുന്നത്. സംഘത്തിൽ ചൈൽഡ് വെൽഫെയർ കമ്മറ്റി അംഗങ്ങളും ഉണ്ട്. കുട്ടിയെ വിട്ടു നൽകണമെന്ന് ചൈൽഡ് വെൽഫെയർ കമ്മറ്റി ഇന്ന് രേഖാമൂലം ആവശ്യപ്പെടും. വിശാഖപട്ടണത്തെ ചൈൽഡ് വെൽഫെയർ കമ്മിറ്റിക്ക് ഇമെയിൽ അയയ്ക്കും. കുട്ടിയെ നാളെ തിരുവനന്തപുരത്ത് കൊണ്ടുവരും.
Read Moreചുവപ്പും മഞ്ഞയും നിറം, മഞ്ഞയിൽ രണ്ട് ഗജവീരൻമാർ; തമിഴക വെട്രി കഴകത്തിന്റെ പതാക പുറത്തിറക്കി വിജയ്
ചെന്നൈ: തമിഴക വെട്രി കഴകത്തിന്റെ പതാക പുറത്തിറക്കി നടന് വിജയ്. ചെന്നൈ പനയൂരിലുള്ള പാർട്ടി ആസ്ഥാനത്ത് പാര്ട്ടി ഗാനത്തിന്റെ അകമ്പടിയോടെ രാവിലെ വിജയ് പതാക ഉയർത്തി. ചുവപ്പും മഞ്ഞയുമാണ് പതാകയുടെ നിറം. യൂട്യൂബിലൂടെ പതാക ഗാനം പുറത്തിറക്കിറക്കുകയും ചെയ്തു. ജനാധിപത്യം, മതേതരത്വം, സാമൂഹ്യനീതി എന്നിവയിൽ ഉറച്ചു നിൽക്കുമെന്നും ഇന്ത്യൻ ഭരണഘടനയിൽ വിശ്വാസമുണ്ടെന്നും വിജയ് പറഞ്ഞു. മതസൗഹാർദ്ദത്തിനും ഐക്യത്തിനും സമത്വത്തിനുമായി തമിഴക വെട്രി കഴകം നിലകൊള്ളും. തമിഴ് ഭാഷയ്ക്കായി ജീവൻ ബലി നൽകിയവരുടെ പോരാട്ടം തുടരുമെന്നും വിജയ് അറിയിച്ചു. പാർട്ടി രൂപീകരണ ശേഷമുള്ള ആദ്യ രാഷ്ട്രീയ ചടങ്ങിലാണ് പതാക പുറത്തിറക്കിയത്.
Read Moreഹേമ കമ്മിറ്റി റിപ്പോർട്ട്: ഊഹാപോഹങ്ങളുടെ അടിസ്ഥാനത്തിൽ നടപടി സ്വീകരിക്കാനാകില്ല; മൊഴി നൽകിയവർ പോലീസിൽ പരാതി നൽകാൻ തയാറാകണം; പി. സതീദേവി
കൊച്ചി: ജസ്റ്റിസ് ഹേമ കമ്മിറ്റി റിപ്പോർട്ടിൽ കേവലം ഊഹാപോഹങ്ങളുടെ അടിസ്ഥാനത്തിൽ നടപടി സ്വീകരിക്കാനാകില്ലെന്ന് സംസ്ഥാന വനിതാ കമ്മീഷൻ അധ്യക്ഷ പി. സതീദേവി. മൊഴി നൽകിയവർ അതിൽ ഉറച്ച് നിൽക്കണം. തെറ്റ് ചെയ്തവരെ നിയമത്തിന് മുന്നിൽ കൊണ്ടുവരണം. അതിനുവേണ്ടി പോലീസിൽ പരാതി നൽകാൻ മൊഴി കൊടുത്തവർ തയാറാകണമെന്നും സതി ദേവി പറഞ്ഞു. അതേസമയം ജസ്റ്റിസ് ഹേമ കമ്മിറ്റി റിപ്പോർട്ടിലെ ഗുരുതര വെളിപ്പെടുത്തലുകളിൽ ക്രിമിനൽ നടപടി ആവശ്യപ്പെട്ട് ഹൈക്കോടതിയിൽ പൊതുതാൽപര്യ ഹർജി സമർപ്പിച്ചു. തിരുവനന്തപുരം സ്വദേശിയാണ് ഹർജിയുമായി ഹൈക്കോടതിയെ സമീപിച്ചിരിക്കുന്നത്. ഹർജി ഇന്ന് ഹൈക്കോടതി പരിഗണിക്കും. റിപ്പോർട്ടിലെ വിവരങ്ങളെല്ലാം പുറത്തുവരണമെന്നാണ് ഹർജിയിലെ പ്രധാന ആവശ്യം. റിപ്പോർട്ടിന്മേൽ ക്രിമിനൽ നടപടി കൈക്കൊള്ളാൻ ഡിജിപിക്ക് നിർദേശം നൽകണമെന്ന് ഹർജിക്കാരൻ ആവശ്യപ്പെട്ടിട്ടുണ്ട്.
Read Moreസ്കൂളിൽ നിന്നും സൈക്കിളിൽ വരുന്ന വഴി റോഡിൽ കിടന്ന വൈദ്യുത ലൈനില് തട്ടി ഷോക്കേറ്റു; വിദ്യാർഥിക്ക് ദാരുണാന്ത്യം
അമരാവതി: സൈക്കിളില് പോകുന്നതിന് ഇടയില് റോഡില് കിടന്നിരുന്ന വൈദ്യുത ലൈനില് തട്ടി പതിനൊന്നുവയസുകാരന് ഷോക്കേറ്റ് മരിച്ചു. ആന്ധ്രാപ്രദേശിലെ കഡപ്പയിലാണ് സംഭവം. സ്കൂളില് നിന്ന് വീട്ടിലേക്ക് പോകുന്നതിനിടയിലാണ് തന്വീറിന് ഷോക്കേറ്റത്. സംഭവത്തിന്റെ ദൃശ്യങ്ങള് സിസിടിവിയില് പതിഞ്ഞിട്ടുണ്ട്. തന്വീറിനൊപ്പം ഉണ്ടായിരുന്ന ആദം എന്ന പത്തുവയസുകാരനും വൈദ്യുതാഘാതമേറ്റു. ഈ കുട്ടി ഇപ്പോൾ ഗുരുതരാവസ്ഥയിൽ ചികിത്സയിലാണ്. തൻവീർ സംഭവസ്ഥലത്ത് വച്ച് തന്നെ മരിച്ചിരുന്നു. വഴിയാത്രക്കാരാണ് വയർ നീക്കി കുട്ടികളെ ആശുപത്രിയിലെത്തിച്ചത്. അപകടത്തിന് പിന്നാലെ നാട്ടുകാർ ഇലക്ട്രിസിറ്റി ഡിപ്പാര്ട്ട്മെന്റിനെതിരേ പ്രതിഷേധിച്ചു. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
Read More