തിരുവനന്തപുരം: സംവിധായകനും സംസ്ഥാന ചലച്ചിത്ര അക്കാദമി ചെയർമാനുമായ രഞ്ജിത്തിനെതിരേ ബംഗാളി നടി ശ്രീലേഖ മിത്ര ഉയർത്തിയ ആരോപണത്തിന്റെ പശ്ചാത്തലത്തിൽ പ്രതികരണവുമായി സംവിധായകൻ ഡോ. ബിജുവും യൂത്ത് കോൺഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിലും. അൽപ്പമെങ്കിലും ധാർമികത ബാക്കിയുണ്ടെങ്കിൽ അക്കാദമി ചെയർമാനെ സർക്കാർ അടിയന്തരമായി പുറത്താക്കണമെന്ന് ഡോ. ബിജു ആവശ്യപ്പെട്ടു. ലൈംഗികാരോപണം നിസാരമായി കാണാനാകില്ല. ഉത്തരവാദിത്തപ്പെട്ട സ്ഥാനത്തിരിക്കുന്ന ഒരാളെ പറ്റി പരസ്യമായി ലൈംഗിക ആരോപണം ഉയർന്നുവന്നത് നിസാരമായി കണക്കാക്കാൻ സാധിക്കില്ല . സാംസ്കാരിക മന്ത്രിക്ക് ഇദ്ദേഹം ഇതിഹാസം ഒക്കെ ആയി തോന്നാം, അത് അദ്ദേഹത്തിന്റെ സ്വാതന്ത്ര്യം. പക്ഷെ സ്ത്രീകളോട് അപമര്യാദയായി പെരുമാറി എന്ന് അനുഭവസ്ഥ തന്നെ വെളിപ്പെടുത്തിയ ഘട്ടത്തിൽ ഒരു നിമിഷം പോലും അക്കാദമി ചെയർമാൻ സ്ഥാനത്ത് തുടരാൻ രഞ്ജിത്ത് അർഹനല്ലെന്നും ഡോ. ബിജു ഫേസ്ബുക്കിൽ കുറിച്ചു. രഞ്ജിത്ത് ചലച്ചിത്ര അക്കാദമി ചെയര്മാന് രഞ്ജിത്ത് രാജി വയ്ക്കണമെന്ന് യൂത്ത്…
Read MoreCategory: Loud Speaker
രാജ്യാന്തര കള്ളക്കടത്ത് കുറഞ്ഞു: കേരളത്തിലെ സ്വര്ണവ്യാപാര മേഖലയില് പുത്തനുണര്വ്
കൊച്ചി: കേരളത്തിലേക്കുള്ള രാജ്യാന്തര കള്ളക്കടത്ത് വലിയ തോതില് കുറഞ്ഞതോടെ സ്വര്ണ വ്യാപാര മേഖലയില് പുത്തനുണര്വ്. കേന്ദ്രബജറ്റില് സ്വര്ണത്തിന്റെ ഇറക്കുമതി തീരുവ 15 ശതമാനത്തില്നിന്ന് ആറു ശതമാനമാക്കിയതോടെയാണ് കള്ളക്കടത്ത് കുറഞ്ഞത്. ഇറക്കുമതി ചുങ്കം വെട്ടിക്കുറച്ചിട്ട് ഒരു മാസം പിന്നിടുമ്പോഴാണ് കേരളത്തിലെ സ്വര്ണാഭരണ വിപണിയില് ഉണര്വ് പ്രകടമായത്. ഒരു കിലോ സ്വര്ണം കള്ളക്കടത്തായി വരുമ്പോള് ഒമ്പതു ലക്ഷം രൂപയില് അധികമായിരുന്നു കഴിഞ്ഞമാസം വരെ ലാഭമുണ്ടായിരുന്നത്. ഇപ്പോള് അത് മൂന്നു ലക്ഷത്തിലേക്ക് ചുരുങ്ങിയതോടെ വളരെയധികം പേര് കള്ളക്കടത്തിൽനിന്നു പിന്മാറി. ഇതോടെ യുഎഇ പോലുള്ള രാജ്യങ്ങളിലേക്ക് സന്ദര്ശകരുടെ എണ്ണത്തില് കുറവ് വന്നിട്ടുണ്ട്. ദുബായിലെ സ്വര്ണ വ്യാപാരത്തില് 20 ശതമാനത്തിലധികം ഇടിവ് വന്നതായും വിപണിവൃത്തങ്ങള് സൂചിപ്പിക്കുന്നു. നേരത്തേ ദുബായില്നിന്നു സ്വര്ണം കേരളത്തില് കൊണ്ടുവന്ന് വില്ക്കുമ്പോള് ഒരു പവന് 5,000 രൂപയ്ക്കടുത്ത് ലാഭമാണു ലഭിച്ചിരുന്നത്. ഇപ്പോള് അത് 1,000 രൂപയില് താഴെ മാത്രമായി. ജനങ്ങളുടെ കൈവശമുള്ള…
Read Moreസർക്കാർ ആശുപത്രികളിൽ ഡിജിറ്റലായി പണമടയ്ക്കാൻ സംവിധാനം; ഡെബിറ്റ് കാർഡ്, ക്രെഡിറ്റ് കാർഡ്, യുപിഐ മുതലായവ വഴി സേവനം പ്രയോജനപ്പെടുത്താം
തിരുവനന്തപുരം: സർക്കാർ ആശുപത്രികളിൽ വിവിധ സേവനങ്ങൾക്കുള്ള തുക ഡിജിറ്റലായി അടയ്ക്കാനുള്ള സംവിധാനങ്ങളൊരുങ്ങുന്നു. പിഒഎസ് മെഷീൻ വഴിയാണ് ഡിജിറ്റലായി പണം അടയ്ക്കുന്നതിനുള്ള സംവിധാനമൊരുക്കുന്നത്. ഇ ഹെൽത്ത് പദ്ധതി നടപ്പിൽ വരുത്തിയിട്ടുള്ള താലൂക്ക് ആശുപത്രികൾ മുതൽ മെഡിക്കൽ കോളജുകൾ വരെയുള്ള എല്ലാ സർക്കാർ ആശുപത്രികളിലും ആദ്യഘട്ടത്തിൽ നടപ്പിലാക്കും. ഡെബിറ്റ് കാർഡ്, ക്രെഡിറ്റ് കാർഡ്, യുപിഐ മുതലായവ വഴി ഈ സേവനം പ്രയോജനപ്പെടുത്താം. ആദ്യഘട്ടമായി ഇ ഹെൽത്ത് നടപ്പാക്കിയ 63 ആശുപത്രികളിലാണ് ഈ സംവിധാനമൊരുക്കുക. ഇതിനായി 249 പിഒഎസ് മെഷീനുകളാണ് സജ്ജമാക്കിയിരിക്കുന്നത്. ഇതിലൂടെ ഡിജിറ്റലായി തന്നെ പെയ്മെന്റ് നടത്താവുന്നതാണെന്നും ആരോഗ്യ മന്ത്രി വീണാ ജോർജ്പറഞ്ഞു. സംസ്ഥാനത്തെ എല്ലാ സർക്കാർ ആശുപത്രികളിലും ഓൺലൈൻ സംവിധാനത്തിലൂടെ മുൻകൂറായി ഒപി ടിക്കറ്റ് എടുക്കുന്നതിനുള്ള സൗകര്യം പൊതുജനങ്ങൾക്ക് ലഭ്യമാക്കാൻ തീരുമാനിച്ചിട്ടുണ്ട്. 624 ആശുപത്രികളിലാണ് ഇ ഹെൽത്ത് സജ്ജമാക്കിയിരിക്കുന്നത്.
Read Moreവയനാട് ദുരന്തം: ‘സഹായധനത്തിൽനിന്ന് ബാങ്കുകൾ വായ്പാ കുടിശിക ഈടാക്കരുത് ‘
കൊച്ചി: വയനാട് ദുരന്തത്തില് ഇരയായവര്ക്കു സര്ക്കാര് നല്കുന്ന സഹായത്തില്നിന്ന് വായ്പാകുടിശിക ഈടാക്കാതിരിക്കുകയെന്നതടക്കമുള്ള നിലപാട് സ്വീകരിക്കാന് ബാങ്കുകള്ക്ക് ബാധ്യതയുണ്ടെന്ന് ഹൈക്കോടതി. വയനാട് ഉരുള്പൊട്ടല് ദുരന്തത്തിന് ഇരയായവരുടെ വായ്പാകുടിശിക സഹായധനത്തില്നിന്ന് ഈടാക്കരുതെന്നും ഇക്കാര്യത്തില് സഹകരണ ബാങ്കുകളടക്കമുള്ളവയ്ക്ക് സര്ക്കാര് നിര്ദേശം നല്കണമെന്നും ജസ്റ്റീസ് എ.കെ. ജയശങ്കരന് നമ്പ്യാര്, ജസ്റ്റീസ് വി.എം. ശ്യാംകുമാര് എന്നിവരടങ്ങുന്ന ഡിവിഷന് ബെഞ്ച് ആവശ്യപ്പെട്ടു. മനുഷ്യത്വപൂര്ണമായ സമീപനമാണ് ഉണ്ടാകേണ്ടതെന്നും കോടതി നിർദേശിച്ചു. സഹായധനത്തില്നിന്നു വായ്പാകുടിശിക ഈടാക്കിയ സംഭവമുണ്ടായോ എന്നറിയിക്കാനും കോടതി നിര്ദേശം നല്കി. വയനാട് ദുരന്തത്തെത്തുടര്ന്ന്, പാലാ ആസ്ഥാനമായി പ്രവർത്തിക്കുന്ന സെന്റർ ഫോർ കൺസ്യൂമർഎഡ്യുക്കേഷൻ മനേജിംഗ് ട്രസ്റ്റി ജയിംസ് വടക്കൻ നൽകിയ പൊതുതാത്പര്യഹർജിയടക്കം പരിഗണിച്ച് സ്വമേധയാ രജിസ്റ്റർ ചെയ്ത കേസാണു കോടതി പരിഗണിച്ചത്. സഹായധനത്തില്നിന്നു വായ്പാകുടിശിക ഈടാക്കിയതു സംബന്ധിച്ച മാധ്യമ റിപ്പോർട്ടുകൾ അഡ്വ. ജോൺസൻ മനയായി കോടതിയുടെ ശ്രദ്ധയിൽ പെടുത്തി. ദുരന്തമുണ്ടായാല് ആദ്യ അഞ്ചു ദിവസം എല്ലാവരും കരയും.…
Read Moreഹേമ കമ്മിറ്റി റിപ്പോർട്ടിൽ കൂടുതൽ വെട്ടി;വിവരാവകാശ കമ്മീഷൻ ഒഴിവാക്കാൻ നിർദേശിച്ചത് 21 പാരഗ്രാഫുകൾ, വെട്ടിയത് 129 പാരഗ്രാഫുകൾ
തിരുവനന്തപുരം: ഹേമ കമ്മിറ്റി റിപ്പോർട്ട് സർക്കാർ പുറത്തിവിട്ടത് വിവരാവകാശ കമ്മീഷൻ ഒഴിവാക്കാൻ ആവശ്യപ്പെട്ടതിൽ കൂടുതൽ ഭാഗങ്ങൾ ഒഴിവാക്കി. അഞ്ച് പേജുകളിലെ 11 ഖണ്ഡികകളാണ് മുന്നറിയിപ്പില്ലാതെ സർക്കാർ ഒഴിവാക്കിയത്. 49 മുതൽ 53 വരെ പേജുകൾ അധികമായി നീക്കി. 97 മുതൽ 107 വരെയുള്ള 11 ഖണ്ഡികകളാണ് നീക്കിയത്. വിവരാവകാശ കമ്മീഷൻ ഒഴിവാക്കാൻ നിർദേശിച്ചത് 21 പാരഗ്രാഫുകൾ ആണ് എന്നാൽ സർക്കാർ 129 പാരഗ്രാഫുകൾ വെട്ടിയാണ് റിപ്പോർട്ട് പുറത്തുവിട്ടത്. വിവരാവകാശ കമ്മീഷൻ നിർദേശിച്ചതിലും കൂടുതൽ ഭാഗങ്ങൾ ഒഴിവാക്കുമെന്ന കാര്യം അപേക്ഷകരെ അറിയിച്ചിരുന്നില്ല. സുപ്രധാന വിവരങ്ങൾ മറച്ചുവച്ച് കൂടുതൽ ഭാഗങ്ങൾ ഒഴിവാക്കിയത് സർക്കാരിന്റെ ഭാഗത്തുണ്ടായതു ഗുരുതര വീഴ്ചയാണെന്ന ആക്ഷേപം ഉയർന്നിട്ടുണ്ട്. അതേസമയം സ്വകാര്യതയെ മാനിച്ചാണു കൂടുതൽ ഭാഗങ്ങൾ ഒഴിവാക്കിയതെന്നാണ് സർക്കാർ വിശദീകരണം.
Read Moreബാങ്ക് ഓഫ് മഹാരാഷ്ട്രയിലെ സ്വർണത്തട്ടിപ്പ്; ഇതര സംസ്ഥാനങ്ങളിലേക്ക് അന്വേഷണം വ്യാപിപ്പിച്ച് ക്രൈംബ്രാഞ്ച്; സ്വർണം പണയംവച്ച സ്വകാര്യസ്ഥാപനം നിയമനടപടികളിലേക്ക്
കോഴിക്കോട്: ബാങ്ക് ഓഫ് മഹാരാഷ്ട്രയുടെ വടകര ബ്രാഞ്ചിൽ നടന്ന കോടികളുടെ സ്വർണത്തട്ടിപ്പു കേസിൽ ക്രൈംബ്രാഞ്ച് അന്വേഷണം പുരോഗമിക്കുന്നതിനിടെ സ്വകാര്യ ധനകാര്യസ്ഥാപനം നിയമ നടപടികളിലേക്കു കടക്കുന്നു. ചാത്തംകണ്ടത്തിൽ ഫിനാൻസിയേഴ്സ് ബാങ്ക് ഓഫ് മഹാരാഷ്ട്രയുടെ വടകര ബ്രാഞ്ചിൽ പണയം വച്ച 26.5 കിലോഗ്രാം സ്വർണമാണു കാണാതായത്. തട്ടിപ്പു കേസിൽ ബാങ്കിന്റെ മുൻ മാനേജർ മധ ജയകുമാറിനെ അറസ്റ്റ് ചെയ്തിട്ടുണ്ട്. മധ ബാങ്കിൽനിന്ന് 26.5കിലോ സ്വർണം മാറ്റി അതിനു പകരം മുക്കുപണ്ടം വച്ച് ബാങ്കിനെ കബളിപ്പിച്ചുവെന്ന നിലവിലുള്ള മാനേജരുടെ പരാതിയിലാണ് അറസ്റ്റ്. അതിനിടെ സ്വകാര്യ ധനകാര്യ സ്ഥാപനം മുക്കുപണ്ടം ബാങ്കിൽ പണയം വച്ചെന്ന തരത്തിൽ ചില ഓണ്ലൈൻ മാധ്യമങ്ങളിൽ വാർത്ത വന്നതിനെതിരേയാണ് മാനേജ്മെന്റ് നിയമനടപടി സ്വീകരിക്കുന്നത്. മോഷ്ടിക്കപ്പെട്ട സ്വർണം എവിടെയാണെന്നു കണ്ടെത്താനുള്ള അന്വേഷണത്തിലാണ് ക്രൈംബ്രാഞ്ച്. ഇതിന്റെ ഭാഗമായി കസ്റ്റഡിയിലുള്ള പ്രതിയുമായി അന്വേഷണ സംഘം ഉടൻ തമിഴ്നാട്ടിലേക്കു തിരിക്കും. പ്രതിയായ മധ ജയകുമാർ…
Read Moreഹാജരാകലും ജാമ്യാപേക്ഷയുമെല്ലാം ഓണ്ലൈനിൽ; 14 ജില്ലകളിലും ഡിജിറ്റൽ കോടതി സ്ഥാപിക്കാൻ പദ്ധതി
കോഴിക്കോട്: കോടതിയിൽ കക്ഷികൾക്കു നേരിട്ടു ഹാജരാകേണ്ട ആവശ്യമില്ല. ജാമ്യാപേക്ഷകളും ഓണ്ലൈനായി പരിഗണിക്കും. കേസുകളിൽ പരാതി നൽകുന്നതും പരിശോധിക്കുന്നതും രജിസ്റ്റർ ചെയ്യുന്നതും വക്കാലത്തു നൽകുന്നതു മുതൽ നോട്ടീസ് അയക്കുന്നതു വരെയുള്ള നടപടികളും ഓണ്ലൈനായി മാറും. ഇത്തരമൊരു മാറ്റത്തിന്റെ വക്കിലാണ് സംസ്ഥാനത്തെ കോടതികൾ. വിവര സാങ്കേതിക വിദ്യയുടെ മുന്നേറ്റത്തിനനുസരിച്ച് സംസ്ഥാനത്തെ കോടതികളും ഡിജിറ്റലാകാനുള്ള പദ്ധതി അണിയറയിൽ തയാറായി വരുകയാണ്. 14 ജില്ലകളിലും ഡിജിറ്റൽ കോടതി സ്ഥാപിക്കാനാണ് സർക്കാർ തീരുമാനം. എല്ലാ ജില്ലകളിലെയും ഫാസ്റ്റ്ട്രാക്ക് സ്പെഷൽ കോടതികളെ ഡിജിറ്റൽ ഡിസ്ട്രിക്ട് കോടതികളായി പുനർനാമകരണം ചെയ്യാനുള്ള പദ്ധതിക്ക് സർക്കാർ തത്വത്തിൽ അംഗീകാരം നൽകി. ഇതുസംബന്ധിച്ചു ഹൈക്കോടതി രജിസ്ട്രാർ ജനറലാണ് ആഭ്യന്തരവകുപ്പിനു പദ്ധതി സമർപ്പിച്ചിരിക്കുന്നത്. തലശേരിയിൽ ഒരു ഡിജിറ്റൽ കോടതി ആരംഭിക്കാനുള്ള പദ്ധതിക്കും അനുമതി നൽകിയിട്ടുണ്ട്. ജീവനക്കാരുടെ പുനർവിന്യാസം സംബന്ധിച്ചു വിശദമായ രൂപരേഖ തയാറാക്കി സമർപ്പിക്കാൻ ഹൈക്കോടതി രജിസ്ട്രാർ ജനറലിനു സർക്കാർ നിർദേശം നൽകിയിട്ടുണ്ട്.…
Read Moreഹേമ കമ്മിറ്റി റിപ്പോർട്ട്: സിനിമ മേഖലയെ മൊത്തത്തിൽ വേട്ടയാടുന്നത് ശരിയല്ല;ഞാനും എന്റെ കുടുംബവും വേട്ടയാടപ്പെട്ടിട്ടുണ്ട്; ചാണ്ടി ഉമ്മൻ
കോട്ടയം: ഹേമ കമ്മിറ്റി റിപ്പോർട്ടിൽ പ്രതികരണവുമായി എംഎൽഎ ചാണ്ടി ഉമ്മൻ. തെറ്റു ചെയ്തവരെ സംരക്ഷിക്കാൻ പാടില്ല. സർക്കാരിന്റെ നടപടി അതിലേക്കാണ് വിരൽ ചൂണ്ടുന്നത്. സിനിമ മേഖലയെ മൊത്തത്തിൽ വേട്ടയാടുന്നത് ശരിയല്ല. ഞാനും എന്റെ കുടുംബവും വേട്ടയാടപ്പെട്ടിട്ടുണ്ട്. ആ വേദന എനിക്കറിയാം. ഒരു മുൻ മുഖ്യമന്ത്രിയോട് ഈ സർക്കാർ ചെയ്തതെന്താണെന്ന് ഓർമയില്ലേയെന്നും ചാണ്ടി ഉമ്മൻ പ്രതികരിച്ചു. അതേസമയം,ഹേമ കമ്മിറ്റി പുറത്തുവിട്ട റിപ്പോർട്ടിൽ സർക്കാർ കൂടുതൽ ഭാഗങ്ങൾ വെട്ടിയതിൽ വിവാദം ഉയരുന്നു. വിവരാവകാശ കമ്മീഷൻ നിർദ്ദേശിച്ചതിനേക്കാൾ കൂടുതൽ ഭാഗങ്ങൾ സർക്കാർ ഒഴിവാക്കിയെന്ന ആരോപണമാണ് ഇപ്പോള് ഉയരുന്നത്. 129 പാരഗ്രാഫുകളാണ് മൊത്തത്തിൽ സര്ക്കാര് ഒഴിവാക്കിയത്.ബാക്കിയുള്ള റിപ്പോര്ട്ടാണ് സര്ക്കാര് പുറത്തുവിട്ടത്. ഇതിൽ 49 മുതൽ 53 വരെയുള്ള പേജുകളാണ് സര്ക്കാര് ഒഴിവാക്കിയിരിക്കുന്നത്. 21 പാരഗ്രാഫുകൾ ഒഴിവാക്കാനാണ് വിവരാവകാശ കമ്മീഷൻ നിർദ്ദേശിച്ചത്. ഇതിന് വിരുധമായാണ് സര്ക്കാരിന്റെ വെട്ടിനീക്കൽ. സുപ്രധാന വിവരങ്ങൾ സർക്കാർ മറച്ചുവെച്ചുവെന്നാണ് ഉയരുന്ന…
Read Moreശബരിമല തീർഥാടനം: മുന്നൊരുക്കങ്ങൾ സമയബന്ധിതമാകണമെന്ന് കളക്ടർ
പത്തനംതിട്ട: ശബരിമല മണ്ഡല- മകരവിളക്ക് തീര്ഥാടനവുമായി ബന്ധപ്പെട്ട മുന്നൊരുക്കങ്ങൾ വിവിധ വകുപ്പുകള് ഒക്ടോബറിനകം പൂര്ത്തിയാക്കണമെന്ന് ജില്ലാ കളക്ടർ എസ്. പ്രേം കൃഷ്ണന്. നിലയ്ക്കലില് ചേര്ന്ന അവലോകനയോഗത്തില് അധ്യക്ഷത വഹിച്ചു പ്രസംഗിക്കുകയായിരുന്നു അദ്ദേഹം. എല്ലാ വകുപ്പുകളുടെയും പ്രവർത്തനം അവലോകനം ചെയ്തശേഷം ഇവ സമയബന്ധിതമായി പൂർത്തീകരിക്കാൻ നിർദേശവും നൽകി. പൊതുമരാമത്ത് വകുപ്പ് സന്നിധാനത്തെ കെട്ടിടങ്ങളുടെ അറ്റകുറ്റപ്പണികള് അടിയന്തരമായി പൂര്ത്തിയാക്കണം. സന്നിധാനത്തും പമ്പയിലും നിലയ്ക്കലിലും വഴിവിളക്കുകള് സ്ഥാപിക്കുന്നതും നിലയ്ക്കല് കെഎസ്ആര്ടിസി ബസ് സ്റ്റാന്ഡില് ഹൈമാസ്റ്റ് വിളക്ക് സ്ഥാപിക്കുന്നതുമുള്പ്പെടെയുള്ള പ്രവൃത്തികള് കെഎസ്ഇബി വേഗത്തിൽ പൂര്ത്തിയാക്കണം. ഭക്ഷണസാധനങ്ങള് കൈകാര്യം ചെയ്യുന്നവര്ക്ക് ഹെല്ത്ത് കാര്ഡ് ആരോഗ്യ വകുപ്പ് ഉറപ്പാക്കണം. സന്നിധാനത്തും പമ്പയിലും പ്ലാസ്റ്റിക് ഉള്പ്പെടെയുള്ള മാലിന്യങ്ങള് ഒഴിവാക്കുന്നതിന് ചരക്ക് വാഹനങ്ങള് നിലയ്ക്കല് ചെക്ക്പോസ്റ്റില് പരിശോധിക്കണം. പമ്പയില് അയ്യപ്പന്മാര് ഉപേക്ഷിക്കുന്ന വസ്ത്രങ്ങള് കരാര് ഏറ്റെടുത്തിരിക്കുന്നവര് പൂര്ണമായി നീക്കം ചെയ്യുന്നുണ്ടെന്ന് ദേവസ്വം ബോര്ഡ് ഉറപ്പാക്കണം. ളാഹയില് ഗ്രാമപഞ്ചായത്തിന്റെ നേതൃത്വത്തില്…
Read Moreജാഗ്രത വേണം… മൊബൈൽ റീചാർജിലും പണികിട്ടാം; മുന്നറിയിപ്പുമായി പോലീസ്
തൃശൂർ: പണി റീചാർജ് രൂപത്തിലും കിട്ടാം. അതുകൊണ്ട് ജാഗ്രതയോടെയിരിക്കുക. ഒരു വർഷത്തേക്കുള്ള 2999 രൂപയുടെ മൊബൈൽ റീചാർജ് വെറും 399 രൂപയ്ക്കെന്നുകണ്ട് പിറകേ പോയാൽ പണികിട്ടുമെന്നാണു തൃശൂർ സിറ്റി പോലീസിന്റെ മുന്നറിയിപ്പ്. ഏതോ തട്ടിപ്പു ലിങ്കിലേക്കാണു ചെന്നെത്തുക. എക്കാലത്തെയും ഏറ്റവും വലിയ തട്ടിപ്പെന്ന നിലയിലാണു പോലീസ് ഇതിനെ കാണുന്നത്. സൈബർ തട്ടിപ്പുകൾ വർധിച്ചുവരുന്ന സാഹചര്യത്തിലാണു പുതിയ പുതിയ തട്ടിപ്പുകളുമായി സൈബർ സംഘങ്ങൾ ഇറങ്ങുന്നത്. ഫോണ് റീചാർജിന്റെ തുക കുത്തനെ ഉയർന്നതിനാലും ജനങ്ങൾ ഇത്തരം തട്ടിപ്പുകളിൽ വീഴാൻ സാധ്യതയുണ്ട്. തട്ടിപ്പിനിരയായാൽ ഉടൻതന്നെ സൈബർ ക്രൈം പോർട്ടലായ http://www.cyber crime. gov.in റിപ്പോർട്ട് ചെയ്യണമെന്നു പോലീസ് ആവശ്യപ്പെട്ടു. അല്ലെങ്കിൽ 1930 എന്ന ഹെൽപ്പ്ലൈൻ നന്പറിൽ ബന്ധപ്പെടണം. പോലീസ് സാമൂഹ്യമാധ്യമങ്ങളിലൂടെയും മറ്റും നിരന്തരമായി നൽകുന്ന സുരക്ഷാനിർദേശങ്ങളെ അവഗണിക്കാതിരിക്കുക, സംശയാസ്പദമായ ലിങ്കുകളിൽ ക്ലിക്ക് ചെയ്യാതിരിക്കുക. ഒടിപി, സാന്പത്തിക സ്വകാര്യവിവരങ്ങൾ ഷെയർ ചെയ്യാതിരിക്കുക, അനാവശ്യ…
Read More