തിരുവനന്തപുരം: സെപ്റ്റംബർ ആദ്യവാരത്തോടെ ഓണചന്തകൾ തുടങ്ങുമെന്ന് സപ്ലൈകോ. എല്ലാ ജില്ലകളിലും ഓണചന്തകൾ ആരംഭിക്കും.13 ഇന അവശ്യസാധനങ്ങൾ ഓണചന്തകളിൽ ഉറപ്പാക്കാനാണ് സപ്ലൈകോയുടെ തീരുമാനം. ഓണചന്തയ്ക്കായുള്ള മുന്നൊരുക്കങ്ങൾ തുടങ്ങിയെന്നും ധനവകുപ്പിൽ നിന്ന് ലഭിച്ച 225 കോടി കൊണ്ട് ചന്തകൾ തുടങ്ങുമെന്നും സപ്ലൈകോ അറിയിച്ചു. അതേസമയം കൂടുതൽ തുക ധനവകുപ്പ് നൽകുമെന്ന് പ്രതീക്ഷയിലാണ് സപ്ലൈകോ. ചന്തകളിൽ സജീകരിക്കപ്പെടുന്ന പ്രത്യേക സ്റ്റാളുകളിലൂടെ ജൈവ പച്ചക്കറികൾ വിൽക്കും. മാവേലി സ്റ്റോറുകളിലും ആവശ്യത്തിന് സബ്സിഡി സാധനങ്ങൾ എത്തിക്കും. മഞ്ഞകാർഡുകാർക്കും അനാഥാലയങ്ങൾ വയോജനകേന്ദ്രങ്ങൾ തുടങ്ങിയ ക്ഷേമസ്ഥാപനങ്ങളിലെ അന്തേവാസികൾക്കും സൗജന്യ ഓണക്കിറ്റുകൾ വിതരണം ചെയ്യും. ആറുലക്ഷത്തോളം കിറ്റാണ് റേഷൻകടകളിലൂടെ ഇക്കൊല്ലം നൽകുന്നത്.
Read MoreCategory: Loud Speaker
പരസ്യമായി പാര്ട്ടിക്കുള്ളിലെ ഭിന്നത; വീണാ ജോര്ജിന്റെ ഭര്ത്താവിനെതിരേ ആരോപണം ഉന്നയിച്ച സിപിഎം ജില്ലാ കമ്മിറ്റി അംഗത്തിന് പാര്ട്ടിയുടെ താക്കീത്
പത്തനംതിട്ട: മന്ത്രി വീണാ ജോര്ജിന്റെ ഭര്ത്താവിനെതിരേ ആരോപണം ഉന്നയിച്ച സിപിഎം ജില്ലാ കമ്മിറ്റി അംഗത്തിന് പാര്ട്ടിയുടെ താക്കീത്. കൊടുമണ് ഗ്രാമ പഞ്ചായത്ത് പ്രസിഡന്റായ കെ.കെ. ശ്രീധരനാണ് താക്കീത്. മന്ത്രിയുടെ ഭര്ത്താവ് ജോര്ജ് ജോസഫ് ഇടപെട്ട് കിഫ്ബി റോഡ് നിര്മാണത്തില് ഓടയുടെ ഗതി മാറ്റിമറിച്ചതായി ശ്രീധരന് മാധ്യമങ്ങളിലൂടെ ആരോപണം ഉന്നയിച്ചിരുന്നു. ഇതേത്തുടര്ന്ന് പാര്ട്ടിക്കുള്ളിലെ ഭിന്നതയും പരസ്യമായി. കഴിഞ്ഞ ദിവസം നടന്ന ജില്ലാ കമ്മിറ്റി യോഗത്തിലാണ് വിഷയം ചര്ച്ചയ്ക്കു വന്നത്. കൊടുമണ് ഏരിയ സെക്രട്ടറി എ.എന്. സലീം ഉള്പ്പെടെയുള്ളവര് ശ്രീധരനെതിരേ നടപടി വേണമെന്ന് ആവശ്യപ്പെട്ടിരുന്നു. എന്നാല് ഭൂരിഭാഗം പേരും ഇതിനോടു യോജിച്ചില്ല. പാര്ട്ടിയിലെ സീനിയര് അംഗം കൂടിയായ ശ്രീധരന് ഉന്നയിച്ച വിഷയം ഗൗരവമുള്ളതാണെന്നും ഇതുമായി ബന്ധപ്പെട്ട് അദ്ദേഹത്തിനെതിരേ നടപടി വേണ്ടെന്നും പരസ്യ പ്രസ്താവനയുടെ പേരില് താക്കീത് ആകാമെന്നും ഭൂരിഭാഗം അംഗങ്ങളും പറഞ്ഞു. തുടര്ന്നാണ് വിഷയം അവസാനിപ്പിക്കാനും ഇനി പരസ്യ പ്രസ്താവനകള്…
Read Moreമുണ്ടക്കൈ ഉരുൾപൊട്ടൽ ദുരന്തം: ഇനിയും കണ്ടെത്താനുള്ളത് 119 പേരെ
കൽപ്പറ്റ: മുണ്ടക്കൈ ഉരുൾപൊട്ടൽ ദുരന്തത്തിൽ ഇനി കണ്ടെത്താനുള്ളത് 119 പേരെയെന്ന് ഔദ്യോഗിക കണക്കുകൾ. ഡിഎൻഎ പരിശോധനാ ഫലം കിട്ടിയതോടെയാണു കാണാതായവരെ സംബന്ധിച്ച കണക്കുകളിൽ വ്യക്തത വന്നിരിക്കുന്നത്. സർക്കാർ കണക്കുകൾ പ്രകാരം, കാണാതായവരുടെ പട്ടികയിൽ നേരത്തേ 128 പേരാണ് ഉണ്ടായിരുന്നത്. ഡിഎൻഎ പരിശോധനയിലൂടെ മൃതദേഹങ്ങൾ തിരിച്ചറിയുന്നതിനൊപ്പം കാണാതായവരുടെ പട്ടിക പുതുക്കാൻ കഴിയുമെന്നും അധികൃതർ വ്യക്തമാക്കിയിരുന്നു. ഓഗസ്റ്റ് 14 വരെ 401 ഡിഎൻഎ പരിശോധനകളാണു നടത്തിയത്.
Read Moreസ്കൂളിൽ നിന്നും വിതരണം ചെയ്ത ബിസ്കറ്റ് കഴിച്ചു, പിന്നാലെ ശാരീരികാസ്വസ്ഥതയും ചർദിയും; 80 കുട്ടികള് ആശുപത്രിയില്
മുംബൈ: പോഷകാഹാര പദ്ധതിയുടെ ഭാഗമായി സ്കൂളിൽ നിന്ന് വിതരണം ചെയ്ത ബിസ്കറ്റ് കഴിച്ച 80 കുട്ടികളെ ആശുപത്രിയിൽ പ്രവേശിപ്പിച്ചു. മഹാരാഷ്ട്രയിലെ ഛത്രപതി സംഭാജിനഗർ ജില്ലയിലെ സ്കൂൾ വിദ്യാർഥികളെയാണ് ശാരീരികാസ്വസ്ഥതയെ തുടർന്ന് ആശുപത്രിയിൽ പ്രവേശിപ്പിച്ചത്. കെകേത് ജല്ഗാവ് ഗ്രാമത്തിലെ സ്കൂളിലാണ് സംഭവം. ശനിയാഴിച രാവിലെയാണ് കുട്ടികൾ ബിസ്കറ്റ് കഴിച്ചത്. ഇതിന് പിന്നാലെ കുട്ടികൾ ഛർദിക്കാൻ തുടങ്ങി. ക്ഷീണിച്ച് അവശരായ കുട്ടികളെ വിവരമറിഞ്ഞെത്തിയ പഞ്ചായത്ത് അധികൃതരാണ് ആശുപത്രിയിൽ പ്രവേശിപ്പിച്ചത്. കുട്ടികളുടെ ആരോഗ്യനില നിലവില് തൃപ്തികരമാണെന്ന് ആശുപത്രി അധികൃതര് അറിയിച്ചു. 257 കുട്ടികള്ക്കാണ് ആകെ ശാരീരിക ബുദ്ധിമുട്ടുണ്ടായത്. ഇതില് 153 പേരെ ആശുപത്രിയില് പ്രവേശിപ്പിച്ചു. 80 പേരൊഴികെയുള്ള കുട്ടികളെ പ്രാഥമിക ചികില്സ നല്കി വീട്ടിലേക്ക് അയച്ചുവെന്നും സ്കൂള് അധികൃതര് അറിയിച്ചു. 296 വിദ്യാര്ഥികളാണ് ആകെ സ്കൂളിലുള്ളത്. ഭക്ഷ്യവിഷ ബാധയാണെന്നാണ് സംശയം. സംഭവത്തില് അന്വേഷണം പ്രഖ്യാപിച്ചു.
Read Moreജോയി മരിച്ചിട്ട് ഒരുമാസമായിട്ടും മാറ്റമില്ലാതെ ആമയിഴഞ്ചാൻ തോട്; മാലിന്യത്തിന് ഇതുവരെയും പരിഹാരം കണ്ടെത്തിയിട്ടില്ല
തിരുവനന്തപുരം: ആമയിഴഞ്ചാന് തോട്ടിലെ മാലിന്യത്തിന് ഇതുവരെയും പരിഹാരം കണ്ടെത്തിയിട്ടില്ല. ശുചീകരണ തൊഴിലാളി ജോയിയുടെ മൃതദേഹം കഴിഞ്ഞ മാസമാണ് ആമയിഴഞ്ചാൻ തോട്ടിൽ തകരപ്പറമ്പിന് സമീപത്തെ മാലിന്യ കുമ്പാരങ്ങൾക്കിടയിൽ നിന്നും കണ്ടെത്തിയത്. ജോയിയെ കാണാതായ റെയിൽവേ ടണലിൽ നിന്നും ഒരു കിലോമീറ്ററോളം അകലെയാണ് തകരപ്പറമ്പിലെ മാലിന്യക്കൂനയുള്ളത്. ജോയി വീണ് മരിച്ച മാലിന്യത്തോട്ടിലെ 140 മീറ്റർ നീളത്തിലുള്ള ടണൽ അതേ പോലെ മാലിന്യം മൂടിക്കിടക്കുകയാണ്. 140 മീറ്റർ നീളമുള്ള ടണലിന് 2.47 മീറ്റർ ഉയരവും 4.6 മീറ്റർ വീതിയുമാണ് ഉള്ളത്. അതേസമയം, മുഖ്യമന്ത്രിയുടെ നേതൃത്വത്തിൽ നടന്ന യോഗത്തില് മൂന്ന് മാസം കൊണ്ട് പൂർണമായി മാലിന്യം നീക്കുമെന്ന് പറഞ്ഞിരുന്നു. എന്നാൽ ആമയിഴഞ്ചാന് തോട്ടിലെ മാലിന്യം ഇതുവരെയും യാതൊരു മാറ്റവുമില്ലാതെ തുടരുന്നു.
Read More‘പാഠപുസ്തകങ്ങളും പഠനോപകരണങ്ങളും സ്കൂളിലേക്ക് ആവശ്യമായ കിറ്റുകളും തയാർ; ക്യാംപ് ഒഴിഞ്ഞാൽ സ്കൂൾ തുറക്കും’: വി. ശിവൻകുട്ടി
തിരുവനന്തപുരം: വയനാട്ടിലെ ദുരിതബാധിതരായ വിദ്യാർഥികൾക്ക് പഠിക്കാനുള്ള പാഠപുസ്തകങ്ങളും പഠനോപകരണങ്ങളും തയാറാണെന്നു വിദ്യാഭ്യാസ മന്ത്രി വി. ശിവൻകുട്ടി. ദുരന്തത്തിന് ശേഷം മുടങ്ങിക്കിടക്കുന്ന വിദ്യാഭ്യാസം പുനസ്ഥാപിക്കുന്നതിന് വേണ്ടിയുള്ള നടപടികൾ സ്വീകരിക്കണമെന്ന് മുഖ്യമന്ത്രി ആവശ്യപ്പെട്ടിരുന്നുവെന്ന് മന്ത്രി പറഞ്ഞു. മുഖ്യമന്ത്രിയുടെ നിർദ്ദേശത്തെതുടർന്ന് വയനാട്ടിലെ ദുരന്ത പ്രദേശത്തെ വിദ്യാലയങ്ങളുടെ സാഹചര്യം ഉൾപ്പടെ ഉൾക്കൊള്ളിച്ച് ഒരു പ്രോജക്ട് സമർപ്പിക്കുമെന്നും അദ്ദേഹം പറഞ്ഞു. കുട്ടികൾക്ക് ആവശ്യമായ പാഠപുസ്തകങ്ങൾ എല്ലാം തയാറായിക്കഴിഞ്ഞു. അതുപോലെ സ്കൂളിലേക്ക് ആവശ്യമായ കിറ്റുകളും തയ്യാറായിക്കഴിഞ്ഞു. എത്രയും പെട്ടെന്ന് ക്ലാസുകൾ ആരംഭിക്കാൻ കഴിയുമെന്നാണ് വിശ്വസിക്കുന്നത്. ദുരിതമേഖലയിലെ വിദ്യാർഥികൾക്ക് ഓണപരീക്ഷ മാറ്റിവെച്ചിട്ടുണ്ടെന്നും മന്ത്രി പറഞ്ഞു. നിലവിൽ മേപ്പാടി സ്കൂളിലാണ് ദുരിതാശ്വാസ ക്യാംപ് പ്രവർത്തിക്കുന്നത്. ക്യാംപിലുള്ളവരെ വാടകവീടുകളിലേക്ക് മാറ്റിക്കൊണ്ടിരിക്കുകയാണെന്നും മന്ത്രി കൂട്ടിച്ചേർത്തു.
Read Moreനൗഷാദിന്റ ഓര്മക്കായി നിര്മിച്ച ബസ് ബേയിലെ അലങ്കാര ചെടികള് വെട്ടിനശിപ്പിച്ച് തീയിട്ട് സാമൂഹിക വിരുദ്ധർ
കോഴിക്കോട്: മാന്ഹോളില് ശുചീകരണ പ്രവര്ത്തിക്കിടെ കുടുങ്ങിപ്പോയ അതിഥി തൊഴിലാളിയെ രക്ഷിക്കുന്നതിനിടെ മരണമടഞ്ഞ നൗഷാദിന്റെ ഓര്മയ്ക്കായി കോഴിക്കോട് പാവങ്ങാട് നിര്മിച്ച ബസ് ബേ സാമൂഹ്യവിരുദ്ധര് നശിപ്പിച്ചു. അവിടെവച്ചു പിടിപ്പിച്ച അലങ്കാര ചെടികളും മുളങ്കൂട്ടങ്ങളും ഉള്പ്പെടെയുള്ളവയാണ് അജ്ഞാതർ വെട്ടിനശിപ്പിച്ച് തീയിട്ടത്. ഇവിടെ നിത്യേന എത്തുകയും വിശ്രമിക്കുകയും ചെയ്യുന്ന ചിലര് തന്നെയാണ് ഈ കൃത്യം നടത്തിയതെന്നാണ് പരാതി ഉയരുന്നത്. പൊതുമരാമത്ത് വകുപ്പിന്റെ ഉടമസ്ഥതയിലുള്ള സ്ഥലത്താണ് ബസ് ബേ നിര്മിച്ചത്. ഇതിനായി സർക്കാൻ വൻ തുകയാണ് ചിലവഴിച്ചിട്ടുള്ളത്. ഇതിന് മോടി കൂട്ടാനും ആളുകള്ക്ക് സായാഹ്നങ്ങളില് വന്നിരിക്കാനുമായി വിലപിടിപ്പുള്ള അലങ്കാര ചെടികളും മറ്റും വച്ചുപിടിപ്പിച്ചിരുന്നു. അവയാണ് കഴിഞ്ഞ ദിവസം സാമൂഹിക വിരുദ്ധർ തീവച്ച് നശിപ്പിച്ചത്.
Read Moreമഴയിൽ മുങ്ങി കാഞ്ഞിരപ്പള്ളി; പൈങ്ങനായിലെ വീടുകളിൽ നാശനഷ്ടം
കാഞ്ഞിരപ്പള്ളി/മുണ്ടക്കയം: വെള്ളിയാഴ്ച രാത്രിയിലുണ്ടായ കനത്ത മഴയിൽ താലൂക്കിലെ വിവിധയിടങ്ങളിൽ കനത്ത നാശം. ആനിത്തോട്ടത്ത് വീടിന്റെ ശുചിമുറിയും സംരക്ഷണഭിത്തിയും ഇടിഞ്ഞു താഴ്ന്നു. ചിറ്റാർപുഴയുടെ സമീപത്തു സ്ഥിതിചെയ്യുന്ന മറ്റൊരു വീടിന്റെയും സംരക്ഷണഭിത്തി ഇടിഞ്ഞു താഴ്ന്നിട്ടുണ്ട്. മൂന്നു വീടുകളുടെ സംരക്ഷണഭിത്തി ഏതു സമയവും ഇടിഞ്ഞു വീഴാവുന്ന നിലയിലായതോടെ വീട്ടുകാർ ഭീതിയിലാണ്. പള്ളിവീട്ടിൽ എം.എം. റസാക്കിന്റെ വീടിനോട് ചേർന്നുള്ള സംരക്ഷണഭിത്തിയും ശുചിമുറിയുമാണ് രാത്രി തോട്ടിലേക്ക് ഇടിഞ്ഞുവീണത്. കരിമലകുഴിയിൽ മുഹൈസ് മുസ്തഫ റാവുത്തറുടെ വീടിന്റെ സംരക്ഷണഭിത്തിയുടെ ഒരു ഭാഗവും തോട്ടിലേക്ക് ഇടിഞ്ഞുവീണു. ബാക്കിഭാഗം ഏതു സമയവും ഇടിഞ്ഞു താഴാവുന്ന അവസ്ഥയിലാണ്. സമീപത്ത് താമസിക്കുന്ന തൈപറമ്പിൽ ടി.ഐ. ഷക്കീർ, കിഴക്കേയിൽ നാസറുദീൻ, ഇല്ലത്തുപറമ്പിൽ മുഹമ്മദ് ബഷീർ എന്നിവരുടെ വീടുകളുടെ ചുറ്റുമതിലും അപകടാവസ്ഥയിലാണ്. അഞ്ചിലിപ്പയിൽ തോന്നക്കര പാപ്പച്ചൻ, പടിഞ്ഞാറേവീട്ടിൽ അപ്പച്ചൻ, വടക്കേയിൽ കുര്യാച്ചൻ എന്നിവരുടെ വീടുകളിലും അഞ്ചിലിപ്പ ഓമനക്കുട്ടന്റെ കെട്ടിടത്തിൽ പ്രവർത്തിക്കുന്ന തയ്യൽക്കടയിലും വെള്ളം കയറി. ഇടക്കുന്നം…
Read Moreദുരന്ത ഭൂമിയിലെ പ്രധാനമന്ത്രിയുടെ സന്ദർശനം വലിയ ആത്മവിശ്വാസം നൽകി; കേന്ദ്രം ഒപ്പം ഉണ്ടെന്ന് വാക്ക് തന്നതാണ്; കേരള സർക്കാർ പ്രതീക്ഷയോടെ കാത്തിരിക്കുകയാണ്; എ. കെ. ശശീന്ദ്രൻ
വയനാട്: ഉരുൾ കവർന്ന വയനാടിലേക്ക് പ്രധാനമന്ത്രിയുടെ സന്ദർശനം വലിയ ആത്മവിശ്വാസം നൽകിയെന്ന് വനം മന്ത്രി എ. കെ. ശശീന്ദ്രൻ. കേന്ദ്രം ഒപ്പം ഉണ്ടെന്ന് പ്രധാനമന്ത്രി വാക്ക് തന്നതാണ് കേരള സർക്കാർ പ്രതീക്ഷയോടെ കാത്തിരിക്കുകയാണ്. ദുരന്ത ഭൂമിയിൽ തൃപ്തികരമായി പ്രവർത്തിക്കാൻ കഴിഞ്ഞുവെന്നും അദ്ദേഹം പറഞ്ഞു. അതേസമയം, 10 സ്കൂളുകളിലായാണ് നിലവിൽ ദുരിതാശ്വാസക്യാമ്പുകൾ പ്രവർത്തിക്കുന്നത്. ചൊവ്വാഴ്ചയോടെ ദുരിതാശ്വാസക്യാമ്പുകളിലുള്ള കുടുംബങ്ങളെ വാടക വീടുകളിലേക്ക് മാറ്റാനും നിലവിൽ ക്യാമ്പുകൾ ആയി പ്രവർത്തിക്കുന്ന സ്കൂളുകളിൽ അധ്യയനം തുടങ്ങാനുമാണ് സർക്കാർ ആലോചന. ഇതിനോടകം നൂറിലധികം കുടുംബങ്ങൾ ബന്ധു വീടുകളിലേക്ക് വാടകവീടുകളിലേക്കും മാറിയതായാണ് സർക്കാർ കണക്ക്. 400 ൽ ഏറെ കുടുംബങ്ങൾ ഇപ്പോഴും ക്യാമ്പുകളിൽ ഉണ്ട്. വാടക വീടുകളിലേക്ക് മടങ്ങുന്നവർക്ക് മൂന്നു മാസത്തേക്കുള്ള ഭക്ഷ്യ കിറ്റും വീട്ടുസാമഗ്രികൾ അടങ്ങിയ പ്രത്യേക കിറ്റും നൽകുമെന്നാണ് സർക്കാരിന്റെ പ്രഖ്യാപനം.
Read Moreവിജയ്യുടെ പാർട്ടിയുടെ ആദ്യസമ്മേളനം അടുത്തമാസം; പാർട്ടി പതാക സെപ്റ്റംബർ 12ന്
ചെന്നൈ: തമിഴ് സൂപ്പർ സ്റ്റാർ ദളപതി വിജയ്യുടെ പാർട്ടിയായ തമിഴക വെട്രി കഴകത്തിന്റെ ആദ്യ സമ്മേളനം സെപ്റ്റംബറിൽ 29ന് വിക്രവാണ്ടിയിൽ നടക്കും. തിരുച്ചിറപ്പള്ളിയിലെ റെയിൽവേ ഗ്രൗണ്ടിൽ സമ്മേളനം നടത്താൻ ആയിരുന്നു ആദ്യ തീരുമാനം. എന്നാൽ റെയിൽവേ അനുമതി നിഷേധിച്ചതോടെയാണ് വിഴുപ്പുറത്തേക്ക് മാറ്റിയത്. സെപ്റ്റംബർ 12ന് പാർട്ടി പതാക അവതരിപ്പിച്ചേക്കുമെന്നും സൂചനയുണ്ട്. കഴിഞ്ഞ ഫെബ്രുവരി മാസത്തിലാണ് തന്റെ രാഷ്ട്രീയ പ്രവേശനം വിജയ് പ്രഖ്യാപിച്ചത്. പിന്നാലെ തമിഴക വെട്രി കഴകം എന്ന പാര്ട്ടിയും രൂപീകരിച്ചു. സെപ്തംബര് അഞ്ചിന് റിലീസാകാനിരിക്കുന്ന ദ ഗോട്ട് എന്ന ചിത്രത്തിന് ശേഷം ഒരു ചിത്രവും കൂടി ചെയ്ത് പൂര്ണമായും രാഷ്ട്രീയത്തില് ഇറങ്ങുക എന്നതാണ് ദളപതിയുടെ പദ്ധതിയെന്നാണ് പുറത്തുവരുന്ന വാര്ത്തകൾ. 2026ലെ തമിഴ്നാട് നിയമസഭ തെരഞ്ഞെടുപ്പാണ് വിജയ് ലക്ഷ്യം വയ്ക്കുന്നത്.
Read More