കോഴിക്കോട്: മധ്യവേനലവധി കഴിഞ്ഞ് ഗള്ഫ് നാടുകളില് സ്കൂള് തുറക്കുന്നത് മുന്നില്ക്കണ്ട് പ്രവാസികളെ പിഴിയാന് വിമാനക്കമ്പനികൾ. ഗള്ഫ് നാടുകളിലേക്കുള്ള വിമാന യാത്രാനിരക്ക് മൂന്നുമുതല് അഞ്ചിരട്ടിവരെ വര്ധിപ്പിച്ചു. സെപ്റ്റംബര് ഒന്നിന് ഗള്ഫ് നാടുകളില് മധ്യവേനലവധി കഴിഞ്ഞ് സ്കൂളുകള് തുറക്കും. ഇത് മുതലെടുക്കാനാണ് വിമാന കമ്പനികളുടെ നീക്കം. 20 മുതല് ബുക്ക് ചെയ്യുന്ന ടിക്കറ്റുകള്ക്ക് അമിത നിരക്കാണ് ഈടാക്കുന്നത്. എയര് ഇന്ത്യയിലും എയര് ഇന്ത്യാ എക്സ്പ്രസിലും ഉള്പ്പെടെ ഗള്ഫ് നാടുകളിലേക്ക് ഇക്കണോമി ക്ലാസില് 35,000മുതല് 60,000 രൂപവരെ നല്കണം. നിലവില് 10,000മുതല് 15,000 വരെയായിരുന്നു നിരക്ക്. ബിസിനസ് ക്ലാസില് ഒരുലക്ഷം രൂപവരെയാണ് നിരക്ക്. സംസ്ഥാനത്തെ മറ്റ് വിമാനത്താവളങ്ങളെ അപേക്ഷിച്ച് 2,000 മുതല് 3,000 രൂപവരെയാണ് കരിപ്പൂരില് നിന്നുള്ള അധിക നിരക്ക്. ടിക്കറ്റ് ക്ഷാമം സൃഷ്ടിച്ച് വലിയ നിരക്ക് ഈടാക്കുന്നതായും പരാതിയുണ്ട്. ടിക്കറ്റ് നിരക്ക് വര്ധന ഓണാഘോഷത്തിന് നാട്ടിലെത്താന് ആഗ്രഹിക്കുന്നവരെയും ബാധിക്കും. നിലവില്…
Read MoreCategory: Loud Speaker
ബാർബിക്യൂ അടുപ്പ് അണച്ചില്ല; വിഷവാതകം ശ്വസിച്ച രണ്ട് യുവാക്കൾക്ക് ദാരുണാന്ത്യം
ചെന്നൈ: ബാർബിക്യൂ ചിക്കൻ ഉണ്ടാക്കിയതിന് ശേഷം കെടുത്താതെ വച്ച കൽക്കരി അടുപ്പിൽ നിന്നുള്ള പുക ശ്വസിച്ച് രണ്ട് യുവാക്കൾ മരിച്ചു. കൊടൈക്കനാലിലാണ് സംഭവം. തിരുച്ചിറപ്പള്ളി സ്വദേശികളായ ആനന്ദ ബാബു, ജയകണ്ണൻ എന്നിവരാണ് ചിന്നപ്പള്ളത്തെ റിസോർട്ടിൽ ഉറക്കത്തിനിടെ മരിച്ചത്. ഇവരോടൊപ്പം ഉണ്ടായിരുന്ന സഹോദരന്മാരായ ശിവശങ്കറും ശിവരാജും മറ്റൊരു മുറിയിൽ കിടന്നുറങ്ങിയതിനാൽ അവർ രക്ഷപ്പെട്ടു. വെള്ളിയാഴ്ചയാണ് യുവാക്കൾ റിസോർട്ടിൽ എത്തിയത്. ലിവിംഗ് റൂമിൽ ബാർബിക്യൂ ചിക്കൻ പാകം ചെയ്ത ശേഷം അടുപ്പിലെ തീ കെടുത്താതെയാണ് സംഘം ഉറങ്ങാൻ പോയത്. രാവിലെ യുവാക്കൾ ഉണരാതിരുന്നതിനെ തുടർന്ന് മെഡിക്കൽ സംഘം എത്തി നടത്തിയ പരിശോധനയിലാണ് മരണം സ്ഥിരീകരിച്ചത്. അടുപ്പ് കെടുത്താതിരുന്നതിനാൽ രൂപപ്പെട്ട വിഷാംശമുള്ള വാതകങ്ങൾ മൂലം ശ്വാസംമുട്ടിയാണ് മരണമെന്ന് പോലീസ് പ്രാഥമിക അന്വേഷണത്തിന് ശേഷം പറഞ്ഞു.
Read More‘അവസ്ഥ പരിതാപകരം, തുരുമ്പിച്ച പഴയ കമ്പാർട്ട്മെന്റുകൾ, ജനറൽ കോച്ചുകളുടെ അപര്യാപ്തത’; ട്രെയിൻ യാത്രാദുരിതം റെയിൽവേ മന്ത്രിയോട് അറിയിച്ച് കൊടിക്കുന്നിൽ സുരേഷ് എംപി
ന്യൂഡൽഹി: കേരളത്തിലോടുന്ന ട്രെയിനുകളുടെ പരിതാപകരമായ അവസ്ഥയെകുറിച്ചും റെയിൽവേ ബഡ്ജറ്റിലെ അവഗണനയെക്കുറിച്ചും കേന്ദ്ര റെയിൽവേ മന്ത്രി അശ്വിനി വൈഷ്ണവുമായി ചര്ച്ച നടത്തി കൊടിക്കുന്നിൽ സുരേഷ് എംപി. കേരളത്തിൽ നിലവിൽ ഓടുന്ന പല ട്രെയിനുകളിലും നിലവിലുള്ള കോച്ചുകളുടെ കാലപ്പഴക്കം മൂലമുള്ള തുരുമ്പിച്ച അവസ്ഥ, ദീർഘദൂര ട്രെയിനുകളിലെ ജനറൽ കോച്ചുകളുടെ അപര്യാപ്തത, സ്റ്റേഷനുകളിലെ വികസന പ്രവർത്തനങ്ങൾ മുതലായ കാര്യങ്ങൾ അദ്ദേഹം മന്ത്രിയുമായി ചർച്ച ചെയ്തു. ഫേസ്ബുക്ക് പോസ്റ്റിൽ ഇക്കാര്യത്തെ സംബന്ധിച്ച് വിശദമായ കാര്യങ്ങൾ അദ്ദേഹം പങ്കുവച്ചിട്ടുണ്ട്. ഫേസ്ബുക്ക് പോസ്റ്റിന്റെ പൂർണ രൂപം… കേരളത്തോടുള്ള റെയിൽവേ ബഡ്ജറ്റിലെ അവഗണനയെക്കുറിച്ചും കേരളത്തിന്റെ ആവശ്യങ്ങളെക്കുറിച്ചും ചർച്ച ചെയ്യുവാനായി കേന്ദ്ര റെയിൽവേ മന്ത്രി അശ്വിനി വൈഷ്ണവിനെ സന്ദർശിച്ചു. കേരളത്തിലെ പ്രധാനപ്പെട്ട സ്റ്റേഷനുകളിൽ അമൃതഭാരത് പദ്ധതിക്ക് കീഴിൽ വികസന പ്രവർത്തനങ്ങൾ നടക്കുന്നുണ്ടെങ്കിലും നിർമ്മാണ പുരോഗതി വളരെ കുറവാണ്. ഇതുമൂലം യാത്രക്കാർക്കുണ്ടാവുന്ന ബുദ്ധിമുട്ട് വളരെയധികമാണ്. ശബരിമലയുടെ കവാടമായ ചെങ്ങന്നൂരിലും കേരളത്തിന്റെ…
Read Moreമുളളന്പന്നി കുറുകെ ചാടി ബൈക്ക് മറിഞ്ഞ് യുവാവിന് ദാരുണാന്ത്യം
മലപ്പുറം: മൂത്തേടം പാലാങ്കരയിൽ മുളളൻപന്നി കുറുകെ ചാടി ബൈക്ക് മറിഞ്ഞ് യുവാവിന് ദാരുണാന്ത്യം. ബാലംകുളം സ്വദേശിയായ ഷഫീഖ് മോൻ എന്ന ബാവ (34)യാണ് മരിച്ചത്. പുലർച്ചെ അഞ്ചരയോടെയാണ് അപകടം ഉണ്ടായത്. ഇറച്ചിക്കട തുറക്കാൻ കരുളായിയിലേക്ക് പോകുകയായിരുന്നു ഷഫീഖ് മോൻ. ഈ സമയത്താണ് മുള്ളൻപന്നി ബൈക്കിനു കുറുകെ ചാടിയത്.
Read Moreജോബോയ് ജോര്ജിന് അക്ഷരനഗരിയുടെ യാത്രാമൊഴി; സംസ്കാരം ഇന്ന്
കോട്ടയം: കഴിഞ്ഞ ദിവസം അന്തരിച്ച ഡിസിസി ജനറല് സെക്രട്ടറി ജോബോയ് ജോര്ജിന് അക്ഷരനഗരി യാത്രാമൊഴി ചൊല്ലി. അകാലത്തില് വിടപറഞ്ഞ പ്രിയ സഹപ്രവര്ത്തകന് അന്തിമോപചാരം അര്പ്പിക്കാന് ആയിരങ്ങളാണു കോട്ടയത്തും ജന്മനാട്ടിലും എത്തിയത്. ഉച്ചകഴിഞ്ഞ് ജില്ലാ കോണ്ഗ്രസ് കമ്മിറ്റി ഓഫീസില് പൊതുദര്ശനത്തിനു കൊണ്ടുവന്നപ്പോള് ജില്ലയുടെ വിവിധ ഭാഗങ്ങളില്നിന്ന് എത്തിയ കോണ്ഗ്രസ് പ്രവര്ത്തകരും കെഎസ്യു, യൂത്ത് കോണ്ഗ്രസ് പ്രവര്ത്തകരും നിറകണ്ണുകളോടെയാണു വരവേറ്റത്. ഡിസിസി ഓഫീസിനു മുന്നില് പ്രത്യേകം തയാറാക്കിയ പന്തലില് ഡിസിസി പ്രസിഡന്റ് നാട്ടകം സുരേഷിന്റെ നേതൃത്വത്തില് കോണ്ഗ്രസ്, പോഷകസംഘടനാ നേതാക്കളും പ്രവര്ത്തകരും ജോബോയിക്ക് ആദരാഞ്ജലി അര്പ്പിച്ചു. എംപിമാരായ ഡീന് കുര്യാക്കോസ്, ജെബി മേത്തര്, ഫ്രാന്സിസ് ജോര്ജ്, നേതാക്കളായ കുര്യന് ജോയി, കെ.സി. ജോസഫ്, എംഎല്എമാരായ തിരുവഞ്ചൂര് രാധാകൃഷ്ണന്, പി.സി. വിഷ്ണുനാഥ്, ചാണ്ടി ഉമ്മന്, മന്ത്രി റോഷി അഗസ്റ്റിന്, നേതാക്കളായ പി.എ. സലിം, ജോസി സെബാസ്റ്റ്യന്, ഫിലിപ്പ് ജോസഫ്, ടോമി കല്ലാനി,…
Read Moreഒറ്റപ്പെട്ട കനത്ത മഴയ്ക്ക് സാധ്യത; നാല് ജില്ലകളില് ഓറഞ്ച് അലര്ട്ട്
തിരുവനന്തപുരം: ബുധനാഴ്ച വരെ സംസ്ഥാനത്ത് ഒറ്റപ്പെട്ട കനത്ത മഴയ്ക്കു സാധ്യത. നാല് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. പാലക്കാട്, മലപ്പുറം ജില്ലകളില് ഇന്നും ചൊവ്വാഴ്ചയും ഇടുക്കി, പത്തനംതിട്ട ജില്ലകളില് നാളെയും ചൊവ്വാഴ്ചയുമാണ് ഓറഞ്ച് അലര്ട്ട് പ്രഖ്യാപിച്ചത്. ഇടുക്കി, കോഴിക്കോട്, വയനാട് ജില്ലകളില് ഇന്നും കോട്ടയം, എറണാകുളം, പാലക്കാട്, മലപ്പുറം, വയനാട് ജില്ലകളില് നാളെയും കണ്ണൂര്, കാസര്ഗോഡ് ഒഴികെയുള്ള മറ്റു ജില്ലകളില് ചൊവ്വാഴ്ചയും യെല്ലോ അലര്ട്ട് പ്രഖ്യാപിച്ചു. ഓറഞ്ച് അലര്ട്ട് പ്രഖ്യാപിക്കപ്പെട്ട ജില്ലകളിലെ ഒറ്റപ്പെട്ട സ്ഥലങ്ങളില് 24 മണിക്കൂറില് 20 സെന്റിമീറ്ററിനു മുകളിലുള്ള തീവ്രമഴയ്ക്ക് സാധ്യതയുള്ളതിനാല് ഇവിടങ്ങളിലെ പ്രളയസാധ്യതാ പ്രദേശങ്ങളില് താമസിക്കുന്നവര് ജാഗ്രത പാലിക്കണമെന്ന് സംസ്ഥാന ദുരന്തനിവാരണ അഥോറിറ്റി അറിയിച്ചു.
Read Moreഇതൊരു നല്ല തീരുമാനം… വയനാട് സന്ദർശിക്കുന്ന പ്രധാനമന്ത്രി നരേന്ദ്ര മോദിക്ക് നന്ദിയറിയിച്ച് രാഹുൽ ഗാന്ധി
ന്യൂഡൽഹി: പ്രധാനമന്ത്രി നരേന്ദ്ര മോദി വയനാട് സന്ദര്ശിക്കുന്നതിന് നന്ദിയറിയിച്ച് പ്രതിപക്ഷ നേതാവ് രാഹുൽ ഗാന്ധി. കാര്യങ്ങൾ നേരിട്ടു കണ്ട് മഹാദുരന്തത്തിന്റെ വ്യാപ്തി തിരിച്ചറിയാൻ അങ്ങയ്ക്ക് കഴിയും. ഇതൊരു നല്ല തീരുമാനം ആണ്. പ്രധാനമന്ത്രി ഉരുളെടുത്ത പ്രദേശം കണ്ടാൽതന്നെ അവിടത്തെ ദുരന്തവ്യാപ്തി തിരിച്ചറിയുമെന്നും ദേശീയദുരന്തമായി പ്രഖ്യാപിക്കുമെന്ന് കരുതുന്നുവെന്നും രാഹുൽ എക്സിൽ കുറിച്ചു.
Read Moreതെലങ്കാന ഉദ്യോഗസ്ഥന്റെ വീട്ടിൽ റെയ്ഡ്; 6.07 കോടിയുടെ സ്വത്തുക്കൾ കണ്ടുകെട്ടി
ഹൈദരാബാദ്: തെലങ്കാനയിലെ ഉദ്യോഗസ്ഥരുടെ വസതികളിൽ നടത്തിയ റെയ്ഡിൽ മൂന്നു കോടി രൂപയുടെ കറൻസികളും ലക്ഷങ്ങൾ വിലമതിക്കുന്ന സ്വർണാഭരണങ്ങളും കണ്ടെടുത്തു. നിസാമാബാദ് മുനിസിപ്പൽ കോർപറേഷൻ സൂപ്രണ്ട്-റവന്യൂ ഇൻചാർജ് ഓഫീസർ ദാസരി നരേന്ദറിന്റെ വസതിയിൽ അഴിമതി വിരുദ്ധ ബ്യൂറോ (എസിബി) ഇന്നലെയാണു റെയ്ഡ് നടത്തിയത്. വസതിയിലെ കട്ടിലിനടിയിലെ പെട്ടികളിൽനിന്നു 2.93 കോടി രൂപയും നരേന്ദർ, ഭര്യ, അമ്മ എന്നിവരുടെ വിവിധ ബാങ്ക് അക്കൗണ്ടുകളിൽ 1.10 കോടി രൂപയുടെ നിക്ഷേപവും കണ്ടെത്തി. ഇതുവരെ കണ്ടുകെട്ടിയ സ്വത്തുക്കളുടെ ആകെ മൂല്യം ഏകദേശം 6.07 കോടി രൂപയാണ്. അനധികൃത സ്വത്ത് സമ്പാദനത്തിന് ഇയാൾക്കെതിരേ രജിസ്റ്റർ ചെയ്ത കേസിന്റെ ഭാഗമായി നടത്തിയ റെയ്ഡിലാണ് കോടിക്കണക്കിനു രൂപയുടെ സ്വത്തുക്കൾ കണ്ടെത്തിയത്. പിതാവിന്റെ മരണശേഷം ആശ്രിതനിയമനത്തിലാണ് ഇയാൾ സർക്കാർ സർവീസിൽ പ്രവേശിച്ചത്. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി.
Read Moreവയനാട് ദുരന്തം; തെരച്ചിലിൽ കണ്ട 3 മൃതദേഹങ്ങള് എയര്ലിഫ്റ്റ് ചെയ്തു
കോഴിക്കോട്: വയനാട് ചൂരല്മലയില്നിന്ന് ആറു കിലോമീറ്റര് അകലെ ആനടികാപ്പിൽ ഇന്നലെ കണ്ടെത്തിയ മൂന്നു മൃതദേഹങ്ങള് എയര്ലിഫ്റ്റ് ചെയ്ത് പുറത്തെത്തിച്ചു. മൃതദേഹങ്ങള് കണ്ടെത്തി ഇരുപത്തിനാലു മണിക്കൂര് കഴിഞ്ഞാണ് എയര്ലിഫ്റ്റ് ചെയ്തത്. അധികൃതര് മൃതദേഹങ്ങള് മാറ്റാന് കാണിച്ച അനാസ്ഥയ്ക്കെതിരേ വന് വിമര്ശനമുയര്ന്നിരുന്നു. പ്രധാനമന്ത്രിയുടെ സന്ദര്ശനം പ്രമാണിച്ച് തെരച്ചില് ഇന്ന് നിര്ത്തിവച്ചിട്ടും വിമര്ശനമുയര്ന്ന സാഹചര്യത്തിലാണ് അതിവേഗത്തില് നടപടിയുണ്ടായത്. കാന്തന്പാറയ്ക്കുംസൂചിപ്പാറയ്ക്കും ഇടയിലുള്ള ആനടികാപ്പിലാണ് മൂന്നു മൃതദേഹങ്ങളും പകുതി മാത്രമുള്ള മറ്റൊരു ശരീരവും ഇന്നലെ രാവിലെ സന്നദ്ധ പ്രവര്ത്തകര് കണ്ടെത്തിയത്. ദുര്ഘടം നിറഞ്ഞ മേഖലയില്നിന്ന് ഇന്നുരാവിലെ നാവിക സേനയാണ് മൃതദേഹങ്ങള് കൊണ്ടുവന്നത്. ബത്തേരിയിലാണ് മൃതദേഹങ്ങള് എത്തിച്ചത്. ശരീരഭാഗം എയര്ലിഫ്റ്റ് ചെയ്തില്ല. വനംവകുപ്പിന്റെ നിര്ദേശപ്രകാരം തെരച്ചിലിനെത്തിയ മേപ്പാടി സ്വദേശികളായ വോളണ്ടിയര്മാരും ചാമ്പ്യന്സ് ക്ലബ് പ്രവര്ത്തകരുമാണ് ഇന്നലെ മൃതദേഹങ്ങള് കണ്ടത്. എന്നാൽ, സന്നദ്ധപ്രവര്ത്തകരെ ഇന്നത്തെ ദൗത്യത്തിന്റെ ഭാഗമാക്കിയിരുന്നില്ല. ബത്തേരിയിഇന്നലെ രാവിലെ മൃതദേഹങ്ങൾ കണ്ടയുടന് സന്നദ്ധപ്രവര്ത്തകര് അധികൃതരെ അറിയിച്ചിരുന്നു.…
Read Moreപ്രധാനമന്ത്രി കണ്ണൂരിലെത്തി; മുഖ്യമന്ത്രിയും ഗവർണറും ചേർന്ന് സ്വീകരിച്ചു; ദുരന്തമേഖല കാണാൻ വ്യോമ നിരീക്ഷണം ആരംഭിച്ചു
കണ്ണൂർ: ഉരുൾപൊട്ടൽ ദുരന്തമുണ്ടായ വയനാട് സന്ദർശിക്കുന്നതിനായി പ്രധാനമന്ത്രി നരേന്ദ്ര മോദി കണ്ണൂരിലെത്തി. വിമാനത്താവളത്തിലെത്തിയ അദേഹത്തെ മുഖ്യമന്ത്രി പിണറായി വിജയനും ഗവർണർ ആരിഫ് മുഹമ്മദ് ഖാനും ചേർന്ന് സ്വീകരിച്ചു. കേന്ദ്ര മന്ത്രി സുരേഷ് ഗോപിക്കൊപ്പം കണ്ണൂരിലെത്തിയ പ്രധാനമന്ത്രി ഹെലികോപ്റ്ററിൽ കൽപ്പറ്റയിലേക്ക് തിരിച്ചു. ഉച്ചയ്ക്ക് 12.10 വരെ ദുരന്തമുണ്ടായ പ്രദേശങ്ങളില് വ്യോമനിരീക്ഷണം നടത്തുന്ന പ്രധാനമന്ത്രി ദുരിതാശ്വാസക്യാമ്പിലും ആശുപത്രിയിലും കഴിയുന്നവരെ നേരിൽ കാണും. ബെയ്ലി പാലം സന്ദർശിക്കുന്ന നരേന്ദ്ര മോദി വിവിധ രക്ഷാസേനകളെ അഭിനന്ദിക്കും. തുടര്ന്ന് വയനാട് കളക്ടറേറ്റില് എത്തുന്ന അദ്ദേഹം അവലോകനയോഗത്തില് പങ്കെടുക്കും. ദുരിതബാധിതരുടെ പുനരധിവാസത്തിനു 2000 കോടിയുടെ പ്രത്യേക പാക്കേജ് കേന്ദ്രത്തോട് കേരളം ആവശ്യപ്പെടും. കെ.കെ. ശൈലജ എംഎൽഎ, ചീഫ് സെക്രട്ടറി ഡോ. വി. വേണു, ഡിജിപി ഷേഖ് ദർവേശ് സാഹിബ്, ജില്ലാ കളക്ടർ അരുൺ കെ. വിജയൻ, സിറ്റി പോലീസ് കമ്മീഷണർ അജിത് കുമാർ, എ. പി.…
Read More