വളർത്തു പൂച്ചയ്ക്കുള്ള ഭക്ഷണം ഓണ്ലൈനിൽ ഓർഡർ ചെയ്ത യുവതിക്ക് ലഭിച്ചത് സ്റ്റണ് ഗണ്ണും കുരുമുളകു സ്പ്രേയും. കാനഡ സ്വദേശിനിയായ ഒരു യുവതിയാണ് ആമസോണിൽ പൂച്ചയ്ക്കുള്ള ഭക്ഷണം ഓർഡർ ചെയ്തത്. എന്നാൽ തനിക്ക് കിട്ടിയ വസ്തുക്കൾ കണ്ട് ഇവർ അമ്പരന്നു പോയി. ഇതിൽ ഏറെ അത്ഭുതമുളവാക്കുന്നതെന്തന്നാൽ സ്റ്റണ് ഗണ്ണും കുരുമുളക് സ്പ്രേയും കാനഡയിൽ നിരോധിച്ചിട്ടുള്ളതാണ്. ആമസോണിന്റെ ഡെലിബറി ബോയ് രണ്ടു സാധനങ്ങളും ഇവരുടെ വീടിനു മുൻപിൽ വച്ച് പോകുകയായിരുന്നു. ഇവർ ഉടൻ തന്നെ ഇരുസാധനങ്ങളുമെടുത്ത് മോണ്ട്രീലിലെ പോലീസ് സ്റ്റേഷനിൽ എത്തി അവിടെ കൈമാറുകയും ചെയ്തു. സംഭവം വ്യാപകമായി പ്രചരിച്ചതിനെ തുടർന്ന് വിശദീകരണവുമായി ആമസോണ് അധികൃതർ രംഗത്തെത്തിയിരുന്നു. ബാർ കോഡ് സ്കാൻ ചെയ്തതിലെ അപാകതയാണ് ഈ അബദ്ധത്തിന് കാരണമായതെന്നാണ് ഇവർ വ്യക്തമാക്കുന്നത്.
Read MoreCategory: NRI
വഞ്ചിച്ച പെണ്സുഹൃത്തിനോട് യുവാവിന്റെ മധുരപ്രതികാരം
അന്ധമായി വിശ്വസിച്ച പെണ്സുഹൃത്തിന്റെ വഞ്ചനയ്ക്ക് ഇരയായ ഒരു യുവാവിന്റെ മധുര പ്രതികാരമാണ് സോഷ്യൽമീഡിയയിൽ ഏറെ ചർച്ചയ്ക്ക് വഴി വയ്ക്കുന്നത്. പ്രതികാരം ചെയ്യാനുള്ള സ്ഥലമായി ഇയാൾ തെരഞ്ഞെടുത്തത് ഓസ്ട്രേലിയയിലെ മെൽബണ് വിമാനത്താവളവും. ഇവിടെ വന്ന് വിമാനമിറങ്ങിയ യുവതിയെ തേടി, ഐ നോ യൂ ചീറ്റഡ്( നീ ചതിച്ചെന്ന് എനിക്കറിയാം) എന്ന് വലിയൊരു പ്ലക്കാർഡ്ലെഴുതി അത് ഉയർത്തിപ്പിടിച്ച് എല്ലാവരെയും കാണിച്ചായിരുന്നു ഈ യുവാവ് നിന്നത്. സംഭവം കണ്ട് അമ്പരന്ന യാത്രികർക്ക് അൽപ്പ സമയത്തിനു ശേഷമാണ് കാര്യം പിടികിട്ടിയത്. പിന്നീട് ഇവർ സോഷ്യമീഡിയയിൽ പങ്കുവച്ച ചിത്രം നിമിഷ നേരത്തിനുള്ളിൽ വൈറലായി മാറുകയായിരുന്നു.
Read Moreകുട്ടികൾക്കു വിളമ്പിയ ഉച്ചഭക്ഷണത്തിൽ “പാമ്പ്’
കുട്ടികൾക്കു വിളമ്പിയ ഉച്ചഭക്ഷണത്തിൽ “പാമ്പ്’. മഹാരാഷ്ട്രയിലെ ഗാർഗാവൻ ജില്ലാ പരിഷത്ത് പ്രൈമറി സ്കൂളിലെ കുട്ടികൾക്കാണ് കിച്ചടിയിൽ നിന്നും പാമ്പിനെ ലഭിച്ചത്. ഒന്നാം ക്ലാസ് മുതൽ അഞ്ചാം ക്ലാസ് വരെയായി 80 കുട്ടികൾ പഠിക്കുന്ന സ്കൂളാണിത്. സംഭവം കണ്ട് അമ്പന്ന സ്കൂൾ അധികൃതർ ഭക്ഷണം വിതരണം നിർത്തിയിരുന്നു. ഇതിനെ തുടർന്ന് കുട്ടികൾ വിശപ്പ് സഹിച്ചിരുന്നുവെന്ന് നാന്ദീത് ജില്ല വിദ്യാഭാസ ഓഫീസർ പ്രശാന്ത് ദിഗ്രാസ്ക്കർ വ്യക്തമാക്കി. നാട്ടിലുള്ള പാചകക്കാർക്കാണ് കിച്ചടിയുണ്ടാക്കുന്നതിന്റെ കരാർ സ്കൂൾ അധികൃതർ നൽകിയിരിക്കുന്നതെന്നും സംഭവത്തെക്കുറിച്ച് വിശദമായ അന്വേഷണം നടത്തുമെന്നും അദ്ദേഹം കൂട്ടിച്ചേർത്തു.
Read Moreവിദേശത്തു പോകുവാൻ സഹോദരനും സഹോദരിയും വിവാഹിതരായി
വിദേശത്തു പോകുവാനുള്ള വീസക്കു വേണ്ടി സഹോദരനും സഹോദരിയും വിവാഹിതരായി. ഓസ്ട്രേലിയയിൽ പോകണമെന്ന ആഗ്രഹത്താലാണ് പഞ്ചാബ് സ്വദേശികളായ സഹോദരനും സഹോദരിയും വിവാഹം ചെയ്തത്. ഓസ്ട്രേലിയയിൽ താമസമാക്കിയ ഇവരെക്കുറിച്ച് ഒരു ബന്ധു പോലീസിൽ പരാതി നൽകിയപ്പോഴാണ് സംഭവത്തെക്കുറിച്ച് പുറത്തറിയുന്നത്. 2012ലാണ് ഇവരുടെ വിവാഹം നടന്നത്. സഹോദരിയുടെ പേരിൽ ബാങ്ക് അക്കൗണ്ട്, പാസ്പോർട്ട്, മറ്റ് ചില വ്യാജ രേഖകളും ഇവർ കെട്ടിച്ചമച്ചിട്ടുണ്ടെന്നും പരാതിയിൽ പറയുന്നു. സഹോദരന് ഓസ്ട്രേലിയയിൽ താമസിക്കുവാനുള്ള പെർമെനന്റ് റെസിഡെന്റ് സർട്ടിഫിക്കറ്റ് ഉള്ളതാണ്. സഹോദരിക്കും ഇവിടേക്കു വരുവാൻ ആഗ്രഹമുണ്ടായിരുന്നെങ്കിലും നിയമ തടസം കാരണം ഇവർക്കു സാധിച്ചിരുന്നില്ല. ഇതിനെ തുടർന്നാണ് വിവാഹിതരാകുവാൻ ഇവർ തീരുമാനിച്ചത്. ഗുരുദ്വാരയിൽ വച്ച് വിവാഹിതരായതിന്റെ സർട്ടിഫിക്കറ്റ് ഇവർ സ്വന്തമാക്കിയിട്ടുണ്ടെന്നും പിന്നീട് ഇത് സബ്ബ് രജിസ്ട്രാർ ഓഫീസിൽ രജിസ്ട്രർ ചെയ്തുവെന്നും കേസ് അന്വേഷിക്കുന്ന പോലീസുദ്യോഗസ്ഥൻ ജയ് സിംഗ് പറഞ്ഞു. അച്ഛനും അമ്മയും സഹോദരനും മുത്തശിയുമെല്ലാം ഓസ്ട്രേലിയയിലാണ് താമസം. വ്യാജ…
Read Moreഇന്ത്യക്കാർ എന്താന്നേ ഇങ്ങനെ തുടങ്ങുന്നേ…?
വിവാഹാഭ്യർഥനയുമായി യുവാക്കൾ പുറകേ നടന്നാൽ പെൺകുട്ടിക്കും കുടുംബത്തിനും എന്തൊരു അസ്വസ്ഥതയാണുണ്ടാവുക. അപ്പോൾ വിവാഹാഭ്യർഥനയുടെ എണ്ണം നാലര ലക്ഷം കവിഞ്ഞാലോ…? ഇന്ത്യക്കാരാണ് എറെ വിവാഹാഭ്യർഥന നടത്തിയിട്ടുള്ളതെന്നാണ് വിവാഹാഭ്യർഥന ലഭിച്ച ആളുടെ ബന്ധുക്കൾ പറയുന്നത്. വിവാഹാഭ്യർഥനമൂലം പൊറുതിമുട്ടിയിരിക്കുന്നത് ഗൂഗിളിന്റെ എഐ സംവിധാനമായ ഗൂഗിൾ അസിസ്റ്റന്റാണെന്നുള്ളതാണ് രസകരമായ കാര്യം. കഴിഞ്ഞ ദിവസം ഇക്കാര്യം സൂചിപ്പിച്ച് ഗൂഗിൾ ഇന്ത്യ ട്വിറ്ററിൽ ട്വീറ്റ് ചെയ്തു. എന്തുകൊണ്ടാണ് ഇന്ത്യക്കാർ ഗൂഗിൾ അസിസ്റ്റന്റിനോട് വിവാഹം കഴിക്കുമോ എന്ന് ചോദിക്കുന്നത് എന്നറിയണം എന്നായിരുന്നു ഗൂഗിൾ ഇന്ത്യ കുറിച്ചത്. ഇതിനു മറുപടിയായി നിരവധി രസകരമായ ഉത്തരങ്ങളും ഗൂഗിളിന് ട്വിറ്ററിലൂടെ ലഭിക്കുന്നുണ്ട്. ഇനി ഇത്തരത്തിൽ ഒരു വിവാഹാഭ്യർഥന നടത്തരുതെന്ന മുന്നറിയിപ്പ് സൂചന ട്വീറ്റിലൂടെ ഗൂഗിൾ മുന്നോട്ടുവയ്ക്കുന്നുണ്ട്. മുന്പും ഇന്ത്യക്കാരുടെ വിവാഹാഭ്യർഥനയെക്കുറിച്ച് പരാമർശിച്ച് ഗൂഗിൾ ഇന്ത്യ രംഗത്തെത്തിയിട്ടുണ്ട്. മൊബൈൽ, സ്മാർട്ട് ഹോം ഉപകരണങ്ങളിൽ ഉപയോഗിക്കുന്നതിനായി ഗൂഗിൾ വികസിപ്പിച്ച ആർട്ടിഫിഷൽ ഇന്റലിജൻസ് പിന്തുണയുള്ള ഒരു…
Read Moreസൗദി തൊഴിൽ മേഖലയിൽ സജീവ സ്ത്രീ സാന്നിധ്യം
പത്തുലക്ഷത്തിലധികം ഹൗസ് ഡ്രൈവർമാർ, അതിൽ 98 പേർ വനിതാ ഹൗസ് ഡ്രൈവർമാർ. ഇത്രയേറെ ഹൗസ് ഡ്രൈവർമാരുള്ള സ്ഥലമേതെന്നല്ലേ – നമ്മുടെ സൗദി അറേബ്യ. തൊഴിൽ സാമൂഹിക വികസന മന്ത്രാലയത്തിന്റെ കണക്കുകളിലാണ് സൗദിയിലെ ഹൗസ് ഡ്രൈവർമാരായ വിദേശികളെക്കുറിച്ചുള്ള വിവരങ്ങളുള്ളത്. ഇതാദ്യമായാണ് സൗദിയിൽ വിദേശ വനിതകൾ ഹൗസ് ഡ്രൈവർമാരായി ജോലി ചെയ്യുന്ന കാര്യം തൊഴിൽ സാമൂഹിക വികസന മന്ത്രാലയം വെളിപ്പെടുത്തുന്നത്. അതുകൊണ്ടുതന്നെ ലോകം വളരെ കൗതുകത്തോടെയാണ് ഈ കണക്കുകൾ ശ്രദ്ധിച്ചത്. സൗദിയിലെ ഗാർഹിക തൊഴിലാളികളിൽ 56 ശതമാനത്തിലേറെ പേരും ഹൗസ് ഡ്രൈവർമാരത്രെ. വാച്ച്മാൻമാരായി ജോലി ചെയ്യുന്നവരുടെ കണക്കും പുറത്തുവിട്ടിട്ടുണ്ട്. 33,426 വിദേശികൾ വീടുകളിലും കെട്ടിടങ്ങളിലും വാച്ച്മാൻമാരായി ജോലിചെയ്യുന്നു. ഇക്കൂട്ടത്തിൽ 15 വനിതകളുണ്ട്. ഹൗസ് മാനേജർമാരായി 2405 പേരാണ് വിദേശികൾ ജോലി നോക്കുന്നത്. ഇതിൽ 975 സ്ത്രീകളുണ്ട്. ലേഡീസ് ഡ്രൈവിംഗ് സ്കൂളുകൾ തുറക്കുന്നതിന്റെ മുന്നോടിയായി വിവിധ പ്രവിശ്യകളിൽ പതിനാല് ലേഡീസ് ഡ്രൈവംഗ്…
Read Moreകണ്ണിൽ കണ്ടതെല്ലാം തിന്നരുത് കുട്ടികളേ…
അബുദാബിയിലെ സ്കൂൾ കാന്റീനുകളിൽ ഏതാനും ഭക്ഷണ ഇനങ്ങൾ വിൽക്കുന്നതിന് നിരോധനമേർപ്പെടുത്തിയിരിക്കുന്നു. വിദ്യാഭ്യാസ മന്ത്രാലയമാണ് നിരോധനമേർപ്പെടുത്തിയത്. വിദ്യാർഥികളുടെ ഭക്ഷണശീലങ്ങളും പോഷകാഹാര ആവശ്യവും ആഗോളനിലവാരത്തിൽ കാത്തുസൂക്ഷിക്കുന്നതിനും മുന്നോട്ടുകൊണ്ടുപോകുന്നതിനും സ്കൂളുകളെ സഹായിക്കുന്നതിന് വേണ്ടിയാണ് നിരോധനമെന്ന് ഉത്തരവിൽ പറയുന്നു. ഹോട്ട് ഡോഗ്സ്, പ്രോസസ് ചെയ്ത മാംസാഹാരം, ഇൻഡോമി, ചോക്ലേറ്റ് ബാറുകൾ, ലോലിപോപ്സ്, ജെല്ലി, ചോക്ലേറ്റ് സ്പ്രൈഡ്സ്, കപ്പലണ്ടി ഉത്പന്നങ്ങൾ, പൊട്ടറ്റോ ചിപ്സ്, ക്രീം കേക്കുകൾ തുടങ്ങിയവയെല്ലാം നിരോധിച്ച ഭക്ഷണ ഇനങ്ങളിൽ ഉൾപ്പെടുന്നു. വലിയ തോതിലുള്ള കൊഴുപ്പും പഞ്ചസാരയും അടങ്ങിയതുകൊണ്ടാണ് ഇവ നിരോധിക്കുന്നതെന്നും മന്ത്രാലയം വ്യക്തമാക്കിയിട്ടുണ്ട്.
Read Moreസൗദിയിൽ നഴ്സ് നിയമനം: സ്കൈപ്പ് ഇന്റർവ്യൂ ഫെബ്രുവരി ആറിന്
തിരുവനന്തപുരം: സൗദി അറേബ്യയിലെ അൽ-മൗവ്വാസാത്ത് ഹെൽത്ത് ഗ്രൂപ്പിലേക്ക് ബിഎസ്സി/ ഡിപ്ലോമ നഴ്സുമാരെ (സ്ത്രീകൾ മാത്രം) നിയമിക്കുന്നതിനായി ഒഡിഇപിസി തിരുവനന്തപുരം, വഴുതയ്ക്കാട് ഓഫീസിൽ ഫെബ്രുവരി ആറിന് സ്കൈപ്പ് ഇന്റർവ്യൂ നടത്തുന്നു. താത്പര്യമുള്ളവർ ബയോഡാറ്റ, സർട്ടിഫിക്കറ്റുകളുടെ പകർപ്പുകൾ എന്നിവ സഹിതം [email protected] എന്ന ഇ-മെയിലിൽ അപേക്ഷിക്കുക. വിവരങ്ങൾക്ക് www.odepc.kerala.g ov.in. ഫോൺ: 0471-2329440/ 41/42/43/45.
Read Moreഒരുനേരത്തെ വിശപ്പടക്കാൻ മുടി മുറിച്ച് വിറ്റ് യുവതി; വെനസ്വേലയിലെ ദുരിതക്കാഴ്ചകൾ
കാരക്കാസ്: നിക്കോളാസ് മഡുറോയുടെ വെനസ്വേലയിൽ നിന്നുളള ദുരിത വാർത്തകൾ അവസാനിക്കുന്നില്ല. രാജ്യത്തെ രാഷ്ട്രീയ പ്രതിസന്ധി മൂലം ജീവിക്കാൻ വേണ്ടി നെട്ടോടമോടുകയാണ് വെനസ്വേലൻ ജനത. അതിദാരുണമായ വാർത്തകളാണ് ഇപ്പോൾ വെനസ്വേലയിൽ നിന്നും പുറത്തു വരുന്നത്. ഒരുനേരത്തെ അന്നത്തിനായി മുടി മുറിച്ച് വിൽക്കേണ്ട ഗതികേടു വന്നു ഒരു യുവതിക്ക്. കൊളംബിയൻ അതിർത്തിലെത്തി മുടി മുറിച്ച് കൊടുത്താണ് പണം കണ്ടെത്തിയത്. വിഗ് നിർമാതാവായ ലൂയിസ് ഫെർണാർഡോ എന്ന വെനസ്വേലൻ പൗരനാണ് 180,000 കൊളംബിയൻ പെസോസ്(ഏകദേശം 4,067 രൂപ) നൽകി മുടി വാങ്ങിയതെന്ന് ബിസിസിയുടെ റിപ്പോർട്ടിൽ പറയുന്നു. പട്ടിണിയും ദാരിദ്ര്യവും നിറഞ്ഞ വെനസ്വേലയിൽ നിന്ന് നിരവധി പേരാണ് അയൽരാജ്യങ്ങളിലേക്ക് പാലായനം ചെയ്യുന്നത്. മതിയായ രേഖകളോ പണമോ ഇല്ലാതെയാകും ഇവർ പുറപ്പെടുക. ഇത്തരത്തിൽ അതിർത്തിയിലൂടെ കടന്നുപോകുന്ന നൂറുകണക്കിന് സ്ത്രീകളാണ് പണത്തിന് വേണ്ടി മുടി മുറിച്ച് നൽകിയിട്ടുള്ളതെന്ന് ലൂയിസ് ഫെർണാർഡോ പറയുന്നു. ഒരു കാലത്ത് ഏറ്റവും…
Read Moreഈ ദേവാലയങ്ങളിലേക്ക് ആരാധനയ്ക്കു വരുന്നവര്ക്ക് കൂടെ തോക്കും കൊണ്ടുവരാം
വിര്ജീനിയ: വിര്ജീനിയ സംസ്ഥാനത്തെ ദേവാലയങ്ങളിലേക്ക് ആരാധനയ്ക്കു വരുന്നവര്ക്ക് കൂടെ തോക്കും കൊണ്ടുവരാമെന്ന നിയമം വിര്ജീനിയ സെനറ്റ് അംഗീകരിച്ചു. ജനുവരി 24-നു വ്യാഴാഴ്ചയായിരുന്നു വിര്ജീനിയ സെനറ്റിന്റെ സുപ്രധാനമായ തീരുമാനമുണ്ടായത്. വിര്ജീനിയ സെനറ്റിലെ റിപ്പബ്ലിക്കന് അംഗങ്ങള് എല്ലാവരും ബില്ലിനെ പിന്തുണച്ചപ്പോള് ഡമോക്രാറ്റിക് അംഗങ്ങള് ഇതിനെ എതിര്ത്തു. വിശ്വാസ സമൂഹം ഇത് ഒരിക്കലും ആഗ്രഹിക്കുന്നില്ലെന്ന് ഡമെക്രാറ്റിക് സെനറ്റര് ബാര്ബര ഷെവെല (ആര്ലിംഗ്ടണ്) പറഞ്ഞു. ആരാധനാലയങ്ങള്ക്കുനേരേ ഉണ്ടാകുന്ന ആക്രമങ്ങള് തടയുന്നതിനു ഈ നിയമം ആവശ്യമാണെന്നു റിപ്പബ്ലിക്കന് അംഗങ്ങള് അഭിപ്രായപ്പെട്ടു. തോക്കുകള് കൊണ്ട് ആരാധനാലയങ്ങള് സംരക്ഷിക്കാമെന്നത് വെറും വ്യാമോഹമാണെന്നു ഈ നിയമത്തെ എതിര്ക്കുന്നവര് പറയുന്നു. പക്ഷെ ഈ നിയമം വിര്ജീനിയയില് നിലനില്ക്കുമോ എന്നത് ചോദ്യചിഹ്നമാണ്. ഇവിടെ അധികാരത്തിലിരിക്കുന്ന ഡമോക്രാറ്റിക് ഗവര്ണര് റാള്നോര്തം വില്ല് വീറ്റോ ചെയ്യുമെന്നാണ് പ്രതീക്ഷിക്കുന്നത്. റിപ്പോര്ട്ട്: പി.പി. ചെറിയാന്
Read More