ഇരുന്നൂറിൽപരം ചെറിയ രക്തഗ്രൂപ്പുകൾക്കിടയിലേക്ക് ഒരു പുതിയ രക്തഗ്രൂപ്പ് കണ്ടെത്തിയതായി മണിപ്പാൽ കസ്തൂർബാ മെഡിക്കൽ കോളജിലെ വിദഗ്ധർ. പിപി അഥവാ പി നൾ ഫീനോടൈപ്പ് എന്നാണ് പുതിയ രക്തഗ്രൂപ്പിന്റെ പേര്. ഡോ. ഷാമീ ശാസ്ത്രിയുടെ നേതൃത്വത്തിലുള്ള ഡോക്ടർമാർ നടത്തിയ പരിശോധനയിലാണ് പുതിയ കണ്ടെത്തൽ. ആയിരത്തിൽ ഒരാൾക്കു മാത്രം കാണപ്പെടുന്ന രക്തഗ്രൂപ്പുകൾ അപൂർവ ഗ്രൂപ്പുകളായാണ് കണക്കാക്കുന്നത്. അടിയന്തരമായി രക്തം വേണ്ട ഒരു രോഗിയുടെ രക്തസാമ്പിൾ കസ്തൂർബാ ഹോസ്പിറ്റലിലെ രക്തബാങ്കിൽ ലഭിച്ചിരുന്നു. എന്നാൽ, ഇതിനു യോജിക്കുന്ന രക്തം കണ്ടെത്താനായില്ല. അതിനാൽ ഈ സാന്പിൾ യുകെയിലുള്ള ഇന്റർനാഷണൽ ബ്ലെഡ് ഗ്രൂപ്പ് റെഫറൻസ് ലാബോറട്ടറിയിലേക്ക് അയച്ചു. അവിടെ നടത്തിയ പരിശോധനയിലാണ് പിപി ഫീനോടൈപ്പ് രക്തഗ്രൂപ്പാണെന്നു സ്ഥിരീകരിച്ചത്. ഇന്ത്യയിൽ ഇതാദ്യമായാണ് പി ബ്ലഡ് ഗ്രൂപ്പ് കണ്ടെത്തുന്നതെന്ന് എംഎഎച്ച്ഇ പ്രൊ വൈസ് ചാൻസലർ ഡോ. പൂർണിമ ബാലിഗ പറഞ്ഞു. അപൂർവ രക്തഗ്രൂപ്പുള്ള ആളുകളുടെ വിവരങ്ങൾ അടങ്ങിയ രജിസ്റ്റർ…
Read MoreCategory: NRI
കെട്ടിടത്തിൽ വിരിഞ്ഞ വെള്ളച്ചാട്ടം! അമ്പരപ്പിക്കും ഈ അത്ഭുതം
ബഹുനില കെട്ടിടത്തിൽ സൃഷ്ടിച്ച മനുഷ്യനിർമിതമായ ആദ്യത്തെ വെള്ളച്ചാട്ടം അത്ഭുതമാകുന്നു. ചൈനയിലെ ഗുയിയാംഗ് നഗരത്തിലാണ് സംഭവം. ഇവിടെ നിർമിച്ചിരിക്കുന്ന ലൈബിയൻ ഇന്റർനാഷണൽ പ്ലാസ സ്കൈസ്ക്രാപ്പർ എന്നു പേരുള്ള കെട്ടിടത്തിലാണ് ഈ വെള്ളച്ചാട്ടം സൃഷ്ടിച്ചിരിക്കുന്നത്. ഏകദേശം 354 അടി ഉയരമുള്ള ഈ വെള്ളച്ചാട്ടം മനുഷ്യനിർമിതമായ ലോകത്തിലെ ഏറ്റവും ഉയരമേറിയ വെള്ളച്ചാട്ടം എന്ന ബഹുമതി സ്വന്തമാക്കിയിട്ടുണ്ട്. ശക്തിയേറിയ പമ്പുകളുടെ സഹായത്തോടെയാണ് ഈ വെള്ളച്ചാട്ടം സൃഷ്ടിച്ചിരിക്കുന്നത്. ഭൂമിക്കടിയിൽ നിർമിച്ചിരിക്കുന്ന നാലു ഭീമൻ സംഭരണികളിലാണ് ഈ വെള്ളച്ചാട്ടത്തിനുള്ള വെള്ളം സംരക്ഷിച്ചിരിക്കുന്നത്. ഈ വെള്ളച്ചാട്ടം ആരംഭിച്ചപ്പോൾ കെട്ടിടത്തിലെ പൈപ്പുകൾ തകർന്നതാണ് ഈ വെള്ളം വരുവാനുള്ള കാരണമെന്നാണ് പ്രദേശവാസികൾ വിചാരിച്ചത്. ഈ അത്ഭുതത്തെ വിമർശിക്കുന്നവരും നിരവധിയുണ്ട്. എന്തിനാണ് വെള്ളം വെറുതെ പാഴാക്കി കളയുകയാണെന്നാണ് ഇവരുടെ വാദം. വെള്ളം കെട്ടിടത്തിനു മുകളിലേക്കു എത്തിക്കുവാൻ ഉപയോഗിക്കുന്നത് നാല് 185 കിലോവാട്ട് പമ്പുകളാണ്. ഇതിനായി മാത്രം മണിക്കൂറിൽ 800 യുവാൻ ചിലവാകുമെന്നും…
Read Moreഒരു നിമിഷം വൈകിയിരുന്നുവെങ്കിൽ രണ്ടു ജീവൻ നഷ്ടമായേനെ; ഞെട്ടിക്കുന്ന ദൃശ്യങ്ങൾ
അച്ഛനും മകനും ഇറങ്ങിയതിനു തൊട്ടുപിന്നാലെ എസ്കലേറ്റർ തകർന്നു വീഴുന്നതിന്റെ ദൃശ്യങ്ങൾ വ്യാപകമായി പ്രചരിക്കുന്നു. ചൈനയിലെ അൻഹുയി പ്രവശ്യയിലെ സുവാൻചെംഗിലാണ് സംഭവം. ഇരുവരും ഇറങ്ങിയ ഉടൻ തന്നെ എസ്കലേറ്റർ തകർന്നു വീഴുകയായിരുന്നു. അപകടത്തെ തുടർന്ന് എസ്കലേറ്ററിൽ വലിയൊരു ദ്വാരം രൂപപ്പെട്ടതും കാണാം. ഇവർ ഇറങ്ങുവാൻ ഒരു നിമിഷം വൈകിയിരുന്നുവെങ്കിൽ വലിയ അപകടമുണ്ടാകുമായിരുന്നു.
Read Moreകടിച്ച പാമ്പിനെ കൈയിൽ ചുറ്റി ചികിത്സ തേടി യുവതി ആശുപത്രിയിൽ
അകലെ വച്ച് പാമ്പിനെ കാണുമ്പോൾ തന്നെ ബോധം പോകുന്നവരുണ്ട് എന്നാൽ കടിച്ച പാമ്പിനെയും കൈയിൽ ചുറ്റി ആശുപത്രിയിൽ ചികിത്സയ്ക്കെത്തിയ യുവതിയാണ് വാർത്തകളിലെ താരം. ചൈനയിലെ പുജിയാംഗ് കൗണ്ടിയിലാണ് സംഭവം. ഏകദേശം 1.5 മീറ്റർ നീളം പാമ്പിനുണ്ടായിരുന്നു. കൈയിൽ ചുറ്റിയ പാമ്പിന്റെ തലയിൽ വിരലുകൾ കൊണ്ട് ഇവർ ശക്തിയായി അമർത്തിപ്പിടിച്ചിരുന്നു. വിഷമില്ലാത്ത പാമ്പായിരുന്നതിനാൽ ഇവർക്ക് അപകടമൊന്നും സംഭവിച്ചിരുന്നില്ല. ആശുപത്രിയിലെ സിസിടിവിയിലെ ദൃശ്യങ്ങൾ സാമൂഹ്യമാധ്യമങ്ങളിൽ കൂടി പ്രചരിച്ചതിനെ തുടർന്ന് ഇവരുടെ പ്രവൃത്തിയെ വിമർശിച്ചും ധൈര്യത്തെ പുകഴ്ത്തിയും നിരവധിയാളുകളാണ് രംഗത്തെത്തിയിട്ടുള്ളത്.
Read Moreവളർത്തുനായ രക്ഷകനായി; ഗൃഹനാഥനും കുട്ടിയും പൊട്ടിത്തെറിയിൽ നിന്നു രക്ഷപെട്ടത് തലനാരിഴയ്ക്ക്
വീടിനുള്ളിൽ ചാർജ് ചെയ്തുകൊണ്ടിരുന്ന ഇലക്ട്രിക് സ്കൂട്ടർ പൊട്ടിത്തെറിച്ചു. ഗൃഹനാഥനും കുട്ടിയും വളർത്തുനായയും കഷ്ടിച്ചു രക്ഷപെട്ടു. ചൈനയിലാണ് സംഭവം. സംഭവത്തിന്റെ വീഡിയോ ദൃശ്യങ്ങൾ സോഷ്യൽ മീഡിയയിൽ പ്രത്യക്ഷപ്പെട്ടിട്ടുണ്ട്. വീടിനുള്ളിൽ വച്ച് ചാർജ് ചെയ്തുകൊണ്ടിരുന്ന ഇലക്ട്രിക് സ്കൂട്ടറിൽ നോക്കി വളർത്തുനായ കുരയ്ക്കുന്നതാണ് ദൃശ്യങ്ങളിൽ ആദ്യം. സംഭവം എന്താണെന്നറിയാൻ ഗൃഹനാഥൻ സ്കൂട്ടറിൽ വന്ന് നോക്കുമ്പോൾ സ്കൂട്ടറിൽ നിന്നും പുക ഉയരുന്നതാണ് കണ്ടത്. അപകടം മനസിലാക്കിയ അദ്ദേഹം കുട്ടിയുമായി വീടിനകത്തേക്കു ഓടി. വളർത്തുനായയും ഇവർക്കൊപ്പമുണ്ടായിരുന്നു. പെട്ടെന്ന് തന്നെ സ്കൂട്ടർ വലിയ ശബ്ദത്തോടെ പൊട്ടിത്തെറിച്ചു. അവിടം മുഴുവൻ തീ പടരുകയും ചെയ്തു. അപകടത്തിൽ ആർക്കും പരിക്കില്ല. അപകടം തിരിച്ചറിഞ്ഞ വളർത്തുനായയുടെ ബുദ്ധിയെ പ്രശംസിച്ച് നിരവിധിയാളുകളാണ് രംഗത്തെത്തിയിരിക്കുന്നത്. സംഭവത്തെ കുറിച്ച് പോലീസ് അന്വേഷിക്കുകയാണ്. വീടിനുള്ളിലെ സിസിടിവിയിലാണ് അപകടത്തിന്റെ ദൃശ്യങ്ങൾ പതിഞ്ഞത്.
Read Moreലിറ്റില് സൂപ്പര് ഗേള്! പതിനേഴാം നിലയില് നിന്നും താഴേക്കു വീണ കുട്ടി അത്ഭുതകരമായി രക്ഷപെട്ടു
ബഹുനില മന്ദിരത്തിന്റെ പതിനേഴാം നിലയിൽ നിന്നും താഴേക്കു വീണ് നിസാര പരിക്കുകളോടെ രക്ഷപെട്ട കുട്ടിയാണ് സാമൂഹ്യമാധ്യമങ്ങളിലെ താരമാകുന്നത്. രണ്ടര വയസുമാത്രം പ്രായമുള്ള ഈ പെണ്കുട്ടി സ്വന്തമാക്കിയിരിക്കുന്നത് സൂപ്പർ ഗേൾ എന്ന പേരാണ്. ചൈനയിലെ ജിയാംഗ്സു പ്രവശ്യയിലെ ഷാംഗ്സ്ഹുവിലാണ് അപകടം നടന്നത്. മാതാപിതാക്കൾ ജോലിക്കു പോയ സമയം മുത്തശിയാണ് കുട്ടിയെ നോക്കിയിരുന്നത്. വീട്ടിലേക്കു സാധനങ്ങൾ വാങ്ങിക്കുവാനുണ്ടായിരുന്നതിനാൽ ഉറങ്ങുകയായിരുന്ന കുട്ടിയെ മുറിക്കുള്ളിൽ പൂട്ടിയതിനു ശേഷം മുത്തശി പുറത്തേക്കു പോയി. കുട്ടി ഉറക്കമുണരുന്നതിനു മുമ്പ് തിരികെ വരുവാനായിരുന്നു ഇവരുടെ തീരുമാനം. എന്നാൽ മുത്തശി പോയി അൽപ സമയത്തിനു ശേഷം കുട്ടി ഉറക്കമുണർന്നു. വീടിനുള്ളിൽ ആരെയും കാണാതിരുന്നതിനാൽ മുറിക്കുള്ളിലുണ്ടായിരുന്ന കസേരയിൽ കൂടി കുട്ടി ഒരു മേശയുടെ മുകളിൽ കയറി. ജനാലയുടെ സമീപമായിരുന്നു ഈ മേശ കിടന്നിരുന്നത്. നിലത്തു വീണ കുട്ടി ഉടൻ തന്നെ എഴുന്നേറ്റു നിന്ന് കരഞ്ഞെന്നും പിന്നീട് കെട്ടിടത്തിന്റെ മുൻവശത്തേക്കു പോയെന്നുമാണ്…
Read Moreഅഴിമതി പൊളിച്ചടുക്കുന്നത് ഇങ്ങനെയാണ് ! വാഹനപ്രേമികളെല്ലാം ആ കാഴ്ച കണ്ടത് നിറകണ്ണുകളോടെ
അവിടെക്കൂടിയ വാഹനപ്രേമികളെല്ലാം നിറകണ്ണുകളോടെയാണ് ആ കാഴ്ച കണ്ടത്. പലരും കണ്ടുനിൽക്കാനാവാതെ സ്ഥലംവിട്ടു. ലംബോർഗിനിയും റോൾസ് റോയിസുമുൾപ്പെടെയുള്ള ആഡംബര വാഹനങ്ങൾ, ബുൾഡോസർ തവിടുപൊടിയാക്കുന്ന കാഴ്ചയാണ് വാഹനപ്രേമികളുടെ കണ്ണു നനച്ചത്. ഫിലിപ്പീൻസിലാണ് സംഭവം. കള്ളക്കടത്തുകാരുടേതും നികുതി വെട്ടിച്ചു രാജ്യത്ത് എത്തിച്ചതുമായ ആഡംബര വാഹനങ്ങളാണ് ഫിലിപ്പീൻസ് തലസ്ഥാനത്ത് ആയിരക്കണക്കിനു ആളുകളെ സാക്ഷിയാക്കി അധികൃതർ നശിപ്പിച്ചുകളഞ്ഞത്. ഫിലിപ്പീൻസ് പ്രസിഡന്റ് റോഡ്രിഗോ ഡ്യൂട്ടെർട്ടെയും വാഹനങ്ങളുടെ പൊളിച്ചടുക്കലിനു സാക്ഷിയാകാനെത്തിയിരുന്നു. അഴിമതിക്കും കള്ളക്കടത്തിനുമെതിരേ സന്ധിയില്ലാത്ത പോരാട്ടത്തിലാണു സർക്കാരെന്നും അഴിമതിക്കാർക്ക് ഇതു പാഠമാകട്ടേയെന്നും പ്രസിഡന്റ് പറഞ്ഞു. കാറുകളും സൂപ്പർബൈക്കുകളുമുൾപ്പെടെ 68 വാഹനങ്ങളാണു സർക്കാർ നശിപ്പിച്ചതെന്നു ഫിലിപ്പീൻസിലെ ഒൗദ്യോഗിക മാധ്യമം റിപ്പോർട്ട് ചെയ്തു. പോർഷെ, ട്രയംപ്, ചോപ്പർ തുടങ്ങിയ ലോകത്തര ബ്രാൻഡുകളുടെ വാഹനങ്ങൾ നശിപ്പിക്കപ്പെട്ടവയിൽപ്പെടുന്നു. നിയമപരമായി പിടിച്ചെടുത്ത ശേഷമായിരുന്നു നശിപ്പിക്കൽ. എന്നാൽ, നശിപ്പിക്കുന്നതിനു പകരം പിടിച്ചെടുത്ത വാഹനങ്ങൾ ലേലത്തിൽ വിറ്റു പണം കണ്ടെത്തുകയായിരുന്നു വേണ്ടതെന്നു സർക്കാർ വിരുദ്ധർ പ്രതികരിച്ചു.
Read Moreവേറിട്ടൊരു ജന്മദിനാഘോഷം! നൂറാം വയസില് വിമാനത്തില് നിന്നൊരു എടുത്തുചാട്ടം
പ്രായമാകുന്നതോടെ ആളുകൾ തങ്ങളുടെ വീടിനുള്ളിലേക്ക് ഒതുങ്ങുന്ന കാഴ്ചയാണ് സാധാരണ നമ്മൾ കാണാറ്. എന്നാൽ സിയാറ്റിൽകാരനായ സ്റ്റ്യൂ വില്യംസണ് അങ്ങനെയല്ല. പ്രായംകൂടുംതോറും അദ്ദേഹത്തിന്റെ ഉത്സാഹം കൂടിവരുകയാണ്. ഒടുവിൽ തന്റെ നൂറാം ജന്മദിനം അദ്ദേഹം ആഘോഷിച്ചതാകാട്ടെ പറന്നുകൊണ്ടിരുന്ന ഒരു വിമാനത്തിൽനിന്ന് താഴേക്ക് ചാടിക്കൊണ്ട്. പാരച്യൂട്ടടക്കമുള്ള സർവ സന്നാഹങ്ങളുമായിട്ട് ആയിരുന്നു ഇദ്ദേഹത്തിന്റെ ചാട്ടം. ചാട്ടം വിജയകരമായി പൂർത്തിയാക്കിയതോടെ സ്കൈ ഡൈവിംഗ് ചെയ്യുന്ന ഏറ്റവും പ്രായംകൂടിയ രണ്ടാമത്തെ വ്യക്തിയായി സ്റ്റ്യൂ. അടുത്ത ജന്മദിനത്തിലും വിമാനത്തിൽനിന്ന് ചാടി ഗിന്നസ് വേൾഡ് റിക്കാർഡ്സിൽ ഇടം പിടിക്കുകയാണ് തന്റെ ലക്ഷ്യമെന്ന് സ്റ്റ്യു പറഞ്ഞു.
Read Moreജോലി നൽകണമേയെന്ന് അപേക്ഷിച്ചയാൾക്ക് വാഗ്ദാനങ്ങളുടെ പെരുമഴ
പഠനം പൂർത്തിയാക്കി കഴിയുമ്പോൾ ഒരു നല്ല ജോലി. ഇങ്ങനെ ആഗ്രഹിക്കാത്തവരായി ആരും തന്നെയില്ല. എന്നാൽ ജോലി ലഭിക്കാതെ വരുമ്പോൾ ഇവർ അനുഭവിക്കുന്ന മാനസിക സംഘർഷം സങ്കൽപ്പിക്കുവാൻ സാധിക്കുന്നതിലും അധികമാണ്. ഇത്തരമൊരു അവസ്ഥയിൽ കൂടി കടന്നു പോയി പെട്ടന്നൊരു ദിവസം നാനാഭാഗത്തു നിന്നും ജോലി വാഗ്ദാനം ലഭിച്ചതിന്റെ ഞെട്ടലിൽ നിന്നും വിമുക്തനായിട്ടില്ല, അമേരിക്കൻ സ്വദേശിയായ ഡേവിഡ് കാസറസ്. ജോലി തേടി അലഞ്ഞ ഡേവിഡ്, തന്റെ മുമ്പിൽ മറ്റ് വഴിയില്ലന്ന് മനസിലാക്കിയതിനെ തുടർന്ന് വീടില്ലാത്തയാളാണ് വിജയത്തിനിനായി കൊതിക്കുന്നു..എന്റെ റസ്യുമെ സ്വീകരിക്കു. എന്ന് എഴുതിയ ബോർഡും കൈയിൽ പിടിച്ച് വഴിവക്കിൽ നിൽക്കുകയായിരുന്നു. ഇതുവഴി വന്ന ഡ്രൈവറായ ജാസ്മിൻ സ്കോഫീൽഡ് എന്നഡ്രൈവർ, ഡേവിഡിന്റെ ചിത്രം പകർത്തി സോഷ്യൽമീഡിയയിൽ പങ്കുവെച്ചതിനെ തുടർന്ന് അദ്ദേഹത്തിന് ജോലി വാഗ്ദാനങ്ങളുടെ പെരുമഴയാണ്. ഗൂഗിൾ, ബീറ്റ് കോയിൻ.കോം, നെറ്റ് ഫ്ലിക്സ്, ലിങ്ക്ഡ് ഇൻ തുടങ്ങിയ കമ്പനികളാണ് ഡേവിഡിനെ തേടിയെത്തിയെത്തിയിരിക്കുന്നത്. ഇൻഫർമേഷൻ…
Read Moreപണിപാളി! വളര്ത്തുനായയെ രക്ഷിക്കാന് അഴുക്കു ചാലില് ഇറങ്ങി; ഒടുവില്…
വളർത്തുനായയെ രക്ഷിക്കാൻ അഴുക്കു ചാലിൽ ഇറങ്ങി കുടുങ്ങിയയാളെ പുറത്തെടുക്കുവാൻ ഫയർഫോഴ്സ്. യുകെയിലെ നോർഫോക്കിലാണ് സംഭവം. അമ്പത്തിയൊമ്പതുകാരനായ ടോണി സ്റ്റീവെൻസ് എന്നയാളുടെ വളർത്തുനായയാണ് ഇരുപതടിയോളം താഴ്ച്ചയുള്ള മൂടിയില്ലാത്ത അഴുക്കു ചാലിൽ വീണത്. സംഭവം കണ്ട സ്റ്റീവെൻസും പിന്നാലെ ഈ അഴുക്കുചാലിലേക്ക് ഇറങ്ങി. എന്നാൽ കണങ്കാലിനു പരിക്കേറ്റതിനെ തുടർന്ന് പുറത്തേക്ക് ഇറങ്ങുവാൻ സാധിക്കാതെ ഇദ്ദേഹം ഇതിനുള്ളിൽ കുടുങ്ങുകയായിരുന്നു. ഇതിനെ തുടർന്ന് മുപ്പ്ത് രക്ഷാപ്രവർത്തകർ ഏകദേശം രണ്ട് മണിക്കൂറുകൾ പരിശ്രമിച്ചതിനെ തുടർന്നാണ് സ്റ്റീവെൻസിനെ അഴുക്കു ചാലിനുള്ളിൽ നിന്നും പുറത്തെത്തിക്കുവാനായത്. നായയെ സുരക്ഷിതമായി പുറത്തെത്തിച്ചതിനു ശേഷം സ്ട്രെച്ചറിൽ കിടത്തിയാണ് സ്റ്റീവെൻസിനെ രക്ഷിച്ചത്. ആശുപത്രിയിൽ പ്രവേശിപ്പിച്ചിരിക്കുന്ന സ്റ്റീവെൻസിന്റെ പരിക്ക് ഗുരുതരമല്ലെന്നാണ് അറിയാൻ സാധിക്കുന്നത്.
Read More