ചൈനയുടെ പീപ്പിൾസ് ലിബറേഷൻ ആർമിയിൽ ചേർന്ന യുവസൈനികന് ഗ്രനേഡ് കൈകാര്യം ചെയ്യാൻ പരിശീലനം നൽകവേ കൈയിൽ നിന്നും വഴുതി വീണ് പൊട്ടിത്തെറിക്കുന്നതിന്റെ വീഡിയോ വൈറലാകുന്നു. ചൈനയിലെ ഷാൻസി പ്രവശ്യയിലുള്ള സിയാനിലെ എയർ ഫോഴ്സ് കേഡറ്റ് സ്കൂളിലെ പരിശീലനത്തിനിടെയാണ് ഹാംഗ് എന്നു പേരുള്ള യുവസൈനികന്റെ കൈയിൽ നിന്നും അബദ്ധത്തിൽ ഗ്രനേഡ് നിലത്തു വീണ് പൊട്ടിയത്. 2016ൽ നടന്ന സംഭവത്തിന്റെ ദൃശ്യങ്ങൾ പുറത്തു വിട്ടത് മാധ്യമമായ ചൈനീസ് സിൻഹുവാ ന്യൂസാണ്. പരിശീലകനോപ്പം നിന്ന് ഡ്രനേഡ് എറിയാൻ പരിശീലിക്കുകയായിരുന്നു ഹാംഗ്. എന്നാൽ അബദ്ധം പറ്റി ഹാംഗിന്റെ കൈയിൽ നിന്നും ഗ്രനേഡ് നിലത്തു വീണു. സംഭവം കണ്ട പരിശീലകൻ ഹാംഗുമായി സ്ഥലത്തുനിന്നും ഞൊടിയിടയിൽ മാറുകയായിരുന്നു ഉടൻ തന്നെ ഗ്രനേഡ് പൊട്ടിത്തെറിക്കുകയും ചെയ്തു. പൊട്ടിത്തെറിയുടെ ആഘാതത്തിൽ അവിടം പുക കൊണ്ടു മൂടുന്നത് വീഡിയോയിൽ കാണാം. അപകടത്തിൽ ആർക്കും പരിക്കുപറ്റിയില്ല.
Read MoreCategory: NRI
ലോകത്തിലെ ഏറ്റവും വിലപിടിപ്പുള്ള വോഡ്ക മോഷണം പോയി
കോപ്പൻഹേഗൻ: ഡെന്മാർക്കിലെ ബാറിൽനിന്ന് ലോകത്തിലെ ഏറ്റവും വിലപിടിപ്പുള്ള വോഡ്ക മോഷണം പോയി. 1.3 മില്യണ് യുഎസ് ഡോളർ വില വരുന്ന വോഡ്കയാണ് മോഷ്ടാക്കൾ അടിച്ചു മാറ്റിയത്. കോപ്പൻഹേഗനിലെ കഫേ 33 ബാറിലാണ് മോഷണം നടന്നത്. സ്വർണവും പ്ലാറ്റിനവും ഡൈമണ്ടുകളും കൊണ്ട് നിർമിച്ചതാണ് ഇതിന്റെ കുപ്പി. സംഭവത്തിൽ പോലീസ് അന്വേഷണം ആരംഭിച്ചു.
Read Moreസൗദിയിലും യുഎഇയിലും “വാറ്റ്’ വരുന്നു
റിയാദ്: സൗദി അറേബ്യയിലും യുഎയിലും “വാറ്റ്’ ഏർപ്പെടുത്തുന്നു. ഇതിന്റെ ഭാഗമായി എല്ലാ സാധനങ്ങൾക്കും സേവനങ്ങൾക്കും അഞ്ച് ശതമാനം മുതൽ ടാക്സ് ഏർപ്പെടുത്തും. ഗൾഫ് നാടുകളിൽ ഇതുവരെ നികുതി ഇത്തരത്തിൽ നികുതിയേർപ്പെടുത്തിയിരുന്നില്ല. സർക്കാരിന്റെ വരുമാനം വർധിപ്പിക്കുന്നതിന്റെ ഭാഗമായാണ് “വാറ്റ്’ നടപ്പിലാക്കാനൊരുങ്ങുന്നത്. ജനുവരി ഒന്നുമുതൽ വാറ്റ് നിലവിൽ വരുമെന്നാണ് വിവരം. ആദ്യവർഷത്തിൽ 12 ബില്യൺ ദിർഹം വരുമാനം ഇത്തരത്തിൽ ടാക്സ് ഏർപ്പെടുത്തുന്നതിലൂടെ സർക്കാർ ഖജനാവിലേക്ക് എത്തുമെന്നാണ് യുഎഇ സർക്കാരിന്റെ കണക്കുകൂട്ടൽ.
Read Moreയാത്രകളുടെ മനോഹാരിത നശിപ്പിച്ചു! ഭാര്യയുടെ ഉറക്കം സോഷ്യല് മീഡിയയില് വൈറലാക്കി യുവാവ്
ഓരോ യാത്രകളും പുതിയ അനുഭവങ്ങളാണ്. നമ്മൾക്കൊപ്പം യാത്ര ചെയ്യുന്നവരും അത് മനസറിഞ്ഞ ആസ്വദിക്കുകയാണെങ്കിൽ യാത്രകൾ എന്നും മനോഹരമാണ്. പക്ഷെ ഇതെല്ലാം നശിപ്പിക്കാൻ ഒരേ ഒരാൾ വിചാരിച്ചാലും നടക്കും. അത്തരമൊരു ദുരനുഭവത്തിലൂടെയാണ് മാഗു എന്ന യുവാവ് കടന്നു പോയത്. കാരണം അദ്ദേഹത്തിന്റെ യാത്രകളുടെ മനോഹാരിത നശിപ്പിച്ചത് മറ്റാരുമല്ല, സ്വന്തം ഭാര്യയാണ്. ഓരോ യാത്രക്കിടയിലുമുള്ള ഇവരുടെ ഉറക്കമാണ് അദ്ദേഹത്തെ മടുപ്പിക്കുന്നത്. മാഗു തന്നെയാണ് ഭാര്യയ്ക്കൊപ്പമുള്ള 21 യാത്രകൾക്കിടയിലുള്ള ഉറക്കചിത്രങ്ങൾ സോഷ്യൽ മീഡിയയിൽ പങ്കുവച്ചത്. പല രീതിയിൽ കിടന്നാണ് ഇവർ ഉറങ്ങുന്നത്. യാത്രകളിലുണ്ടാകുന്ന ബുദ്ധിമുട്ടുകൾ ഒഴിവാക്കാൻ ഉറങ്ങാൻ മാതാപിതാക്കൾ അവളെ പരിശീലിപ്പിച്ചിരുന്നു. അത് ഇപ്പോൾ ഭാര്യയ്ക്ക് ശീലമായി മാറിയെന്നാണ് അദ്ദേഹം പറയുന്നത്. ഇവരുടെ ഉറക്കം സോഷ്യൽ മീഡിയ ഇപ്പോൾ ഏറ്റെടുത്തിരിക്കുകയാണ്.
Read Moreമക്കൾ വഴിയിൽ പ്രാവിന് തീറ്റകൊടുത്തു; അമ്മയ്ക്ക് പിഴ 7,000 രൂപ!
നഗരത്തിലെ നിരത്തുകളിൽ കൊത്തിപ്പെറുക്കി നടന്ന പ്രാവുകൾക്ക് മക്കൾ തീറ്റകൊടുത്തതിന് നഗരസഭ അമ്മയ്ക്ക് 7000 രൂപ പിഴയിട്ടു. ഇംഗ്ലണ്ടിലെ ബ്രാഡ്ഫോർഡ് എന്ന സ്ഥലത്തായിരുന്നു സംഭവം. ഷോപ്പിംഗിനിറങ്ങിയതായിരുന്നു കാറ്റി ട്രൂഡിഗിൽ എന്ന അമ്മയും അവരുടെ അഞ്ചും മൂന്നും വയസുള്ള രണ്ടു മക്കളും. ഷോപ്പിംഗ് നടത്തി ക്ഷീണിച്ച മക്കൾക്ക് അമ്മ സാൻവിച്ച് വാങ്ങി നൽകി. നഗരത്തിലെ റോഡിന്റെ വശങ്ങളിൽ ഇട്ടിരുന്ന ബഞ്ചിലിരുന്ന് സാൻവിച്ച് കഴിക്കുകയായിരുന്നു മക്കൾ. അപ്പോൾ കുറേ പ്രാവുകൾ അവർക്കു ചുറ്റും കൂടി. പ്രാവുകളെ കണ്ട കുഞ്ഞുങ്ങൾ തങ്ങളുടെ സാൻവിച്ചിന്റെ കഷണങ്ങൾ മുറിച്ച് പ്രാവുകൾക്കും നൽകുകയായിരുന്നു. പ്രവുകൾ അത് കഴിച്ചുകൊണ്ടിരിക്കുന്പോഴാണ് നഗരസഭ ശുചീകരണ തൊഴിലാളികളെത്തി കുട്ടികളുടെ അമ്മയുടെ പേരിൽ പിഴയടിച്ചത്. നിരത്തിൽ മാലിന്യം നിക്ഷേപിച്ചു എന്നാണ് അമ്മയ്ക്കുമേൽ ചുമത്തിയിരിക്കുന്ന കുറ്റം.
Read Moreഈ ചിലന്തിക്ക് ബോബ് മാർലിയുമായി എന്താണ് ബന്ധം..?
കഴിഞ്ഞ ദിവസം ഓസ്ട്രേലിയയുടെ തീരപ്രദേശത്തുനിന്ന് കണ്ടെത്തിയ അപൂർവ ഇനം ചിലന്തിക്ക് സംഗീത ഇതിഹാസം ബോബ് മാർലിയുടെ പേര് നൽകി. ഓസ്ട്രേലിയയിലെ ക്വീൻസ് ലാൻഡ് മ്യൂസിയത്തിലെ ഡോക്ടർ ബാർബറ ബേറിന്റെ നേതൃത്വത്തിലുള്ള സംഘമാണ് കടലിൽ കഴിയുന്ന അപൂർവ ഇനം ചിലന്തിയെ കണ്ടെത്തിയത്. ബോബ് മാർലിയുടെ പ്രശസ്തഗാനമായ ഹൈ ടൈഡ് ലോ ടൈഡ് എന്ന ഗാനത്തിന്റെ സ്മാരകമായാണ് ചിലന്തിക്ക് ഈ പേര് നൽകിയത്. കടലിനടിയിൽ താമസിക്കുന്ന ചിലന്തികൾ അപൂർവമായി മാത്രമേ ലോകത്തുള്ളു. ശരീരത്തിൽ നിന്ന് ഉത്പാദിപ്പിക്കുന്ന നേർത്തനൂലുകൾക്കൊണ്ടുണ്ടാക്കിയ കവചത്തിനുള്ളിലാണ് ഈ ചിലന്തികൾ വെള്ളത്തിനടിയിൽ കഴിയുന്നത്. തീരപ്രദേശത്തോട് ചേർന്നുള്ള പാറകളിലും മറ്റും പറ്റിപ്പിടിച്ചിരിക്കുന്ന ചെറുപ്രാണികളാണ് ഇവയുടെ ഭക്ഷണം. ഈ വർഗത്തിൽപ്പെട്ട പെണ് ചിലന്തികൾക്ക് ആണ് ചിലന്തികളേക്കാൾ വലുപ്പം കൂടുതലാണ്. ചുവപ്പും ബ്രൗണും ചേർന്ന ഒരു നിറമാണ് ഇവയ്ക്ക്.
Read Moreകാൻസർ ജീവൻ കവർന്ന എട്ടു വയസുകാരന് പ്ലാസ്റ്റിക് കട്ടകൾ കൊണ്ടൊരു സ്മാരകം
വലിയ കെട്ടിടങ്ങളൊക്കെ പണിയുന്ന ഒരു ശിൽപ്പിയാകണമെന്നായിരുന്നു ഒമർ സയാഗ് എന്ന ഇസ്രയേൽ ബാലന്റെ സ്വപ്നം. എന്നാൽ വളരെ ചെറുപ്പത്തിൽത്തന്നെ കാൻസർ എന്ന മാരകരോഗം അവനെ പിടികൂടി. വേഗത്തിൽ രോഗങ്ങൾ പിടികൂടുമെന്നതിനാൽ വീടുനു പുറത്തിറങ്ങാനോ കൂട്ടുകാരോടൊത്ത് കളിക്കാനോ അവന് അനുവാദമുണ്ടായിരുന്നില്ല. അങ്ങനെയാണ് ഒമർ ചെറിയ പ്ലാസ്റ്റിക് കെട്ടിടങ്ങളുണ്ടാക്കുന്ന കട്ടകളുമായി കൂട്ടുകൂടിത്തുടങ്ങിയത്. ഈ പ്ലാസ്റ്റിക് കട്ടകൾ കൂട്ടിയോചിപ്പിച്ച് കുഞ്ഞു ഒമർ വലിയ കെട്ടിടങ്ങൾ നിർമിച്ചു. ഒമറിന്റെ ഈ കലാവിരുത് അവന്റെ വീട്ടുകാരെയും സ്വകാര്യ അദ്ധ്യാപികയെയും ഏറെ അദ്ഭുതപ്പെടുത്തിയിരുന്നു. പ്ലാസ്റ്റിക് കട്ടകൾ ഉപയോഗിച്ച് ലോകത്തിലെ പ്രശസ്തമായ കെട്ടിടങ്ങളെല്ലാം അവൻ നിർമിച്ചു. 2008ൽ തന്റെ എട്ടാം വയസിൽ ഒമർ മരണത്തിന് കീഴടങ്ങി. മരിച്ച് എട്ടു വർഷത്തിന് ശേഷം ഒമറിന് ഒരു സ്മാരകമൊരുങ്ങുകയാണ് ഇസ്രയേലിലെ ടെൽ അവീവിൽ. ഒമറിന് ഏറെ പ്രിയപ്പെട്ട പല നിറങ്ങളിലുള്ള പ്ലാസ്റ്റിക് കട്ടകൾ ഉപയോഗിച്ച് നിർമിക്കുന്ന ഒരു ടവറാണ് ഈ…
Read Moreപണികിട്ടി..! പന്ത്രണ്ട് വര്ഷം ഊമയായി അഭിനയിച്ചു; ഒടുവില് നഷ്ടമായത് സംസാരശേഷി
പന്ത്രണ്ട് വർഷം ഉൗമയായി അഭിനയിച്ച കൊലപാതക കേസിലെ പ്രതിയ്ക്ക് സംസാര ശേഷി നഷ്ടമായി. ചൈനയിലെ സെജിയാംഗ് പ്രവിശ്യയിലെ ഹാൻസോഹു സ്വദേശിയായ സെംഗ് എന്നയാൾക്കാണ് ഈ ദുരനുഭവമുണ്ടായത്. ഭാര്യയുടെ അമ്മാവനെ കൊലപ്പെടുത്തിയന്നുള്ളതാണ് ഇയാൾക്കെതിരെ തെളിഞ്ഞിട്ടുള്ള കേസ്. 2005ൽ 500 യുവാന്റെ പേരിൽ ഇവർ തമ്മിൽ വാക്ക് തർക്കത്തിലേർപ്പെടുകയും തുടർന്ന് സെംഗ് അദ്ദേഹത്തെ കൊലപ്പെടുത്തുകയുമായിരുന്നു. പോലീസിന്റെ കണ്ണുവെട്ടിച്ച് കടന്ന സെഗ് പിന്നീട് ഹാൻസോഹുവിൽ നിന്നും എഴുനൂറ് കിലോമീറ്റർ അകലെയുള്ള അൻഹൂയി പ്രവശ്യയിലെത്തി അവിടെയൊരു വീടും നിർമിച്ച് നിർമാണതൊഴിലാളിയായി താമസിച്ചുവരികയായിരുന്നു. മാത്രമല്ല ഉൗമയായി അദ്ദേഹം അഭിനയിക്കാനും ആരംഭിച്ചു. അവിടെ നിന്നും അദ്ദേഹം ഒരു വിവാഹം കഴിച്ചു മാത്രമല്ല ഒരു കുട്ടിയും ജനിച്ചു.വാംഗ് ഗുയി എന്ന പേരിലാണ് അദ്ദേഹം അവിടെ കഴിഞ്ഞത്. വർഷങ്ങൾ പലതു കൊഴിഞ്ഞു വീണു. നാടുവിട്ടെങ്കിലും ഉൗമായായി അഭിനയിച്ചിട്ടും നിയമത്തിന്റെ കണ്ണിൽ നിന്നും രക്ഷനേടാൻ സെംഗിനായില്ല. അടുത്തിടെ പോലീസ് ഇവിടെ…
Read Moreവെറുതെയല്ല ഭാര്യ! ഭര്ത്താവിന്റെ ഗെയിം ഭ്രാന്ത് അവസാനിപ്പിച്ചു; ഭാര്യയ്ക്ക് ലഭിച്ചത് വിവാഹമോചന നോട്ടീസ്
അമിതമായ മൊബൈൽ ഗെയിം ഉപയോഗം മൂലം താറുമാറായത് ഒരു കുടുംബം. മലേഷ്യയിലാണ് സംഭവം നടന്നത്. ഇരുപത്തിയഞ്ചുകാരനായ യുവാവ് “കിംഗ് ഓഫ് ഗ്ലോറി’ എന്ന ഗെയിമിന് അടിമപ്പെട്ട് സ്വന്തം ഭാര്യയെ പോലും വേണ്ടെന്നു തീരുമാനിക്കുകയായിരുന്നു. ഇതേത്തുടർന്ന് അദ്ദേഹത്തിന്റെ ഗെയിം അക്കൗണ്ട് ഇവർ ഓണ്ലൈനിൽ വിറ്റതാണ് വിവാഹമോചനത്തിലേക്ക് നയിച്ചത്. പേര് വെളിപ്പെടുത്തിയിട്ടില്ലാത്ത ഈ ദന്പതികൾ ആറുവർഷങ്ങൾക്കു മുന്പ് പ്രണയിച്ച് വിവാഹം കഴിച്ചവരാണ്. ചൈനീസ് സ്വദേശിയായിരുന്ന വധു വിവാഹത്തെ തുടർന്ന് ഭർത്താവിനൊപ്പം മലേഷ്യയിൽ താമസം ആരംഭിക്കുകയായിരുന്നു. രണ്ടു വർഷങ്ങൾക്കു മുന്പാണ് ഇവരുടെ ജീവിതത്തിലേക്ക് കരിനിഴൽ പോലെ കിംഗ് ഓഫ് ഗ്ലോറി എന്ന ഗെയിം കടന്നു വന്നത്. ആദ്യമായി ഈ ഗെയിം അദ്ദേഹം പരീക്ഷിച്ചു നോക്കിയപ്പോൾ ഭാര്യയും അദ്ദേഹത്തിനൊപ്പം കൂടിയിരുന്നു. ഈ ഗെയിം കളിക്കുന്നതിനിടെ ഭാര്യ തെറ്റുകൾ വരുത്തുന്പോൾ അദ്ദേഹം വൈകാരികമായാണ് പ്രതികരിച്ചിരുന്നത്. പിന്നീടങ്ങോട്ട് ഭാര്യയെ ഒഴിവാക്കി സുഹൃത്തുക്കൾക്കൊപ്പമായി മാറി അദ്ദേഹത്തിന്റെ ഗെയിം…
Read Moreസുനാമിയെ അതിജീവിച്ച ആ അദ്ഭുത പൈൻമരം ഇനിയില്ല
2011ൽ ജപ്പാനെ തകർത്തെറിഞ്ഞ മഹാദുരന്തമായിരുന്നു സുനാമി. ജപ്പാന്റെ കിഴക്കൻ മേഖലകളെ പൂർണമായും സുനാമി വിഴുങ്ങിയപ്പോൾ അവശേഷിച്ചത് ഒന്നു മാത്രമായിരുന്നു, ഒരു പൈൻ മരം. തീരദേശത്തുള്ള 70,000 മരങ്ങൾ കടപുഴകിവീണപ്പോൾ പ്രതിബന്ധങ്ങൾ മറികടന്ന് പ്രതീക്ഷയുടെ ഒരു തിരിനാമ്പായി വേരുറപ്പിച്ചുനിന്നിരുന്ന ആ പൈൻ മരം ഇനിയില്ല. ദുരന്തശേഷം ആറു വർഷം പിന്നിടുന്പോൾ 25 മീറ്റർ ഉയരം വരുന്ന ആ പൈൻമരത്തിന്റെ കടയ്ക്കൽ മഴു വീണു! പ്രതീക്ഷയോടെ പ്രദേശവാസികൾ മരത്തെ സംരക്ഷിക്കാൻ ശ്രമിച്ചെങ്കിലും ഉപ്പുവെള്ളം മൂടിക്കിടന്നതിനാൽ മരത്തിന്റെ വേരുകൾക്ക് ബലക്ഷയം സംഭവിച്ചത് ചൂണ്ടിക്കാട്ടി അധികൃതർ മുറിക്കുകയായിരുന്നു. പൈൻ മരം നിന്നിരുന്ന ജപ്പാനിലെ തീരപ്രദേശമായ മിനാമിസോമയിൽ പ്രകൃതിക്ഷോഭത്തെ ചെറുക്കാനുതകുന്ന മരങ്ങൾക്കൊണ്ടുള്ള ഹരിത ബെൽറ്റ് നിർമിക്കാനുള്ള തയാറെടുപ്പിലാണ് അധികൃതർ. സുനാമി ദുരന്തത്തിന്റെ വേദനകളിലും പ്രതീക്ഷനല്കിയ പൈൻമരം മുറിച്ചുമാറ്റുന്നതു കാണാൻ നൂറുകണക്കിന് പ്രദേശവാസികൾ തടിച്ചുകൂടിയിരുന്നു. പൈൻമരത്തിന്റെ ഓർമകൾ എന്നും തങ്ങളുടെയുള്ളിൽ ഉണ്ടായിരിക്കുമെന്ന പ്രാർഥനയോടെ നിരവധി പേർ…
Read More