ഫ്രാങ്ക്ഫർട്ട്: പ്രതിജ്ഞ ഒപ്പുവച്ചാൽ മാത്രം സന്ദർശിക്കാവുന്ന ലോകത്തിലെ ഏക ദ്വീപാണ് പസഫിക് സമുദ്രത്തിൽ സ്ഥിതിചെയ്യുന്ന പലാവു. വെറും ഇരുപതിനായിരത്തിനടുത്ത് ജനസംഖ്യയുള്ള ഇവിടേയ്ക്കു വരാൻ സന്ദർശകർ ഒരു പ്രതിജ്ഞയിൽ ഒപ്പു വയ്ക്കണം എന്നതാണ് ഏറെ രസകരം. സന്ദർശകർ അവരുടെ പാസ്പോർട്ടിനൊപ്പം ദ്വീപിന്റെ പാരിസ്ഥിതിക്ക് കോട്ടംതട്ടുന്ന യാതൊരു നടപടിക്കും മുതിരരുതെന്ന സത്യവാങ് മൂലം നൽകണം. സന്ദർശകരുടെ അശ്രദ്ധവും നിരുത്തരവാദപരവുമായ പെരുമാറ്റവും പാരിസ്ഥിതികമായി ദ്വീപിനുണ്ടാക്കിയ ആഘാതമാണ് തീരുമാനത്തിനു പിന്നിൽ. പരിസ്ഥിതിക്ക് ആഘാതമുണ്ടാക്കുന്നതോ മലിനീകരണമുണ്ടാക്കുന്നതോ ആയ എന്തെങ്കിലും ചെയ്താൽ സന്ദർശകർക്ക് വലിയ തുക പിഴ ഒടുക്കേണ്ടി വരും. ഉദാഹരണമായി ഒരു സ്രാവിനെ ഉപദ്രവിച്ചാൽ 10 ലക്ഷം ഡോളർ പിഴ ചുമത്തും. പലാവുവിലെ മറൈൻ സാംക്ച്വറി ലോക പ്രശസ്തമാണ്. പലാവു ലെഗസി പ്രോജക്ട് എന്ന സന്നദ്ധ സംഘടനയാണ് ഈ പ്രതിജ്ഞാ കാന്പയിനു പിന്നിൽ. സർക്കാർ ഏജൻസികളുമായി ചേർന്നു ഈ നിബന്ധന മുന്നോട്ടു കൊണ്ടുപോകുന്നു. പ്രതിജ്ഞ…
Read MoreCategory: NRI
മതിമറന്ന് മദ്യപിച്ചു! പുതുവർഷ ആഘോഷത്തിനു ശേഷം ടാക്സി പിടിച്ച് വീട്ടിലേക്ക്; അതും മൂന്നു രാജ്യങ്ങളിലൂടെ
പുതുവർഷപ്പിറവിയുടെ സന്തോഷം ആഘോഷിക്കുവാനായി മതിമറന്ന് മദ്യപിച്ചതിനു ശേഷം ടാക്സിയിൽ വീട്ടിൽ പോയ യുവാവിന്റെ പക്കൽ നിന്നും വാടകയായി വാങ്ങിയത് 2,200 ഡോളർ. നോർവെ സ്വദേശിയായ ഇയാൾ പുതുവർഷം ആഘോഷിക്കാൻ പോയത് കോപ്പൻഹേഗനിലെ നൈഹാവ്നിലായിരുന്നു. ഇവിടെ നിന്നുമാണ് അദ്ദേഹം ടാക്സി വിളിച്ച് വീട്ടിലേക്കു പോയത്. പുതുവത്സര ആഘോഷങ്ങൾക്കു ശേഷം വീട്ടിൽ പോകണമെന്ന് തോന്നിയ ഇദ്ദേഹം സ്വദേശമായ നോർവേയിലെ ഒസ്ലോയിലേക്ക് കാബ് ബുക്ക് ചെയ്തു. കോപ്പൻഹേഗനിൽ നിന്നും ഏകദേശം അറുന്നൂറ് കിലോമീറ്റർ ദൂരം അവിടേക്ക് ഉണ്ടായിരുന്നു. ഡെൻമാർക്കിൽ നിന്നും ആരംഭിച്ചയാത്ര സ്വീഡൻ കടന്നാണ് നോർവെയിൽ എത്തിയത്. വീട്ടിൽ എത്തിയ ഉടനെ ഡ്രൈവറോട് ഒരു വാക്കു പോലും പറയാതെ അദ്ദേഹം അകത്തു കയറി ഉറങ്ങാൻ പോകുകയായിരുന്നു. അപ്പോഴേക്കും ടാക്സി കാറിന്റെ ബാറ്ററിയും തീർന്നിരുന്നു. ഇനിയും ബുദ്ധിമുട്ടാനില്ലെന്നു തീരുമാനിച്ച ഡ്രൈവർ ഉടൻ തന്നെ ഒസ്ലോ പോലീസിൽ വിവരം അറിയിക്കുകയായിരുന്നു. പോലീസെത്തി വീടിനുള്ളിൽ കയറി…
Read Moreരണ്ടായിരം വർഷം മുമ്പും വൈഫൈ മോഡം..!
ഖനനത്തിലൂടെ ലഭിച്ച അതിപുരാതന വസ്തു എന്തെന്നെറിയാതെ ഗവേഷകർ. ചൈനയിലെ ആൻഹ്വി പ്രവിശ്യയിൽനിന്നു കണ്ടെത്തിയ രണ്ടു വെങ്കല രൂപങ്ങളാണ് ഗവേഷകരെ കുഴക്കുന്നത്. വിശദമായ പഠനത്തിലൂടെ വസ്തുക്കൾക്ക് 2000 വർഷം പഴക്കമുണ്ടെന്നു കണ്ടെത്താനായെങ്കിലും ഇവയുടെ ഉപയോഗം എന്തായിരുന്നു എന്ന കാര്യത്തിൽ ഏകാഭിപ്രായത്തിലെത്താൻ അവർക്കിതുവരെ സാധിച്ചിട്ടില്ല. പുരാതനകാലത്തെ ഏതോ സംഗീത ഉപകരണമാണിതെന്നാണ് ഒരു വിഭാഗം ഗവേഷകർ പറയുന്നത്. എന്നാൽ, ലഭിച്ച ഉപകരണം അപൂർണമാണെന്നും മറ്റേതോ ഉപകരണത്തിന്റെ ഭാഗമായതിനാൽ അവശേഷിക്കുന്ന ഭാഗംകൂടി കണ്ടെത്തിയാലേ കാര്യങ്ങൾ വ്യക്തമാകൂ എന്നുമാണ് ആൻഹ്വി മ്യൂസിയത്തിന്റെ മേൽനോട്ടക്കാരൻ ലിയിഴി പറയുന്നത്. വസ്തുക്കളുടെ ചിത്രം സമൂഹമാധ്യമങ്ങളിലൂടെ പ്രചരിച്ചതോടെ ചൈനീസ് നെറ്റിസൻസും സംഭവം എന്തെന്നറിയാൻ അന്വേഷണമാരംഭിച്ചിരുന്നു. പഴയ കാലത്തെ വൈഫൈ മോഡമാണിതെന്നാണ് നെറ്റിസൻസിന്റെ കണ്ടെത്തൽ.
Read Moreകാറിടിച്ചു പരിക്കേറ്റയാള് കയറിപ്പോയത് അപകടമുണ്ടാക്കിയ അതേ കാറില്; തുമ്പ് കിട്ടാതെ പോലീസ്
നിയന്ത്രണം നഷ്ടപ്പെട്ട് പാഞ്ഞുവന്ന കാർ യുവാവിനെ ഇടിച്ചു തെറിപ്പിക്കുന്നതിന്റെ സിസിടിവി ദൃശ്യങ്ങൾ പുറത്ത്. മെൽബണിലെ കിൽസിത്തിലാണ് സംഭവം നടന്നത്. നന്പർ പ്ലേറ്റില്ലാതെ പാഞ്ഞു വരുന്ന വെളുത്ത കാർ റോഡിനു സമീപം നടന്നു പോകുകയായിരുന്ന യുവാവിനെ ഇടിച്ചു തെറിപ്പിക്കുകയായിരുന്നു. എന്നാൽ, കുറച്ചുകൂടി മുന്നോട്ടു പോയ കാർ വീണ്ടും വട്ടം കറങ്ങി വന്ന് അദ്ദേഹത്തെ ഇടിച്ച അതേ സ്ഥലത്ത് വന്ന് നിർത്തി. ഈ സമയം പരിക്കേറ്റയാൾ നിലത്തു കൂടി നിരങ്ങി കാറിനു സമീപം വരുന്പോൾ കാറിനുള്ളിലിരുന്നയാൾ അദ്ദേഹത്തിനായി കാറിന്റെ ഡോർ തുറന്നു കൊടുക്കുകയും പരിക്കേറ്റയാൾ കാറിനുള്ളിൽ കയറിയതോടെ അദ്ദേഹം കാർ ഓടിച്ചു പോകുകയുമായിരുന്നു. കാറിന്റെ ഡ്രൈവർ മനപ്പൂർവം സൃഷ്ടിച്ചതാണോ അതോ അദ്ദേഹത്തിന് അറിയാതെ പറ്റിയതാണോ ഈ അപകടമെന്ന് അറിയാതെ കുഴങ്ങുകയാണ് പോലീസ്. അപകടത്തിൽപ്പെട്ട ആളെകുറിച്ചോ അപകടമുണ്ടാക്കിയ വാഹനത്തെ കുറിച്ചോ എന്തെങ്കിലും തുന്പ് ലഭിക്കുവാനുള്ള അന്വേഷണത്തിലാണ് പോലീസ് ഇപ്പോൾ.
Read Moreഡാമിലെ തണുത്തുറഞ്ഞ വെള്ളത്തിനു മുകളിലൂടെ സ്കേറ്റിംഗ്; രക്തം മരവിപ്പിക്കുന്ന വീഡിയോ
കൊടിയ ശൈത്യത്തിൽ വെള്ളം തണുത്തുറഞ്ഞ ഡാമിലൂടെ ആളുകൾ സ്കേറ്റിംഗ് നടത്തുന്നതിന്റെ ഡ്രോണ്ദൃശ്യങ്ങൾ പുറത്ത്. അമേരിക്കയിലെ യൂട്ടയിലുള്ള ഒരു ഡാമിൽ നിന്നുമാണ് ചോരമരവിപ്പിക്കുന്ന ഈ ദൃശ്യങ്ങൾ. തണുപ്പിൽ സംഭവിക്കാൻ സാധ്യതയുള്ള എല്ലാ അപകടത്തിൽ നിന്നും രക്ഷനേടാനുള്ള സുരക്ഷാക്രമീകരണങ്ങൾ സ്വീകരിച്ചതിനു ശേഷമായിരുന്നു ഇവരുടെ യാത്ര. ജസ്റ്റിൻ മക്ഫെർലാൻഡ് എന്നയാൾ ഈ ദൃശ്യങ്ങൾ ചിത്രീകരിച്ച് ഇൻസ്റ്റഗ്രാമിൽ പങ്കുവെച്ചതിനെ തുടർന്ന് ഇത് വൈറലാകുകയായിരുന്നു. ഇത്തരത്തിൽ സ്കേറ്റിംഗ് നടത്തുന്പോൾ അപകടത്തിന് സാധ്യതയുണ്ടെന്ന് സൂചിപ്പിച്ചാണ് ജസ്റ്റിൻ ഈ വീഡിയോ പങ്കുവെച്ചത്. The extended cut of the wildly popular ice skating clip from Pineview this weekend; Enjoy, and please skate responsibly A post shared by Justin McFarland (@justin_mcvideo) on Jan 1, 2018 at 5:19pm PST
Read Moreകാത്തിരിക്കാൻ നേരമില്ല..! വിമാനയാത്രക്കാരൻ എമർജൻസി വാതിൽ തുറന്ന് പുറത്തുചാടി
വിമാനത്തിന്റെ എമർജൻസി വാതിലിലൂടെ പുറത്തുചാടിയ യാത്രക്കാരനെ അറസ്റ്റ് ചെയ്തു. വിദേശ വിമാനക്കന്പനിയായ റയാൻ എയറിന്റെ വിമാനത്തിലാണ് സംഭവം. ലണ്ടനിൽനിന്ന് പറന്നുയർന്ന വിമാനം ദക്ഷിണസ്പെയിനിലെ മലാഗ വിമാനത്താവളത്തിലെത്തി യാത്രക്കാരെ ഇറക്കുന്നതിലുള്ള സിഗ്നലിനായി കാത്തിരിക്കുന്പോഴായിരുന്നു യാത്രക്കാരിലൊരാൾ സാഹസം കാട്ടിയത്. മറ്റു യാത്രക്കാർ നോക്കി നിൽക്കേ എമർജൻസി വിൻഡോ തുറന്ന് യാത്രക്കാരൻ പുറത്തേക്കു ചാടുകയായിരുന്നു. എന്നാൽ, വിമാനത്തിന്റെ ചിറകിലേക്കാണ് കക്ഷി വീണത്. സംഭവം ശ്രദ്ധയിൽപ്പെട്ട പൈലറ്റ് ഉടൻതന്നെ വിമാനത്താവളത്തിലെ സുരക്ഷാ ഉദ്യോഗസ്ഥരെ വിവരമറിയിച്ചു. സുരക്ഷാ ഉദ്യോഗസ്ഥർ പാഞ്ഞെത്തി “എടുത്തുചാട്ടം’ നടത്തിയ യാത്രക്കാരനെ കൈയോടെ പിടികൂടുകയും ചെയ്തു. കാത്തിരുന്നു മുഷിഞ്ഞതിനാലാണ് താൻ എമർജൻസി എക്സിറ്റ് ഉപയോഗിച്ചതെന്നാണ് ഇയാൾ ചോദ്യം ചെയ്യലിൽ പറഞ്ഞത്.
Read Moreഎന്നെ സമ്മതിക്കണം! താനൊരു മിടുക്കന് മാത്രമല്ല, ജീനിയസ് കൂടിയാണെന്ന് ഡോണള്ഡ് ട്രംപ്
വാഷിംഗ്ടൺ ഡിസി: താനൊരു മിടുക്കൻ മാത്രമല്ല, ജീനിയസ് കൂടിയാണെന്ന് യുഎസ് പ്രസിഡന്റ് ഡോണൾഡ് ട്രംപ്. മൈക്കിൾ വുൾഫിന്റെ പുസ്തകത്തിലെ ആരോപണങ്ങൾക്കാണ് അദ്ദേഹം ഇങ്ങനെ മറുപടി നല്കിയത്. അമേരിക്കൻ പ്രസിഡന്റുപദവിക്ക് താനേറ്റവും യോഗ്യനാണെന്നും ട്രംപ് അവകാശപ്പെട്ടു. എന്റെ ജീവിതത്തിലെ ഏറ്റവും വലിയ സന്പാദ്യം സ്ഥിരബുദ്ധിയും സാമർഥ്യവുമാണ്. ബിസിനസുകാരൻ, ടിവി താരം, അമേരിക്കൻ പ്രസിഡന്റ് എന്നിങ്ങനെ കൈവച്ച എല്ലായിടത്തും ആദ്യ അവസരത്തിൽതന്നെ വിജയിച്ചു. എന്റെ സാമർഥ്യത്തിനും ജീനിയസിനും ഇതുതന്നെ തെളിവ്. പുസ്തകം എഴുതിയ മൈക്കിൾ വുൾഫ് എല്ലാ അർഥത്തിലും പരാജിതനാണ്. താൻ പുറത്താക്കിയപ്പോൾ കിടന്നു മോങ്ങിയ സ്റ്റീവ് ബാനനെ(ട്രംപ് പിരിച്ചു വിട്ട മുൻ തന്ത്രോപദേഷ്ടാവ്)യാണ് മൈക്കിൾ വുൾഫ് ഉപയോഗിച്ചത്. ഒരു പറ്റം ട്വീറ്റുകളിലാണ് ട്രംപിന്റെ പ്രതികരണം.
Read Moreഫേസ്ബുക്ക് രക്ഷിച്ചു; കഴുകൻ റാഞ്ചിയ വളർത്തുനായയെ മോണിക്കയ്ക്ക് തിരിച്ചുകിട്ടി
കഴുകൻ റാഞ്ചിയ വളർത്തുനായയെ ഒരു ദിവസത്തിനു ശേഷം ഉടമയ്ക്ക് തിരികെ ലഭിച്ചു. അമേരിക്കയിലെ പെൻസിൽവാനിയയിലെ മോണിക്ക ന്യൂഹാർഡ് എന്ന യുവതിയുടെ വളർത്തുനായയായ സോയെയാണ് പുതുവർഷരാവിന്റെ പിറ്റേ ദിവസം കഴുകൻ റാഞ്ചിക്കൊണ്ടുപോയത്. എങ്ങനെയെങ്കിലും സോയെ രക്ഷിക്കാനും മനസിലെ ദുഃഖം സുഹൃത്തുക്കളുമായി പങ്കുവെയ്ക്കാനുമായി ഈ സംഭവം മോണിക്ക ഫേസ്ബുക്കിൽ പങ്കുവെച്ചു. സത്യത്തിൽ ഈ ഫേസ്ബുക്ക് പോസ്റ്റ് സോയെ തിരികെ ലഭിക്കുവാൻ മോണിക്കയെ സഹായിക്കുകയായിരുന്നു. കാരണം കിലോമീറ്ററുകളുകൾക്ക് അപ്പുറം മറ്റൊരാൾക്ക് സോയെ നിലത്തു വീണ നിലയിൽ ലഭിച്ചിരുന്നു. ഇവർ വീട്ടിൽ കൊണ്ടുപോയ സോയെയ്ക്ക് ഭക്ഷണവും മറ്റും നൽകി സംരക്ഷിച്ചിരിക്കുന്പോഴാണ് മോണിക്കയുടെ ഫേസ്ബുക്ക് പോസ്റ്റ് ഇവർ കാണുന്നത്. ഉടൻ തന്നെ മോണിക്കയുമായി ബന്ധപ്പെട്ട ഇവർ സോയെ കൈമാറുകയും ചെയ്തു. പതിനഞ്ച് മണിക്കൂറികൾക്ക് ശേഷം സോയയെ തിരികെ ലഭിച്ച സന്തോഷവാർത്ത അവർ ഫേസ്ബുക്കിൽ പങ്കുവെയ്ക്കുകയും ചെയ്തു. സാമൂഹ്യമാധ്യമങ്ങളിൽ മോണിക്കയുടെ സന്തോഷത്തിൽ പങ്കുചേർന്ന് നിരവധിയാളുകളാണ് രംഗത്തെത്തിയിരിക്കുന്നത്.
Read Moreവിമാനത്തിൽ യുവതിയെ മാനഭംഗപ്പെടുത്താൻ ശ്രമിച്ച ഇന്ത്യക്കാരൻ യുഎസിൽ അറസ്റ്റിൽ
മിഷിഗണ്: വിമാനത്തിൽ സമീപത്ത് യാത്ര ചെയ്ത യുവതിയെ മാനഭംഗപ്പെടുത്താൻ ശ്രമിച്ച ഇന്ത്യക്കാരൻ അറസ്റ്റിൽ. യുഎസിൽ താത്കാലിക വീസയിൽ താമസിക്കുന്ന പ്രഭു രാമമൂർത്തിയാണ് അറസ്റ്റിലായത്. ബുധനാഴ്ച ലാസ് വേഗസിൽനിന്നു ഡിട്രോയിറ്റിലേക്കുള്ള സ്പിരിറ്റ് എയർലൈൻസ് യാത്രയിലാണ് പ്രഭു സഹയാത്രികയായ ഇരുപത്തിരണ്ടുകാരിയെ മാനഭംഗപ്പെടുത്താൻ ശ്രമിച്ചത്. യുവതി ഉറങ്ങിയ സമയം യുവാവ് തന്റെ വസ്ത്രത്തിൽ കൈകടത്തുകയായിരുന്നു എന്നാണ് യുവതി ആരോപിക്കുന്നത്. ഞെട്ടിയുണർന്ന യുവതി വിമാന ജീവനക്കാരോടു പരാതിപ്പെട്ടു. യുവതിയുടെ പരാതിയുടെ അടിസ്ഥാനത്തിൽ മിഷിഗണ് പോലീസ് യുവാവിനെ അറസ്റ്റ് ചെയ്തു. ഇയാളെ പിന്നീട് മിഷിഗണ് കോടതിയിൽ ഹാജരാക്കി. സംഭവസമയത്ത് പ്രഭുവിന്റെ ഭാര്യയും ഇയാൾക്കൊപ്പമുണ്ടായിരുന്നു. ഇവരും യുഎസിൽ താത്കാലിക വീസയിലാണ് താമസിക്കുന്നത്.
Read Moreഅതിരുതർക്കം അതിരുകടന്നു; പെൺകടുവകൾ തമ്മിൽ ഘോരയുദ്ധം
കാടിനുള്ളിൽ നിശ്ചിത ദൂരപരിധിയിൽ വാസസ്ഥലം കൈയടക്കി വയ്ക്കുന്ന സ്വഭാവക്കാരാണ് സിംഹവും കടുവയുമെല്ലാം. ഇരയല്ലാതെ മറ്റാരെങ്കിലും ഈ പരിധിക്കുള്ളിൽ പ്രവേശിച്ചാൽ ഉഗ്രേപോരാട്ടമാണ് പിന്നെ നടക്കുക. ജയിക്കുന്നയാളാകും പിന്നെ സ്ഥലത്തെ രാജാവ്. അത്തരമൊരു പോരാട്ടത്തിന്റെ ചിത്രങ്ങൾ സോഷ്യൽ മീഡിയായിൽ വൈറലായി മാറുകയാണ്. ദക്ഷിണാഫ്രിക്കയിലെ ഫിലിപ്പോളിസിലെ വനത്തിൽ നിന്നുമാണ് ഈ ദൃശ്യങ്ങൾ. രണ്ട് പെണ്കടുവകൾ തമ്മിലാണ് ഈ ഉഗ്രപോരാട്ടം നടന്നത്. ഒരാളുടെ പ്രദേശത്ത് മറ്റേ കടുവ വന്നതാണ് പോരാട്ടത്തിന്റെ കാരണം. ഫോട്ടോഗ്രാഫറായാ മരിയോണ് വോൽബോണ് ആണ് ഈ ചിത്രങ്ങൾ പകർത്തിയത്. ഏകദേശം അഞ്ചു മിനിട്ടോളം ഈ പോരാട്ടം നീണ്ടു നിന്നതായാണ് അദ്ദേഹം പറയുന്നത്. പോരാട്ടത്തിൽ പരാജയപ്പെട്ടു പോയ കടുവ സ്ഥലത്തു നിന്നും മടങ്ങിയെന്നും അദ്ദേഹം പറഞ്ഞു.
Read More