ബാസൽ (സ്വിറ്റ്സർലൻഡ്): ലോക ബാഡ്മിന്റണിന്റെ തിരുനെറ്റിയിൽ സിന്ദൂര തിലകം ചാർത്തി ഇന്ത്യയുടെ പി.വി. സിന്ധു. ചരിത്രത്തിൽ ആദ്യമായി ഒരു ഇന്ത്യൻ താരം ലോക ബാഡ്മിന്റണ് കിരീടത്തിൽ മുത്തമിട്ടു. വനിതാ സിംഗിൾസ് ഫൈനലിൽ ജാപ്പനീസ് താരമായ നൊസോമി ഒകുഹാരയെ നേരിട്ടുള്ള സെറ്റുകൾക്കു നിഷ്പ്രഭമാക്കിയാണ് സിന്ധു കിരീടം ചൂടിയത്. മൂന്നാം സീഡായ ഒകുഹാരയെ 21-7, 21-7നാണ് അഞ്ചാം സീഡായ സിന്ധു നിലംപരിശാക്കിയത്. വെറും 38 മിനിറ്റ് മാത്രമാണ് മത്സരം നീണ്ടുനിന്നത്. അതോടെ 2017 ലോക ചാന്പ്യൻഷിപ്പ് ഫൈനലിൽ ഒകുഹാരയ്ക്കു മുന്നിൽ പരാജയപ്പെട്ടതിന്റെ ക്ഷീണം സിന്ധു തീർത്തു. 2017, 18 വർഷങ്ങളിലും ഫൈനലിൽ പ്രവേശിച്ചെങ്കിലും സിന്ധുവിന് കിരീടത്തിൽ മുത്തമിടാൻ സാധിച്ചിരുന്നില്ല. രണ്ട് തവണയും നഷ്ടപ്പെട്ട സ്വർണമാണ് ഇത്തവണ ഇന്ത്യൻ താരം കൈപ്പിടിയിലൊതുക്കിയത്. ഒന്നിൽ പിഴച്ചാൽ… 2017ൽ ഒകുഹാരയോടും 2018ൽ സ്പെയിനിന്റെ കരോളിന മാരിനോടും ഫൈനലിൽ പരാജയപ്പെട്ട സിന്ധു മൂന്നാം ഫൈനലിൽ സ്വർണമണിഞ്ഞു.…
Read MoreCategory: Sports
ലാ ലിഗയിൽ ബാഴ്സലോണയ്ക്ക് തകർപ്പൻ ജയം
ബാഴ്സലോണ: ലാ ലിഗയിൽ ബാഴ്സലോണയ്ക്ക് തകർപ്പൻ ജയം. സൂപ്പർ താരങ്ങളായ മെസിയും സുവാരസും ഇല്ലാതെ ഇറങ്ങിയ ബാഴ്സ 5-2ന് റയൽ ബെറ്റിസിനെ കീഴടക്കിയത്. ഗ്രീസ്മന്റെ ഇരട്ട ഗോളിലായിരുന്നു ബാഴ്സയുടെ മിന്നും ജയം. ആദ്യ പകുതിയിൽ ഒരു ഗോളിന് പിന്നിൽ നിന്ന ശേഷമായിരുന്നു ബാഴ്സയുടെ തിരിച്ചുവരവ്. കാർലസ് പെരെസ്, ജോർദി ആൽബ, വിദാൽ എന്നിവരായിരുന്നു ബാഴ്സലോണയുടെ മറ്റു സ്കോറേഴ്സ്. ഇതിൽ വിദാലിന്റെ ഗോൾ ഗ്രീസ്മനാണ് അസിസ്റ്റ് ചെയ്തത്. ലീഗിലെ ആദ്യ മത്സരത്തിൽ ബാഴ്സ പരാജയപ്പെട്ടിരുന്നു.
Read Moreസായി പ്രണീതിനെ അഭിനന്ദിച്ച് പ്രധാനമന്ത്രി
ന്യൂഡൽഹി: ലോക ബാഡ്മിന്റണ് ചാന്പ്യൻഷിപ്പിൽ വെങ്കലം നേടിയ ഇന്ത്യൻ താരം സായി പ്രണീതിനെ അഭിനന്ദിച്ച് പ്രധാനമന്ത്രി നരേന്ദ്ര മോദി. ഇന്ത്യൻ ബാഡ്മിന്റന് ഇത് ഒരു പ്രത്യേക ദിവസമാണ്. 2019ലെ ബിഡബ്ല്യുഎഫ് ലോക ചാന്പ്യൻഷിപ്പിൽ സായി വെങ്കലം നേടിയതിൽ സന്തോഷമുണ്ടെന്നും മോദി പറഞ്ഞു. ഇത് ഒരു സുപ്രധാന നേട്ടമാണ്. ഒപ്പം അദ്ദേഹത്തിന്റെ പരിശ്രമത്തെയും അഭിവാദ്യം ചെയ്യുന്നുവെന്നും മോദി ട്വീറ്റ് ചെയ്തു. നിലവിലെ ചാന്പ്യനും ലോക ഒന്നാം നന്പറുമായ ജപ്പാന്റെ കെന്റോ മൊമൊട്ടയോടാണ് സായ് പരാജയപ്പെട്ടത്. 36 വർഷങ്ങൾക്കുശേഷമാണ് ലോക ചാന്പ്യൻഷിപ്പിൽ ഇന്ത്യ മെഡൽ നേടുന്നത്.
Read Moreസച്ചിന്റെ എല്ലാ റിക്കാർഡുകളും കോഹ്ലി ഭേദിക്കും, ഒന്നൊഴികെ: പ്രവചിച്ച് സേവാഗ്
ന്യൂഡൽഹി: സച്ചിൻ തെണ്ടുൽക്കറുടെ റിക്കാർഡുകളിൽ ഒന്നൊഴിച്ചു മറ്റെല്ലാം വിരാട് കോഹ്ലി തകർക്കാൻ സാധ്യതയുണ്ടെന്നു മുൻ ഇന്ത്യൻ താരം വീരേന്ദർ സേവാഗ്. 200 ടെസ്റ്റുകളെന്ന സച്ചിന്റെ റിക്കാർഡ് കോഹ്ലിക്കു കിട്ടാക്കനിയാകുമെന്നാണു സേവാഗിന്റെ പ്രവചനം. ഇപ്പോഴത്തെ താരങ്ങളിൽ ഏറ്റവും മികച്ചയാൾ കോഹ്ലിയാണ്. സെഞ്ചുറികളുടെ കാര്യത്തിൽ, റണ്സ് അടിച്ചുകൂട്ടുന്ന കാര്യത്തിൽ, കോഹ്ലി തന്നെയാണു മികച്ചുനിൽക്കുന്നത്. സച്ചിൻ തെണ്ടുൽക്കറിന്റെ മിക്ക റിക്കാർഡുകളും കോഹ്ലി തകർക്കുമെന്ന് എനിക്കുറപ്പുണ്ട്. എന്നാൽ, ടെസ്റ്റിൽ 200 മത്സരങ്ങൾ കളിച്ച സച്ചിന്റെ റിക്കാർഡ് തകർക്കാൻ കോഹ്ലിക്കു സാധിച്ചേക്കില്ല. കോഹ്ലിക്കെന്നല്ല, ആർക്കും ഈ നേട്ടം തകർക്കാനാകില്ലെന്നാണു ഞാൻ കരുതുന്നത്- സേവാഗ് പറഞ്ഞു. സ്റ്റീവ് സ്മിത്തിനേക്കാൾ മികച്ച ബാറ്റ്സ്മാൻ കോഹ്ലിയാണെന്നും കണ്ണുകൾക്ക് ആനന്ദകരമാകുന്നതു കോഹ്ലിയുടെ ബാറ്റിംഗാണെന്നും സേവാഗ് പറഞ്ഞു. അതുകൊണ്ടാണ് അദ്ദേഹം നിലവിൽ ലോകത്തെ ഒന്നാം നന്പർ ബാറ്റ്സ്മാനാകുന്നതെന്നും മുൻ ഇന്ത്യൻ താരം കൂട്ടിച്ചേർത്തു. 200 ടെസ്റ്റിൽനിന്നായി 53.79 ശരാശരിയിൽ 15921 റണ്സാണു…
Read Moreമഴ കളിക്കുന്നു; കൂട്ടത്തകർച്ച ഒഴിവാക്കി ഇന്ത്യ; രഹാനെയ്ക്കു സെഞ്ചുറി നഷ്ടം
നോർത്ത് സൗണ്ട്: വെസ്റ്റ് ഇൻഡീസിനെതിരായ ഒന്നാം ക്രിക്കറ്റ് ടെസ്റ്റിന്റെ ആദ്യ ദിനം കൂട്ടത്തകർച്ച ഒഴിവാക്കി ഇന്ത്യ. മഴ കളി തടസപ്പെടുത്തിയ ആദ്യ ദിനത്തിൽ സ്റ്റന്പെടുക്കുന്പോൾ 203/6 എന്ന നിലയിലാണ് ഇന്ത്യ. റിഷഭ് പന്ത് (20), രവീന്ദ്ര ജഡേജ (3) എന്നിവരാണു ക്രീസിൽ. ടോസ് നേടിയ വിൻഡീസ് ഇന്ത്യയെ ബാറ്റിംഗിന് അയച്ചു. മായങ്ക് അഗർവാളും കെ.എൽ. രാഹുലുമാണ് ഇന്ത്യക്കായി ഓപ്പണ് ചെയ്തത്. തുടക്കം മോശമായതോടെ 25/3 എന്ന നിലയിലേക്ക് ഇന്ത്യ വീണു. മായങ്ക് അഗർവാൾ (5) ചേതേശ്വർ പുജാര (2) വിരാട് കോഹ്ലി (9) എന്നിവരാണ് പുറത്തായത്. മായങ്കിനെയും പുജാരയെയും കെമർ റോച്ച് വീഴ്ത്തിയപ്പോൾ കോഹ്ലി ഷാനൻ ഗബ്രിയേലിന് ഇരയായി. ഇതിനു ശേഷം ഒത്തുചേർന്ന കെ.എൽ. രാഹുലും അജിങ്ക്യ രഹാനെയുമാണ് ഇന്ത്യയെ തകർച്ചയിൽനിന്നു രക്ഷിച്ചത്. ഇന്ത്യ നൂറിലേക്ക് അടുക്കുന്നതിനിടെ രാഹുലിനെ പുറത്താക്കി റോസ്റ്റണ് ചേസ് കൂട്ടുകെട്ട് പൊളിച്ചു. 44…
Read More‘വിരമിക്കലിനെക്കുറിച്ച് ചിന്തിക്കുന്നില്ല’
വിരമിക്കുന്നതിനെക്കുറിച്ച് ഇപ്പോൾ ചിന്തിക്കുന്നില്ലെന്നും ഒരു പക്ഷേ, അടുത്ത വർഷം വിരമിച്ചേക്കുമെന്നും പോർച്ചുഗീസ് സ്റ്റാർ ഫുട്ബോളർ ക്രിസ്റ്റ്യാനോ റൊണാൾഡോ. 2018 തന്റെ ജീവിതത്തിലെ ഏറ്റവും വേദനാജനകമായ വർഷമായിരുന്നു എന്നും പോർച്ചുഗീസ് ടെലിവിഷനു നല്കിയ അഭിമുഖത്തിൽ റൊണാൾഡോ പറഞ്ഞു. 2018ലാണ് റൊണാൾഡോയ്ക്കെതിരേ പീഡന പരാതി ഉയർന്നത്. വിരമിക്കലിനെ കുറിച്ച് ഞാൻ ഇപ്പോൾ ചിന്തിക്കുന്നില്ല. ചിലപ്പോൾ അടുത്ത വർഷം ബൂട്ടഴിച്ചേക്കാം. അല്ലെങ്കിൽ 40, 41 വയസ്സുവരെ കളിച്ചേക്കാം. ഫുട്ബോൾ എനിക്ക് കിട്ടിയ ഒരു വലിയ സമ്മാനമാണ്. അത് ഞാൻ ആസ്വദിക്കുകയാണ്. തുടർന്നും ആസ്വദിക്കുക തന്നെ ചെയ്യും- ക്രിസ്റ്റ്യാനോ പറഞ്ഞു.
Read Moreതല സൂക്ഷിക്കണം!
മുംബൈ: സ്വന്തം തല രക്ഷിക്കണമെന്ന് കളിക്കാർക്ക് മുന്നറിയിപ്പുമായി ബിസിസിഐ. ക്രിക്കറ്റ് പിച്ചിൽ ബൗണ്സറുകൾ കൊണ്ട് ബാറ്റ്സ്മാന്മാർക്ക് പരിക്കേൽക്കുന്നത് വർധിക്കുന്നതിന്റെ പശ്ചാത്തലത്തിലാണ് ബിസിസിഐയുടെ നിർദേശം. പിൻകഴുത്തിൽ ബൗണ്സറുകൾ കൊള്ളുന്നത് തടയുന്ന തരത്തിലുള്ള ഹെൽമറ്റ് ഉപയോഗിക്കാനാണ് നിർദേശിച്ചിരിക്കുന്നത്. ആന്റി കണ്കഷൻ ഹെൽമറ്റുകൾ ഉപയോഗിക്കേണ്ടതിന്റെ പ്രാധാന്യം ബസിസിഐ വ്യക്തമാക്കി. കഴുത്തിനും സംരക്ഷണമൊരുക്കുന്ന തരത്തിലുള്ള ഹെൽമറ്റ് ധരിക്കണമെന്നാണ് ബിസിസിഐയുടെ ആവശ്യം. നിലവിൽ ഇന്ത്യൻ താരങ്ങളിൽ ശിഖർ ധവാൻ മാത്രമാണ് കഴുത്തിനുകൂടി സംരക്ഷണമൊരുക്കുന്ന തരത്തിലുള്ള ഹെൽമറ്റ് ഉപയോഗിക്കുന്നത്. ആഷസ് ടെസ്റ്റിനിടെ ഇംഗ്ലീഷ് പേസർ ജോഫ്ര ആർച്ചറുടെ ബൗണ്സർ കഴുത്തിൽകൊണ്ട് ഓസ്ട്രേലിയൻ താരം സ്റ്റീവ് സ്മിത്തിന് പരിക്കേറ്റതോടെയാണ് ബാറ്റ്സ്മാൻമാരുടെ സുരക്ഷ വീണ്ടും ചർച്ചയായത്. പരിക്കേറ്റ സ്മിത്ത് ഇന്ന് ആരംഭിക്കുന്ന മൂന്നാം ആഷസ് ടെസ്റ്റിൽ ഓസീസ് ടീമിനൊപ്പമില്ല.
Read Moreബ്ലാസ്റ്റേഴ്സ് പ്രതിരോധത്തിന് ബ്രസീലിയൻ കരുത്ത്; ജൈറോ റോഡ്രിഗസ് ടീമിൽ
കൊച്ചി: ബ്രസീൽ ഫുട്ബോൾ താരം ജൈറോ റോഡ്രിഗസ് പീക്സോറ്റൊ ഫിൽഹോ ഐഎസ്എലിന്റെ പുതിയ സീസണിൽ കേരള ബ്ലാസ്റ്റേഴ്സിനായി കളിക്കും. ഇരുപത്താറുകാരനായ ജൈറോ, ബ്ലാസ്റ്റേഴ്സിന്റെ സെന്റർ ബാക്ക് പൊസിഷനിലേക്കാണ് എത്തുക. 2009-ൽ ബ്രസീലിയൻ ക്ലബ്ബായ ഗോയസ് എസ്പോർടെയിൽ ഫുട്ബോൾ കരിയർ ആരംഭിച്ച ജൈറോ പിന്നീട് സാന്റോസ് എഫ്സി, അമേരിക്ക എഫ്സി, ബോട്ടേവ് വ്രാറ്റ്സാ, ട്രോഫെൻസ്, നെഫ്റ്റ്ചി ബകു, സെപഹാൻ, പേർസേലാ തുടങ്ങിയ നിരവധി ക്ലബ്ബുകളിൽ കളിച്ചിട്ടുണ്ട്. ജപ്പാൻ രണ്ടാം ഡിവിഷനിലെ മൊൻടേഡിയോയിൽനിന്നാണ് ബ്ലാസ്റ്റേഴ്സിലേക്കുള്ള വരവ്. പുതിയ സീസണിലേക്കായി ബ്ലാസ്റ്റേഴ്സ് ടീമിലെത്തിക്കുന്ന രണ്ടാമത്തെ പ്രതിരോധനിരക്കാരനാണു റോഡ്രിഗസ്. ഡൽഹി ഡൈനമോസ് താരമായിരുന്ന ഡച്ച് താരം ജിയാനി സ്യൂവർലൂണിനെയും ബ്ലാസ്റ്റേഴ്സ് നേരത്തെ ടീമിലെത്തിച്ചിരുന്നു. ഇവർക്കൊപ്പം സന്ദേശ് ജിങ്കാൻ കൂടി ചേരുന്നതോടെ ബ്ലാസ്റ്റേഴ്സ് പ്രതിരോധം ഭേദിക്കാൻ എതിരാളികൾ ബുദ്ധിമുട്ടും. കേരള ബ്ലാസ്റ്റേഴ്സ് എഫ്സിയുടെ ഭാഗമാകാൻ കഴിഞ്ഞതിൽ അതിയായ സന്തോഷമുണ്ടെന്നും മികച്ച ഫലം നേടുന്നതിനായി പ്രീ…
Read Moreടെസ്റ്റില് 100 വിക്കറ്റ് തികയ്ക്കണം: ശ്രീശാന്ത്
കൊച്ചി: ടെസ്റ്റ് ക്രിക്കറ്റില് ഇന്ത്യക്കുവേണ്ടി കളിക്കുകയെന്നതാണ് തന്റെ അടുത്ത ലക്ഷ്യമെന്നു ക്രിക്കറ്റ് താരം ശ്രീശാന്ത്. ആജീവനാന്ത വിലക്ക് നീക്കിയതില് ദൈവത്തിന് നന്ദി പറയുന്നതായും ശ്രീശാന്ത് പറഞ്ഞു.ടെസ്റ്റില് നൂറു വിക്കറ്റ് തികയ്ക്കണമെന്നത് തന്റെ വലിയ ആഗ്രഹമാണ്. നിലവില് 87 വിക്കറ്റുണ്ട്. ഇനി 13 വിക്കറ്റുകൂടി വേണം. അത് നേടാന് കഴിയുമെന്നുതന്നെയാണ് വിശ്വാസം. ക്രിക്കറ്റിലേക്കുള്ള മടങ്ങിവരവ് എല്ലാവരും ആഗ്രഹിച്ചിരുന്നു. 2015 മുതല് തനിക്കു പ്രതീക്ഷയുണ്ടായിരുന്നു. 2019 ആയപ്പോഴേക്കും അത് യാഥാര്ഥ്യമാകുന്നു. കുടുബവും സുഹൃത്തുക്കളും വലിയ പിന്തുണയാണ് നല്കിയത്. താന് വീണ്ടും ക്രിക്കറ്റ് കളിക്കുന്നതു തന്റെ മകനും മകളും കാണണമെന്നത് വലിയ ആഗ്രഹമായിരുന്നു. അത് സാധിക്കുമെന്നാണ് വിശ്വാസം. കൂടുതല് നന്നായി ഇനി പരിശീലനം ആരംഭിക്കണം. തന്റെ സ്വന്തം ടീമിനൊപ്പമാണ് ഇപ്പോള് പരിശീലനം. കൊച്ചിയില് ഉള്ളപ്പോള് എല്ലാ ദിവസവും അവര്ക്കൊപ്പം പരിശീലനം നടത്തുന്നുണ്ട്. വിലക്കേര്പ്പെടുത്തിയതോടെ പരിശീലനത്തിന് പോലും മൈതാനം ലഭിക്കാത്ത അവസ്ഥയുണ്ടായിരുന്നു. ക്രിക്കറ്റില്…
Read Moreശ്രീ ഫ്രീ @ 2020
മുംബൈ: ഒത്തുകളി വിവാദത്തിലകപ്പെട്ട മലയാളി ക്രിക്കറ്റ് താരം എസ്. ശ്രീശാന്തിന്റെ വിലക്ക് 2020ൽ അവസാനിക്കും. ബിസിസിഐ ഏർപ്പെടുത്തിയ ആജീവനാന്ത വിലക്ക് ഏഴു വർഷമായി കുറച്ചു. ഇതുസംബന്ധിച്ച് ബിസിസിഐ ഓംബുഡ്സ്മാൻ ഡി.കെ. ജെയ്ൻ ഉത്തരവിറക്കി. അടുത്ത വർഷം സെപ്റ്റംബറിൽ ശ്രീശാന്തിന്റെ വിലക്ക് കാലാവധി തീരും. 2013 ഓഗസ്റ്റിലാണ് ശ്രീശാന്തിന് ബിസിസിഐ ആജീവനാന്ത വിലക്ക് ഏർപ്പെടുത്തിയത്. മുപ്പത്തിയാറുകാരനായ ശ്രീശാന്ത് കളത്തിലിറങ്ങിയിട്ട് ആറു വർഷമായി. 2013 ഐപിഎലിൽ രാജസ്ഥാൻ റോയൽസ് താരമായിരുന്ന ശ്രീശാന്ത് ഒത്തുകളിച്ചെന്ന് ആരോപിച്ചായിരുന്നു വിലക്ക്. ശ്രീശാന്തിന്റെ സഹതാരങ്ങളായിരുന്ന അജിത് ചാണ്ഡിലയേയും അങ്കിത് ചവാനേയും വിലക്കിയിരുന്നു. പിന്നീട് കോടതി ശ്രീശാന്തിനെ കുറ്റവിമുക്തനാക്കിയെങ്കിലും വിലക്ക് പിൻവലിക്കാൻ ബിസിസിഐ തയാറായിരുന്നില്ല. ഒടുവിൽ ശ്രീശാന്തിന്റെ ഹർജിയിൽ ഇടപെട്ട സുപ്രീംകോടതി ആജീവനാന്ത വിലക്ക് നീക്കി അന്തിമ തീരുമാനം ബിസിസിഐയ്ക്ക് വിടുകയായിരുന്നു. മാർച്ചിലായിരുന്നു അത്. എന്തു നടപടി സ്വീകരിക്കണം എന്ന കാര്യത്തിൽ തീരുമാനമെടുക്കാൻ ബിസിസിഐയ്ക്ക് സുപ്രീംകോടതി മൂന്നു…
Read More