ന്യൂയോർക്ക്: അമേരിക്കയുടെ കൗമാര താരം അമാൻഡ അനിസിമോവ യുഎസ് ഓപ്പണിൽനിന്നും പിൻമാറി. പിതാവും പരിശീലകനുമായ കോൺസ്റ്റാന്റിന്റെ മരണത്തെ തുടർന്നാണ് ടൂർണമെന്റിൽനിന്നും താരം പിൻവാങ്ങിയത്. കഴിഞ്ഞ ജൂണിൽ നടന്ന ഫ്രഞ്ച് ഓപ്പണിൽ സെമിയിലെത്തിയ താരമാണ് പതിനേഴുകാരിയായ അനിസിമോവ. 2018 ൽ യുഎസ് ഓപ്പണിൽ പങ്കെടുത്തെങ്കിലും ലോകറാങ്കിംഗിൽ 24 ാം സ്ഥാനത്തുള്ള അമേരിക്കൻ കൗമാരക്കാരി ആദ്യ റൗണ്ടിൽ പുറത്തായിരുന്നു. ഫ്രഞ്ച് ഓപ്പണിൽ സെമിയിലേക്കുള്ള വഴിയിൽ സിമോണ ഹാലപ്പിനെ അനിസിമോവ പരാജയപ്പെടുത്തിയിരുന്നു. കിരീടം നേടിയ ആഷ്ലി ബാർട്ടിയോടാണ് സെമിയിൽ പരാജയപ്പെട്ടത്. ഈ വർഷത്തെ അവസാനത്തെ ഗ്രാൻഡ് സ്ലാമായ യുഎസ് ഓപ്പൺ തിങ്കളാഴ്ച ആരംഭിക്കും.
Read MoreCategory: Sports
പ്രണോയ്, സായ്പ്രണീത് രണ്ടാം റൗണ്ടിൽ
ബാസൽ (സ്വിറ്റ്സർലൻഡ്): ലോക ബാഡ്മിന്റണ് ചാന്പ്യൻഷിപ്പിൽ ഇന്ത്യയുടെ മലയാളി താരം എച്ച്.എസ്. പ്രണോയിയും സായ്പ്രണീതും രണ്ടാം റൗണ്ടിൽ. വനിതാ ഡബിൾസിൽ മേഘ്ന-പൂർവിഷ എസ്. റാം ജോഡിയും രണ്ടാം റൗണ്ടിൽ പ്രവേശിച്ചു. പുരുഷ സിംഗിൾസിൽ ഫിൻലൻഡിന്റെ ഈറ്റു ഹെയ്നോയെ ഒന്നിനെതിരേ രണ്ട് ഗെയിമുകൾക്കാണ് പ്രണോയ് തോൽപിച്ചത്. ആദ്യ ഗെയിം നഷ്ടപ്പെട്ടശേഷമാണ് പ്രണോയ് ഉജ്വലമായി തിരിച്ചുവന്നത്. സ്കോർ: 17-21, 21-10, 21-11. പതിനാറാം സീഡായ സായ് പ്രണീത് കാനഡയുടെ ജേസണ് ആന്റണി ഹോ ഷ്യുവിനെ നേരിട്ടുള്ള ഗെയിമുകൾക്കാണ് തോൽപിച്ചത്. സ്കോർ: 21-17, 21-16. വനിതാ ഡബിൾസിൽ മേഘ്നയും പൂർവിഷയും ഗ്വാട്ടിമാല ജോഡിയായ ഡയാന കോർലെറ്റോ സോട്ടോയെയും നിക്തെ അലജാന്ദ്ര സോട്ടോമേയറെയും നേരിട്ടുള്ള ഗെയിമുകൾക്കാണ് തോൽപിച്ചത്. 21-10, 21-18നായിരുന്നു ഇന്ത്യൻ സഖ്യത്തിന്റെ ജയം.
Read Moreപിഎസ്ജിയെ വീഴ്ത്തി റേനെസ്
പാരീസ്: ഫ്രഞ്ച് ലീഗ് വണ് ഫുട്ബോളിൽ നിലവിലെ ചാന്പ്യന്മാരായ പാരീ സാൻ ഷെർമയ്ന് അപ്രതീക്ഷിത തോൽവി. എവേ പോരാട്ടത്തിൽ റേനെസ് 2-1ന് പിഎസ്ജിയെ കീഴടക്കി. 36-ാം മിനിറ്റിൽ എഡിസണ് കവാനിയിലൂടെ മുന്നിൽ കടന്നശേഷമായിരുന്നു പിഎസ്ജിയുടെ തോൽവി.
Read Moreസഞ്ജു ഇന്ത്യ എ ടീമിൽ
തിരുവനന്തപുരം: സ്പോർട്സ് ഹബിൽ നടക്കുന്ന ദക്ഷിണാഫ്രിക്ക എയ്ക്കെതിരായ പരന്പരയ്ക്കുള്ള ഇന്ത്യ എ ടീമിൽ മലയാളി ക്രിക്കറ്റ് താരം സഞ്ജു വി. സാംസണിനെ ഉൾപ്പെടുത്തി. അഞ്ച് ഏകദിന പോരാട്ടങ്ങളുള്ള പരന്പരയിലെ നാലാമത്തെയും അഞ്ചാമത്തെയും മത്സരങ്ങൾക്കുള്ള ടീമിലാണ് സഞ്ജു ഇടം നേടിയത്. ഓഗസ്റ്റ് 29, 31, സെപ്റ്റംബർ രണ്ട്, നാല്, ആറ് തീയതികളിലാണ് തിരുവനന്തപുരം സ്പോർട്സ് ഹബിൽ ഏകദിന മത്സരങ്ങൾ നടക്കുക. ആദ്യ മൂന്ന് മത്സരങ്ങൾക്കുള്ള ഇന്ത്യ എ ടീമിനെ മനീഷ് പാണ്ഡെയും അവസാന രണ്ട് മത്സരങ്ങളിൽ ശ്രേയസ് അയ്യറുമാണ് നയിക്കുക.
Read Moreസമൂഹമാധ്യമങ്ങളിൽ കോഹ്ലി നന്പർ വണ്
ന്യൂഡൽഹി: ക്രിക്കറ്റ് മൈതാനത്ത് മാത്രമല്ല സമൂഹമാധ്യങ്ങളിലും നന്പർ വണ് ആണ് താനെന്ന് ഇന്ത്യൻ ക്യാപ്റ്റൻ വിരാട് കോഹ്ലി തെളിയിച്ചു. സമൂഹമാധ്യമങ്ങളിൽ ഏറ്റവും അധികം ആളുകൾ പിന്തുടരുന്ന ക്രിക്കറ്റ് താരമെന്ന നേട്ടം ഇനി വിരാട് കോഹ്ലിക്കു സ്വന്തം. മൂന്ന് കോടി ആളുകൾ വീതമാണ് ട്വിറ്റർ, ഫേസ്ബുക്ക്, ഇൻസ്റ്റഗ്രാം എന്നീ സമൂഹമാധ്യമങ്ങളിൽ കോഹ്ലിയെ പിന്തുടരുന്നത്. സച്ചിൻ തെണ്ടുൽക്കറാണ് കോഹ്ലിക്കു തൊട്ടുപിന്നിൽ. ട്വിറ്ററിൽ 3.01 കോടി, ഫേസ്ബുക്കിൽ 2.8 കോടി, ഇൻസ്റ്റഗ്രാമിൽ 1.65 കോടി എന്നിങ്ങനെയാണ് സച്ചിനെ പിന്തുടരുന്നവരുടെ കണക്ക്. എം.എസ്. ധോണിയാണ് പട്ടികയിൽ മൂന്നാമതുള്ളത്. ഇൻസ്റ്റഗ്രാമിൽ 1.54 കോടിയും ട്വിറ്ററിൽ 77 ലക്ഷവും ഫേസ്ബുക്കിൽ 2.05 കോടിയുമാണ് ധോണിയുടെ ഫോളോവേഴ്സ്. ദക്ഷിണാഫ്രിക്കൻ താരം എബി ഡിവില്യേഴ്സ് പട്ടികയിൽ എട്ടാമതാണ്. വെസ്റ്റ് ഇൻഡീസിന്റെ ക്രിസ് ഗെയ്ൽ പത്താമതും.
Read Moreആദരം ഏറ്റുവാങ്ങി അനീഷ് രാജൻ…
നെടുന്പാശേരി: അംഗപരിമിതരുടെ ലോക ക്രിക്കറ്റ് ചാന്പ്യൻഷിപ്പിൽ ഇന്ത്യയെ കിരീടമണിയിക്കുന്നതിൽ നിർണായക പങ്കുവഹിച്ച ഇടുക്കി സ്വദേശി അനീഷ് പി. രാജന് നെടുന്പാശേരി അന്താരാഷ്ട്ര വിമാനത്താവളത്തിൽ ഹൃദ്യമായ സ്വീകരണം നൽകി. അനീഷിനെ സുഹൃത്തുക്കളും കുടുംബാംഗങ്ങളും ചേർന്നാണ് സ്വീകരിച്ചത്. ഫൈനലിൽ ഇംഗ്ലണ്ടിനെ പരാജയപ്പെടുത്തിയാണ് ഇന്ത്യ ലോക കിരീടം സ്വന്തമാക്കിയത്. വിവിധ മത്സരങ്ങളിലായി 11 വിക്കറ്റുകൾ കരസ്ഥമാക്കിയ അനീഷ് രണ്ടു മത്സരങ്ങളിൽ മാൻ ഓഫ് ദ മാച്ചായും തെരഞ്ഞെടുക്കപ്പെട്ടിരുന്നു. ടൂർണമെന്റിലെ ഏറ്റവും നല്ല ബോളർ ആയി തെരഞ്ഞെടുക്കപ്പെട്ടതും അനീഷായിരുന്നു. ജന്മനാ വലതു കൈപ്പത്തി ഇല്ലാതിരുന്ന അനീഷ് വളരെ ചെറുപ്പത്തിൽ തന്നെ ക്രിക്കറ്റിൽ ആകൃഷ്ടനായിരുന്നു. മെക്കാനിക്കൽ എൻജിനീയർ കൂടിയായ ഈ യുവാവ് സാധാരണ ക്രിക്കറ്റ് ടീമിലാണ് പരിശീലിക്കുന്നത്. ഇടുക്കി ചെറുതോണി സ്വദേശിയായ അനീഷിന് തൃപ്പൂണിത്തുറയിൽ താമസത്തിനും മറ്റും സൗകര്യമൊരുക്കി നൽകിയിരിക്കുന്നതും തൃപ്പൂണിത്തുറ ക്രിക്കറ്റ് ക്ലബ്ബാണ്.
Read Moreഹാവൂ…ഓസീസ് രക്ഷപ്പെട്ടു..! ആഷസ് രണ്ടാം ടെസ്റ്റിന് ആവേശ സമനില
ലോഡ്സ്: ഇംഗ്ലണ്ട്-ഓസ്ട്രേലിയ ആഷസ് പരമ്പരയിലെ രണ്ടാം ടെസ്റ്റിന് ആവേശകരമായ സമനില. രണ്ടാം ഇന്നിംഗ്സിൽ 267 എന്ന വിജയലക്ഷ്യം പിന്തുടർന്ന ഓസീസ് 47.3 ഓവറിൽ ആറിന് 154 എന്ന നിലയിൽ നിൽക്കെ കളി അവസാനിച്ചു. സ്കോർ: ഇംഗ്ലണ്ട് 258, അഞ്ചിന് 258 ഡിക്ലയേർഡ്. ഓസ്ട്രേലിയ 250, ആറിന് 154. ഇംഗ്ലണ്ടിന്റെ ബെൻ സ്റ്റോക്സാണ് കളിയിലെ താരം. ഓസ്ട്രേലിയയ്ക്കെതിരേ എട്ട് റണ്സിന്റെ ഒന്നാം ഇന്നിംഗ്സ് ലീഡ് നേടിയ ഇംഗ്ലണ്ട് അഞ്ചിന് 258 എന്ന നിലയിൽ രണ്ടാം ഇന്നിംഗ്സ് ഡിക്ലയർ ചെയ്യുകയായിരുന്നു. തകർപ്പൻ സെഞ്ചുറിയോടെ ബെൻ സ്റ്റോക്സാണ് ഇംഗ്ലണ്ടിനെ നയിച്ചത്. സ്റ്റോക്സ് പുറത്താകാതെ 115 റണ്സ് നേടി. ജോസ് ബട്ലർ (31) എന്നിവരുടെ മികവിൽ ഇംഗ്ലണ്ട് പിടിച്ചുകയറി. ബട്ലർക്കു പിന്നാലെയെത്തിയ ജോണി ബെയർസ്റ്റോയും (പുറത്താകാതെ 30 ) സ്റ്റോക്സിനു പിന്തുണയേകി. രണ്ടാം ഇന്നിംഗ്സിൽ ക്രീസിലെത്തിയ ഓസീസിന് തുടക്കം തന്നെ തകർച്ച നേരിട്ടു.…
Read Moreചന്ദ്രശേഖർ ഇനി ഓർമ
ചെന്നൈ: ഇന്ത്യൻ മുൻ ക്രിക്കറ്റ് താരം വി.ബി. ചന്ദ്രശേഖറിനെ(57) മരിച്ച നിലയിൽ കണ്ടെത്തി. ചെന്നൈ മൈലാപ്പൂരിലെ വസതിയിലായിരുന്നു അദ്ദേഹത്തെ സീലിംഗ് ഫാനിൽ തൂങ്ങിമരിച്ച നിലയിൽ കണ്ടെത്തിയത്. കടബാധ്യതയിലും സാന്പത്തിക പ്രതിസന്ധിയിലുമായിരുന്നു അദ്ദേഹമെന്നാണ് സൂചന. തമിഴ്നാട് പ്രീമിയർ ലീഗ് ക്രിക്കറ്റിൽ കാഞ്ചിവീരൻസ് എന്ന ടീമിന്റെ ഉടമയായിരുന്ന ചന്ദ്രശേഖർ കടുത്ത സാന്പത്തിക പ്രതിസന്ധിയിലായിരുന്നു. മൂന്നുകോടി രൂപയാണ് അദ്ദേഹം കാഞ്ചിവീരൻസ് ടീമിനായി മുതൽ മുടക്കിയിരുന്നത്. ഇതിൽ നഷ്ടം സംഭവിച്ച് കടബാധ്യത വർധിച്ചെന്നും തുടർന്ന് ബാങ്ക് ജപ്തി നോട്ടീസ് അയച്ചിരുന്നതായും പോലീസ് അറിയിച്ചു. ചെന്നൈയിൽ ക്രിക്കറ്റ് പരിശീലന കേന്ദ്രവുമുണ്ടായിരുന്നു. ആഭ്യന്തര ക്രിക്കറ്റിൽ തമിഴ്നാടിനും ഗോവയ്ക്കും വേണ്ടി കളിച്ചിട്ടുണ്ട്. 1986ലാണ് ഫസ്റ്റ് ക്ലാസ് ക്രിക്കറ്റിൽ അരങ്ങേറ്റം കുറിച്ചത്. വിക്കറ്റ് കീപ്പർ ബാറ്റ്സ്മാനായി തിളങ്ങിയ ചന്ദ്രശേഖർ 1988-90 കാലഘട്ടത്തിൽ ഇന്ത്യൻ ഏകദിന ടീമിൽ അംഗമായി. എട്ട് ഏകദിന മത്സരങ്ങളിൽ ഇന്ത്യക്കായി ജഴ്സിയണിഞ്ഞു. ചന്ദ്രശേഖറിന്റെ മരണത്തിൽ ബിസിസിഐയും…
Read Moreദശാബ്ദത്തിന്റെ റണ് മെഷീൻ
ക്രിക്കറ്റ് ലോകത്തിൽ ഇതിഹാസങ്ങൾ പലതുണ്ട്, എന്നാൽ, ദശാബ്ദത്തിന്റെ (2010 മുതൽ) റണ് മെഷീൻ എന്ന അപൂർവതയിലേക്ക് ഇന്ത്യൻ നായകൻ വിരാട് കോഹ്ലി നടന്നു കയറി.ഏകദിന സെഞ്ചുറികളുടെ എണ്ണത്തിൽ സച്ചിൻ തെണ്ടുൽക്കറുമായുള്ള അകലം നാൾക്കുനാൾ കുറച്ചുകൊണ്ടുവരുന്ന കോഹ്ലി വെസ്റ്റ് ഇൻഡീസിനെതിരായ മൂന്നാം ഏകദിനത്തിലും ശതകനേട്ടം ആവർത്തിച്ചു. 99 പന്തിൽ 114 റണ്സ് എടുത്ത് പുറത്താകാതെ മൂന്നാം ഏകദിനത്തിൽ മാൻ ഓഫ് ദ മാച്ച് ആയ ഇന്ത്യൻ ക്യാപ്റ്റൻ ഒരു പതിറ്റാണ്ടിൽ ഏറ്റവും അധികം റണ്സ് നേടുന്ന ക്രിക്കറ്റ് താരമെന്ന ചരിത്രം കുറിച്ചു. ഒരു പതിറ്റാണ്ടിൽ 20,000 റണ്സ് എന്ന അപൂർവ റിക്കാർഡ് മൂന്നാം ഏകദിനത്തിലെ സെഞ്ചുറി ഇന്നിംഗ്സിനിടെ കോഹ്ലി സ്വന്തമാക്കി. ഏകദിനത്തിൽ 43-ാം സെഞ്ചുറിയാണ് കോഹ്ലി തികച്ചത്. 49 സെഞ്ചുറികളുള്ള സച്ചിന്റെ ലോക റിക്കാർഡിലേക്ക് മുപ്പതുകാരനായ ഇന്ത്യൻ ക്യാപ്റ്റന് ഇനിയുള്ളത് വെറും ആറ് എണ്ണത്തിന്റെ അകലം മാത്രം. ഒരു…
Read Moreടീം ഇന്ത്യയ്ക്ക് ശാസ്ത്രിയുടെ ശിക്ഷണം തന്നെ
മുംബൈ: ഇന്ത്യന് ക്രിക്കറ്റ് ടീമിന്റെ മുഖ്യ പരിശീലകനായി രവി ശാസ്ത്രി തന്നെ തുടരും. കപില് ദേവ് അധ്യക്ഷനായ മൂന്നംഗ ഉപദേശക സമിതിയാണ് പരിശീലകനെ പ്രഖ്യാപിച്ചത്. വിദേശ പരിശീലകരായിരുന്നു ശാസ്ത്രിയ്ക്ക് വെല്ലുവിളി ഉയർത്തിയിരുന്നത്. മുൻ ന്യൂസിലൻഡ് പരിശീലകൻ മൈക് ഹെസൻ, മുൻ ശ്രീലങ്കൻ പരിശീലകൻ ടോം മുഡി എന്നിവരായിരുന്നു ശാസ്ത്രിയ്ക്കൊപ്പം പരിശീലക സ്ഥാനത്തേക്ക് പരിഗണിക്കപ്പെട്ടിരുന്നത്. കപിലിനെ കൂടാതെ മുന് ഇന്ത്യന് വനിതാ താരം ശാന്ത രംഗസ്വാമി, മുന് പരിശീലകന് അന്ഷുമാന് ഗെയ്ക്ക്വാദ് എന്നിവരാണ് ഉപദേശകസമിതിയിലെ മറ്റ് അംഗങ്ങള്. മുന് ഇന്ത്യന് ഫീല്ഡിങ് പരിശീലകന് റോബിന് സിങ്, ഇന്ത്യന് ടീമിന്റെ മുന് മാനേജര് ലാല്ചന്ദ് രജ്പുത് എന്നിവരും അന്തിമ പട്ടികയില് ഇടം നേടിയിരുന്നു. ശാസ്ത്രി തന്നെ തുടരുമെന്ന് നേരത്തെ, റിപ്പോര്ട്ടുകളുണ്ടായിരുന്നു പരിശീലക സ്ഥാനത്തേക്ക് ഇന്ത്യക്കാര്ക്കു തന്നെയാണ് മുന്ഗണനയെന്നും ഉപദേശക സമിതി നേരത്തെ വ്യക്തമാക്കിയിരുന്നു. 2014 മുതല് 2016 വരെ ടീം…
Read More