ലണ്ടൻ: വിഖ്യാത ഇംഗ്ലീഷ് ഗോൾ കീപ്പർ ഗോർഡൻ ബാങ്ക്സ് (81) അന്തരിച്ചു. അർബുദരോഗ ബാധയെ തുടർന്നായിരുന്നു അന്ത്യം. കുടുംബം ബാങ്ക്സിന്റെ മരണം സ്ഥിരീകരിച്ചു. 1966-ൽ ലോകകപ്പുയർത്തിയ ഇംഗ്ലണ്ട് ടീമിൽ അംഗമായിരുന്നു ബാങ്ക്സ്. ബ്രസീൽ ഫുട്ബോൾ ഇതിഹാസം പെലെയുടെ ഗോൾ വല കുലുക്കുമെന്നുറപ്പിച്ചെത്തിയ ഷോട്ട് തടഞ്ഞിട്ട് ലോകത്തെയാകെ അദ്ദേഹം വിസ്മയിപ്പിച്ചു. ഇതിന്റെ പേരിലാണ് കരിയറിൽ അദ്ദേഹം ഓർമിക്കപ്പെട്ടത്. ഫൈനലിൽ പശ്ചിമ ജർമനിയെ പരാജയപ്പെടുത്തി ഇംഗ്ലണ്ട് കിരീടമുയർത്തി. ചെസ്റ്റെർ ഫീൽഡ്, ഫോർട്ട് ലോഡർഡേൽ സ്ട്രൈക്കേഴ്സ്, ലെസ്റ്റർ സിറ്റി, സ്റ്റോക്ക് സിറ്റി ക്ലബ്ബുകൾക്കുവേണ്ടി കളിച്ചിട്ടുള്ള ബാങ്ക്സ് 1966 ലോകകപ്പിൽ എല്ലാ മത്സരങ്ങളിലും ഇംഗ്ലണ്ട് ജേഴ്സിയണിഞ്ഞു. 1973-ൽ ഫുട്ബോളിൽനിന്നു വിരമിച്ചു.
Read MoreCategory: Sports
ടീമിലെ ഒരു സ്ഥാനത്തിന് മൂന്ന് പേരെന്ന് സെലക്ടർ എം.എസ്.കെ. പ്രസാദ്
മുംബൈ: മേയ് 30 മുതൽ ജൂലൈ 14വരെ ഇംഗ്ലണ്ടിലും വെയ്ൽസിലുമായി നടക്കുന്ന ഏകദിന ക്രിക്കറ്റ് ലോകകപ്പിനുള്ള ഇന്ത്യൻ ടീമിൽ ഒരു സ്ഥാനം മാത്രമേ ഒഴിവുള്ളൂ എന്ന് മുഖ്യ സെലക്ടർ എം.എസ്.കെ. പ്രസാദ്. ആ ഒരു സ്ഥാനത്തിനായി ഋഷഭ് പന്ത്, വിജയ് ശങ്കർ, അജിങ്ക്യ രഹാനെ എന്നിവർ തമ്മിൽ മത്സരം നടക്കുന്നതായും പ്രസാദ് പറഞ്ഞു. കഴിഞ്ഞ ഒരു വർഷത്തിൽ പന്തിന്റെ വളർച്ച അതിശയിപ്പിക്കുന്നതാണ്. ലോകകപ്പ് സ്ഥാനത്തിനായി ശക്തമായ മത്സരമാണ് സഹതാരങ്ങൾക്ക് നൽകുന്നത് – പ്രസാദ് പറഞ്ഞു. നിലവിൽ ഏകദിന ടീമിലില്ലെങ്കിലും സീനിയർ താരമായ രഹാനയും ലോകകപ്പ് ടീമിലേക്ക് പരിഗണിക്കപ്പെടുന്നുണ്ട്. ഓൾറൗണ്ട് മികവാണ് വിജയ് ശങ്കറിനെ ടീമിൽ ഉൾപ്പെടുത്താൻ നിർബന്ധിതമാക്കുക – പ്രസാദ് പറഞ്ഞു.
Read Moreഫുട്ബോൾ താരം അൽ അറബിയെ മോചിപ്പിക്കും
തായ്ലൻഡിൽ തടവിലാക്കപ്പെട്ടിരുന്ന ബഹ്റിൻ-ഓസ്ട്രേലിയൻ ഫുട്ബോൾ താരമായ ഹക്കീം അൽ അറബിയെ ശക്തമായ പ്രതിഷേധത്തിന്റെ പശ്ചാത്തലത്തിൽ മോചിപ്പിക്കാൻ തീരുമാനമായി. ഹക്കീമിനെ കൈമാറണമെന്നുള്ള ആവശ്യം ബഹ്റിൻ പിൻവലിച്ചതോടെയാണിത്. ഹക്കീമിനെ തടവിലാക്കിയതിനെതിരേ ഫുട്ബോൾ താരങ്ങളായ ദിദിയർ ദ്രോഗ്ബ, ജെയ്മി വാർഡി തുടങ്ങിയവർ രംഗത്തെത്തിയിരുന്നു. ബഹ്റിൻ ദേശീയടീമംഗമായിരുന്നു ഹക്കീം. എന്നാൽ, 2011ൽ ബഹ്റിൻ അധികാരകൾക്കെതിരേയുണ്ടായ ബഹുജനപ്രക്ഷോഭത്തിനിടെ പോലീസ് സ്റ്റേഷൻ ആക്രമിച്ചു എന്ന കേസിൽ താരത്തെ അറിസ്റ്റ് ചെയ്തു. അത് കെട്ടിച്ചമച്ച കേസാണെന്നായിരുന്നു ഹക്കീമിന്റെ ആരോപണം. 2014ൽ ഹക്കീം ഓസ്ട്രേലിയയിൽ അഭയം പ്രാപിച്ചു. എന്നാൽ, ഹക്കീമിന്റെ അഭാവത്തിലും താരത്തിന് പത്ത് വർഷത്തെ തടവുശിക്ഷ ബഹ്റിൻ വിധിച്ചു. കഴിഞ്ഞ നവംബറിൽ അവധി ആഘോഷിക്കാനെത്തിയ ഹക്കീമിനെ ഇന്റപോൾ പുറപ്പെടുവിച്ച ഉത്തരവിന്റെ ബലത്തിൽ തായ് അധികൃതർ അറസ്റ്റ് ചെയ്യുകയായിരുന്നു.
Read Moreട്വന്റി-20: കുൽദീപ് യാദവ് രണ്ടാം റാങ്കിൽ
ദുബായ്: ഐസിസി ട്വന്റി-20 ബൗളർമാരുടെ റാങ്കിംഗിൽ ഇന്ത്യൻ സ്പിന്നർ കുൽദീപ് യാദവ് രണ്ടാമത്. ഒരു സ്ഥാനം മുന്നോട്ട് കയറി കരിയറിലെ മികച്ച റാങ്കിലാണ് കുൽദീപ് ഇപ്പോൾ. അഫ്ഗാനിസ്ഥാന്റെ റാഷിദ് ഖാൻ ആണ് ഒന്നാം റാങ്കിൽ. ആദ്യ പത്തിൽ ഉള്ള ഏക ഇന്ത്യൻ താരമാണ് കുൽദീപ്. യുസ്വേന്ദ്ര ചാഹൽ ആറ് സ്ഥാനം പിന്നോട്ടിറങ്ങി 17ലായി. ഭുവനേശ്വർ കുമാർ 18ൽ തുടർന്നു. ഇന്ത്യ ടീം റാങ്കിംഗിൽ രണ്ടാം സ്ഥാനത്ത് തുടരുന്നു. ന്യൂസിലൻഡിനെതിരായ പരന്പര പരാജയപ്പെട്ടതിനാൽ രണ്ട് റേറ്റിംഗ് പോയിന്റ് ഇന്ത്യക്ക് നഷ്ടപ്പെട്ടു. പാക്കിസ്ഥാനാണ് ഒന്നാം റാങ്കിൽ.
Read Moreചെന്നൈ സിറ്റിയെ സമനിലയിൽ പിടിച്ച് നെരോക്ക എഫ്സി
ഇംഫാല്: ഐ ലീഗിൽ കരുത്തരായ ചെന്നൈ സിറ്റിക്കെതിരേ സമനില പിടിച്ച് നെരോക്ക എഫ്സി. മൂന്നു ഗോളിന് പിന്നിൽ നിന്ന നെരോക്ക മൂന്നു ഗോൾ തിരിച്ചടിച്ച് ഒപ്പമെത്തുകയായിരുന്നു. ചെന്നൈ സിറ്റിക്ക് വേണ്ടി സ്പാനിഷ് താരം പെഡ്രോ മാന്സി ഹാട്രിക് നേടി. 35-ാം മിനിറ്റില് മാന്സിയിലൂടെ ചെന്നൈ ആദ്യഗോൾ നേടി. 42,45+1 മിനിറ്റുകളിലും ഗോൾ നേടിയ മാന്സി ചെന്നൈ സിറ്റിയുടെ ഗോള് പട്ടിക പൂര്ത്തിയാക്കി. ഈ സീസണിലെ മാന്സിയുടെ നാലാം ഹാട്രിക്കാണിത്. എന്നാൽ രണ്ടാം പകുതിയിൽ ചെന്നൈയെ നെരോക്ക ഞെട്ടിച്ചു. 52-ാം മിനിറ്റിൽ ഫെലിക്സ് ചിഡിയിലൂടെ നെരോക്ക ഒരു ഗോൾ തിരിച്ചടിച്ചു. പിന്നീട് ഭൂട്ടാന് താരം ചെഞ്ചോ(67), ആര്യന് വില്യംസ്(87) എന്നിവരിലൂടെ നെരോക്ക സമനില പിടിച്ചു. ചെന്നൈ സിറ്റി 16 മത്സരങ്ങളില് നിന്നും 34 പോയിന്റുമായി ഒന്നാംസ്ഥാനത്താണ്. നെരോക്ക 17 കളികളിൽ 26 പോയിന്റുമായി അഞ്ചാം സ്ഥാനത്താണ്.
Read Moreപാക്കിസ്ഥാനിൽ കളിക്കില്ലെന്ന് ഓസ്ട്രേലിയ
കറാച്ചി: പാക്കിസ്ഥാനിൽ ക്രിക്കറ്റ് കളിക്കാൻ തയാറല്ലെന്ന് ഓസ്ട്രേലിയ അറിയിച്ചതോടെ ഏകദിന പരന്പര ദുബായിലേക്ക് മാറ്റാൻ നിർബന്ധിതരായി പിസിബി (പാക് ക്രിക്കറ്റ് ബോർഡ്). മാർച്ചിൽ നടക്കുന്ന അഞ്ച് മത്സര ഏകദിന പരന്പരയാണ് ദുബായിലേക്ക് മാറ്റിയത്. 2009ൽ ശ്രീലങ്കൻ ടീമിനെതിരേ ഭീകരാക്രമണം നടന്നതിനുശേഷം പാക്കിസ്ഥാനിലേക്ക് ടീമുകൾ പോകാൻ ധൈര്യപ്പെട്ടിട്ടില്ല. എന്നാൽ, അടുത്തിടെ ലോക ഇലവണും ശ്രീലങ്ക, വെസ്റ്റ് ഇൻഡീസ് ടീമുകളും പാക്കിസ്ഥാനിൽ പര്യടനം നടത്തിയിരുന്നു. ജനുവരി 31 മുതൽ ഫെബ്രുവരി മൂന്ന് വരെ വിൻഡീസ് വനിതാ ടീമും പാക്കിസ്ഥാനിൽ എത്തിയിരുന്നു. ഓസ്ട്രേലിയൻ സർക്കാരിന്റെ നിർദേശാനുസരണമാണ് ക്രിക്കറ്റ് ഓസ്ട്രേലിയ (സിഎ) പാക്കിസ്ഥാനിലേക്കില്ലെന്ന് അറിയിച്ചത്.
Read Moreമന്ഥാനയുടെ പോരാട്ടം ഫലംകണ്ടില്ല; കിവീസ് വനിതകൾ ഇന്ത്യയെ തൂത്തുവാരി
ഹാമിൽട്ടണ്: ഏകദിന പരന്പരയിലെ തോൽവിക്ക് ട്വന്റി 20 ക്രിക്കറ്റിൽ ന്യൂസിലൻഡ് വനിതകൾ ഇന്ത്യയോടു പകരം വീട്ടി. അവസാന ഓവറിലേക്കു നീണ്ട മത്സരത്തിൽ രണ്ടു റണ്സിനാണ് ന്യൂസിലൻഡ് ഇന്ത്യയുടെ പെണ്പടയെ തകർത്തത്. ഇതോടെ, മൂന്നു മൽസര പരന്പര ന്യൂസിലൻഡ് തൂത്തുവാരി. ടോസ് നേടി ബാറ്റിംഗ് തെരഞ്ഞെടുത്ത കിവീസ് വനിതകൾ നിശ്ചിത ഓവറിൽ ഏഴ് വിക്കറ്റ് നഷ്ടത്തിൽ 161 റണ്സെടുത്തു. ഇന്ത്യയുടെ മറുപടി 20 ഓവറിൽ നാലിന് 159 റണ്സിൽ ഒതുങ്ങി. അവസാന ഓവറിൽ ജയിക്കാൻ ആവശ്യമായിരുന്ന 16 റണ്സിന് രണ്ടു റണ്സ് പിന്നിൽ ഇന്ത്യ ഇന്നിംഗ്സ് അവസാനിപ്പിച്ചു. 86 റണ്സുമായി സ്മൃതി മന്ഥാന ഇന്ത്യൻ നിരയിൽ മികച്ച പ്രകടനം കാഴ്ചവച്ചു. 62 പന്തിൽ 12 ബൗണ്ടറിയും ഒരു സിക്സും അടക്കമായിരുന്നു മന്ഥാനയുടെ ഇന്നിംഗ്സ്. മന്ഥാനയുടെ പുറത്താകൽ ഇന്ത്യൻ ഇന്നിംഗ്സിൽ നിർണായകമായി. മിതാലി രാജ് (24), ദീപ്തി ശർമ (21)…
Read Moreസ്റ്റംപിനു പിന്നിൽ വീണ്ടും ധോണിയുടെ “മിന്നൽ മാജിക്; വെട്ടിലായത് തേഡ് അമ്പയർ
ഹാമിൽട്ടൻ: സ്റ്റംപിനു പിന്നിൽ വീണ്ടും മിന്നൽ പ്രഹരവുമായി ധോണി. കീവീസ് താരം ടിം സീഫർട്ടാണ് ഇക്കുറി ധോണിക്ക് ഇരയായി മടങ്ങിയത്. കിവീസിനെതിരായ ട്വന്റി 20 പരന്പരയിലെ അവസാന മത്സരത്തിലായിരുന്നു ധോണിയുടെ പ്രകടനം. ന്യൂസീലൻഡ് ഇന്നിംഗ്സിലെ എട്ടാം ഓവർ എറിഞ്ഞ കുൽദീപ് യാദവിന്റെ പന്തിലാണ് സീഫർട്ട് പുറത്താകുന്നത്. ഓവറിലെ മൂന്നാം പന്ത് പ്രതിരോധിച്ച സീഫർട്ടിനു പിഴച്ചു. പന്ത് ധോണിയുടെ കൈകളിൽ. നിമിഷനേരത്തിൽ ധോണി സ്റ്റംപിളക്കി. സീഫർട്ടിന്റെ കാൽപ്പാദം ലൈനിന് തൊട്ടരികിലായിരുന്നു എന്ന് റീപ്ലേയിൽ വ്യക്തമായി. മൂന്നാം അന്പയറിനുപോലും തീരുമാനമെടുക്കാൻ കഴിയാത്ത അവസ്ഥ. ഒടുവിൽ സീഫർട്ട് പുറത്ത് എന്നതായിരുന്നു അന്പയറുടെ വിധി. 25 പന്തിൽനിന്ന് 43 റണ്സുമായി സീഫർട്ട് മടങ്ങി. ഇന്ത്യയുടെ ആദ്യ വിക്കറ്റായിരുന്നു ഇത്. 0.099 സെക്കൻഡുകൾ മാത്രമാണ് സ്റ്റംപിംഗിനായി ധോണിക്ക് വേണ്ടിവന്നത്.
Read Moreഅഗ്യൂറോയ്ക്കു ഹാട്രിക്; ചെൽസിയെ നാണംകെടുത്തി മാഞ്ചസ്റ്റർ സിറ്റി
ലണ്ടൻ: ഇംഗ്ലീഷ് പ്രിമിയർ ലീഗിൽ ചെൽസിയെ നാണംകെടുത്തി മാഞ്ചസ്റ്റർ സിറ്റി. ഹോം ഗ്രൗണ്ടിൽ നടന്ന പോരാട്ടത്തിൽ മറുപടിയില്ലാത്ത ആറു ഗോളുകൾക്ക് സിറ്റി ചെൽസിയെ വീഴ്ത്തി. 28 വർഷത്തിനിടയിലെ ചെൽസിയുടെ ഏറ്റവും വലിയ പരാജയമാണിത്. സെർജിയോ അഗ്യൂറോയുടെ ഹാട്രിക് മികവിലാണ് ഇത്തിഹാദ് സ്റ്റേഡിയത്തിൽ സിറ്റി ഗോളടിച്ചുകൂട്ടിയത്. റഹിം സ്റ്റെർലിംഗ് രണ്ടു ഗോൾ നേടി. ഗുണ്ടോഗനാണ് ശേഷിച്ച ഒരു ഗോൾ നേടിയത്. ആദ്യ പകുതിയിൽ സിറ്റി എതിരില്ലാത്ത നാലു ഗോളിന് മുന്നിട്ടുനിന്നു. 1991-ൽ നോട്ടിംഗ്ഹാം ഫോറസ്റ്റിനോട് എതിരില്ലാത്ത ഏഴു ഗോളിനു പരാജയപ്പെട്ടതായിരുന്നു ചെൽസിയുടെ ഇതിനു മുന്പുള്ള വൻ പരാജയം. ജയത്തോടെ ലിവർപൂളിനെ മറികടന്ന് മാഞ്ചസ്റ്റർസിറ്റി ഒന്നാം സ്ഥാനത്തെത്തി. ചെൽസി ആറാം സ്ഥാനത്താണ്.
Read Moreസന്തോഷം അസ്തമിച്ചു!
നെയ്വേലി: 73-ാമത് സന്തോഷ് ട്രോഫി ഫുട്ബോൾ ഫൈനൽസ് യോഗ്യത നേടാനാവാതെ നിലവിലെ ചാന്പ്യന്മാരായ കേരളം പുറത്ത്. ദക്ഷിണമേഖലാ ഗ്രൂപ്പ് ഘട്ടപോരാട്ടത്തിലെ അവസാന മത്സരത്തിൽ സർവീസസിനോടും പരാജയപ്പട്ടതോടെയാണ് കേരളം പുറത്തായത്. ഇന്നലെ നടന്ന നിർണായക മത്സരത്തിൽ കേരളം 0-1ന് സർവീസസിനോട് പരാജയപ്പെട്ടു. ഗ്രൂപ്പ് ബിയിൽനിന്ന് സർവീസസ് ഫൈനൽസിനു യോഗ്യത സ്വന്തമാക്കി. സർവീസസിനെതിരേ ജയിക്കുകയും പോണ്ടിച്ചേരിയോട് തെലങ്കാന സമനില നേടുകയോ തോൽക്കുയോ ചെയ്യേണ്ട അവസ്ഥയിലാണ് കേരളം ഇന്നലെ ഇറങ്ങിയത്. ഗ്രൂപ്പിൽ ഇന്നലെ നടന്ന ആദ്യ മത്സരത്തിൽ തെലങ്കാനയും പോണ്ടിച്ചേരിയും ഗോൾ രഹിത സമനിലയിൽ പിരിഞ്ഞു. ഇതോടെ രണ്ട് ഗോൾ വ്യത്യാസത്തിലെങ്കിലും ജയിച്ചാൽ കേരളത്തിനു ഫൈനൽസ് യോഗ്യത നേടാമെന്ന സാഹചര്യം സംജാതമായി. എന്നാൽ, 1-0ന്റെ തോൽവി വഴങ്ങി കേരളം പുറത്തേക്കുള്ള വഴി തെരഞ്ഞെടുത്തു.
Read More