ന്യൂഡൽഹി: ഐഎസ്എലിൽ കേരള ബ്ലാസ്റ്റേഴ്സിനു വീണ്ടും തോൽവി. എവേ പോരാട്ടത്തിൽ ബ്ലാസ്റ്റേഴ്സ് ഡൽഹി ഡൈനാമോസിനോട് 2-0ന് പരാജയപ്പെട്ടു. 28-ാം മിനിറ്റിൽ ജിയാനി സ്യൂയ് വെർലോണിലൂടെ മുന്നിൽ കടന്ന ഡൈനാമോസ് ഇഞ്ചുറി ടൈമിൽ ലഭിച്ച പെനൽറ്റി ലക്ഷ്യത്തിലാക്കി വിജയമാർജിൻ വർധിപ്പിച്ചു. റെനെ മിഖെലിക്കായിരുന്നു (90+4-ാം മിനിറ്റ്) പെനൽറ്റി ഗോൾ നേടിയത്. സീസണിൽ ബ്ലാസ്റ്റേഴ്സിന്റെ ആറാം തോൽവിയാണ്. ഇതുവരെ ഒരു ജയം മാത്രം നേടാനേ കേരള സംഘത്തിനു സാധിച്ചിട്ടുള്ളൂ. 14 മത്സരത്തിൽ 10 പോയിന്റുമായി ബ്ലാസ്റ്റേഴ്സ് ഒന്പതാം സ്ഥാനത്താണ്. 10 പോയിന്റോടെ ഡൽഹി എട്ടിലേക്കെത്തി. 30 പോയിന്റുള്ള ബംഗളൂരു എഫ്സിയാണ് ലീഗിന്റെ തലപ്പത്ത്.
Read MoreCategory: Sports
ബാഴ്സ താരത്തെ സ്വന്തമാക്കി ആഴ്സണൽ
ലണ്ടൻ: ട്രാൻസ്ഫർ ജാലകത്തിന്റെ അവസാന ദിവസം ആരാധകരെ ഞെട്ടിച്ച് ഇംഗ്ലീഷ് ഫുട്ബോൾ ക്ലബ് ആഴ്സണൽ. സ്പാനിഷ് ക്ലബ്ബായ ബാഴ്സലോണയിൽനിന്ന് മധ്യനിരതാരം ഇരുപത്തഞ്ചുകാരനായ ഡെനിസ് സുവാരസിനെ ആഴ്സണൽ സ്വന്തമാക്കി. വായ്പ അടിസ്ഥാനത്തിലാണ് സ്പാനിഷ് താരമായ ഡെനിസ് ആഴ്സണലിലെത്തുന്നത്. ബാഴ്സലോണയുമായി 2021 വരെ ഡെനിസ് നേരത്തെ കരാർ പുതുക്കിയിരുന്നു. തുടർന്നാണിപ്പോൾ ഇംഗ്ലണ്ടിലേക്കുള്ള കൂടുമാറ്റം. ആഴ്സണൽ പരിശീലകൻ യുനായ് എമ്റി സെവിയ്യയിലായിരുന്നപ്പോൾ ഡെനിസ് ടീമിലുണ്ടായിരുന്നു. ഈ ബന്ധവും താരത്തെ ഇംഗ്ലണ്ടിലെത്താൻ പ്രേരിപ്പിച്ചു. ഇംഗ്ലീഷ് ക്ലബ് മാഞ്ചസ്റ്റർ സിറ്റി സീനിയർ അരങ്ങേറ്റം കുറിച്ചയാളാണ് ഡെനിസ്. എന്നാൽ, സിറ്റിയുടെ റിസർവ് ടീമിലേക്ക് ഒതുക്കപ്പെട്ടതോടെ 2013ൽ ബാഴ്സയിലെത്തി. ബാഴ്സയ്ക്കായി 46 മത്സരങ്ങളിൽ മൂന്ന് ഗോൾ നേടിയിട്ടുണ്ട്.
Read Moreലോക കിരീടത്തിലേക്കോ?
ഇന്ത്യൻ ടീം ഓരോ ജയം നേടുന്പോഴും ക്രിക്കറ്റ് ലോകത്ത് ഒരു ചോദ്യമുയരുന്നു. വിരാട് കോഹ്ലിയുടെയും സംഘത്തിന്റെയും ഈ ജൈത്രയാത്ര ലോകകപ്പ് കിരീടത്തിലേക്കോ? 1980കളിലെ വെസ്റ്റ് ഇൻഡീസിന്റെ ഇതിഹാസ സംഘത്തോടാണ് ടീം ഇന്ത്യയെ ഓസ്ട്രേലിയൻ മുൻ താരമായ ഡീൻ ജോണ്സ് വിശേഷിപ്പിച്ചത്. ഇന്ത്യൻ മുൻ ക്യാപ്റ്റൻ സുനിൽ ഗാവസ്കർ ഉപമിച്ചതും വിൻഡീസ് മുൻതാരങ്ങളോട്. രോഹിത് ശർമ – ശിഖർ ധവാൻ ഓപ്പണിംഗ്, വണ്ഡൗണ് ആയി ക്യാപ്റ്റൻ വിരാട് കോഹ്ലി. ബൗളർമാർക്ക് ഒരു പ്രതീക്ഷയുമില്ലാത്ത ടോപ് ഓർഡർ. ഗോർഡൻ ഗ്രീനിഡ്ജ് – ഡെസ്മണ്ട് ഹെയ്ൻസ് ഓപ്പണിംഗ്, വണ്ഡൗണ് ആയി വിവ് റിച്ചാർഡ്സ്; വിൻഡീസിന്റെ ഈ ടോപ് ഓർഡറിനോടാണ് ഗാവസ്കർ ഇന്ത്യൻ സംഘത്തെ താരതമ്യപ്പെടുത്തിയത്. ബൗളിംഗിൽ ഭുവനേശ്വർ കുമാർ, മുഹമ്മദ് ഷാമി, ജസ്പ്രീത് ബുംറ തുടങ്ങിയവർക്കൊപ്പം കുൽദീപ് യാദവ്, യുസ്വേന്ദ്ര ചാഹൽ എന്നിവരുടെ സ്പിന്നും ചേരുന്പോൾ ഇന്ത്യ ലോകകപ്പ് ഉയർത്തുമെന്നുതന്നെയാണ് വിലയിരുത്തൽ.…
Read Moreചരിത്രം അരികെ…
ഹാമിൽട്ടണ്: ന്യൂസിലൻഡിനെതിരായ നാലാം ഏകദിന ക്രിക്കറ്റ് ഇന്ന് ഹാമിൽട്ടണിലെ സെഡൻ പാർക്കിൽ. ആദ്യ മൂന്ന് ഏകദിനവും ജയിച്ച ടീം ഇന്ത്യ അഞ്ച് മത്സര പരന്പര ഇതിനോടകം സ്വന്തമാക്കിക്കഴിഞ്ഞു. പരന്പര സ്വന്തമാക്കിയ മൂന്നാം ജയത്തിനു പിന്നാലെ ടീം നായകൻ വിരാട് കോഹ്ലി ഇന്ത്യയിലേക്ക് മടങ്ങി. ബിസിസിഐ ക്യാപ്റ്റനു വിശ്രമം അനുവദിച്ചതോടെയാണിത്. കോഹ്ലിക്കു പകരം രോഹിത് ശർമയാണ് ഇന്ത്യയെ നയിക്കുക. ജയം തുടർന്ന് പരന്പരയിൽ 4-0ന്റെ ലീഡ് സ്വന്തമാക്കുകയാണ് ഇന്ത്യയുടെ ലക്ഷ്യം. അങ്ങനെയെങ്കിൽ 52 വർഷത്തെ ന്യൂസിലൻഡ് പര്യടന ചരിത്രത്തിൽ ഇന്ത്യയുടെ ഏറ്റവും വലിയ പരന്പര ജയമാകും ഇത്. പരിക്കേറ്റ എം.എസ്. ധോണി ഇന്നുമുണ്ടാകുമോയെന്ന് വ്യക്തമല്ല. മൂന്നാം ഏകദിനത്തിൽ ധോണിക്കു പകരം ദിനേശ് കാർത്തിക് ആയിരുന്നു ഇന്ത്യയുടെ വിക്കറ്റ് കാത്തത്. ഇന്ന് ടോസിനു മുന്പു മാത്രമേ ധോണിയുടെ കാര്യത്തിൽ വ്യക്തതയുണ്ടാകൂ. ധോണി കളിക്കുമെങ്കിൽ കോഹ്ലിയുടെ അഭാവത്തിൽ അദ്ദേഹം ടീമിലുണ്ടാകും. കോഹ്ലിക്ക്…
Read Moreശ്രീശാന്തിനെ കുറ്റപ്പെടുത്തി സുപ്രീംകോടതി
ന്യൂഡൽഹി: ഒത്തുകളി വിവാദത്തെത്തുടർന്ന് വിലക്ക് നേരിടുന്ന മലയാളി ക്രിക്കറ്റ് താരം എസ്. ശ്രീശാന്തിനെ കുറ്റപ്പെടുത്തി സുപ്രീംകോടതി. വാതുവയ്പുകാർ സമീപിച്ചപ്പോൾ എന്തുകൊണ്ട് അക്കാര്യം ബിസിസിഐയുടെ ശ്രദ്ധയിൽപ്പെടുത്തിയില്ലെന്ന് സുപ്രീംകോടതി മുൻ ഇന്ത്യൻ താരത്തോട് ചോദിച്ചു. 2013 ഐപിഎലിനിടെയാണ് ഒത്തുകളി വിവാദമുണ്ടായത്. വാതുവയ്പ് കുറ്റം സമ്മതിച്ചത് ഡൽഹി പോലീസ് ക്രൂരമായി മർദിച്ചതിനാലാണെന്ന് ശ്രീശാന്ത് സുപ്രീംകോടതിയിൽ പറഞ്ഞു. എന്നാൽ, ശ്രീശാന്തിന്റെ പെരുമാറ്റം മോശമായിരുന്നുവെന്നും കൂടുതൽ പണം കൈയിൽ കരുതിയത് എന്തിനാണെന്നും സുപ്രീംകോടതി ചോദിച്ചു. പണം അനാഥാലയത്തിനു നല്കാനായിരുന്നെന്നാണ് ശ്രീശാന്തിന്റെ അഭിഭാഷകൻ വാദിച്ചത്. ബിസിസിഐ ഏർപ്പെടുത്തിയ ആജീവനാന്ത വിലക്ക് അഞ്ച് വർഷമായി കുറയ്ക്കാൻമാത്രമേ ശ്രീശാന്തിനു വാദിക്കാനാകൂ എന്നും സുപ്രീംകോടതി വ്യക്തമാക്കി. ബിസിസിഐയുടെ ആജീവനാന്ത വിലക്ക് ശരിവച്ച കേരള ഹൈക്കോടതി ഡിവിഷൻ ബെഞ്ച് വിധി ചോദ്യം ചെയ്താണ് ശ്രീശാന്ത് സുപ്രീംകോടതിയെ സമീപിച്ചത്. ജസ്റ്റീസ് അശോക് ഭുഷണ്, കെ.എം. ജോസഫ് എന്നിവരുടെ ബെഞ്ചാണ് ഹർജി പരിഗണിച്ചത്. ഡൽഹി…
Read Moreബധിര കായികമേള: കേരളത്തിനു കിരീടം
ചെന്നൈ: ദേശീയ ബധിര കായികമേളയിൽ കേരളത്തിന് ഓവറോൾ കിരീടം. അത്ലറ്റിക്സിൽ കേരളം ചാന്പ്യൻപട്ടം കരസ്ഥമാക്കിയത് ഓവറോൾ കിരീടത്തിനു വഴിവച്ചു. അത്ലറ്റിക്സിൽ 167 പോയിന്റോടെയാണ് കേരളം കിരീടം സ്വന്തമാക്കിയത്. ആതിഥേയരായ തമിഴ്നാടാണ് രണ്ടാം സ്ഥാനത്ത്. വോളിബോൾ ഉൾപ്പെടെയുള്ള ഗെയിംസ് ഇനങ്ങളിലും കേരളം മെഡൽ സ്വന്തമാക്കി. അത്ലറ്റിക്സിൽ നീർപ്പാറ ഹയർസെക്കൻഡറി സ്കൂളിന്റെ പ്രകടനമാണ് കേരളസംഘത്തിൽ എടുത്തു പറയേണ്ടത്. 10 സ്വർണവും 14 വെള്ളിയും അഞ്ച് വെങ്കലവും നീർപ്പാറ സ്കൂൾ കുട്ടികൾ കേരളത്തിനായി സ്വന്തമാക്കി. സ്കൂളുകളിൽ നീർപ്പാറ ഓവറോൾ കിരീടം ചൂടി ചരിത്രംകുറിച്ചു.
Read Moreകാര്യവട്ടത്ത് ഇന്ത്യ മാത്രം!
തിരുവനന്തപുരം: കാര്യവട്ടം അന്താരാഷ്ട്ര സ്റ്റേഡിയത്തിൽ നാലാം ഏകദിനത്തിലും ഇന്ത്യ എയ്ക്ക് മുന്നിൽ ഇംഗ്ലണ്ട് ലയണ്സിന് ദയനീയ പരാജയം. ആദ്യം ബാറ്റ് ചെയ്ത ഇംഗ്ലണ്ട് ലയണ്സ് ഉയർത്തിയ 221 റണ്സ് എന്ന വെല്ലുവിളി നാലു വിക്കറ്റ് നഷ്ടത്തിൽ ഇന്ത്യ മറികടന്നു. ഇതോടെ അഞ്ച് ഏകദിനങ്ങൾ ഉൾപ്പെട്ട പരന്പരയിൽ നാലും ഇന്ത്യ നേടി. ഇംഗ്ലണ്ട് ഉയർത്തിയ 221 റണ്സ് മറികടക്കാനായി ബാറ്റിംഗിനിറങ്ങിയ ഇന്ത്യക്ക് ആദ്യ വിക്കറ്റ് എട്ടു റണ്സ് സ്കോർ ചെയ്തപ്പോൾ നഷ്ടമായി. 1.4-ാം ഓവറിൽ ആർ.ഡി ഗെയ്ക് വാദിനെ ലൂയിസ് ഗ്രിഗറിയുടെ പന്തിൽ വിൽ ജാക്സ് പിടിച്ചു പുറത്താക്കി. എന്നാൽ, തുടർന്നെത്തിയ റിക്കി ഭൂയിയുമായി ഓപ്പണർ കെ.എൽ. രാഹുൽ ഇന്ത്യൻ സ്കോർ 50 കടത്തി. ഇന്ത്യ 67 റണ്സിൽ നിൽക്കെയാണ് ഭൂയിയെ സ്റ്റീവ് മുല്ലേനി സാം ബില്ലിംഗ്സിന്റെ കൈകളിലെത്തിച്ചത്. തുടർന്നെത്തിയ എ.ആർ. ഭവാനി കാര്യമായ സ്കോറിംഗ് നടത്താൻ കഴിഞ്ഞില്ല.…
Read Moreകിവികളെ കൂട്ടിലടച്ച് വനിതകളും
മൗണ്ട് മൗന്ഗനൂയി: ഇന്ത്യയുടെ പുരുഷന്മാര്ക്കു പിന്നാലെ വനിതകളും ന്യൂസിലന്ഡില് ഏകദിന ക്രിക്കറ്റ് പരമ്പര നേടി. ന്യൂസിലന്ഡിനെതിരേയുള്ള രണ്ടാം ഏകദിനത്തില് എട്ട് വിക്കറ്റ് ജയത്തോടെയാണ് മൂന്നു മത്സരങ്ങളുടെ പരമ്പര 2-0ന് സ്വന്തമാക്കിയത്. തുടര്ച്ചയായ രണ്ടാം തവണയും സ്മൃതി മന്ദാനയാണ് (90 നോട്ടൗട്ട്) ഇന്ത്യക്ക് അനായാസ ജയമൊരുക്കിയത്. ഇത്തവണ ക്യാപ്റ്റന് മിതാലി രാജിനൊപ്പം (63 നോട്ടൗട്ട്) ചേര്ന്നാണ് മന്ദാന ഇന്ത്യയെ ജയത്തിലെത്തിച്ചത്. ന്യൂസിലന്ഡ് 44.2 ഓവറില് 161ന് ഓള്ഔട്ട്. ഇന്ത്യ 35.2 ഓവറില് ഇന്ത്യ രണ്ടു വിക്കറ്റിന് 166. ടോസ് നേടിയ ഇന്ത്യന് ക്യാപ്റ്റന് ന്യൂസിലന്ഡിനെ ബാറ്റിംഗിനു വിട്ടു. ഇന്ത്യന് ബൗളര്മാര് ഒരിക്കല്ക്കൂടി മികവ് തെളിയിച്ചതോടെ കിവീസിനു തകര്ച്ചയായിരുന്നു. സ്കോര് തുറക്കുംമുമ്പേ ഓപ്പണര് സൂസി ബേറ്റ്സിനെ നഷ്ടമായി. അഞ്ചു വിക്കറ്റിന് 62 എന്ന നിലയില് തകര്ന്ന കിവീസിനെ എമി സാറ്റേര്ത്വെയ്റ്റനും ലെയ് കാസ്പെറെക്കുമാണ് വന് തകര്ച്ചയില്നിന്നു രക്ഷിച്ചത്. 71 റണ്സ്…
Read Moreമാഞ്ചസ്റ്റർ സിറ്റിക്ക് കാലിടറി; വീഴ്ത്തിയത് ന്യൂകാസില് യുണൈറ്റഡ്
ലണ്ടൻ: കിരീട പ്രതീക്ഷകളുമായി കുതിച്ച മാഞ്ചസ്റ്റർ സിറ്റിയെ പിന്നോട്ടടിച്ച് ന്യൂകാസില് യുണൈറ്റഡ്. ഇംഗ്ലീഷ് പ്രീമിയർ ലീഗിൽ നിര്ണായക മത്സരത്തിൽ ന്യൂകാസിലിനോടു സിറ്റി പരാജയപ്പെട്ടു. ഒന്നിനെതിരെ രണ്ടു ഗോളുകള്ക്കാണ് പെപ് ഗ്വാര്ഡിയോളയും സംഘവും പരാജയപ്പെട്ടത്. ഒരു ഗോളിന് മുന്നിട്ടു നിന്ന ശേഷമാണ് സിറ്റിയുടെ തോൽവി. ഒന്നാം മിനിറ്റില് സെർജിയോ അഗ്വേറോ നേടിയ ഗോള് ആണ് സിറ്റിയെ മുന്നില് എത്തിച്ചത്. എന്നാല് 66-ാം മിനിറ്റിൽ സലോമോൻ റോന്ഡോനിലൂടെ ന്യൂകാസില് ഒപ്പം എത്തി. 80-ാം ലഭിച്ച പെനാൽറ്റി ന്യൂകാസിലിന് ലീഡും നല്കി. മാറ്റ് റിചിയായിരുന്നു പന്ത് വലയിലാക്കിയത്. പോയിന്റ് പട്ടികയിൽ രണ്ടാം സ്ഥാനത്തുള്ള സിറ്റിക്ക് ഈ തോൽവി വലിയ തിരിച്ചടിയായി. ഒന്നാമതുള്ള ലിവർപൂൾ അടുത്തദിവസം ജയിക്കുകയാണെങ്കിൽ ലീഡ് വ്യത്യാസം കൂടും.
Read Moreബാഴ്സയ്ക്കും റയലിനും ജയം
മാഡ്രിഡ്: സ്പാനിഷ് ലാ ലീഗ ഫുട്ബോളിൽ ബാഴ്സലോണയ്ക്കും റയൽ മാഡ്രിഡിനും ജയം. ബാഴ്സലോണ 2-0ന് ജിറോണയെ പരാജയപ്പെടുത്തിയപ്പോൾ എസ്പാന്യോളിനെ 2-4നായിരുന്നു റയൽ കീഴടക്കിയത്. ലീഗ് പോയിന്റ് പട്ടികയിൽ ഒന്നാം സ്ഥാനത്തുള്ള ബാഴ്സയ്ക്ക് ഇതോടെ 21 മത്സരങ്ങളിൽ 49 പോയിന്റായി. രണ്ടാം സ്ഥാനത്തുള്ള അത്ലറ്റിക്കോ മാഡ്രിഡിനേക്കാൾ (44 പോയിന്റ്) അഞ്ച് പോയിന്റ് മുന്നിലെത്താനും ബാഴ്സയ്ക്കായി. 21 മത്സരങ്ങളിൽ 39 പോയിന്റുള്ള റയൽ മൂന്നാം സ്ഥാനത്താണ്. ജിറോണയുടെ തട്ടകത്തിൽ നടന്ന പോരാട്ടത്തിലായിരുന്നു ബാഴ്സയുടെ തകർപ്പൻ ജയം. ഒന്പതാം മിനിറ്റിൽ നെൽസണ് സെമഡോ, 68-ാം മിനിറ്റിൽ ലയണൽ മെസി എന്നിവരാണ് ബാഴ്സയ്ക്കായി ഗോളുകൾ നേടിയത്. കരീം ബെൻസെമയുടെ (നാല്, 45+1 മിനിറ്റുകൾ) ഇരട്ടഗോളുകളാണ് എസ്പാന്യോളിനെതിരെ റയലിനു ജയം സമ്മാനിച്ചത്. സെർജിയോ റാമോസ് (15-ാം മിനിറ്റ്), ഗാരെത് ബെയ്ൽ (67-ാം മിനിറ്റ്) എന്നിവരും റയലിനായി ലക്ഷ്യംനേടി.
Read More