21-ാം എഡിഷൻ ഫിഫ ലോകകപ്പ് കിരീടം ഫ്രാൻസ് ഉയർത്തി. ലോകോത്തര ഫുട്ബോൾതാരങ്ങളെല്ലാം അണിനിരന്ന 2018 ലോകകപ്പ് സമാപിച്ചപ്പോൾ താരങ്ങളായത് ലൂക്ക മോഡ്രിച്ച്, തിബോ കൂർട്ട്വാ, കൈലിയൻ എംബാപ്പെ, ഹാരി കെയ്ൻ എന്നിവരായിരുന്നു. ഫെയർ പ്ലേ അവാർഡ് സ്പെയിനും സ്വന്തമാക്കി. ഗോള്ഡന് ബോള്-ലൂക്ക മോഡ്രിച്ച് ക്രൊയേഷ്യയെ ഫൈനല് വരെയെത്തിക്കുന്നതിൽ പ്രധാന പങ്ക് വഹിച്ച താരമാണ് നായകന് ലൂക്ക മോഡ്രിച്ച്. രണ്ടു ഗോളും ഒരു അസിസ്റ്റും മാത്രമാണുള്ളതെങ്കിലും മധ്യനിരയില് മോഡ്രിച്ച് ചെയ്ത ജോലി നോക്കുമ്പോള് ഗോളിന്റെ എണ്ണമോ അസിസ്റ്റോ എങ്ങുമെത്തില്ല. കളിയുടെ സ്വഭാവം അനുസരിച്ച് മത്സരത്തിന്റെ ഗതിതന്നെ മാറ്റാന് കഴിവുള്ളതാരം. ടീമിനെ ഒത്തിണക്കത്തോടെ നയിക്കാന് പ്രത്യേക കഴിവും മോഡ്രിച്ചിനുണ്ട്. എതിര് പ്രതിരോധം ചിന്നഭിന്നമാക്കാനുള്ള പ്രത്യേക വാസനയും താരത്തിനുണ്ട്. ഫൈനലില് മോഡ്രിച്ചിന്റെ മധ്യനിരയിലെ നീക്കങ്ങളാണ് ക്രൊയേഷ്യക്ക് തുടക്കത്തില് വേഗത്തിലുള്ള നീക്കങ്ങളുണ്ടാക്കിയത്. ഗോള്ഡന് ഗ്ലൗ-തിബോ കൂര്ട്ട്വ ഗോള് പോസ്റ്റിനു മുന്നില് തിബോ കൂര്ട്ട്വ…
Read MoreCategory: Sports
വിജയാഹ്ലാദത്തില് മുഷ്ടി ചുരുട്ടി ഫ്രഞ്ച് പ്രസിഡന്റ് മക്രോൺ
ലുഷ്നികി സ്റ്റേഡിയത്തില് ലോകകിരീടത്തിനായുള്ള പോരാട്ടത്തിനൊടുവില് ക്രെയേഷ്യക്കെതിരെ വിജയിച്ച ഫ്രാന്സിന്റെ ആവേശം ആകാശം മുട്ടെ ഉയര്ന്നപ്പോള് വിവിഐപി ഗാലറിയില് നിന്ന് മുഷ്ടി ചുരുട്ടി അലറുന്ന ഫ്രഞ്ച് പ്രസിഡന്റ് ഇമ്മാനുവേല് മക്രോണിന്റെ ചിത്രം സമൂഹമാധ്യമങ്ങളില് വൈറലായി. വിജയത്തിനുശേഷം ഫ്രഞ്ച് ടീമിന്റെ ഡ്രസിംഗ് റൂമിലെത്തി കളിക്കാര്ക്കൊപ്പം അദ്ദേഹം ആഹ്ലാദം പങ്കുവച്ചു. മാത്രമല്ല, ടീമിന്റെ ഡിഫന്ഡര് ബെഞ്ചമിന് മെന്ഡി, മിഡ്ഫീല്ഡര് പോള് പോഗ്ബ എന്നിവര്ക്കൊപ്പം ‘ഡാബ് ഡാന്സി’’ന്റെ ചുവടും വെച്ചു. പഠനകാലത്ത് യൂണിവേഴ്സിറ്റി ടീമില് അംഗമായിരുന്നു മക്രോൺ.
Read Moreവിംബിള്ഡണ് നേടാൻ പ്രചോദനമായതു മകൻ: ജോക്കോവിച്ച്
ലണ്ടന്: വിംബിള്ഡണ് ടെന്നീസ് കിരീടം നേടുന്നതിന് തന്റെ മകനാണ് പ്രചോദനം നല്കിയതെന്ന് നൊവാക് ജോക്കോവിച്ച്. സെര്ബിയന്താരത്തിന്റെ നാലാം വിംബിള്ഡണ് കിരീടമാണ്. ഇതോടെ ജോക്കോവിച്ചിന് 13 ഗ്രാന്സ്ലാം കിരീടങ്ങളായി. മൂന്നു വയസുകാരനായ മകന് സ്റ്റെഫാന് അമ്മ യെലേനയ്ക്കൊപ്പം പ്ലെയേഴ്സ് ബോക്സിലിരുന്നാണ് മത്സരവും കിരീടസമർപ്പണചടങ്ങും കണ്ടത്. അഞ്ചു വയസില് താഴെയുള്ള കുട്ടികള്ക്ക് കോര്ട്ടിന്റെ സമീപത്തിരുന്ന് മത്സരം കാണാനുള്ള അനുമതി ഓള് ഇംഗ്ലണ്ട് ക്ലബ് നല്കാറില്ല. 2016ല് ഫ്രഞ്ച് ഓപ്പണ് നേടിയശേഷം ജോക്കോവിച്ചിന്റെ ആദ്യ ഗ്രാന്സ്ലാം കിരീടമാണിത്. 2016 ല് യുഎസ് ഓപ്പണ് ഫൈനലിലെത്തിയശേഷമുള്ള ആദ്യ ഫൈനലുമായിരുന്നു. വിംബിള്ഡണ് ജയത്തോടെ ജോക്കോവിച്ച് പതിനൊന്നു സ്ഥാനം മെച്ചപ്പെടുത്തി പത്താം റാങ്കിലെത്തി.
Read Moreഫിഫ 2018 ലോകകപ്പ് : നേട്ടങ്ങള്, കോട്ടങ്ങള്
കായിക ജ്വരമായി പടര്ന്നു പന്തലിച്ച ലോകകപ്പ് ഫുട്ബോള് അവസാനിച്ചതിന്റെ ശാന്തതയിലാണ് റഷ്യ. 31 ദിവസത്തെ മാമാങ്കത്തിന് കൊടിയിറങ്ങിയതോടെ രാജ്യം പഴയ നിലയിലേക്കു മടങ്ങി വരികയാണ്. പക്ഷേ പുതിയ ഉണര്വോടെ. നഗരങ്ങളിലെയും തെരുവോരത്തെയും ആള്ത്തിരക്കും, ആട്ടവും പാട്ടും നൃത്തവുമൊക്കെ എങ്ങോ പോയി മറയുന്നു. ജനങ്ങള് സ്വന്തം പ്രവൃത്തികളിലേക്ക് നീങ്ങിയതോടെ ഇവിടം ആളൊഴിഞ്ഞ ഉല്സവപ്പറമ്പുപോലെയായി. ഫിഫ ലോകകപ്പ് ഇരുപത്തിയൊന്നാം എഡിഷന്റെ മനോഹാരിതയില് ആതിഥേയരായ റഷ്യയും അതിന്റെ പ്രസിഡന്റ് വ്ളാദിമിര് പുടിനും ലോകത്തിനുമുമ്പാകെ ഒന്നുകൂടി തലയുയര്ത്തി നില്ക്കുമ്പോള് നഷ്ടങ്ങളുടെ ലാഭങ്ങളുടെ കണക്കുകള് എന്തൊക്കെയാവും. ആര്ക്കൊക്കെ, ആരൊക്കെ ഇതില് വിതച്ചു കൊയ്തു എന്നൊരു തിരിഞ്ഞുനോട്ടം. കഴിഞ്ഞ എട്ടുകൊല്ലമായി(2010 മുതല്) മനസില് കൊണ്ടു നടന്ന സുന്ദരസ്വപ്നങ്ങളും പ്രതീക്ഷകളും നന്നായി ലോകത്തിനു മുമ്പില് അവതരിപ്പിച്ച്, അല്ല കാട്ടിക്കൊടുത്തതിന്റെ തികഞ്ഞ ചാരിതാര്ഥ്യത്തിലാണ് പ്രസിഡന്റ് പുടിന്. ലോകം ഇതുവരെ കണ്ടിട്ടില്ലാത്ത വമ്പിച്ച ഒരു സന്നാഹത്തിന്റെ ആകെത്തുകയായി റഷ്യന് ലോകകപ്പ്…
Read Moreലോകകപ്പ് വിജയാഘോഷം അതിരുവിട്ടു; ഫ്രാൻസിൽ ആരാധകരും പോലീസും ഏറ്റുമുട്ടി
പാരീസ്: ഫ്രാൻസ് ലോകകപ്പിൽ മുത്തമിട്ട രാവിൽ പാരീസിൽ ആരാധകരുടെ അതിരുവിട്ട ആഘോഷ പ്രകടനം. ചാംപ്സ് എലിസീസ് വീഥിയിൽ നടന്ന വിജയാഘോഷത്തിനിടെ മുപ്പതോളം യുവാക്കൾ കടകളിലേക്ക് അതിക്രമിച്ച് കയറി ചില്ലുകൾ അടിച്ചുതകർത്തു. അക്രമാസക്തരായ ചിലർ പോലീസിന് നേരെ കുപ്പികളും കസേരകളും വലിച്ചെറിഞ്ഞു. ഇതോടെ പോലീസ് കണ്ണീർ വാതകം പ്രയോഗിച്ചു. തെക്കൻനഗരമായ ലിയോണിലും പോലീസും നൂറോളം ആരാധകരും തമ്മിൽ ഏറ്റുമുട്ടി. സിറ്റി സെന്ററിൽ വലിയ സ്ക്രീനിൽ മത്സരം പ്രദർശിക്കുമ്പോളാണ് അക്രമമുണ്ടായത്. നൂറോളം യുവാക്കൾ പോലീസ് വാഹനത്തിന് മുകളിൽ കയറി അതിരുവിട്ട ആഘോഷം നടത്തുകയായിരുന്നു. മാർസിലെയിൽ നടന്ന അക്രമവുമായി ബന്ധപ്പെട്ട് പത്ത് പേർ അറസ്റ്റിലായി. അക്രമത്തിൽ രണ്ടു സുരക്ഷാ ഉദ്യോഗസ്ഥർക്ക് പരിക്കേറ്റിരുന്നു. തെക്കുകിഴക്കൻ നഗരമായ അന്നെസിയിൽ വിജയാഘോഷത്തിനിടെ രണ്ടു പേർ അപകടത്തിൽപ്പെട്ടു. 2015ലെ ഭീകരാക്രമണത്തിന് ശേഷം കടുത്ത ജാഗ്രതയാണ് ഫ്രഞ്ച് സർക്കാർ പാലിക്കുന്നത്. ലോകകപ്പ് വിജയാഘോഷത്തിനിടെ അക്രമസംഭവങ്ങൾ നടക്കാനുള്ള സാധ്യത കണക്കിലെടുത്ത്…
Read Moreപെലെയ്ക്കുശേഷം എംബാപ്പെ..! ലോകകപ്പ് ഫൈനലിൽ ഗോൾ നേടുന്ന കൗമാരതാരം
മോസ്കോ: ലോകകപ്പ് ചരിത്രത്തിൽ പെലെയ്ക്കൊപ്പം തോൾചേർന്ന് ഫ്രാൻസിന്റെ പത്തൊന്പതുകാരൻ സൂപ്പർ താരം കൈലിയൻ എംബാപ്പെ.പ്രീക്വാർട്ടറിൽ അർജന്റീനയ്ക്കെതിരേ ഇരട്ട ഗോൾ നേടിക്കൊണ്ട് ഒരു മത്സരത്തിൽ രണ്ട് ഗോൾ നേടുന്ന കൗമാര താരമെന്ന റിക്കാർഡിൽ പെലെയ്ക്കൊപ്പമെത്തിയ എംബാപ്പെ, ക്രൊയേഷ്യക്കെതിരായ ഫൈനലിലും ലക്ഷ്യംകണ്ടു. അതോടെ മറ്റൊരു വിശേഷത്തിലും ഫ്രഞ്ച് താരം പെലെയുടെ ഒപ്പമെത്തി. ലോകകപ്പ് ഫൈനലിൽ ഗോൾ നേടുന്ന ഏറ്റവും പ്രായം കുറഞ്ഞ രണ്ടാമത് താരമെന്ന റിക്കാർഡായിരുന്നു അത്. 1958 ലോകകപ്പ് ഫൈനലിലാണ് പെലെ ഇരട്ട ഗോൾ നേടിയത്. അന്ന് ഗോൾ നേടുന്പോൾ പതിനേഴു വയസായിരുന്നു പെലെയുടെ പ്രായം. ഇതിഹാസ താരങ്ങളായ ലയണൽ മെസിയും ക്രിസ്റ്റ്യാനോ റൊണാൾഡോയും ബാക്കിയാക്കിയ റിക്കാർഡാണ് എംബാപ്പെ സ്വന്തം പേരിൽ എഴുതിയത്.
Read Moreജോക്കോവിച്ചിനു കിരീടം
ലണ്ടൻ: സെർബിയയുടെ നൊവാക് ജോക്കോവിച്ച് വിംബിൾഡണ് ഓപ്പണ് ടെന്നീസ് കിരീടം സ്വന്തമാക്കി. ദക്ഷിണാഫ്രിക്കയുടെ കെവിൻ ആൻഡേഴ്സണെ നേരിട്ടുള്ള സെറ്റുകൾക്കു കീഴടക്കിയാണ് ജോക്കോവിച്ച് കിരീടം നേടിയത്. സ്കോർ: 6-2, 6-2, 7-6(7-3). രണ്ട് വർഷത്തിനുള്ളിൽ ആദ്യമായാണ് സെർബ് താരം ഗ്രാൻസ്ലാം സ്വന്തമാക്കുന്നത്. ജോക്കോവിച്ചിന്റെ നാലാം വിംബിൾഡണ് കിരീടമാണ് ഇത്.
Read Moreഗോൾമഴയിൽ കിരീടം
മോസ്കോ: ഫ്രാന്സ് ലോകകപ്പ് ഫുട്ബോളില് ഒരിക്കല്ക്കൂടി ഇതിഹാസം രചിച്ചു. മഴ സന്തോഷക്കുടപിടിച്ച മോസ്കോ ലുഷ്നികി സ്റ്റേഡിയത്തിൽ ഫ്രഞ്ച് സംഘം ലോകചാന്പ്യന്മാരുടെ കിരീടം ചുണ്ടോടുചേർത്തു. ഫ്രാൻസിന്റെ രണ്ടാം ലോകകിരീടമാണിത്. 1998ൽ ചാന്പ്യന്മാരായ ഫ്രാൻസ് 2006ൽ ഫൈനലിൽ എത്തിയിരുന്നു. യൂറോപ്പിൽനിന്ന് ഒന്നിലധികം തവണ ലോക ചാന്പ്യന്മാരാകുന്ന മൂന്നാമത്തെ ടീമാണ് ഫ്രാൻസ് (ഇറ്റലി, ജർമനി എന്നിവ നാല് വീതം). റഷ്യ 2018 ലോകകപ്പില് അപ്രതീക്ഷിത മുന്നേറ്റം നടത്തി ഫൈനല് വരെയെത്തിയ ക്രൊയേഷ്യയെ 4-2ന് തോല്പ്പിച്ചാണ് ദിദിയെ ദെഷാംപ് പരിശീലിപ്പിച്ച ഫ്രഞ്ച് സംഘം കിരീടമുയര്ത്തിയത്. ഫ്രാന്സ് 1998ല് കിരീടം നേടുമ്പോള് ജനിച്ചിട്ടില്ലാത്ത കൈലിയന് എംബാപ്പെ ഈ ലോകകപ്പില് ഒരു ഗോളടിച്ച് ചരിത്രം കുറിച്ചു. സെല്ഫ് ഗോളിലൂടെയാണ് ഫ്രാന്സ് ആദ്യം മുന്നിലെത്തിയത്. ഇതിനു മറുപടിയും ക്രൊയേഷ്യ നല്കി. എന്നാല്, ആദ്യ പകുതി തീരുംമുമ്പ് ഫ്രാന്സ് പെനല്റ്റിയിലൂടെ ലീഡ് തിരിച്ചുപിടിച്ചു. രണ്ടാം പകുതിയില് ക്രൊയേഷ്യ ഒരു…
Read Moreറൊണാൾഡോ, ഒലിവർ ഖാൻ, സിദാൻ, ഫോർലാൻ, മെസി… പട്ടികയിലേക്ക് ഇനി മോഡ്രിച്ചും
മോസ്കോ: കിരീടം നേടുന്ന ടീമിന് അധികം ലഭിച്ചിട്ടില്ലാത്ത ഗോൾഡൻ ബോൾ നേട്ടം..! ക്രൊയേഷ്യ പ്രാർഥിച്ചത് ഈ നേട്ടം ലഭിക്കരുതെന്നായിരുന്നു. പക്ഷേ, റഷ്യയും പതിവ് തെറ്റിച്ചില്ല, ലുഷ്നിക്കി സ്റ്റേഡിയത്തിൽ റഷ്യൻ കാർണിവലിനു തിരശീല വീഴുന്പോൾ ലോകകപ്പിലെ മികച്ച കളിക്കാരനു ലഭിക്കുന്ന സ്വർണപ്പന്ത് പോകുന്നത് ക്രൊയേഷ്യൻ നായകൻ ലൂക്ക മോഡ്രിച്ചിന്റെ ഷോക്കേസിലേക്ക്. ക്രൊയേഷ്യയെ ഫൈനൽ വരെയെത്തിക്കുന്നതിൽ പ്രധാന പങ്ക് വഹിച്ചത് നായകനും മധ്യനിരയിൽ കളി മെനയുന്നയാളുമായ ലൂക്ക മോഡ്രിച്ചായിരുന്നു. ഈ ടൂർണമെന്റ് മോഡ്രിച്ചിന് മികച്ചതായിരുന്നു. രണ്ടു ഗോൾ നേടുകയും ഒരു ഗോളിന് അസിസ്റ്റ് ചെയ്യുകയും ചെയ്തു. ഇപ്പോൾ കളിക്കുന്നവരിൽ ഏറ്റവും മികച്ച മിഡ്ഫീല്ഡ് ജനറലാണ് മോഡ്രിച്ച്. ഫ്രാൻസിന്റെ ആൻത്വാൻ ഗ്രീസ്മാനാണ് മോഡ്രിച്ചിനു നേട്ടത്തിൽ ഭീഷണി ഉയർത്തിയിരുന്നത്. സെറ്റ്പീസുകളിലെ വൈദഗ്ധ്യമായിരുന്നു ഗ്രീസ്മാന്റെ മാസ്റ്റർപീസ്. ഫൈനലിലെ ആദ്യ രണ്ടു ഗോളുകളിൽ പങ്ക് നേടി ഗ്രീസ്മാൻ സ്വർണപ്പന്ത് പ്രതീക്ഷ ഉയർത്തുകയും ചെയ്തു. എന്നാൽ ഫിഫ…
Read Moreതായ്ലൻഡ് ഓപ്പൺ: സിന്ധു സെമിയിൽ
ബാങ്കോക്ക്: ഇന്ത്യയുടെ പി.വി സിന്ധു തായ്ലൻഡ് ഓപ്പൺ സെമിയിൽ കടന്നു. മലേഷ്യയുടെ സോണിയ ചെയെ പരാജയപ്പെടുത്തിയാണ് സിന്ധു സെമിയിലേക്ക് മുന്നേറിയത്. നേരിട്ടുള്ള ഗെയിമുകൾക്ക് അനായാസമായിരുന്നു സിന്ധുവിന്റെ ജയം. സ്കോർ: 21-17, 21-13. 2011 ൽ ഏഷ്യ യൂത്ത് ചാമ്പ്യൻഷിപ്പിൽ സോണിയയിൽനിന്നേറ്റ പരാജയത്തിനുള്ള മധുരപ്രതികാരം കൂടിയായി സിന്ധുവിന് ഈ ജയം.
Read More