ലണ്ടൻ: അമേരിക്കയുടെ സെറീന വില്യംസ് വിംബിൾഡൺ ക്വാർട്ടറിൽ കടന്നു. റഷ്യയുടെ ക്വാളിഫയർ ഇവജെനിയ റോഡിനയെയാണ് സെറീന പരാജയപ്പെടുത്തിയത്. നേരിട്ടുള്ള സെറ്റുകൾക്ക് അനായാസമായാണ് ഏഴു തവണ വിംബിൾഡൺ ചാമ്പ്യനായ സെറീന വിജയിച്ചത്. സ്കോർ: 6-2, 6-2. ക്വാർട്ടറിൽ ഇറ്റലിയുടെ കാമില ഗിയോർഗിയാണ് സെറീനയുടെ എതിരാളി. പുരുഷ സിംഗിൾസിൽ റോജർ ഫെഡററും റാഫേൽ നദാലും ക്വാർട്ടറിൽ കടന്നു. ഫ്രാൻസിന്റെ അഡ്രിയാൻ മന്നാറിനോയെ പരാജയപ്പെടുത്തിയാണ് ഫെഡറർ ക്വാർട്ടറിൽ കടന്നത്. നേരിട്ടുള്ള സെറ്റുകൾക്കായിരുന്നു ഫെഡററുടെ ജയം. സ്കോർ: 6-0, 7-5, 6-4. നദാൽ ചെക്ക് താരം ജിറി വെസ്ലിയെ വീഴ്ത്തിയാണ് ക്വാർട്ടറിലെത്തിയത്. നേരിട്ടുള്ള സെറ്റുകൾക്കായിരുന്നു നദാലിന്റെയും ജയം. 6-3, 6-3, 6-4. 2011 ന് ശേഷം ആദ്യമായാണ് നദാൽ വിംബിൾഡൺ ക്വാർട്ടറിൽ കടക്കുന്നത്.
Read MoreCategory: Sports
ലൂയിസ് എന്റിക്വ സ്പെയിൻ പരിശീലകൻ
മാഡ്രിഡ്: ലോകകപ്പിലെ മോശം പ്രകടനത്തെ തുടർന്ന് രാജിവച്ച ഫെര്ണാണ്ടോ ഹിയറോയ്ക്കു പകരമായി സ്പെയിൻ ദേശീയ ടീമിന്റെ പരിശീലകനായി ലൂയിസ് എന്റിക്വയെ നിയമിച്ചു. ബാഴ്സലോണയുടെ മുൻ പരിശീലകനാണ് എന്റിക്വ. രണ്ടു വര്ഷത്തെ കരാറിലാണ് എന്റിക്വയെ സ്പാനിഷ് ഫുട്ബോള് അസോസിയേഷന് നിയോഗിച്ചിരിക്കുന്നത്. പുതിയ പരിശീലകനെ ഏകകണ്ഠമായാണ് തെരഞ്ഞെടുത്തതെന്ന് സ്പാനിഷ് ഫുട്ബോള് അസോസിയേഷന് പ്രസിഡന്റ് ലൂയിസ് റുബിയലെസ് പറഞ്ഞു. റയലിന്റെയും ബാഴ്സയുടെയും മുന് മിഡ്ഫീല്ഡറാണ് എന്റിക്വ. ലോകകപ്പ് ആരംഭിക്കുന്നതിനു തൊട്ടുമുമ്പ് സ്പാനിഷ് ഫുട്ബോള് അസോസിയേഷന്, പരിശീലകനായിരുന്ന ജുലന് ലോപെറ്റേഗിയെ പുറത്താക്കി ഫെര്ണാണ്ടോ ഹിയേറോയെ പരിശീലകനാക്കിയത്. റയൽ മാഡ്രിഡിന്റെ പരിശീലക സ്ഥാനം ഏറ്റെടുത്തതിനെ തുടർന്നായിരുന്നു ജുലനെ പുറത്താക്കിയത്.
Read Moreബാഴ്സ കൈവിട്ടു; പൗളീഞ്ഞോ തിരികെ ചൈനയിലേക്ക്
ബാഴ്സലോണ: ബ്രസീൽ സൂപ്പർ താരം പൗളീഞ്ഞോ സ്പാനിഷ് ക്ലബ് ബാഴ്സലോണയിൽനിന്നും വീണ്ടും ചൈനീസ് ക്ലബിലേക്ക് മാറുന്നു. ചൈനീസ് ക്ലബ് ഗാംഗ്ചോ എവർഗ്രാൻഡെയിലേക്കാണ് വായ്പാ അടിസ്ഥാനത്തിൽ പൗളീഞ്ഞോ തിരിച്ചുപോകുന്നത്. ക്ലബ് തന്നെയാണ് ഇക്കാര്യം പുറത്തുവിട്ടത്. എന്നാൽ കൈമാറ്റ തുക വെളിപ്പെടുത്തിയിട്ടില്ല. നേരത്തെ ഗാംഗ്ചോ എവർഗ്രാൻഡെയിൽനിന്നാണ് പൗളീഞ്ഞോ ബാഴ്സയിൽ എത്തിയത്. ലാ ലിഗയിലെ ചാമ്പ്യൻ ക്ലബിനുവേണ്ടി 34 മത്സരങ്ങളിൽനിന്നായി ഒമ്പത് ഗോളുകളാണ് പൗളീഞ്ഞോ നേടിയത്. ഇരുപത്തൊൻപതുകാരനായ പൗളീഞ്ഞോയ്ക്കു ലോകകപ്പിൽ തിളങ്ങാനായിരുന്നില്ല. വരുന്ന സീസണിൽ ബാഴ്സയുടെ ആദ്യ ഇലവനിൽ സ്ഥാനം സംശയത്തിലായതോടെയാണ് താരം ലാ ലിഗ വിട്ടത്.
Read Moreസെമിയും ഫൈനലും കാണാൻ ഐ.എം.വിജയൻ റഷ്യയിലേക്ക്
തൃശൂർ: ലോകകപ്പ് ഫുട്ബോളിന്റെ സെമി ഫൈനലുകളും ഫൈനലും കാണാൻ ഐ.എം.വിജയൻ ഇന്ന് റഷ്യയിലേക്ക് പോകും. ഇത് അഞ്ചാം തവണയാണ് വിജയൻ ലോകകപ്പ് ഫുട്ബോള് കാണാൻ പോകുന്നത്.
Read Moreദിപ കര്മാകറിനു സ്വര്ണം
മെര്സിന് (തുര്ക്കി): പരിക്കിനെത്തുടര്ന്നു രണ്ടു വര്ഷം ജിംനാസ്റ്റിക്സില്നിന്നു വിട്ടുനിന്ന ദിപ കര്മാകര് സ്വര്ണമെഡലോടെ തിരിച്ചുവന്നു. തുര്ക്കിയിലെ മെര്സിനില് നടക്കുന്ന എഫ്ഐജി ആര്ട്ടിസ്റ്റിക് വേള്ഡ് ചലഞ്ചിലാണ് കര്മാകര് സ്വര്ണം നേടിയത്. വേള്ഡ് ചലഞ്ചില് ദിപയുടെ ആദ്യ മെഡലാണിത്.
Read Moreറഷ്യ നിശ്ചലം!
ആതിഥേയരായ റഷ്യയുടെ ലോകകപ്പ് പോരാട്ടത്തിന് ക്വാർട്ടർ ഫൈനലിൽ ദാരുണാന്ത്യം. പെനൽറ്റി ഷൂട്ടൗട്ടിൽ 4-3ന് ആതിഥേയരെ മറികടന്ന് ക്രൊയേഷ്യ സെമി ഫൈനലിലേക്ക് മാർച്ച് ചെയ്തു. മത്സരത്തിലുടനീളം മികച്ച പോരാട്ടം പുറത്തെടുത്തെങ്കിലും ഷൂട്ടൗട്ടിൽ രണ്ടു പെനൽറ്റി നഷ്ടപ്പെടുത്തിയതാണ് റഷ്യക്ക് തിരിച്ചടിയായത്. അതോടെ ശനിയാഴ്ച രാത്രി ആതിഥേയരുടെ കണ്ണീർ സോച്ചിയിൽ വീണു, റഷ്യ നിശ്ചലമായി. ലോകകപ്പ് ചരിത്രത്തിൽ ഇത് രണ്ടാം തവണയാണ് ക്രൊയേഷ്യ സെമിയിൽ എത്തുന്നത്. 1998 ലെ ലോകകപ്പിൽ ജർമനിയെ തോൽപ്പിച്ച് ക്രൊയേഷ്യ മൂന്നാം സ്ഥാനക്കാരായിരുന്നു. ഈ ലോകകപ്പിൽ തന്നെ ഇതു രണ്ടാം തവണയാണ് ക്രൊയേഷ്യ പെനൽറ്റി ഷൂട്ടൗട്ട് വിജയിക്കുന്നത്. രണ്ട് ഷൂട്ടൗട്ടിലും നിർണായകമായ അവസാന കിക്കെടുത്ത സമ്മർദ്ദങ്ങളെ അതിജീവിച്ച് ബാഴ്സലോണ താരം റാക്കിറ്റിച്ച് വല തുളച്ചപ്പോൾ റഷ്യക്കാരുടെ നെഞ്ചും പിളർന്നു. 1990 ൽ അർജന്റീന മാത്രമാണ് രണ്ടു തവണ ഒരേ ലോകകപ്പിൽ പെനൽറ്റി ഷൂട്ടൗട്ട് അതിജീവിച്ചിട്ടുള്ളത്. ഷൂട്ടൗട്ടിൽ ക്രൊയേഷ്യയെ…
Read Moreരോഹിത്തിലൂടെ ഇന്ത്യക്കു പരമ്പര
ബ്രിസ്റ്റോൾ: ഇംഗ്ലണ്ടിനെതിരേയുള്ള മൂന്നു മത്സരങ്ങളുടെ ട്വന്റി-20 പരന്പര ഇന്ത്യക്ക്. മൂന്നാം മത്സരത്തിൽ ഏഴു വിക്കറ്റിന് ജയിച്ചാണ് ഇന്ത്യ 2-1ന് പരന്പര നേടിയത്. രോഹിത് ശർമ പുറത്താകാതെ 56 പന്തിൽനിന്ന് 11 ഫോറും അഞ്ച് സിക്സും അടക്കം 100 റണ്സ് നേടി ഇന്ത്യയെ ജയത്തിലെത്തിച്ചു. രോഹിതിന്റെ മൂന്നാം അന്താരാഷ്ട്ര ട്വന്റി -20 സെഞ്ചുറിയാണ്. സ്കോർ: ഇംഗ്ലണ്ട് 20 ഓവറിൽ ഒന്പത് വിക്കറ്റിന് 198. ഇന്ത്യ 18.4 ഓവറിൽ മൂന്നു വിക്കറ്റിന് 201. ധോണി *50 എം.എസ്. ധോണി അന്താരാഷ്ട്ര ട്വന്റി-20യിൽ 50 ക്യാച്ച് നേടുന്ന ആദ്യ വിക്കറ്റ്കീപ്പർ എന്ന നേട്ടത്തിൽ. ഇംഗ്ലണ്ടിന്റെ ജേസണ് റോയിയെ പിടികൂടിയാണ് ധോണി ക്യാച്ചുകളുടെ അർധ ശതകം തികച്ചത്.
Read Moreകട്ടക്കലിപ്പ്!
ഫ്രഞ്ച് യുവതുർക്കികൾ ക്വാർട്ടർ ഫൈനൽ വരെ മികച്ച പ്രതിരോധമെന്ന പേരുമായെത്തിയ ഉറുഗ്വെയെ നിശ്ചിത സമയത്ത് തന്നെ കീഴടക്കിയ ആത്മവിശ്വാസത്തിലാണ് ഫ്രാൻസ് എത്തുന്നത്. മുന്നേറ്റവും മധ്യനിരയും മാത്രമല്ല പ്രതിരോധവും ശക്തമാണെന്ന് തെളിയിക്കുന്നതായിരുന്നു ക്വാർട്ടറിൽ ഫ്രാൻസിന്റെ പ്രകടനം. ഗോളെന്നുറച്ച പല ശ്രമങ്ങളും ഗോൾകീപ്പർ ഹ്യൂഗോ ലോറിസ് രക്ഷപ്പെടുത്തി. കൈലിയൻ എംബാപ്പെയ്ക്ക് ക്വാർട്ടറിൽ ശോഭിക്കാനായില്ല. എന്നാൽ, ആൻത്വാൻ ഗ്രീസ്മാൻ മികച്ച പ്രകടനത്തിലൂടെ മത്സരത്തിലെ താരമായി. എംബാപ്പെയും പ്രതിരോധത്തിലെ ലൂകാസ് ഹെർണാണ്ടസും കഴിഞ്ഞ മത്സരത്തിൽ മഞ്ഞക്കാർഡ് കണ്ടിരുന്നു. അതുകൊണ്ട് ഇരുവർക്കും കൂടുതൽ കരുതിയേ സെമിയിൽ ഇറങ്ങാനാകൂ. ഗ്രീസ്മാൻ ഫോമിൽ തുടരുന്നതുകൊണ്ട് മുൻനിരയിൽ ഒളിവർ ഗിരു ഇതുവരെ ഗോൾ നേടാത്തത് ദിദിയെ ദെഷാംപ്സിനു വലിയ തലവേദനയാകുന്നില്ല. ഫ്രാൻസ് ഫിഫ റാങ്ക്: 7 ലോകകപ്പിൽ: 15-ാം തവണ മികച്ച പ്രകടനം: 1998ൽ ജേതാക്കൾ സെമി ഫൈനൽ: 1958, 1982, 1986, 1998, 2006, 2018 സുവർണ…
Read Moreസാംബ താളം നിലച്ചു
കസാൻ: ലോകകപ്പ് ഫുട്ബോളിലെ സാംബ താളം നിലച്ചു. ഇന്നലെ രാത്രി നടന്ന ക്വാർട്ടർ ഫൈനലിൽ ബ്രസീലിനെ 2-1നു കീഴടക്കി ചുവന്ന ചെകുത്താന്മാരായ ബെൽജിയം സെമിയിൽ കടന്നു. ഫെർണാണ്ടീഞ്ഞോയുടെ സെൽഫ് ഗോളിൽ 13-ാം മിനിറ്റിൽ മുന്നിലെത്തിയ ബെൽജിയത്തിനായി 31-ാം മിനിറ്റിൽ കെവിൻ ഡി ബ്രൂയിൻ ലീഡുയർത്തി. 76-ാം മിനിറ്റിൽ റെനറ്റോ അഗസ്റ്റോയിലൂടെ ഗോൾ മടക്കിയെങ്കിലും ജീവൻ രക്ഷിക്കാൻ ബ്രസീലിനായില്ല. ഇതോടെ ലോകകപ്പ് ഫുട്ബോളിൽനിന്നു വന്പന്മാരായ ജർമനി, സ്പെയിൻ, അർജന്റീന എന്നിവർക്കു പിന്നാലെ ബ്രസീലും പുറത്തായി. സെമിയിൽ ബെൽജിയം ഫ്രാൻസിനെ നേരിടും. ചൊവ്വാഴ്ച രാത്രി 11.30നാണ് സെമി. ഫെർണാണ്ടീഞ്ഞോയുടെ സെൽഫ് ഗോളാണ് കളിയിലെ വഴിത്തിരിവായത്. ബെൽജിയൻ ഗോളി തിബോ ക്വൂർട്ടോയുടെ അത്യുജ്ജ്വല സേവുകളും ബ്രസീലിന്റെ ഗോൾ ശ്രമങ്ങൾക്ക് വിലങ്ങുതടിയായി. ലോകകപ്പ് ഫുട്ബോളിലെ ആദ്യ ക്വാർട്ടർ പോരാട്ടത്തിൽ ഉറുഗ്വെയെ 2-0നു കീഴടക്കി ഫ്രാൻസ് സെമിയിൽ ഇടംപിടിച്ചു. റാഫേൽ വാറാൻ (40-ാം മിനിറ്റ്),…
Read Moreഫ്രഞ്ച് പടയോട്ടം
നിഷ്നി നോവ്ഗോറോഡ്: ഫ്രഞ്ച് പടയോട്ടത്തിനു മുന്നിൽ ലാറ്റിനമേരിക്കൻ ശക്തികളായ ഉറുഗ്വെയ്ക്കു മറുപടിയുണ്ടായില്ല. ക്വാർട്ടർ ഫൈനലിൽ ഫ്രാൻസ് മറുപടിയില്ലാത്ത രണ്ടു ഗോളിനു ഉറുഗ്വെയെ തകർത്തു. ഫ്രാൻസ് ദക്ഷിണ അമേരിക്കൻ രാജ്യങ്ങൾക്കെതിരേ ലോകകപ്പിൽ പുലർത്തുന്ന ആധിപത്യം ലേബ്ലൂസ് നിലനിർത്തി. കഴിഞ്ഞ പത്ത് ലോകകപ്പ് മത്സരങ്ങളിലും ലാറ്റിനമേരിക്കൻ രാജ്യങ്ങൾക്ക് ഫ്രാൻസിനെ പരാജയപ്പെടുത്താനായിട്ടില്ല. ആദ്യ പകുതിയിലെ ചില മികച്ച നീക്കങ്ങൾക്കുശേഷം ഉറുഗ്വെ രണ്ടാം പകുതിയിൽ തീർത്തും നിരാശപ്പെടുത്തി. ഒരു ഗോൾ ഷോട്ടുപോലും രണ്ടാം പകുതിയിൽ പിറന്നില്ല. ഫ്രാൻസിനായി റാഫേൽ വാറാനയും ആൻത്വാൻ ഗ്രീസ്മാനുമാണ് ഉറുഗ്വെയുടെ വലകുലുക്കിയത്. പരിക്കേറ്റ സ്ട്രൈക്കർ എഡിൻസണ് കവാനി ഇല്ലാതെയാണ് ഉറുഗ്വെ ഇറങ്ങിയത്. കവാനിക്കു പകരം ക്രിസ്റ്റ്യൻ സ്റ്റുവാനി ലൂയിസ് സുവരാസിനൊപ്പം മുൻനിരയിൽ കളിച്ചു. കവാനി ഇല്ലാതെവന്നതോടെ ഉറുഗ്വെയുടെ ഉൗർജം മുഴുവൻ നഷ്ടമായി. ഉറുഗ്വെയുടെ മുന്നേറ്റത്തോടെയാണ് മത്സരം ആരംഭിച്ചത്. ലൂകാസ് ഹെർണാണ്ടസിന്റെ ഫൗളിൽ ഉറുഗ്വെ ഫ്രീകിക്ക് നേടി. വലതുവിംഗിൽനിന്നു ലൂയിസ്…
Read More