വിയന്ന: ഓസ്ട്രിയക്കെതിരായ സന്നാഹവും ജയിച്ച് ബ്രസീൽ ലോകകപ്പ് ഒരുക്കം പൂർത്തിയാക്കി. എതിരില്ലാത്ത മൂന്നു ഗോളുകൾക്ക് ഓസ്ട്രിയയെ ആണ് കാനറികൾ തകർത്തുവിട്ടത്. പരിക്കിൽനിന്ന് മോചിതനായി കളത്തിലെത്തിയ നെയ്മർ വീണ്ടും ഗോൾ നേടിയത് ബ്രസീലിനു ആത്മവിശ്വാസം വർധിപ്പിക്കുകയും ചെയ്തു.
ഗബ്രിയേൽ ജീസസും ഫിലിപ്പി കുടിഞ്ഞോയുമാണ് നെയ്മറെ കൂടാതെ വലചലിപ്പിച്ചത്. ആദ്യ പകുതിയിൽ ജീസസിന്‍റെ (36) ഗോളിൽ ബ്രസീൽ ലീഡെടുത്തു. രണ്ടാം പകുതിയിൽ നെയ്മറും (63) കുടിഞ്ഞോയും (69) ഗോൾ പട്ടിക പൂർത്തിയാക്കി.
