നോട്ടിങാം: ഓസ്ട്രേലിയയ്ക്കെതിരായ മൂന്നാം ഏകദിനത്തിൽ ഇംഗ്ലണ്ടിന് റിക്കാർഡ് ജയം. 242 റണ്സിനാണ് ഇംഗ്ലണ്ട് ജയിച്ചത്. ഇംഗ്ലണ്ടിന്റെ ഏറ്റവും ഉയർന്ന ജയമാണിത്. ഓസ്ട്രേലിയയുടെ ഏറ്റവും വലിയ തോൽവിയും. ഏകദിനത്തിലെ ഏറ്റവും ഉയർന്ന സ്കോറായ ആറിന് 481 ഇംഗ്ലണ്ട് സ്വന്തമാക്കിയ മത്സരത്തിൽ ഓസ്ട്രേലിയ 37 ഓവറിൽ 239നു പുറത്തായി. ഇതോടെ അഞ്ച് മത്സര പരന്പര ഇംഗ്ലണ്ട് 3-0നു സ്വന്തമാക്കി. 92 പന്തിൽ 147 റണ്സ് നേടിയ അലക്സ് ഹെയ്ൽസ് ആണ് മാൻ ഓഫ് ദ മാച്ച്.
Read MoreCategory: Sports
ഉറുഗ്വെ പ്രീക്വാർട്ടറിൽ, പോർച്ചുഗലിനും സ്പെയിനിനും ജയം
മോസ്കോ: ലോകകപ്പ് ഫുട്ബോളിൽ രണ്ടാം ജയത്തോടെ ഉറുഗ്വെ പ്രീക്വാർട്ടർ ഉറപ്പിച്ചു. ഗ്രൂപ്പ് എയിൽ തങ്ങളുടെ രണ്ടാം മത്സരത്തിൽ ലൂയിസ് സുവാരസിന്റെ ഗോളിൽ 1-0ന് സൗദി അറേബ്യയെയാണ് ഉറുഗ്വെ കീഴടക്കിയത്. ഗ്രൂപ്പ് ബിയിലെ പോരാട്ടങ്ങളിൽ ക്രിസ്റ്റ്യാനോ റൊണാൾഡോയുടെ ഏകഗോളിൽ പോർച്ചുഗൽ മൊറോക്കോയെ1-0നു കീഴടക്കി പ്രീക്വാർട്ടറിലേക്കടുത്തു. സ്പെയിൻ ഡിയേഗോ കോസ്റ്റയുടെ ഗോളിൽ ഇറാനെ 1-0നു പരാജയപ്പെടുത്തി പ്രീക്വാർട്ടർ സാധ്യത നിലനിർത്തി. ആദ്യ മത്സരത്തിൽ പോർച്ചുഗലും സ്പെയിനും സമനിലയിൽ പിരിഞ്ഞിരുന്നു. ഇതോടെ ഗ്രൂപ്പ് ബിയിൽ സ്പെയിനിനും പോർച്ചുഗലിനും നാലു പോയിന്റുവീതമായി.
Read Moreഅബ്ദുൾ ഹക്ക് ബ്ലാസ്റ്റേഴ്സിൽ
കൊച്ചി: കഴിഞ്ഞ ഐഎസ്എൽ സീസണിൽ നോർത്ത് ഈസ്റ്റ് യുണൈറ്റഡിനുവേണ്ടി കളിച്ച മലയാളി താരം അബ്ദുൾ ഹക്ക് കേരളാ ബ്ലാസ്റ്റേഴ്സിൽ എത്തി. അനസ് എടത്തൊടികയ്ക്കു ശേഷം ബ്ലാസ്റ്റേഴ്സിൽ എത്തുന്ന മറ്റൊരു മലപ്പുറംകാരനാണ്.
Read Moreഇനി മിണ്ടൂ, സെനഗലിനെക്കുറിച്ച്!
മോസ്കോ: ഗ്രൂപ്പ് എച്ചിൽ പോളണ്ടിനെ അട്ടിമറിച്ച് സെനഗൽ. ഗ്രൂപ്പിലെ ആദ്യ മത്സരത്തിൽ കൊളംബിയയ്ക്കെതിരേ ജപ്പാൻ നേടിയ ആവേശ ജയത്തിന്റെ ചുവട് പിടിച്ച് സെനഗലും തകർത്തുകളിച്ചതോടെ പോളണ്ട് 2-1നു തോറ്റു. റഷ്യൻ ലോകകപ്പിൽ ജയിക്കുന്ന ആദ്യത്തെ ആഫ്രിക്കൻ ടീമാണ് സെനഗൽ. 2002 ലോകകപ്പിൽ ഫ്രാൻസിനെ തോൽപ്പിച്ചുകൊണ്ട് ആദ്യ മത്സരം തുടങ്ങിയ സെനഗൽ അന്ന് ക്വാർട്ടർ വരെയെത്തി. അതിനുശേഷം ഇത്തവണയാണ് സെനഗൽ ലോകകപ്പിന് എത്തുന്നത്. 2002 സെനഗലിനെ ക്വാർട്ടർ വരെ നയിച്ച അലിയോ സിസെയാണ് സെനഗൽ ടീമിന്റെ പരിശീലകൻ. ആഫ്രിക്കൻ ടീമിന്റെ രണ്ടാം ഗോളിൽ വിവാദമുണ്ടായിരുന്നു. ഗോൾ വഴി ഗോൾ 1: തിയാഗോ സിയോനെക് (സെനഗൽ-സെൽഫ് ഗോൾ) സെനഗലിന്റെ ഇദ്രിസ ഗ്യൂയിയുടെ ദുർബലമായ ഷോട്ട് പോളണ്ട് ഡിഫൻഡർ തിയാഗോ സിയോനെക്കിന്റെ കാലിൽതട്ടി സ്വന്തം വലയിൽ. ഗോൾ 2: എംബയേ നിയാംഗ് (സെനഗൽ) 60-ാം മിനിറ്റ്. ഉയർന്നുവന്ന പന്ത് എംബയേ നിയാംഗിനു…
Read Moreറഷ്യ പ്രീക്വാർട്ടറിൽ
മോസ്കോ: ലോകകപ്പ് ഫുട്ബോളിൽ രണ്ടാം ജയത്തോടെ ആതിഥേയരായ റഷ്യ പ്രീക്വാർട്ടറിൽ. ഗ്രൂപ്പ് എയിലെ രണ്ടാം മത്സരത്തിൽ ഈജിപ്തിനെ 3-1നു തോല്പിച്ചാണ് റഷ്യ പ്രീക്വാർട്ടർ ഉറപ്പിക്കുന്ന ആദ്യ ടീമായത്. ഇന്നലെ ഗ്രൂപ്പ് എച്ചിൽ നടന്ന മത്സരങ്ങളിൽ ഫിഫ 60-ാം റാങ്കുകാരായ ജപ്പാൻ 16-ാം റാങ്കുകാരായ കൊളംബിയയെയും 27-ാം റാങ്കുകാരായ സെനഗൽ എട്ടാം റാങ്കിലുള്ള പോളണ്ടിനെയും 2-1 എന്ന സ്കോറിൽ അട്ടിമറിച്ചു.
Read Moreലോകകപ്പിൽ ഇന്ത്യൻ ബാലനും!
മോസ്കോ: ഫിഫ ലോകകപ്പിന്റെ വേദിയിൽ ചരിത്രത്തിലാദ്യമായി ഒരു ഇന്ത്യൻ ബാലൻ സ്ഥാനം പിടിച്ചു. കർണാടകയിൽ നിന്നുള്ള 10 വയസുകാരൻ ഋഷി തേജ് ആണ് ഫിഫ ലോകകപ്പിൽ പന്തും വഹിച്ച് അരങ്ങേറ്റം നടത്തിയ ഭാഗ്യവാൻ. തിങ്കളാഴ്ച സോച്ചിയിൽ നടന്ന ബെൽജിയം-പനാമ മൽസരത്തിന്റെ ഒൗദ്യോഗിക പന്ത് ഋഷിയാണ് വഹിച്ചത്. ലോകകപ്പിന്റെ ഔദ്യോഗിക സ്പോണ്സറായ കിയാ മോട്ടോഴ്സ് ആണ് മാച്ച് ബോൾ കരിയർ (പന്തു വഹിക്കുന്നയാൾ) പ്രോഗ്രാം വഴി ഋഷി തേജിനെ തെരഞ്ഞെടുത്തത്. 10 നും 14 നും ഇടയിൽ പ്രായമുള്ള ഫുട്ബോൾ കളിക്കുന്ന കുട്ടികൾക്കിടയിൽ നടത്തിയ മൽസരത്തിലൂടെയാണ് ഋഷി ഈ ഭാഗ്യപട്ടം കരസ്ഥമാക്കിയത്. ഋഷി തേജിനൊപ്പം തമിഴ്നാട്ടിൽനിന്നും നതാനിയാ കെ. ജോണ് എന്ന പതിനൊന്നുകാരിയും തെരഞ്ഞെടുക്കപ്പെട്ടിട്ടുണ്ട്. ജൂണ് 22നു സെന്റ് പീറ്റേഴസ്ബർഗിൽ നടക്കുന്ന ബ്രസീൽ -കോസ്റ്ററിക്ക മത്സരത്തിലെ പന്തു വഹിച്ചുകൊണ്ടു എത്തുക നതാനിയാ ആയിരിക്കും. മാച്ച് ബോൾ കാരിയർ പ്രോഗ്രാമിൽ…
Read Moreനെയ്മറിനു വേദനയുടെ റിക്കാർഡ്!
പരിക്കിനെത്തുടർന്ന് നീണ്ട നാളത്തെ വിശ്രമത്തിനുശേഷം ലോകകപ്പിനെത്തിയ ബ്രസീൽ താരം നെയ്മറിന് പുതിയ റിക്കാർഡ്! ഫൗൾ വഴങ്ങിയതിനാണ് റിക്കാർഡ് എന്നതാണ് രസകരം. 20 വർഷത്തിനിടെ ഒരു ലോകകപ്പ് മത്സരത്തിൽ ഏറ്റവും കൂടുതൽ ഫൗൾ ചെയ്യപ്പെട്ട കളിക്കാരനെന്ന റിക്കാർഡാണ് ബ്രസീൽതാരത്തിനു ലഭിച്ചത്. നെയ്മറെ മാത്രം ലക്ഷ്യമിട്ട് 10 ഫൗളുകളാണ് സ്വിറ്റ്സർലൻഡ് കളിക്കാർ നടത്തിയത്. 1998 ലോകകപ്പിൽ ഇംഗ്ലണ്ടിന്റെ അലൻ ഷിയറെ ടൂണിഷ്യൻ താരങ്ങൾ 11 ഫൗളിന് ഇരയായിരുന്നു. അതിനുശേഷം ആദ്യമായാണ് ഒരു കളിക്കാരൻ ഇത്രയും ഫൗളിന് ഇരയാകുന്നത്. 2014ൽ സ്വന്തം നാട്ടിൽ നടന്ന ലോകകപ്പിന്റെ ക്വാർട്ടർ ഫൈനലിൽ കൊളംബിയയുടെ യുവാൻ സുനിഗയുടെ മാരക ഫൗളിൽ നെയ്മർക്ക് പരിക്കേറ്റിരുന്നു. ഇതേത്തുടർന്ന് ലോകകപ്പിലെ ശേഷിച്ച മത്സരങ്ങളെല്ലാം നഷ്ടമായി. പാരി സാൻ ഷെർമയ്ൻ താരമായ നെയ്മറിന് ഫെബ്രുവരിയിൽ ലീഗ് മത്സരത്തിനിടെ പരിക്കേറ്റിരുന്നു. ഇതേത്തുടർന്ന് ലോകകപ്പിനുണ്ടാകുമോയെന്ന ആശങ്കയും ഉണ്ടായി. എന്നാൽ, ശസ്ത്രക്രിയയക്ക് ശേഷം പരിക്ക് ഭേദമായി…
Read Moreഇരട്ടഗോളുമായി ലുകാക്കു; കന്നിക്കാരായ പാനമയെ തകർത്തു ബെൽജിയം തുടങ്ങി
സോച്ചി: ആദ്യ പകുതിയിൽ പിടിച്ചുകെട്ടിയ കന്നിക്കാരായ പാനമയെ രണ്ടാം പകുതിയിൽ കരുത്തരായ ബെൽജിയം അടിച്ചുപറത്തി. ലോകകപ്പ് ഫുട്ബാളിലെ ഗ്രൂപ്പ് ജിയിലെ ആദ്യ മത്സരത്തിൽ ഏകപക്ഷീയമായ മൂന്നു ഗോളുകൾക്കായിരുന്നു ലോക മൂന്നാം റാങ്കുകാരായ ബെൽജിയത്തിന്റെ വിജയം. റൊമേലു ലുകാക്കു ഇരട്ട ഗോളുകളുമായി വരവറിയിച്ചപ്പോൾ മെർട്ടെൻസിന്റെ വകയായിരുന്നു ഒരു ഗോൾ. കരുത്തരായ ബെൽജിയത്തിനെതിരേ ആദ്യ പകുതിയിൽ പാനമ പിടിച്ചുനിന്നു. ഇടയ്ക്ക് ചില മുന്നേറ്റങ്ങൾ ഒഴിച്ചാൽ ഡിബ്രുയ്നെ-ലുകാക്കു-ഏഡൻ ഹസാർഡ് ത്രയത്തിന്റെ മുന്നേറ്റങ്ങൾ തടയുന്നതിലായിരുന്നു മറ്റു സമയങ്ങളിൽ പാനമയുടെ ശ്രദ്ധ. ഇതോടെ ആദ്യ പകുതിയിൽ ഗോൾ വഴങ്ങാതിരിക്കുന്നതിൽ പാനമ വിജയിച്ചു. രണ്ടാം പകുതിയിൽ പക്ഷേ കളിമാറി. 47-ാം മിനിറ്റിൽ ബെൽജിയം ലീഡ് നേടി. മെർട്ടെൻസാണ് ഒരു ഫുള് വോളി ഗോളിലൂടെ ബെൽജിയത്തെ മുന്നിലെത്തിച്ചത്. 69-ാം മിനിറ്റിൽ, ഡിബ്രുയ്നെ-ലുകാക്കു-ഏഡൻ ഹസാർഡ് ത്രയത്തിന്റെ കൂട്ടായ മുന്നേറ്റത്തിനൊടുവിൽ ലുകാക്കു ഗോൾ കണ്ടെത്തി. ഓഫ്സൈഡ് കെണിയിൽനിന്നു പുറത്തുചാടിയായിരുന്നു ലുകാക്കുവിന്റെ…
Read Moreകവാനിയുടെ മക്കള് സലയുടെ ആരാധകര്!
ഫുട്ബോള് മത്സരത്തിനുശേഷം കളിക്കാര് ജഴ്സി പരസ്പരം കൈമാറുന്നത് സാധാരണമാണ്. അന്താരാഷ്ട്ര മത്സരങ്ങളിലാണ് ഇതു പതിവ്. പരസ്പരമുള്ള ബഹുമാനവും വംശീയപരമായി തങ്ങള് തമ്മില് വ്യത്യാസമില്ലെന്നും എല്ലാവരും ഒന്നാണെന്നും വ്യക്തമാക്കാനുമാണ് ജഴ്സി കൈമാറ്റംകൊണ്ട് അർഥമാക്കുന്നത്. റഷ്യന് ലോകകപ്പിലും അതിനു മാറ്റമില്ല. ഗ്രൂപ്പ് എയില് ഉറുഗ്വെയും ഈജിപ്തും ഏറ്റുമുട്ടിയ ശേഷം ജഴ്സി കൈമാറ്റം നടന്നു. ഈജിപ്ഷ്യന് സ്ട്രൈക്കര് മുഹമ്മദ് സലയുടെ ജഴ്സി ഉറുഗ്വെയുടെ എഡിന്സണ് കവാനി വാങ്ങി. കവാനിയില്നിന്നു തിരിച്ച് സലയും വാങ്ങി. ആ മത്സരത്തില് സല കളിച്ചിരുന്നില്ല. തന്റെ മക്കള് സലയുടെ ആരാധകരാണെന്നും അവർക്കുള്ള സമ്മാനമായാണ് ജഴ്സിയെന്നു ഉറുഗ്വെന് സ്ട്രൈക്കര് പറഞ്ഞു. മക്കൾക്ക് സലയുടെ കളിയാണ് തന്റേതിനേക്കാൾ ഇഷ്ടമെന്നും കവാനി കൂട്ടിച്ചേർത്തു. അതേസമയം, ഇന്ന് റഷ്യക്കെതിരേ സല ഇറങ്ങുമെന്ന് ഈജിപ്ത് ടീം വൃത്തങ്ങൾ സൂചിപ്പിച്ചു. പരിക്കേറ്റ് വിശ്രമത്തി ലുള്ള സല ഈജിപ്തിന്റെ ആദ്യ മത്സരത്തിൽ ഇറങ്ങിയിരുന്നില്ല.
Read Moreഏകദിന റാങ്കിംഗ്: ഓസ്ട്രേലിയ 34 വർഷത്തെ ഏറ്റവും താഴ്ന്ന റാങ്കിൽ
ദുബായ്: ലോകകപ്പ് ചാന്പ്യൻമാരായ ഓസ്ട്രേലിയ ഐസിസി ഏകദിന റാങ്കിംഗിൽ 34 വർഷത്തെ ഏറ്റവും താഴ്ന്ന റാങ്കിംഗിൽ. പുതിയ റാങ്കിംഗിൽ ആറാം സ്ഥാനത്താണ് ഓസ്ട്രേലിയ. 1984ൽ-ൽ ആണ് ഇതിനു മുന്പ് ഓസ്ട്രേലിയ ആറാം സ്ഥാനത്തെത്തുന്നത്. ഓസ്ട്രേലിയ ആറാം സ്ഥാനത്തേക്കു താഴ്ന്നപ്പോൾ പാക്കിസ്ഥാൻ അഞ്ചാം സ്ഥാനത്തേക്ക് ഉയർന്നു. ഇംഗ്ലണ്ട്, ഇന്ത്യ, ദക്ഷിണാഫ്രിക്ക, ന്യൂസിലൻഡ് ടീമുകളാണ് ആദ്യ നാലു സ്ഥാനങ്ങളിൽ. ഇംഗ്ലണ്ടിനെതിരായ ഏകദിന പരന്പരയിലാണ് ഓസീസ് ഇപ്പോൾ പങ്കെടുക്കുന്നത്. അഞ്ചു മത്സരപരന്പരയിലെ ആദ്യ രണ്ടു മത്സരങ്ങളിൽ ഓസീസ് പരാജയപ്പെട്ടു. ഇതാണ് ടീമിനെ റാങ്കിംഗിൽ പിന്നോട്ടടിച്ചത്.
Read More