ലണ്ടന്: കിയ ഓവലില് ഇന്ത്യയും ഇംഗ്ലണ്ടും ഇന്ന് അഞ്ചാം ടെസ്റ്റ് ക്രിക്കറ്റ് പോരാട്ടത്തിന് ഇറങ്ങും. ടെസ്റ്റ് ക്രിക്കറ്റിനെ ആവേശക്കൊടുമുടി കയറ്റിയ നാലു പോരാട്ടങ്ങള്ക്കുശേഷം, ക്ലൈമാക്സ് ഓവലില്. മാഞ്ചസ്റ്ററിലെ ഓള്ഡ് ട്രാഫോഡ് ക്രിക്കറ്റ് ഗ്രൗണ്ടില് നടന്ന നാലാം ടെസ്റ്റില് ഇംഗ്ലണ്ടിന്റെ പ്രതീക്ഷകള് തെറ്റിച്ച്, ജയത്തോളം വിലമതിക്കുന്ന സമനില സ്വന്തമാക്കിയാണ് ശുഭ്മാന് ഗില്ലിന്റെ ടീം ഇന്ത്യ ഓവലിലേക്കു വണ്ടികയറിയത്. ലീഡ്സ്, ബിര്മിംഗ്ഹാം, ലോഡ്സ്, മാഞ്ചസ്റ്റര് പോരാട്ടങ്ങള്ക്കുശേഷം ആന്ഡേഴ്സണ് – തെണ്ടുല്ക്കര് ട്രോഫിക്കുവേണ്ടിയുള്ള അഞ്ച് മത്സര ടെസ്റ്റ് പരമ്പരയുടെ ഓളം ഓവലില് എത്തിയിരിക്കുന്നു. ഇന്ത്യന് സമയം ഉച്ചകഴിഞ്ഞ് 3.30നാണ്, ജയത്തോടെ പരമ്പര 2-2 സമനിലയിലാക്കാമെന്ന ഇന്ത്യന് മോഹങ്ങളുടെ ഓവല് പതിപ്പിനു തുടക്കമാകുക. പരമ്പരയില് ഇംഗ്ലണ്ട് 2-1നു മുന്നിലാണ്. സോണി ടെന് ചാനലുകളിലും ജിയൊഹോട്ട്സ്റ്റാറിലും മത്സരം തത്സമയം ലഭ്യമാണ്. ബുംറ ഇല്ല; ഇന്ത്യക്ക് ഓപ്ഷന് കുറവ് ഇംഗ്ലണ്ടിനെതിരേ നിര്ണായകമായ അഞ്ചാം ടെസ്റ്റിനായി ഇറങ്ങുമ്പോള്…
Read Moreഓവലോളം…ഇന്ത്യ x ഇംഗ്ലണ്ട് അഞ്ചാം ടെസ്റ്റ് ഇന്നു മുതല് ഓവലില്
