മടിക്കൈ: മടിക്കൈ പഞ്ചായത്തിലെ എരിപ്പില്, കോടോം-ബേളൂര് പഞ്ചായത്തിലെ ബാനം എന്നിവിടങ്ങളില് മനുഷ്യനിര്മിത ഗുഹകള് കണ്ടെത്തി. ചരിത്ര ഗവേഷകനും കാഞ്ഞങ്ങാട് നെഹ്റു കോളജിലെ ചരിത്രാധ്യാപകനുമായ ഡോ. നന്ദകുമാര് കോറോത്ത്, പ്രാദേശിക പുരാവസ്തു ഗവേഷകനായ സതീശന് കാളിയാനം എന്നിവര് നടത്തിയ നിരീക്ഷണങ്ങളിലാണു ഗുഹകള് തിരിച്ചറിഞ്ഞത്. ചെങ്കല് പാറ തുരന്ന് നിര്മിച്ച ഗുഹകള്ക്ക് സമീപത്ത് മഹാശില കാലഘട്ടത്തിലെ സംസ്കാരത്തിന്റെ അവശേഷിപ്പുകളായ ചെങ്കല്ലറകള് ഉണ്ടെന്നതും ഗുഹകളുടെ നിര്മാണരീതിയും മഹാശില കാലഘട്ടവുമായുള്ള ബന്ധമാണ് വ്യക്തമാക്കുന്നത്. കാസര്ഗോഡ് ജില്ലയിലെ മലയോരങ്ങളില് സോയില് പൈപ്പിംഗ് പ്രതിഭാസത്തിന്റെ ഭാഗമായി രൂപപ്പെട്ട നിരവധി പ്രകൃതിദത്ത ഗുഹകളും ജലസേചനത്തിനായി നിര്മിച്ച സുരങ്കകളും സന്യാസിമാര് നിര്മിച്ച ഗുഹകളും ഉണ്ടെങ്കിലും നൂറ്റാണ്ടുകള്ക്കു മുമ്പ് അധിവാസത്തിന്റെ ഭാഗമായി മനുഷ്യര് നിര്മിച്ച ഗുഹകള് ഇതുവരെയും കണ്ടെത്തിയിരുന്നില്ല. മടിക്കൈ പഞ്ചായത്തിലെ എരിപ്പിലില് അഞ്ചു ഗുഹകളാണു കണ്ടത്തിയത്. ഗുഹകളെല്ലാമുള്ളത് പൊതുസ്ഥലത്താണ്. ബാനത്ത് മൂന്നു ഗുഹകളാണ് മനുഷ്യനിര്മിതമെന്നു തിരിച്ചറിഞ്ഞത്. ഇതില് ഒരു…
Read MoreCategory: Today’S Special
വത്തിക്കാന്റെ റിക്കാർഡ് ഇനി ചരിത്രം: ലോകത്തിലെ കുഞ്ഞൻ രാജ്യമാകാൻ ബെക്താഷി
ന്യൂയോർക്ക്: വത്തിക്കാനെ മറികടന്ന് ലോകത്തിലെ കുഞ്ഞൻ രാജ്യമാകാൻ തയാറെടുത്ത് ബെക്താഷി. വിശുദ്ധ മദർ തെരേസയുടെ ജന്മംകൊണ്ടു ചരിത്രപ്രസിദ്ധമായ വടക്കുകിഴക്കൻ യൂറോപ്യൻ രാജ്യമായ അൽബേനിയയിലാണ് ഈ കുഞ്ഞൻ രാജ്യം പിറവിയെടുക്കാൻ പോകുന്നത്. തലസ്ഥാനമായ ടിറാന നഗരപരിധിയിൽ 28 ഏക്കർ സ്ഥലത്തായി സൂഫി മുസ്ലിം ന്യൂനപക്ഷമായ ബെക്താഷി ഓർഡർ എന്ന വിഭാഗത്തിനായി ബെക്താഷി എന്ന സ്വതന്ത്ര, പരമാധികാര രാജ്യം സ്ഥാപിക്കുമെന്ന് അൽബേനിയൻ പ്രധാനമന്ത്രി എഡി രാമ കഴിഞ്ഞയാഴ്ച യുഎൻ പൊതുസഭയെ അഭിസംബോധന ചെയ്യവേ അറിയിച്ചു. രാമയുടെ പ്രഖ്യാപനത്തിന് പാർലമെന്റിന്റെ അംഗീകാരം ലഭിച്ചാൽ പാസ്പോർട്ടും അതിർത്തികളും സ്വതന്ത്ര, പരമാധികാരവുമുള്ള ലോകത്തിലെ ഏറ്റവും ചെറിയ രാജ്യമായി ഇതു മാറും. വത്തിക്കാൻ മാതൃകയിൽ മതനേതാവായിരിക്കും ഭരണം നടത്തുക. ബാബാ മോണ്ടിയാണ് ബെക്താഷി വിഭാഗക്കാരുടെ നേതാവ്. കേവലം 115 ഏക്കർ വിസ്തീർണമുള്ള വത്തിക്കാനാണു നിലവിൽ ലോകത്തിലെ ഏറ്റവും ചെറിയ രാജ്യം. അൽബേനിയയിലെ 50 ശതമാനം വരുന്ന…
Read Moreആവേശമുണർത്താൻ ആകാശക്കാഴ്ച; ചിന്നഗ്രഹത്തെ കാണാൻ അത്ര വേഗമൊന്നും സാധിക്കില്ല; പിന്നെങ്ങനെയെന്ന് നോക്കാം
ചന്ദ്രന് കൂട്ടായി ആകാശത്തെത്തിയ കുഞ്ഞമ്പിളിയെ കാണാനുള്ള കാത്തിരിപ്പിലാണ് ജനങ്ങൾ. കണ്ണിനു കുളിർമയേകാൻ ഭംഗിയിൽ വർണവിസ്മയമായ സുന്ദരക്കാഴ്ചയൊരുക്കി ആകാശവും തയാറെടുത്തിരിക്കുന്നു. മിനി മൂൺ എന്ന പേരിലറിയപ്പെടുന്ന ഈ കുഞ്ഞനന്പിളി ചെറുതും മങ്ങിയതുമായ ചെറിയ ഗ്രഹമാണ്. ബൈനോക്കുലറുകളോ ഹോം ടെലിസ്കോപ്പുകളോ ഉപയോഗിച്ച് ഇ കുഞ്ഞനെക്കാണാൻ സാധ്യമല്ല. ശക്തമായ പ്രൊഫഷണൽ ഉപകരണങ്ങൾ കൊണ്ട് മാത്രമേ മിനിമൂൺ ദൃശ്യമാകുകയുള്ളൂ. പ്രൊഫഷണൽ ടെലിസ്കോപ്പുകൾ ഉപയോഗിച്ച് മിനി ചന്ദ്രന്റെ ചിത്രങ്ങൾ പകർത്താനാകും എന്നാണ് ഡോ. ജെനിഫർ മില്ലാർഡ് പറയുന്നത്. ഈ മിനി മൂണിന് 2024 PT5 എന്നാണ് പേരിട്ടിരിക്കുന്നത്. ഭൂമിയുടേതിന് സമാനമായ ഭ്രമണപഥങ്ങളുള്ള ഗ്രഹങ്ങൾ അടങ്ങിയ അർജുന ഛിന്നഗ്രഹ വലയത്തിൽ നിന്നാണ് ഈ ഛിന്നഗ്രഹത്തിന്റെ ഉത്ഭവം 1981ലും 2022ലുമാണ് മിനി മൂണ് പ്രതിഭാസം ഇതിനു മുമ്പുണ്ടായിട്ടുള്ളത് എന്നാണ് ശാസ്ത്രജ്ഞർ പറയുന്നത്.
Read Moreപ്ലാസ്റ്റിക് കവര് തിരിച്ചുനല്കുമ്പോള് പത്തു രൂപ ഉപഭോക്താക്കള്ക്ക് തിരിച്ചു നല്കുന്നു: ക്ലീന് ജലമേളയൊരുക്കി നഗരസഭ
ആലപ്പുഴ: പുന്നമടയിലും പരിസരത്തും ഗ്രീന് പ്രോട്ടോക്കോള് സ്റ്റിക്കര് പതിച്ച് വലിച്ചെറിയല് മനോഭാവത്തിന് തടയിട്ട് ഹരിത ജലമേളയാക്കി ആലപ്പുഴ നഗരസഭ. വള്ളംകളി കാണാനെത്തുന്നവര് പ്ലാസ്റ്റിക് മാലിന്യങ്ങള് ജലാശയത്തിലും മറ്റും വലിച്ചെറിയുന്നത് തടയാന് പ്ലാസ്റ്റിക് കുപ്പികളിലും കവറുകളിലും വില്ക്കുന്ന ഭക്ഷണപദാര്ഥങ്ങളുടെ കവറുകളില് പത്തു രൂപയുടെ സ്റ്റിക്കര് പതിക്കുകയും ഉപയോഗത്തിനുശേഷം പ്ലാസ്റ്റിക് കവര് തിരിച്ചുനല്കുമ്പോള് പത്തു രൂപ ഉപഭോക്താക്കള്ക്ക് തിരിച്ചു നല്കുകയും ചെയ്യുന്ന രീതിയാണ് നഗരസഭ ആവിഷ്കരിച്ചത്. പ്ലാസ്റ്റിക് കുപ്പികളും കവറുകളും ജലാശയങ്ങളിലേക്കു വലിച്ചെറിയാതിരിക്കാനാണ് പുതിയ ആശയവുമായി നഗരസഭ മുന്നോട്ടു വന്നത്. ആലപ്പുഴ എസ് ഡി കോളജിലെയും യുഐടിയിലെയും നാഷണല് സര്വീസ് സ്കീം സന്നദ്ധപ്രവര്ത്തകരാണ് സ്റ്റിക്കര് പതിച്ചത്. ആലപ്പുഴ നഗരത്തിന്റെ വിവിധ ഭാഗങ്ങളില് മൂന്ന് വോളണ്ടിയേഴ്സിനെ വീതം നിയോഗിച്ചാണ് മാലിന്യം ശേഖരിച്ചത്.
Read Moreകേരളത്തിന്റെ 141-ാമത്തെ എംഎൽഎ
കൊങ്കൺ മേഖലയിലെ രാഷ്ട്രീയ നേതാക്കൾക്ക് പൊതുവേ കേരളവുമായി നല്ല അടുപ്പമാണ്. വീരപ്പ മൊയ്ലിയെയും സദാനന്ദ ഗൗഡയെയും പോലെ മലയാളം സംസാരിക്കാനറിയാവുന്ന കർണാടക മുഖ്യമന്ത്രിമാർ പോലും ഇവിടെ നിന്നുണ്ടായിട്ടുണ്ട്. ദക്ഷിണ കന്നഡ, ഉഡുപ്പി ജില്ലകൾ പിന്നിട്ട് ഉത്തര കന്നഡ ജില്ലയിലെത്തുമ്പോഴേക്കും മഹാരാഷ്ട്രയുടെയും ഗോവയുടെയും ബന്ധങ്ങൾ കൂടി പ്രകടമാകും. ഈ മേഖലയിൽ നിന്നുള്ള കോൺഗ്രസ് നേതാവാണ് അർജുൻ ദൗത്യവുമായി ബന്ധപ്പെട്ട് കഴിഞ്ഞ രണ്ടുമാസത്തിലേറെക്കാലം മലയാളത്തിലെ മാധ്യമങ്ങളിൽ നിറഞ്ഞുനിന്ന കാർവാർ എംഎൽഎ സതീഷ് കൃഷ്ണ സെയിൽ. ഷിരൂരിൽ മണ്ണിടിച്ചിൽ ദുരന്തം സംഭവിച്ചതു മുതൽ ദൗത്യത്തിന്റെ ഓരോ ഘട്ടങ്ങളിലും സ്ഥലത്ത് ക്യാമ്പ് ചെയ്ത് രക്ഷാപ്രവർത്തനങ്ങളെ മുന്നിൽനിന്ന് നയിക്കുകയായിരുന്നു കാർവാറിന്റെ ഈ ജനകീയ എംഎൽഎ. ആദ്യനാളുകളിൽ പെരുമഴയെ പോലും കൂട്ടാക്കാതെ രാവും പകലും ദൗത്യത്തിനൊപ്പം ഓടിനടന്ന എംഎൽഎയെ അർജുന്റെ കുടുംബാംഗങ്ങൾക്കും മലയാളികൾക്കും ഒരിക്കലും മറക്കാനാകില്ല. സെയിലിന്റെ ഔദ്യോഗിക ഫേസ്ബുക്ക് പേജ് അന്വേഷിച്ച് കണ്ടെത്തി മലയാളികൾ…
Read Moreനെഞ്ചോട് ചേർത്ത്… ഹൃദയദിന സന്ദേശമുയര്ത്തി മാരത്തണ് സംഘടിപ്പിച്ച് കാരിത്താസ് ആശുപത്രി
കോട്ടയം: ലോക ഹൃദയദിന സന്ദേശം ഉയര്ത്തിപ്പിടിച്ച് കാരിത്താസ് ആശുപത്രിയും ഡെക്കാത്തലോണും സംയുക്തമായി കാരിത്തോണ് എന്ന പേരില് മാരത്തണ് സംഘടിപ്പിച്ചു. കാരിത്താസ് കാര്ഡിയോളജി ഡിപ്പാര്ട്ട്മെന്റിന്റെയും കാരിത്താസ് ഹാര്ട്ട് ഇന്സ്റ്റിറ്റ്യൂട്ടിന്റെയും സഹകരണത്തോടെ നടന്ന മാരത്തണ് കാരിത്താസ് ഹോസ്പിറ്റല് സര്വീസ് ജോയിന്റ് ഡയറക്ടര് ഫാ. സ്റ്റീഫന് തേവരപ്പറമ്പിലും കാരിത്താസ് ഹാര്ട്ട് ഇന്സ്റ്റിറ്റ്യൂട്ട് എച്ച്ഒഡി ഡോ. ജോണി ജോസഫും ചേര്ന്ന് ഫ്ളാഗ് ഓഫ് ചെയ്തു. ഇരുനൂറോളം ആളുകള് പങ്കെടുത്ത മാരത്തണ് രാവിലെ കാരിത്താസ് മാതാ ഹോസ്പിറ്റലില്നിന്ന് ആരംഭിച്ച് കാരിത്താസ് റൗണ്ട് വഴി കാരിത്താസ് മാതാ ഹോസ്പിറ്റലില് അവസാനിച്ചു. കാരിത്താസ് ആശുപത്രിയിലെ വിവിധ വിഭാഗങ്ങളില്നിന്നുള്ള ജീവനക്കാരോടൊപ്പം പൊതുജന പങ്കാളിത്തംകൊണ്ടും മാരത്തണ് ശ്രദ്ധേയമായി. ഹൃദയാരോഗ്യവുമായി ബന്ധപ്പെട്ട് കഴിഞ്ഞ കുറെ വര്ഷങ്ങളായി കാരിത്താസ് ഹോസ്പിറ്റല് ജനങ്ങള്ക്കിടയില് നടത്തുന്ന ബോധവത്കരണ പരിപാടിയുടെ തുടര്ച്ചയായി മാരത്തണ് മാറിയെന്നും ഹൃദയദിന സന്ദേശമായ യൂസ് ഹാര്ട്ട് ഫോര് ആക്ഷന് എന്നത് ജനങ്ങളിലേക്ക് എത്തിക്കാന്…
Read Moreനാട്ടുകാർ ഡാ… നെഹ്റു ട്രോഫി വള്ളംകളി; ഫൈനൽ മത്സരത്തിൽ മാറ്റുരച്ച ചുണ്ടൻ വള്ളങ്ങളെല്ലാം നിയന്ത്രിച്ചത് കുമരകം നിവാസികൾ
കുമരകം: ആലപ്പുഴ പുന്നമടക്കായലിൽ ഇന്നലെ നടന്ന നെഹ്റു ട്രോഫി വള്ളംകളി ഫൈനൽ മത്സരത്തിൽ മാറ്റുരച്ച ചുണ്ടൻ വള്ളങ്ങളെല്ലാം നിയന്ത്രിച്ചത് കുമരകം നിവാസികൾ. പള്ളാത്തുരുത്തി ബോട്ട് ക്ലബ്ബിന്റെ കാരിച്ചാൽ, വിബിസി കൈനകരിയുടെ വീയപുരം, നിരണം ബോട്ട് ക്ലബ്ബിന്റെ നിരണം, കുമരകം ടൗൺ ബോട്ട് ക്ലബ്ബിന്റെ നടുഭാഗം എന്നീ കരക്കാർ പരസ്പരം മത്സരിച്ചപ്പോൾ നാലു ചുണ്ടൻ വള്ളങ്ങളുടെയും അമരത്തുനിന്നത് കുമരകംകാരാണ്. തുടർച്ചയായ അഞ്ചാം തവണ നെഹ്റു ട്രോഫി നേടിയ പള്ളാത്തുരുത്തി ബോട്ട് ക്ലബ്ബിന്റെ കാരിച്ചാലിന്റെ അമരക്കാരൻ കുമരകം സ്വദേശി പ്രസന്നൻ കല്ലുപുരയ്ക്കലാണ്. രണ്ടാം സ്ഥാനക്കാരായ വിബിസി കൈനകരിയുടെ വീയപുരം ചുണ്ടന്റെ അമരത്ത് കുമരകം സ്വദേശിതന്നെയായ രാജീവ് കായപ്പുറമായിരുന്നു. നാലാം സ്ഥാനത്തെത്തിയ നിരണം ബോട്ട് ക്ലബ്ബിന്റെ നിരണം ചുണ്ടന്റെ അമരത്ത് നില ഉറപ്പിച്ചതും കുമരകംകാരൻ സതീഷ് കുഴികണ്ടമാണ്. കുമരകം ടൗൺ ബോട്ട് ക്ലബ്ബിന്റെ നടുഭാഗത്തിന്റെ ഒന്നാം അമരക്കാരനായ സുരേഷ് നാഷ്ണാന്ത്രയും കുമരകം…
Read More‘ഹാരിയോട്ട ഏവിയ’: പസഫിക് സമുദ്രത്തിൽ ‘പ്രേതസ്രാവ്’; ഞെട്ടിത്തരിച്ച് ആളുകൾ
തീഷ്ണമായ കറുത്ത കണ്ണുകളും ഇടുങ്ങിയ മൂക്കുമുള്ള ‘പ്രേതസ്രാവ്’ ശാസ്ത്രലോകത്തിനു കൗതുകമായി. നീണ്ട ചുണ്ട് കൊണ്ട് ഇരയെ വേട്ടയാടിപ്പിടിക്കുന്ന പുതിയ ഇനം സ്രാവിനെ പസഫിക് സമുദ്രത്തിന്റെ അടിത്തട്ടിലാണു കണ്ടെത്തിയത്. ഇളം തവിട്ടുനിറത്തിലുള്ള മിനുസമാർന്ന ചർമമാണ് ഇതിനുള്ളത്. 2,600 മീറ്റർ ആഴത്തിൽവരെ ചെന്ന് ഇവയ്ക്ക് ഇരപിടിക്കാൻ കഴിയുമെന്നു പുതിയ ഇനത്തെ കണ്ടെത്തിയ ശാസ്ത്രജ്ഞൻ ബ്രിട്ട് ഫിനുച്ചി പറഞ്ഞു. തന്റെ മുത്തശിയുടെ സ്മരണയ്ക്കായി ‘ഹാരിയോട്ട ഏവിയ’ എന്നാണ് ഫിനുച്ചി ഇതിനു ശാസ്ത്രീയനാമം നൽകിയത്.
Read Moreകുട്ടികളേ നിങ്ങൾ ഇനി കാമറ നിരീക്ഷണത്തിലാണ്: സിബിഎസ്ഇ പരീക്ഷകൾക്ക് സിസിടിവി കാമറ നിർബന്ധമാക്കി
ന്യൂഡൽഹി: സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ (സിബിഎസ്ഇ) വരാനിരിക്കുന്ന 10, 12 ക്ലാസുകളിലെ ബോർഡ് പരീക്ഷകൾക്കു പരീക്ഷാകേന്ദ്രങ്ങളായി നിശ്ചയിച്ചിട്ടുള്ള സ്കൂളുകളിൽ സിസിടിവി കാമറ നിർബന്ധമാക്കി. 2025ൽ ഇന്ത്യയിലും 26 രാജ്യങ്ങളിലുമായി ഏകദേശം 44 ലക്ഷം വിദ്യാർഥികൾ പങ്കെടുക്കുന്ന പരീക്ഷയിൽ 8,000 പരീക്ഷാകേന്ദ്രങ്ങളുണ്ട്. പരീക്ഷാ കാലയളവിലുടനീളം ഉയർന്ന റെസല്യൂഷനുള്ള ഫൂട്ടേജ് തുടർച്ചയായി റെക്കോർഡ് ചെയ്യും. സിസിടിവി സ്ഥാപിച്ചതിനെക്കുറിച്ച് വിദ്യാർഥികളെയും സ്റ്റാഫിനെയും അറിയിക്കണം. റെക്കോർഡിംഗുകളുടെ രഹസ്യസ്വഭാവം സംരക്ഷിക്കുന്നതിനുള്ള നടപടികൾ സ്വീകരിക്കണം. ഫൂട്ടേജ് അംഗീകൃത ഉദ്യോഗസ്ഥർക്ക് മാത്രമേ ആക്സസ് ചെയ്യാനാകൂവെന്നും ഫലപ്രഖ്യാപനത്തിനു ശേഷം രണ്ടു മാസത്തേക്കു ദൃശ്യങ്ങൾ സൂക്ഷിക്കുമെന്നും അധികൃതർ അറിയിച്ചു.
Read Moreസഹാറ മരുഭൂമിയിൽ പച്ചപ്പിന്റെ നാന്പുകൾ..! ഗവേഷകലോകം ആഹ്ളാദത്തിൽ
ഭൂമിയിലെ ഏറ്റവും വരണ്ട സ്ഥലങ്ങളിലൊന്നാണ് സഹാറ മരുഭൂമി. ആഫ്രിക്കൻ ഭൂഖണ്ഡത്തിന്റെ ഉത്തരഭാഗത്ത് യൂറോപ്പിനോളം വലിപ്പത്തിൽ 90,00,000 ചതുരശ്ര കിലോമീറ്ററുകളിലായി സഹാറ എന്ന ഉഷ്ണമരുഭൂമി വ്യാപിച്ചുകിടക്കുന്നു. ഈ മരുഭൂമിയിൽ പച്ചപ്പിന്റെ നാന്പുകൾ മുളയ്ക്കുന്നതായി കണ്ടെത്തിയിരിക്കുകയാണു ഗവേഷകർ. നാസയുടെ ഉപഗ്രഹം ഇതിന്റെ ചിത്രങ്ങൾ പുറത്തുവിടുകയുംചെയ്തു. കഴിഞ്ഞ സെപ്റ്റംബർ ഏഴിനും എട്ടിനും വടക്കുപടിഞ്ഞാറൻ ആഫ്രിക്കയിൽ കനത്തഅളവിൽ മഴ ലഭിച്ചിരുന്നു. ഇതേത്തുടർന്നാണ് പച്ചപ്പിന്റെ അടയാളങ്ങൾ കാണാൻ തുടങ്ങിയത്. മൊറോക്കോ, അൾജീരിയ, ടുണീഷ്യ, ലിബിയ എന്നിവിടങ്ങളിലെ അപൂർവമായി മഴ ലഭിക്കുന്ന പ്രദേശങ്ങളിൽ ഇപ്പോൾ പച്ചപ്പിന്റെ അടയാളങ്ങൾ കാണിക്കുന്നതായി ഗവേഷകർ പറയുന്നു. ഗണ്യമായി മഴ കിട്ടിയാൽ ചെടികൾ വളർന്ന് ഇവിടം സമൃദ്ധമായ ഭൂപ്രകൃതിയായി മാറുമെന്നും ഗവേഷകർ ആഹ്ളാദത്തോടെ ചൂണ്ടിക്കാട്ടുന്നു. ചരിത്രപരമായി, ബിസി 11,000നും 5,000ത്തിനും ഇടയിൽ സഹാറ സസ്യജാലങ്ങളും തടാകങ്ങളും നിറഞ്ഞ ഭൂപ്രദേശമായിരുന്നുവെന്നാണു ഗവേഷകലോകത്തിന്റെ വിലയിരുത്തൽ.
Read More