ചെന്നൈ: ലിപ്സ്റ്റിക് ഉപയോഗിച്ചതിന്റെ പേരിൽ ജീവനക്കാരിയെ സ്ഥലംമാറ്റി. ഗ്രേറ്റർ ചെന്നൈ മുനിസിപ്പൽ കോർപറേഷനിലാണു സംഭവം. മേയറുടെ അകമ്പടി സംഘത്തിൽ ദഫേദാർ ആയി സേവനമനുഷ്ഠിക്കുന്ന മാധവിയാണു മേയർക്കെതിരേ ആരോപണവുമായി രംഗത്തെത്തിയത്. ലിപ്സ്റ്റിക് ഉപയോഗിക്കുന്നത് ഒഴിവാക്കണമെന്ന മേയർ പ്രിയാ രാജന്റെ നിർദേശം പാലിക്കാതിരുന്നതിനാലാണു തന്നെ സ്ഥലം മാറ്റിയതെന്ന് 50കാരിയായ മാധവി ആരോപിച്ചു. ജോലി സമയത്ത് ലിപ്സ്റ്റിക് ഉപയോഗിച്ചതു ചൂണ്ടിക്കാട്ടി മാധവിക്ക് നോട്ടീസ് നൽകുകയായിരുന്നു. എന്നാൽ, ജോലി സമയത്ത് ലിപ്സ്റ്റിക് ഇടുന്നത് കുറ്റകരമാണെങ്കിൽ അതിനുള്ള സർക്കാർ ഉത്തരവ് കാണിക്കണമെന്ന് മാധവി മറുപടി നൽകി. ഇതോടെ മറുപടി തൃപ്തികരമല്ലെന്ന് ചൂണ്ടിക്കാട്ടി മേയർ മാധവിയെ സ്ഥലം മാറ്റുകയായിരുന്നു.
Read MoreCategory: Today’S Special
എന്തൊക്കെ സഹിച്ചാലാ ഒന്ന് പ്രേമിക്കാൻ പറ്റുന്നത്: കാമുകിയെ കാണാൻ ഹോസ്റ്റലിൽ ബുർഖ ധരിച്ചെത്തി; മലയാളി യുവാവ് പിടിയിൽ
കാമുകിയെ കാണാൻ കോളജ് ഹോസ്റ്റലില് ബുർഖ ധരിച്ചെത്തിയ യുവാവിനെ പോലീസ് അറസ്റ്റ് ചെയ്തു. കുപ്പം പിഇഎസ് ഇൻസ്റ്റിറ്റ്യൂട്ട് ഓഫ് മെഡിക്കല് സയൻസസിലെ രണ്ടാം വർഷ നഴ്സിംഗ് വിദ്യാർഥിനിയെ കാണാനാണു യുവാവ് ബുർഖ ധരിച്ച് ഹോസ്റ്റലിലെത്തിയത്. കമിതാക്കൾ മലയാളികളാണ്. ബംഗളൂരുവിൽ പാചകക്കാരനായി ജോലി ചെയ്യുകയാണ് യുവാവ്. കേരളത്തില്വച്ചു രണ്ടുവർഷം മുമ്പാണ് ഇരുവരും കണ്ടുമുട്ടി പരിചയത്തിലായത്. ബംഗളൂരുവിൽനിന്നു ട്രെയിനില് കുപ്പത്തെത്തിയ യുവാവ് വേഷം മാറി പെണ്കുട്ടിയുടെ ഹോസ്റ്റലിലെത്തുകയായിരുന്നു. സംശയം തോന്നിയ ഹോസ്റ്റല് ജീവനക്കാർ പരിശോധിച്ചതോടെയാണ് യുവാവ് വേഷം മാറി വന്നതാണെന്നു കണ്ടെത്തിയത്. ഹോസ്റ്റല് ഉടമയുടെ പരാതിയില് പോലീസ് കേസെടുത്തു.
Read Moreഎന്നാലും എന്റെ സ്പൈഡർമാനേ, നിങ്ങൾക്കീ ഗതി വന്നല്ലോ? സ്റ്റേഷനു മുൻപിൽ ഭിക്ഷ എടുക്കുന്ന സ്പൈഡർമാൻ; വൈറലായി വീഡിയോ
മുംബൈ: സാങ്കൽപിക കഥാപാത്രങ്ങളുടെ വേഷത്തിൽ വീഡിയോ ചെയ്ത് സോഷ്യൽ മീഡിയയിൽ ഷൈൻ ചെയ്തവർ കുറച്ചൊന്നുമല്ല. എന്നാൽ, ഒരേ വേഷത്തിൽ വീണ്ടും വീണ്ടും വന്നാൽ ലൈക്ക് അടിക്കുന്നവർ കുറയും. വേഷത്തിനൊപ്പം അൽപം അഭിനയം കൂടി ചേർത്ത് വെറൈറ്റി വരുത്തിയാലോ? അത് ചിലപ്പോൾ ക്ലിക്ക് ആയെന്നു വരും. അത്തരമൊരു വീഡിയോ സോഷ്യൽ മീഡിയയിൽ വൈറലായിരിക്കുകയാണ്. സ്പൈഡർമാന്റെ വേഷത്തിൽ ഭിക്ഷ യാചിക്കുന്ന യുവാവിന്റെ വീഡിയോ ആണു ശ്രദ്ധ നേടിയിരിക്കുന്നത്. മഹാരാഷ്ട്രയിലെ തിരക്കേറിയ കല്യാൺ റെയിൽവേ സ്റ്റേഷന് മുന്നിലിരുന്നായിരുന്നു ഭിക്ഷാടനം. “ആരെങ്കിലും ഈ സ്പൈഡർമാന് ഭിക്ഷ നൽകൂ’ എന്ന കാപ്ഷനോട് കൂടിയാണ് വീഡിയോ ഇൻസ്റ്റഗ്രാമിൽ ഷെയർ ചെയ്തത്. യാചിക്കുന്ന സ്പൈഡർമാൻ വേഷധാരിയെ ചിരിയോടെയും അമ്പരപ്പോടെയും ആളുകൾ നോക്കിനിൽക്കുന്നതും വീഡിയോയിൽ കാണാം. നേരത്തെയും ഈ യുവാവ് സ്പൈഡർമാന്റെ വേഷം കെട്ടി വീഡിയോകൾ ചെയ്തിട്ടുണ്ടത്രെ. ഡാൻസ് ചെയ്യുന്ന സ്പൈഡർമാനും ക്ലാസ് മുറിയിലിരുന്ന് ഉറങ്ങുന്ന സ്പൈഡർമാനുമൊക്കെ അതിൽ…
Read Moreഅതിരു കടന്ന പ്രണയം: കാമുകിയെ കാണാൻ ശ്രമിച്ച യുവാവിനെ പോലീസ് പൊക്കി; കാരണം കേട്ട് ഞെട്ടി സോഷ്യൽ മീഡിയ
സമൂഹമാധ്യമങ്ങളിലൂടെ പരിചയപ്പെട്ട പെൺസുഹൃത്തിനെ കാണാൻ അതിർത്തി കടന്ന് പാക്കിസ്ഥാനിലേക്കു കടക്കാൻ ശ്രമിച്ച യുവാവ് പിടിയിൽ. ജമ്മുകാഷ്മീരിലെ ബന്ദിപ്പോര സ്വദേശിയായ ഇംതിയാസ് ഷേഖ് (36) ആണ് പിടിയിലായത്. ഗുജറാത്തിലെ കച്ച് ജില്ലയിലെ ഖവ്ദ ഗ്രാമത്തിൽ കൂടിയാണ് ഇയാൾ അതിർത്തി കടക്കാൻ ശ്രമിച്ചത്. പാക്കിസ്ഥാനിലെ മുൾടാനിൽനിന്നുള്ള സോഷ്യൽ മീഡിയ ഇൻഫ്ലുവൻസറായ യുവതിയെ കാണാനായിരുന്നു ഇയാളുടെ സാഹസം. കച്ച് അതിർത്തി വഴി നിയമപരമായി പാക്കിസ്ഥാനിൽ പ്രവേശിക്കാൻ കഴിയുമെന്ന് വിശ്വസിച്ച ഷേഖ്, അധികാരികളിൽനിന്ന് അനുമതി നേടുന്നതിനു പ്രദേശവാസികളുടെ സഹായം തേടി. വിവരമറിഞ്ഞെത്തിയ പോലീസ് ഇയാളെ അറസ്റ്റ് ചെയ്യുകയായിരുന്നു. പ്രാഥമിക അന്വേഷണത്തിനുശേഷം ഇയാളെ വിട്ടയച്ചു. ഇയാൾക്ക് മാനസിക പ്രശ്നമുണ്ടെന്ന് പോലീസ് പറഞ്ഞു.
Read Moreപകരത്തിനു പകരം: പാന്പുകടിയേറ്റു മരിച്ച യുവാവിന്റെ ചിതയിൽ കടിച്ച പാന്പിനെ ചുട്ടുകൊന്നു
പാന്പുകടിയേറ്റു മരിച്ച യുവാവിന്റെ ചിതയിൽ കടിച്ച പാന്പിനെ ജീവനോടെ ചുട്ടുകൊന്ന് ഗ്രാമീണർ. ഛത്തീസ്ഗഡിലെ കോർബയിലാണു സംഭവം. ബൈഗാമർ ഗ്രാമത്തിലെ തന്റെ വീട്ടിൽ രാത്രി കിടക്ക ഒരുക്കുന്നതിനിടെയാണ് ദിഗേശ്വർ രതിയ (22)യെ പാന്പു കടിച്ചത്. സംഭവത്തെത്തുടർന്ന് ഗ്രാമവാസികൾ പാമ്പിനെ പിടികൂടി കൊട്ടയിലാക്കി. പിന്നീട് ഒരു വടിയിൽ കയർ ഉപയോഗിച്ച് കെട്ടിയിട്ടു. ശവസംസ്കാര ചടങ്ങുകൾക്കായf മൃതദേഹം വീട്ടിൽനിന്നു ശ്മശാനത്തിലേക്കു കൊണ്ടുപോകുമ്പോൾ, ഗ്രാമവാസികൾ പാമ്പിനെയും വലിച്ചിഴച്ചു കൊണ്ടുപോയി. പിന്നീട് രതിയയുടെ ചിതയിൽ പാമ്പിനെ ജീവനോടെ കത്തിക്കുകയായിരുന്നു. ഇതിന്റെ വീഡിയോ സോഷ്യൽ മീഡിയയിൽ വൈറലായി. വിഷപ്പാമ്പ് മറ്റാരെയെങ്കിലും ആക്രമിക്കുമെന്ന് ഭയന്നാണ് ചിതയിൽ കത്തിച്ചതെന്നു ചില ഗ്രാമീണർ പറഞ്ഞു. പാമ്പിനെ കൊന്നതിന് ഗ്രാമവാസികൾക്കെതിരേ നടപടിയെടുക്കില്ലെന്നു വനം വകുപ്പ് ഉദ്യോഗസ്ഥർ പറഞ്ഞു. ഇഴജന്തുക്കൾ ആവാസവ്യവസ്ഥയ്ക്ക് പ്രധാനമായതിനാൽ പാമ്പുകളെക്കുറിച്ചും പാമ്പുകടി നിയന്ത്രിക്കുന്നതിനെക്കുറിച്ചും ജനങ്ങളെ ബോധവത്കരിക്കുമെന്നും ഉദ്യോഗസ്ഥൻ പറഞ്ഞു.
Read Moreഭൂമിയുടെ ആരോഗ്യം, നമ്മുടെയും… ഇന്ന് ലോക പരിസ്ഥിതി ആരോഗ്യദിനം; സുരക്ഷിതവും ആരോഗ്യകരവുമായ അന്തരീക്ഷം പരിപോഷിപ്പിക്കുന്നതിനായി കൈകോർക്കാം നമുക്കൊന്നായി
വേൾഡ് എൻവയോൺമെന്റൽ ഹെൽത്ത് ഡേയായി ഇന്ന് ആചരിക്കുന്നു. എല്ലാവർഷവും സെപ്റ്റംബർ 26ന് ആണ് ലോക പരിസ്ഥിതി ആരോഗ്യദിനം ആചരിക്കുന്നത്. സുരക്ഷിതവും ആരോഗ്യകരവുമായ അന്തരീക്ഷം പരിപോഷിപ്പിക്കുന്നതിന്റെയും ശുദ്ധവായു, ജലം, ശുചിത്വം, മലിനീകരണനിയന്ത്രണം, മാലിന്യ സംസ്കരണം തുടങ്ങിയ പ്രശ്നങ്ങൾ കൈകാര്യം ചെയ്യുന്നതിന്റെയും പ്രാധാന്യം ഈ ദിനം ഉയർത്തിക്കാട്ടുന്നു. നമ്മൾ അധിവസിക്കുന്ന ഭൂമിയുടെ ആരോഗ്യം, നമ്മുടെ ക്ഷേമവുമായി ബന്ധപ്പെട്ടിരിക്കുന്നുവെന്നും പരിസ്ഥിതി സംരക്ഷണത്തെ അവഗണിക്കുന്നതു പ്രകൃതിയെയും നമ്മെത്തന്നെയും അപകടത്തിലാക്കുന്നുവെന്നും ഈ ദിനം ഓർമപ്പെടുത്തുന്നു. “പരിസ്ഥിതി ആരോഗ്യം: ദുരന്തസാധ്യത കുറയ്ക്കലും കാലാവസ്ഥാ വ്യതിയാന ലഘൂകരണവും പൊരുത്തപ്പെടുത്തലും വഴി പ്രതിരോധശേഷിയുള്ള കമ്യൂണിറ്റികളെ സൃഷ്ടിക്കുക’ എന്നതാണ് ഈ വർഷത്തെ വിഷയം.
Read More‘മൗനമായി നിന്ന ആകാശത്തിലേക്ക് മഷി പടർന്നു, മഴ വരുകയാണ്’; 6 -ാം ക്ലാസുകാരന്റെ മഴയനുഭവം; വൈറലായി കുറിപ്പ്
കുഞ്ഞു മനസിൽ ഉടലെടുക്കുന്ന ഭാവനകൾ വേറെ തലങ്ങളിലേക്കാണ് പോകുന്നത്. ക്ലാസിൽ പലപ്പോഴും അധ്യാപകർ നൽകുന്ന ഹോം വർക്കുകൾ മറക്കാതെ കുട്ടികൾ ചെയ്തുകൊണ്ട് വരാറുണ്ട്. ചില തമാശകളും കുറുന്പുകളുമൊക്കെ ചിലപ്പോൾ അവയിൽ കാണാറുമുണ്ട്. കൗതുകമെന്നു തോന്നുന്നവ അധ്യാപകർ സോഷ്യൽ മീഡിയയിൽ പങ്കുവയ്ക്കാറുമുണ്ട്. അത്തരമൊരു എഴുത്താണ് ഇപ്പോൾ സമൂഹമാധ്യമങ്ങളിൽ ചർച്ച ആകുന്നത്. നോർത്ത് പറവൂർ ഗവൺമെന്റ് ബോയ്സ് ഹയർ സെക്കന്ററി സ്കൂളിലെ ആറാം ക്ലാസ് വിദ്യാർഥികളോട് നിങ്ങളുടെ മഴ അനുഭവത്തെ കുറിച്ച് എഴുതുന്നതിന് അധ്യാപിക ആവശ്യപ്പെട്ടു. എല്ലാവരും ടീച്ചർ പറഞ്ഞതുപോലെ എഴുതിക്കൊണ്ട് വന്നു. എന്നാൽ മറ്റ് കുട്ടികളിൽ നിന്ന് വ്യത്യസ്തമായിരുന്നു ക്ലാസിലെ ശ്രീഹരി എസ്. എന്ന വിദ്യാർഥി തന്റെ മഴയനുഭവത്തെ കുറിച്ച് എഴുതിയത്. ഉടൻതന്നെ ടീച്ചർ ഈ കുറിപ്പ് സോഷ്യൽ മീഡിയയിൽ പങ്കുവച്ചു. കുറിപ്പിന്റെ പൂർണ രൂപം… ആറാം ക്ലാസ്സിലെ മലയാളം ഓണപ്പരീക്ഷയ്ക്ക് മഴയനുഭവം വിവരിക്കാനോ മറ്റോ ഒരു ചോദ്യം…
Read Moreഓരോന്ന് കുറ്റീം പറിച്ച് ഇറങ്ങിക്കോളും: മൃഗശാലയിൽ നിന്ന് ചാടിപ്പോകാൻ നോക്കി പാണ്ട; വാതിൽ അടച്ച് ജീവനക്കാരി; പിന്നെ നടന്നത് മുട്ടനടി; വൈറലായി വീഡിയോ
വളരെയേറെ ശാന്തശീലരായ സ്വഭാവക്കാരാണ് പാണ്ടകൾ. പൊതുവേ ആരെയും ആക്രമിക്കാത്ത പ്രകൃതമായതിനാൽ പാണ്ടകളെ പലർക്കും ഇഷ്ടമാണ്. എന്നാൽ ഈ വിശേഷണ്ങൾ തെറ്റുംവിധമുള്ള സംഭവമാണ് ചൈനയിലെ ഒരു മൃഗശാലയിൽ കഴിഞ്ഞ ദിവസമുണ്ടായത്. ചൈനയിലെ ചോങ്കിംഗ് മൃഗശാലയിലെ ജീവനക്കാരിയെ പാണ്ട ആക്രമിക്കാൻ ശ്രമിക്കുന്ന വീഡിയോ ആണ് ഇപ്പോൾ വൈറലാകുന്നത്. മൃഗശാലയിലെ നിയന്ത്രിത മേഖലയിലേക്ക് പാണ്ട കടന്നത് കണ്ട ജീവനക്കാരി ഉടൻതന്നെ പാണ്ട പുറത്തേക്ക് കടക്കാതിരിക്കാൻ വേണ്ടി അവിടെയുള്ള വാതിൽ അടച്ചിട്ടു. യുവതി അകത്തേക്ക് പ്രവേശിക്കുന്നതു കണ്ട പാണ്ടയാകട്ടെ ഇവരെ നന്നായി ഉപദ്രവിച്ചു. ദേഹം മുഴുവൻ കുത്തുകയും ചവിട്ടുകയുമൊക്കെ ചെയ്തു. യുവതി ഇതിനെതിരേ പ്രതിരോധിക്കാൻ ശ്രമിക്കുന്നതും നമുക്ക് വീഡിയോയിൽ കാണാൻ സാധിക്കും. പാണ്ടയും ജീവനക്കാരിയും ഇപ്പോൾ പരിചരണത്തിലാണ് എന്നും കൂടുതൽ അപകടങ്ങൾ ഒന്നും സംഭവിച്ചിട്ടില്ലന്നും മൃഗശാല അധികൃതർ അറിയിച്ചു.
Read Moreകല്യാണക്കോലാഹലങ്ങൾ : വിവാഹവേദിയിൽ സ്പാർക്ക്ലർ ഗൺ പൊട്ടിത്തെറിച്ചു; വരന് പരിക്ക്; വൈറലായി വീഡിയോ
വിവാഹങ്ങൾ എങ്ങനെയും വ്യത്യസ്തമാക്കണമെന്ന ചിന്ത മാത്രമാണ് ആളുകൾക്ക്. ജീവൻ പോയാലും വേണ്ടില്ല എങ്ങനെയുമ മറ്റുള്ളവരുടെ മുന്നിൽ പത്രാസ് കാണിക്കണം എന്നു മാത്രമേയുള്ളൂ അത്തരക്കാരുടെ മനസിൽ. അത്തരത്തിലൊരു വൈറൽ വിവാഹ കഥയാണ് ഇന്ന് സോഷ്യൽ മീഡിയയിൽ ചർച്ചയാകുന്നത്. വിവാഹാഘോഷങ്ങൾക്കിടയിൽ സ്പാർക്ക്ലർ ഗൺ ഉയോഗിച്ച് ഫോട്ടോഷൂട്ട് നടത്തുകയായിരുന്നു വരനും വധുവും. ഇത്തരം പ്രോപ്പർട്ടികളൊക്കെ ഉപയോഗിച്ചാൽ ഫോട്ടോ നല്ല കളറാക്കാൻ സാധിക്കും. എന്നാൽ കളറായ സംഗതി അൽപം പാളിപ്പോയി. ഫോട്ടോഷൂട്ട് നടക്കുന്നതിനിടയിൽ വരന്റെ കൈയിലിരുന്ന് സ്പാർക്ക്ലർ ഗൺ പൊട്ടിത്തെറിച്ചു. പേടിച്ചു പോയ വധൂവരൻമാർ ഉടൻതന്നെ കയ്യിലെ തോക്കുകൾ വലിച്ചെറിഞ്ഞു. എന്നാൽ പൊട്ടിത്തെറിയിൽ വരന്റെ കൈക്ക് ഗുരുതരമായി പരിക്കേറ്റു. “ഇത് നിർത്തുക” എന്ന അടിക്കുറിപ്പോടെ @ritik.editsx എന്ന അക്കൗണ്ടിൽ നിന്നാണ് ഇതിന്റെ വീഡിയോ ഇൻസ്റ്റാഗ്രാമിൽ പങ്കുവച്ചത്. വീഡിയോ വൈറലായതോടെ നിരവധി ആളുകളാണ് ഇവർക്കെതിരേ വിമർശനവുമായി രംഗത്തെത്തിയത്. . …
Read Moreകുട്ടിയായിരിക്കെ ക്ഷേത്രത്തിൽനിന്നു പണം കവർന്നു: 27 വർഷത്തിനുശേഷം ക്ഷമാപണ കത്തടക്കം പണം തിരികെ നൽകി യുവാവ്
എന്തെങ്കിലും തെറ്റ് ചെയ്താൽ അതിന് ശിക്ഷ അനുഭവിക്കുകയോ പ്രായശ്ചിത്തം ചെയ്യുകയോ ചെയ്തില്ലെങ്കിൽ കുറ്റബോധം ഒഴിയാബാധയായി തുടരും. കുറ്റം ആരും കണ്ടുപിടിച്ചില്ലെങ്കിലും ഇതായിരിക്കും മിക്കവരുടെയും അവസ്ഥ. ദക്ഷിണകൊറിയയിലെ ഒരു ക്ഷേത്രത്തിൽ അടുത്തിടെ ഒരു അസാധാരണ പ്രായശ്ചിത്തം നടന്നു. കുട്ടിയായിരിക്കെ ക്ഷേത്രത്തിൽനിന്നു മോഷ്ടിച്ച പണം പലിശയടക്കം 27 വർഷത്തിനുശേഷം തിരികെ നൽകിയാണ് അജ്ഞാതൻ പ്രായശ്ചിത്തം നിറവേറ്റിയത്. കൂടെ ഭണ്ഡാരപ്പെട്ടിയിൽ ഒരു ക്ഷമാപണ കത്തും നിക്ഷേപിച്ചു. ഗ്യോങ്സാങ് പ്രവിശ്യയിലെ ടോങ്ഡോ ക്ഷേത്രത്തിൽനിന്ന് 1997ലാണു താൻ പണം മോഷ്ടിച്ചതെന്നു കത്തിൽ പറയുന്നു. 30,000 വോൺ (1920 ഇന്ത്യൻ രൂപ) ആണു മോഷ്ടിച്ചത്. ദിവസങ്ങൾക്കുശേഷം വീണ്ടും മോഷ്ടിക്കാൻ ശ്രമിച്ചപ്പോൾ ഒരു സന്യാസി പിടികൂടി. പക്ഷേ, ആ സന്യാസി എന്നെ പോലീസിന് കൈമാറിയില്ല. മോഷണവിവരം മറ്റാരോടും പറഞ്ഞുമില്ല. പകരം തന്നെ ആശ്വസിപ്പിച്ച് പറഞ്ഞയയ്ക്കുകയായിരുന്നു. ഈ സംഭവം തന്റെ ജീവിതത്തെത്തന്നെ മാറ്റിമറിച്ചെന്നും പിന്നീടു തന്റേതല്ലാത്തതൊന്നും ആഗ്രഹിച്ചിട്ടില്ലെന്നും കത്തിൽ…
Read More