അത്യപൂർവമായ പശുക്കുട്ടിയെ കാണാൻ വൻതിരക്ക്. കർണാടകയിലെ മംഗലാപുരത്ത് കഴിഞ്ഞ ദിവസം ജനിച്ച പശുക്കുട്ടിക്ക് രണ്ട് തലയാണ് ഉള്ളത്. ദമാസ് കട്ടെ ദുജ്ലരുരി നിവാസിയായ ജയരമ ജോഗി എന്നയാളുടെ പശുവാണ് പ്രസവിച്ചത്. പശുക്കുട്ടിയുടെ തലകൾ ഒരു വശം ചേർന്ന് ഒട്ടിയ നിലയിലായിരുന്നു. എന്നാൽ മൂക്കും, വായും, ചെവിയും രണ്ടാണ്. പക്ഷേ കണ്ണുകൾ നാലെണ്ണമുണ്ട്. പശുക്കുട്ടിക്ക് ഒരേ സമയം ഇരുവശത്തേയും കാഴ്ചകൾ കാണാൻ സാധിക്കും. എന്നാല് മധ്യത്തിലുള്ള കണ്ണുകള്ക്ക് കാര്യമായ കാഴ്ചയില്ലെന്നും അതേസമയം ഇരുവശങ്ങളിലുമുള്ള കണ്ണുകള് സാധാരണ പോലെ പ്രവര്ത്തിക്കുന്നെന്നും റിപ്പോര്ട്ടുകള് പറയുന്നു. തലയുടെ അമിതഭാരം കാരണം പശുക്കുട്ടിക്ക് നാല് കാലിൽ എഴുന്നേറ്റ് നിൽക്കാൻ ബുദ്ധിമുട്ടാണ്. പശുക്കിടാവിനെ പരിശോധിച്ച മൃഗഡോക്ടർമാര് അവന് ആരോഗ്യവാനാണെന്ന് അറിയിച്ചു. എന്നാൽ ഈ പശുവിന്റെ ഭാവി ജീവിതം ആരോഗ്യമുള്ളതായിരിക്കുമോ എന്ന കാര്യത്തിൽ മൃഗഡോക്ടർ സംശയം പ്രകടിപ്പിച്ചു. എത്ര നന്നായി പരിപാലിക്കപ്പെടുന്നു എന്നതിനെ ആശ്രയിച്ചിരിക്കും പശുക്കിടാവിന്റെ മുന്നോട്ടുള്ള…
Read MoreCategory: Today’S Special
പിറന്നാൾ ദിനത്തിൽ ഒറ്റയ്ക്ക് റെസ്റ്റോറന്റിലിരുന്ന് ഭക്ഷണം കഴിച്ച് യുവാവ്, തുടർന്ന് ജീവനക്കാർ ചെയ്തതിങ്ങനെ…
ഹൃദയസ്പർശിയായ നിരവധി വീഡിയോകൾ സോഷ്യൽ മീഡിയയിൽ വൈറലാണ്. എന്തെങ്കിലും സങ്കടമോ വിഷമവോ ഉണ്ടാകുമ്പോൾ ഒറ്റപ്പെട്ട സ്ഥലങ്ങളിൽ ആളുകൾ ഇരിക്കാറുണ്ട്. അത്തരത്തിലൊരു വീഡിയോയാണ് സോഷ്യൽ മീഡിയയിൽ ഇപ്പോൾ ശ്രദ്ധ നേടുന്നത്. ആളുകൾ പുതിയ നഗരത്തിൽ തനിച്ചാവുന്നതും അവരുടെ പ്രത്യേക ദിവസം ആഘോഷിക്കാൻ ആരുമില്ലാത്തതുമായ സംഭവങ്ങൾ പലപ്പോഴും സംഭവിക്കാറുമുണ്ട്. ഈ വീഡിയോയിൽ ഇത്തരത്തിൽ ഒരു യുവാവ് റസ്റ്റോറന്റിൽ ഇരിക്കുന്നത് കാണാം. ഓർഡർ ചെയ്ത് ലഭിച്ച പെസ്ട്രി ടേബിളിൽ എത്തിയതിന് ശേഷം അയാൾ തന്റെ സുഹൃത്തുക്കളെ വീഡിയോ കോൾ ചെയ്യുകയാണ്. ഇതിനിടെ പെസ്ട്രിയിൽ മെഴുകുതിരി കത്തിക്കുന്നു. പിറന്നാൾ ആഘോഷത്തിന്റെതെന്ന് തോന്നുന്ന വിധത്തിലുള്ള കാര്യങ്ങളാണ് അവിടെ നടന്നത്. റെസ്റ്റോറന്റിലെ കൗണ്ടറിലിരിക്കുന്ന ജീവനക്കാർ ഇതൊക്കെ ശ്രദ്ധിക്കുന്നുമുണ്ട്. തൊട്ടുപിന്നാലെ വലിയൊരു കേക്ക് അവർ കൊണ്ടുവരികയും അതിൽ മെഴുകുതിരി കത്തിച്ച് അയാൾക്ക് നൽകുകയും ചെയ്യുന്നു. അവർ കൈകൊട്ടി ആഘോഷിച്ച് ആശംസകൾ നേരുന്നുണ്ട്. തുടർന്ന് അയാൾ അവരെ ആലിംഗനം…
Read Moreമിസ് ഇന്ത്യ വേൾഡ് വൈഡ് കിരീടം ചൂടി ധ്രുവി പട്ടേൽ
വാഷിംഗ്ടണ്: ഈ വർഷത്തെ മിസ് ഇന്ത്യ വേൾഡ് വൈഡ് കിരീടം ധ്രുവി പട്ടേൽ സ്വന്തമാക്കി. അമേരിക്കയിൽ കംപ്യൂട്ടർ ഇൻഫർമേഷൻ സിസ്റ്റം വിദ്യാർഥിനിയാണ് ധ്രുവി. ന്യൂയോർക്ക് ആസ്ഥാനമായുള്ള ഇന്ത്യ ഫെസ്റ്റിവൽ കമ്മിറ്റിയാണ് സൗന്ദര്യ മത്സരം സംഘടിപ്പിച്ചത്. ന്യൂജേഴ്സിയിലെ എഡിസണിൽ നടന്ന ചടങ്ങിൽ ധ്രുവിയെ 2024ലെ മിസ് ഇന്ത്യ വേൾഡ് വൈഡ് കിരീടം അണിയിച്ചു. ബോളിവുഡ് നടിയും യുണിസെഫ് അംബാസഡറുമാകാനാണ് ആഗ്രഹമെന്ന് ധ്രുവി പട്ടേൽ പറഞ്ഞു. സുരിനാമിൽനിന്നുള്ള ലിസ അബ്ദുൽഹക്ക് ഫസ്റ്റ് റണ്ണറപ്പായപ്പോൾ നെതർലൻഡിൽനിന്നുള്ള മാളവിക ശർമ രണ്ടാം റണ്ണറപ്പായി. മിസിസ് വിഭാഗത്തിൽ ട്രിനിഡാഡ് ആൻഡ് ടൊബാഗോയിൽനിന്നുള്ള സുആൻ മൗട്ടെറ്റ് വിജയിയായി. ബ്രിട്ടനിൽനിന്നുള്ള സ്നേഹ നമ്പ്യാർ ആണ് ഫസ്റ്റ് റണ്ണറപ്പ്. പവൻദീപ് കൗർ സെക്കൻഡ് റണ്ണറപ്പായി.
Read Moreഎന്തൊക്കെ കാണണം…? ‘മത്തി’ കൊണ്ടുള്ള വസ്ത്രം ധരിച്ച് ഫാഷൻഷോ
പുതിയ വസ്ത്രങ്ങളും മറ്റും പരിചയപ്പെടുത്താൻ ഫാഷൻഷോകൾ നടത്തുന്നത് പതിവാണ്. ഇവയ്ക്കായി മുഴുവൻസമയ ചാനലുകൾതന്നെയുണ്ട്. ഫാഷൻ വസ്ത്രങ്ങൾ അണിഞ്ഞ് പ്രത്യേക പാദചലനങ്ങളോടെ ക്യാറ്റ് വാക്ക് നടത്തിയാണു മോഡലുകൾ വേദിയിലെത്തുന്നത്. വ്യത്യസ്തതയ്ക്കു വേണ്ടി ഇലകളും പേപ്പറും ചാക്കുമൊക്കെ ഉപയോഗിച്ചുള്ള വസ്ത്രങ്ങൾ ധരിച്ച് പ്രത്യക്ഷപ്പെടുന്നവരും ഇവരിലുണ്ട്. ഗോ ഫിഷിംഗ് ഇന്തോനേഷ്യ എന്ന സമൂഹമാധ്യമ അക്കൗണ്ടിലൂടെ പങ്കുവയ്ക്കപ്പെട്ട ഒരു ഫാഷൻ വീഡിയോ ഇപ്പോൾ ചർച്ചയായിരിക്കുകയാണ്. നേര്ത്ത കമ്പിയില് അനവധി മത്തികൾ കോര്ത്തെടുത്തുള്ള വസ്ത്രം ധരിച്ച് തെരുവിലൂടെ നടക്കുന്ന യുവാവാണു വീഡിയോയിലുള്ളത്. നെഞ്ച് മുതല് മുട്ടോളം എത്തുന്ന തരത്തിലാണ് കമ്പിയില് മത്തി കോര്ത്തിട്ടിരിക്കുന്നത്. കഴുത്തില് മത്സ്യങ്ങള് കോർത്ത് നിര്മിച്ച ഒരു മാലയും കൈയില് വലിയൊരു മത്സ്യത്തെ കമ്പിയില് കോര്ത്തുണ്ടാക്കിയ ഹാൻഡ് ബാഗുമുണ്ട്. 51 ലക്ഷം പേരാണ് ഈ വീഡിയോ ഇതിനകം കണ്ടത്. നിരവധി പേര് വീഡിയോയ്ക്ക് താഴെ കുറിപ്പുകളെഴുതി. “അസംബന്ധം’ എന്നായിരുന്നു ഒരാളുടെ കുറിപ്പ്.…
Read Moreഅമ്പോ എന്തൊരു കൊമ്പ്…! പശുവിന്റെ വീഡിയോ വൈറൽ
ഒരു സൈക്കിളിസ്റ്റിന്റെ ഹെൽമറ്റില് ഘടിപ്പിച്ച കാമറയിൽ പതിഞ്ഞ ഒരു പശു സോഷ്യൽ മീഡിയയിൽ താരമായി. ഏഴടിയോളം നീളം വരുന്ന വന്പൻ കൊന്പാണു പശു വൈറലാകാൻ കാരണം. പുബിറ്റി എന്ന എന്ന ഇന്സ്റ്റാഗ്രാം അക്കൗണ്ടില്നിന്നാണ് വീഡിയോ പങ്കുവയ്ക്കപ്പെട്ടത്. വീഡിയോയുടെ തുടക്കത്തില് കാട്ടിലൂടെയുള്ള ഒറ്റയടി പാതയിലൂടെ സൈക്കിളിസ്റ്റ് പോകുന്നത് കാണാം. അതിവേഗതയില് കടന്നുപോകുന്നതിനിടെ പെട്ടെന്ന് നീണ്ട കൊമ്പുകളുള്ള ഒരു പശുവിന്റെ മുന്നിലെത്തുന്നു. ഇതോടെ നിയന്ത്രണം നഷ്ടപ്പെട്ടു സൈക്കിളിസ്റ്റ് നിലംപതിക്കുന്നു. ഈ വീഡിയോ പോസ്റ്റ് ചെയ്തതോടെ പശുവിനെക്കുറിച്ചായിരുന്നു പ്രധാന ചർച്ച. നീളമുള്ള കൊമ്പുകൾക്കു പേരുകേട്ട “ലോംഗ്ഹോൺ’ ഇനത്തിൽപ്പെട്ട പശുവാണിതെന്നു ചിലർ വീഡിയോയക്ക് ചുവടെ കുറിച്ചു. സ്പെയിന് ആണ് ഈ പശുക്കളുടെ സ്വദേശം. ആദ്യകാല കുടിയേറ്റക്കാരാണ് ഇവയെ അമേരിക്കയില് എത്തിച്ചത്. കഠിനമായ കാലാവസ്ഥകള്ക്ക് യോജിച്ച ഇവയ്ക്കു വലിയ കൊന്പാണെങ്കിലും മാംസം കുറവാണത്രെ. 20 മണിക്കൂറിനുള്ളില് നാലര ലക്ഷത്തിനുമേൽ ആളുകളാണു വീഡിയോ കണ്ട് ലൈക്കടിച്ചത്.
Read Moreനായ്ക്കളുടെ നിർത്താതെയുള്ള കുര; പുറത്തിറങ്ങി നോക്കിയ നാട്ടുകാർ കണ്ടത് കൂറ്റൻ മുതലയെ; ദൃശ്യങ്ങൾ സോഷ്യൽ മീഡിയയിൽ വൈറൽ
കാൺപുർ: നായ്ക്കളുടെ നിർത്താതെയുള്ള കുര കേട്ടാണു ഗ്രാമത്തിൽ മുതല ഇറങ്ങിയ വിവരം നാട്ടുകാർ അറിഞ്ഞത്. കൂറ്റൻ മുതലയെ നാട്ടിൽ കണ്ടതോടെ എന്തു ചെയ്യണമെന്നറിയാതെ ആളുകൾ പരിഭ്രാന്തരായി. എന്നാൽ മുതല ആക്രമണത്തിനു തുനിഞ്ഞതോടെ നാട്ടുകാർ പിന്നെ മടിച്ചുനിന്നില്ല. അവർ സംഘടിച്ച് മുതലയെ പിടികൂടി കയർകൊണ്ടു കെട്ടിവരിഞ്ഞു ബന്ധനത്തിലാക്കി. ഉത്തർപ്രദേശിലെ കാൺപുരിൽ സംഭർപുർ ഗ്രാമത്തിലാണു സംഭവം. മുതല ഗ്രാമത്തിലൂടെ നടക്കുന്നതിന്റെയും നാട്ടുകാർ ചേർന്നു പിടികൂടുന്നതിന്റെയും വീഡിയോ എക്സിൽ തരംഗമായി മാറി. ആയിരക്കണക്കിന് ആളുകളാണ് വീഡിയോ കണ്ടത്. സമീപത്തുള്ള ഗംഗാനദിയിൽനിന്നാണു മുതല ഗ്രാമത്തിലേക്ക് കടന്നതെന്നാണ് റിപ്പോർട്ട്. നാട്ടുകാർ പിടികൂടിയ മുതലയെ പിന്നീട് വനംവകുപ്പ് അധികൃതരെത്തി കൊണ്ടുപോയി.
Read Moreതക്കാളി കൃഷി നഷ്ടമായി; കടം വീട്ടാൻ മോഷ്ടിച്ചത് 57 ലാപ്ടോപ്പുകൾ; മുൻ ഐടി ജീവനക്കാരൻ പിടിയിൽ
ബംഗളൂരു: ബാങ്ക് വായ്പയെടുത്തു തക്കാളി കൃഷി നടത്തി നഷ്ടത്തിലായതോടെ കടം വീട്ടാൻ ലാപ്ടോപ്പുകൾ മോഷ്ടിച്ച് വിറ്റ മുൻ ഐടി ജീവനക്കാരൻ പിടിയിൽ. ഹൊസൂർ സ്വദേശി മുരുകേഷ് ആണ് അറസ്റ്റിലായത്. ഹൊസൂരിലെ ആറേക്കർ സ്ഥലത്ത് മുരുകേഷ് തക്കാളി കൃഷി നടത്തിയിരുന്നു. വിളനാശത്തെ തുടർന്ന് വൻ സാമ്പത്തികനഷ്ടം സംഭവിച്ചു. വായ്പ തിരിച്ചടയ്ക്കാത്തതിനെത്തുടർന്ന് ബാങ്ക് നിയമനടപടി സ്വീകരിക്കുമെന്ന് അറിയിച്ചതോടെ ജോലിചെയ്തിരുന്ന സ്ഥാപനത്തിലെ ലാപ്ടോപ്പുകൾ മോഷ്ടിക്കാൻ ഇയാൾ തീരുമാനിക്കുകയായിരുന്നു. സിസ്റ്റം അഡ്മിനിസ്ട്രേറ്ററായിരുന്ന ഇയാൾ 57 ലാപ്ടോപ്പുകളാണ് ഓഫീസിൽനിന്നു മോഷ്ടിച്ചത്. കഴിഞ്ഞ ഫെബ്രുവരി മുതൽ മോഷണം തുടങ്ങി. ഓഗസ്റ്റ് അവസാനത്തോടെ മുരുകേഷ് കമ്പനിയിൽനിന്നു രാജിവയ്ക്കുകയും ചെയ്തു. ഈ മാസമാണ് ലാപ്ടോപ്പുകൾ നഷ്ടമായതിനെക്കുറിച്ച് ഓഫീസ് അധികൃതർ മനസിലാക്കിയത്. തുടർന്ന് സിസിടിവികൾ പരിശോധിച്ചപ്പോൾ മോഷ്ടാവ് മുൻ ജീവനക്കാരനാണെന്നു മനസിലായി. ഹൊസൂരിലെ കടയിൽ വിറ്റതടക്കം 50 ലാപ്ടോപ്പുകൾ പോലീസ് കണ്ടെടുത്തു.
Read Moreഎങ്ങനെ പോകും..! കരയിലും കുരുക്ക്; വെള്ളത്തിലും…
കുമരകം: വിനോദസഞ്ചാരകേന്ദ്രമായ കുമരകം വഴിയുള്ള യാത്ര ദുഷ്കരമായി മാറി. കോണത്താറ്റ് പാലത്തിന്റെ സമീപത്തെ താല്കാലിക റോഡിലൂടെയുള്ള ഗതാഗതനിയന്ത്രണം മൂലം റോഡുമാർഗമുള്ള യാത്ര തടസപ്പെട്ടിരിക്കുകയാണ്. മണിക്കൂറുകൾ കാത്തു കിടന്നാലെ പാലത്തിന്റെ സമീപത്തെ റോഡിൽക്കൂടി മറുകര എത്താനാകൂ. പ്രവേശനപാതയ്ക്കായി പൈലിംഗ് ജോലികൾ നടക്കുന്നതിനാലാണ് ഇന്നലെ മുതൽ വൺവേയായി ഗതാഗത നിയന്ത്രണം ഏർപ്പെടുത്തിയിരിക്കുന്നത്. പൈലിംഗ് നടത്തുന്നതിനു സമീപത്തുള്ള ട്രാൻസ്ഫോർമർ ഇതുവരെ മാറ്റി സ്ഥാപിക്കാത്തതാണു ഗതാഗതക്കുരുക്കു വർധിക്കാൻ പ്രധാന കാരണം. റോഡു മാർഗമുള്ള യാത്ര ദുഷ്കരമായതിനാൽ ജലമാർഗം തെരഞ്ഞെടുക്കാനും സഞ്ചാരികൾക്ക് കഴിയാതായിരിക്കുകയാണ്. ജലാശയങ്ങൾ പൂർണമായും ജർമൻ പോള കൈയടക്കിയിരിക്കുകയാണ്.
Read Moreആരാണ് മാറ്റം ആഗ്രഹിക്കാത്തത്: കെഎസ്ആർടിസി ബസില് സ്ഥലപ്പേരുകള്ക്ക് കോഡുകളായി
കോട്ടയം: ഇനി കെഎസ്ആര്ടിസി ബസുകളുടെ റൂട്ട് ബോര്ഡ് വായിച്ചു ബുദ്ധിമുട്ടേണ്ടി വരില്ല. കെഎസ്ആര്ടിസി ബസില് സ്ഥലപ്പേരുകള്ക്ക് കോഡുകള് നല്കിത്തുടങ്ങി. അക്കങ്ങള് ഉള്പ്പെടുത്തിയ സ്ഥലനാമ ബോര്ഡുകള് ജില്ലയിലെ എല്ലാ ഡിപ്പോകളിലെയും ബസുകളില് സ്ഥാനം പിടിച്ചു തുടങ്ങി. ഡിപ്പോകളിലെ മെക്കാനിക്കല് വിഭാഗത്തിലെ പെയിന്ററാണ് ബോര്ഡുകള് തയാറാക്കുന്നത്. കോഡ് നമ്പര് വന്നതോടെ അന്തര് സംസ്ഥാന യാത്രക്കാര്ക്കും ടൂറിസ്റ്റുകള്ക്കും എളുപ്പത്തില് സ്ഥലങ്ങള് മനസിലാക്കാന് സാധിക്കും. കേരളത്തിനു പുറത്ത് സ്റ്റേറ്റ് കോഡുകളും 100 മുതല് 199 വരെ ജില്ലയിലെ പ്രധാന സ്ഥലങ്ങള്ക്കും ഒന്നു മുതല് 14 വരെയുള്ള നമ്പറുകള് ജില്ലകള്ക്കുമാണ് നല്കുക. കോട്ടയം ജില്ലയെ സൂചിപ്പിക്കുന്നതിന് kt-5 ജില്ല കോഡാണ് നല്കുക. ഒന്നിലധികം ജില്ലകളില് ഓപ്പറേറ്റ് ചെയ്യുന്ന ബസുകളില് നമ്പറിനോടൊപ്പം ജില്ലാ കോഡ് കൂടി ചേര്ക്കുന്നത്. കോട്ടയം-5, തൊടുപുഴ-64, ഈരാറ്റുപേട്ട-54, മൂവാറ്റുപുഴ-67, കുമളി-60, ചേര്ത്തല-49, വൈക്കം-56, വൈറ്റില- 7എ , പൊന്കുന്നം-49, എരുമേലി-59, തിരുവല്ല-51,…
Read Moreഓൺലൈൻ ക്ലാസിനിടയിൽ അധ്യാപികയോട് വിദ്യാർഥിയുടെ പ്രണയാഭ്യർഥന; നാണക്കേട് എന്ന് സോഷ്യൽ മീഡിയ
ഓൺലൈൻ ക്ലാസിൽ അധ്യാപകനോട് വിവാഹാഭ്യർഥന നടത്തിയ വിദ്യാർഥിയാണ് സോഷ്യൽ മീഡിയയിൽ ഇപ്പോൾ ശ്രദ്ധ നേടുന്നത്. വൈറൽ വീഡിയോയിൽ തന്നെ വിവാഹം കഴിക്കാൻ അധ്യാപികയോട് വിദ്യാർഥി ആവശ്യപ്പെടുകയാണ്. അധ്യാപിക വിവാഹിതയാണോ എന്ന് വിദ്യാർഥി ചോദിക്കുന്നു. അല്ല എന്ന് അധ്യാപിക പറഞ്ഞതോടെ‘എങ്കിൽ ഞാൻ നിന്നെ സ്നേഹിക്കുന്നു, മാഡം’ എന്ന് വിദ്യാർഥി പറയുന്നു. ടീച്ചർ സംയമനം പാലിച്ചുകൊണ്ട് മാന്യമായി പറഞ്ഞു ‘ഞാൻ നിങ്ങളെ എല്ലാവരെയും സ്നേഹിക്കുന്നു’. അധ്യാപികയെ പാതിവഴിയിൽ തടസപ്പെടുത്തി അയാൾ തുടർന്നു ചോദിച്ചു ‘നിങ്ങൾ എന്നെ വിവാഹം കഴിക്കുമോ?’ tv1India-യുടെ ഇൻസ്റ്റാഗ്രാം ഹാൻഡിൽ പങ്കിട്ട വീഡിയോയ്ക്ക് ഓൺലൈനിൽ വളരെ വേഗം ശ്രദ്ധ പിടിച്ചുപറ്റി. “ലജ്ജാകരം, അനുചിതം, ഇത് നിങ്ങൾക്ക് നാണക്കേടല്ല?’ എന്നിങ്ങനെയുള്ള കമന്റുകളാണ് വന്നത്. ‘അവർ ടീച്ചറുടെ മുഖമാണ് കാണിക്കുന്നത്, അത് ചെയ്യുന്ന ആൺകുട്ടികളല്ല!’ എന്നുള്ള കമന്റും വീഡിയോയ്ക്ക് ലഭിച്ചു. ‘ഈ കുട്ടികൾ ഇത് രസകരമാണെന്ന് കരുതുന്നു, ഈ വിദ്യാർത്ഥികളും…
Read More