ടെൽ അവീവ്: മ്യൂസിയങ്ങളിൽ സൂക്ഷിച്ചിരിക്കുന്ന പുരാവസ്തുക്കൾക്കു മുന്നിൽ “എന്നെ തൊടരുത്’ എന്ന ബോർഡ് സർവസാധാരണമായി കാണാം. ചിലപ്പോൾ ഗ്ലാസ് ഫ്രെയിം ഉപയോഗിച്ച് സംരക്ഷിച്ചിട്ടുണ്ടാകാം. അമൂല്യമായ വസ്തുക്കളാണെങ്കിൽ അവിടെ പ്രത്യേക കാവൽക്കാരുമുണ്ടാകും. കഴിഞ്ഞദിവസം, ഇസ്രയേൽ ഹൈഫയിലെ ഹെക്ട് മ്യൂസിയത്തിൽ അമൂല്യമായ ഒരു പുരാവസ്തു സന്ദർശകരിലൊരാൾ തകർത്തു. 3,500 വർഷം പഴക്കമുള്ള ഭരണിയാണു തകർത്തത്. പാഞ്ഞെത്തിയ മ്യൂസിയം അധികൃതർ ചിരിച്ചുകൊണ്ടു നിൽക്കുന്ന പ്രതിയെ കണ്ട് എന്തു ചെയ്യണമെന്നറിയാതെ കുഴങ്ങി. പ്രതിയുടെ പ്രായമായിരുന്നു പ്രശ്നം. കഷ്ടിച്ച് നാലു വയസുള്ള ബാലനായിരുന്നു ഭരണി തകർത്തതിന്റെ ഉത്തരവാദി. കുട്ടി തന്റെ അച്ഛനൊപ്പം മ്യൂസിയത്തിലൂടെ നടക്കവേ വലിയ ഭരണികളിൽ കൗതുകം തോന്നി തൊട്ടുനോക്കുകയായിരുന്നു. അതിനിടെ സ്റ്റാൻഡിൽനിന്നു ഭരണി നിലത്തുവീണു ചിന്നഭിന്നമായി. സംഭവത്തിൽ മ്യൂസിയം അധികൃതർ കുട്ടിയോടു കയർക്കുകയോ, പിഴ വിധിക്കുകയോ ചെയ്തില്ല. ഭയപ്പെടേണ്ട, ചിലപ്പോൾ ഇതുപോലുള്ള കാര്യങ്ങളും സംഭവിക്കുമെന്നും തങ്ങൾ ഇതു ശരിയാക്കി തിരികെവയ്ക്കുമെന്നും മ്യൂസിയം…
Read MoreCategory: Today’S Special
ഇതൊക്കെ എങ്ങനെ സാധിക്കുന്നെടാ ഉവ്വേ … ജപ്പാൻ യുവാവിന്റെ ഉറക്കം ദിവസം 30 മിനിറ്റ്!
ടോക്കിയോ: ജപ്പാൻകാരനായ ഒരു യുവാവിന്റെ ഉറക്കത്തെക്കുറിച്ച് അറിഞ്ഞാൽ അതിശയിച്ചു പോകും. ഒരോ ദിവസവും ഇയാൾ ഉറങ്ങുന്നത് 30 മിനിറ്റ് മുതൽ 45 മിനിറ്റ് വരെ മാത്രം. 12 വർഷമായി ഇതാണ് സ്ഥിതി. പടിഞ്ഞാറൻ ജപ്പാനിലെ ഹ്യോഗോ സ്വദേശിയായ ഡെയ്സുകെ ഹോറി എന്ന നാൽപ്പതുകാരനാണ് ഈ വിചിത്ര ഉറക്കശീലത്തിനുടമ. മിനിറ്റുകൾ മാത്രം ദൈർഘ്യമുള്ള ഉറക്കം ജനനവൈകല്യമല്ല. വർഷങ്ങളായുള്ള പരിശീലനത്തിന്റെ ഭാഗമായി ഹോറി സ്വായത്തമാക്കിയതാണ്. ഹ്രസ്വമായ ഉറക്കശീലം ആരോഗ്യത്തെ പ്രതികൂലമായി ബാധിച്ചിട്ടില്ലെന്നും വാസ്തവത്തിൽ അതു ജോലിയിലും വ്യക്തിജീവിതത്തിലും സഹായകമായെന്നും മികച്ച സംരംഭകൻ കൂടിയായ ഹോറി പറയുന്നു. എത്ര മണിക്കൂർ ഉറങ്ങിയെന്നല്ല, ഉറക്കത്തിന്റെ ഗുണനിലവാരമാണു പ്രധാനമെന്നും ഹോറി വ്യക്തമാക്കി. ജപ്പാനിൽ നടന്ന ഒരു റിയാലിറ്റി ഷോയിൽ പങ്കെടുത്ത ഹോറി ദിവസം 26 മിനിറ്റ് മാത്രമാണ് ഉറങ്ങിയത്. ഉണർന്നെഴുന്നറ്റ ഹോറി ആരോഗ്യവാനായി പെരുമാറുകയും തന്റെ പ്രവർത്തനങ്ങളിൽ മുഴുകുകയും ചെയ്തു. കുറഞ്ഞ ഉറക്കമുള്ളവരുടെ കൂട്ടായ്മയായ…
Read Moreകയ്യടിക്കെടാ മക്കളേ… ചെത്തിപ്പുഴ ആശുപത്രിയില് റോബോട്ടിക് സര്ജറിയില് മുട്ടുമാറ്റിവയ്ക്കല് വിജയകരം
അത്യാധുനിക റോബോട്ടിക് സാങ്കേതിക വിദ്യയുടെ സഹായത്തോടെ നടത്തിയ മുട്ടുമാറ്റിവയ്ക്കല് ശസ്ത്രക്രിയ ചെത്തിപ്പുഴ സെന്റ് തോമസ് ഹോസ്പിറ്റലില് വിജയകരം. ശസ്ത്രക്രിയയ്ക്ക് ചെത്തിപ്പുഴ സെന്റ് തോമസ് ഹോസ്പിറ്റല് ചീഫ് ആര്ത്രോപ്ലാസ്റ്റി സര്ജന് ഡോ. മാത്യു പുതിയിടം, ഓര്ത്തോപീഡിക്സ് ആൻഡ് സ്പോര്ട്സ് മെഡിസിന് വിഭാഗം മേധാവി ഡോ. അഭിജിത്ത് രാധാകൃഷ്ണ കൈമള്, ഓര്ത്തോപീഡിക് സര്ജന് ഡോ. ജിന്നി ജോണ്, അനസ്തേഷ്യ വിഭാഗം മേധാവി ഡോ. കുക്കൂ ജോണ് എന്നിവര് നേതൃത്വം നല്കി. അത്യാധുനിക റോബട്ടിക് സാങ്കേതിക വിദ്യയുടെ സഹായത്തോടെയുള്ള ശസ്ത്രക്രിയകള് കൃത്യതയും വേഗതയും ദ്രുതഗതിയിലുള്ള രോഗീ സൗഖ്യവും പ്രധാനം ചെയ്യുന്നു. അന്താരാഷ്ട്ര നിലവാരമുള്ള അസ്ഥി രോഗ ചികിത്സാ വിഭാഗത്തില് അഞ്ച് സ്പെഷിലിസ്റ്റ് ഡോക്ടേഴ്സിന്റെ സേവനം ചെത്തിപ്പുഴ ആശുപത്രിയില് ലഭ്യമാണ്. എല്ലാത്തരം ശസ്ത്രക്രിയകള്ക്കും 24 മണിക്കൂര് സുസജ്ജമായ എട്ട് ലാമിനാര് ഫ്ളോ ഓപ്പറേഷന് തിയറ്ററുകളും അത്യാധുനിക ഉപകരണങ്ങളും പൂര്ണ്ണസജ്ജമെന്ന് ഹോസ്പിറ്റല് എക്സിക്യൂട്ടീവ് ഡയറക്ടര്…
Read Moreഓണത്തപ്പനെഴുന്നെള്ളും നേരത്തൊരു താലപ്പൊലി… അറിയാം തൃക്കാക്കരയപ്പനെക്കുറിച്ച്
ഓണപ്പൂക്കളത്തിനൊപ്പം ആചാരത്തോടെ പ്രതിഷ്ഠിക്കുന്ന പിരമിഡ് ആകൃതിയിലുള്ള മണ്ശില്പമാണ് ഓണത്തപ്പന്. തൃക്കാക്കരയപ്പന് എന്നും ഇതിനു വിളിപ്പേരുണ്ട്. കളിമണ്ണ് കൊണ്ടോ ചെളി കൊണ്ടോ ഉണ്ടാക്കിയ ഓണത്തപ്പന് നാലു മുഖവും പരന്ന മേല്ഭാഗവും ഉള്ള ഒരു ചെറിയ ഘടനയാണ്. എറണാകുളം ജില്ലയിലെ തൃക്കാക്കര ക്ഷേത്രത്തിലെ പ്രധാന പ്രതിഷ്ഠയാണ് തൃക്കാക്കരയപ്പന്. ചരിത്രമനുസരിച്ച്, മഹാബലി രാജാവിനെ തൃക്കാക്കരയില്നിന്നാണ് പാതാളത്തിലേക്ക് അയച്ചതെന്ന് വിശ്വസിക്കപ്പെടുന്നു. വിശുദ്ധ പാദങ്ങള് എന്നര്ഥം വരുന്ന തിരുകാല്കര എന്ന വാക്കില് നിന്നാണ് തൃക്കാക്കര എന്ന പേര് ഉത്ഭവിച്ചതെന്നാണ് വിശ്വാസം. തൃക്കാക്കര അമ്പലത്തില് ഉത്സവത്തിന് പോകാന് കഴിയാത്തവര് വീടുകളില് തൃക്കാക്കരയപ്പനെ പ്രതിഷ്ഠിച്ച് ആഘോഷങ്ങള് നടത്തണമെന്ന് കേരള ചക്രവര്ത്തിയായ പെരുമാള് കല്പ്പിച്ചതിനെത്തുടര്ന്നാണ് ഈ ആചാരം നിലവില് വന്നതെന്നാണ് മറ്റൊരു വിശ്വാസം. ഉത്രാട നാളില് ഓണത്തപ്പനെ അരിമാവ് അണിയിച്ച് ചെറിയ പീഠത്തില് ഇരുത്തി പൂക്കള് കൊണ്ട് അലങ്കരിക്കാറുണ്ട്. തൃക്കാക്കരയപ്പനൊപ്പം മഹാബലിയെയും കുടിയിരുത്തുന്നവരുണ്ട്. ഓണത്തപ്പനൊപ്പം, ഉരല്, ചിരവ, അരകല്ല്,…
Read Moreവെള്ളപ്പൊക്കവും ആഘോഷമാക്കി ഒരു കൂട്ടം ആളുകൾ: വൈറലായി വീഡിയോ
വെള്ളക്കെട്ടും വെള്ളപ്പൊക്കവുമെല്ലാം ജനജീവിതം ദുസഹമാക്കും. പുറത്തിറങ്ങാൻ പോലും കഴിയാതെ ആളുകൾ വീടുകളിലോ ദുരിതാശ്വാസ ക്യാന്പുകളിലോ ചുരുണ്ടു കൂടും. ഇതിനിടെ വലിയ ആഘോഷദിനങ്ങൾ വന്നാലും ആർക്കും സന്തോഷമുണ്ടാകില്ല. എന്നാൽ, പ്രളയത്തിൽ മുങ്ങിയ ഗുജറാത്തിലെ വഡോദര നഗരത്തിൽ ജന്മാഷ്ടമി ദിവസം കണ്ടത് ഇതിൽനിന്നു വേറിട്ട കാഴ്ചയാണ്. മുട്ടോളം വെള്ളത്തില് തെരുവിലിറങ്ങിയ യുവതീയുവാക്കള് ആവേശത്തോടെ ഗർബ നൃത്തം ചവിട്ടി. നർത്തകർക്ക് ആവേശം പകരാൻ വലിയ ശബ്ദത്തില് പാട്ടുകൾ. ബലൂണുകളും മറ്റും കെട്ടി തെരുവുകൾ അലങ്കരിച്ചിരുന്നു. ഇതിന്റെ വീഡിയോ സമൂഹ മാധ്യമങ്ങളില് പെട്ടെന്നുതന്നെ വൈറലായി. നർത്തകർ പാട്ടിനൊപ്പിച്ചു സ്വയം മറന്നു നൃത്തം ചെയ്യുന്നതു വീഡിയോയില് കാണാം. പ്രതികൂല സാഹചര്യങ്ങളിലും ഇത്തരം ആഘോഷങ്ങള് ആസ്വദിക്കാനും സന്തോഷിക്കാനുമുള്ള ആളുകളുടെ നിശ്ചയദാർഢ്യത്തെ സോഷ്യൽ മീഡിയ ആവോളം പ്രശംസിച്ചു.
Read Moreമുതലയെ മടിയിലിരുത്തി യുവാക്കൾ സ്കൂട്ടറിൽ..! കാഴ്ച കണ്ടവർ ഞെട്ടി; വൈറലായി വീഡിയോ
കൂറ്റൻ മുതലയുമായി സ്കൂട്ടറിൽ പോകുന്ന യുവാക്കളുടെ വീഡിയോ സോഷ്യല് മീഡിയയെ അക്ഷരാർഥത്തിൽ ഞെട്ടിച്ചിരിക്കുകയാണ്. സ്കൂട്ടറിന്റെ പുറകില് ഇരിക്കുന്ന ആളുടെ മടിയിലായിരുന്നു മുതല. മുതലയുടെ വായും കാലും കയറുകൊണ്ടു ബന്ധിച്ചിരുന്നു. ഒറ്റദിവസംകൊണ്ട് ആറ് ലക്ഷത്തിനടുത്ത് ആളുകളാണു വീഡിയോ കണ്ടത്. ഗുജറാത്തിൽ കഴിഞ്ഞദിവസങ്ങളിലുണ്ടായ കനത്ത പേമാരിയിൽ വഡോദര നഗരം വെള്ളക്കെട്ടിലായിരുന്നു. അതിനിടെ കരകവിഞ്ഞ വിശ്വാമിത്രി നദിയിൽനിന്നു മുതലകള് നഗരത്തിലെത്തി. അതിലൊന്നിനെ ഇന്ത്യൻ മെഡിക്കൽ അസോസിയേഷന്റെ (ഐഎംഎ) സന്നദ്ധ പ്രവര്ത്തകർ പിടികൂടി വനംവകുപ്പ് ഓഫീസിലേക്ക് കൊണ്ടുപോകുന്നതാണു വീഡിയോയിലുള്ളത്. വഡോദര നഗരത്തിലെ അകോട്ട സ്റ്റേഡിയത്തിനു സമീപത്തെ ഒരു വീടിന്റെ ടെറസിൽ ഒരു മുതല ഇരിക്കുന്ന വീഡിയോ നേരത്തെ സമൂഹ മാധ്യമങ്ങളിൽ വന്നിരുന്നു. വിശ്വാമിത്രി നദിയിൽ 440 മുതലകളുണ്ടെന്നാണു കണക്ക്. വെള്ളപ്പൊക്കത്തിൽ ജനവാസമേഖലകളിലെത്തിയ 24 മുതലകളെ പിടികൂടിയെന്നും ജലനിരപ്പ് കുറഞ്ഞാല് ഇവയെ നദിയിലേക്കുതന്നെ വിടുമെന്നും വനംവകുപ്പ് ഉദ്യോഗസ്ഥര് അറിയിച്ചു.
Read Moreകഠിനമായ വയറുവേദനയെത്തുടർന്ന് ആശുപത്രിയിലെത്തി: 27കാരിയുടെ വയറിൽ ആറ് മാസം പ്രായമുള്ള ‘സ്റ്റോൺ ബേബി’
വയറുവേദനയുമായി എത്തിയ 27 വയസുകാരിയുടെ ശരീരത്തിൽ ഡോക്ടർമാർ കണ്ടെത്തിയത് അപൂർവ പ്രതിഭാസം. 24 ആഴ്ച വളർച്ചയെത്തിയ ‘സ്റ്റോൺ ബേബിയെ’ ശസ്ത്രക്രിയയിലൂടെ വിജയകരമായി നീക്കം ചെയ്തു. ലോകത്ത് അപൂർവമായി മാത്രമാണ് വയറിനുള്ളിൽ സ്റ്റോൺ ബേബി രൂപപ്പെടുന്നത്. വയറ്റിനുള്ളിൽ വെച്ച് ജീവൻ നഷ്ടമാകുന്ന ഭ്രൂണം പിന്നീട് കാൽസ്യം നിക്ഷേപം സംഭവിച്ച് കല്ലിന് സമാനമാകുന്നതാണ് സ്റ്റോൺ ബേബി. കല്ലിന് സമാനമാകുന്ന ഭ്രൂണം ‘ലിത്തോപീഡിയൻ’ എന്നും അറിയപ്പെടുന്നു. ഗർഭത്തിന്റെ പതിനാലാം ആഴ്ച മുതൽ ഗർഭകാലത്തിന്റെ അവസാനം വരെയുള്ള ഏത് സമയത്തും ഇത്തരത്തിലുള്ള ഒരു പ്രതിഭാസത്തിന് സാധ്യതയുണ്ട്. വിശാഖപട്ടണം കിംഗ് ജോർജ് ആശുപത്രിയിലെ ഡോക്ടർമാരാണ് 27കാരിയുടെ ശരീരത്തിൽ നിന്ന് സ്റ്റോൺ ബേബിയെ നീക്കം ചെയ്തത്. ഇവർ കടുത്ത വയറുവേദനയെത്തുടർന്ന് ആശുപത്രിയിൽ എത്തുകയായിരുന്നു. ശസ്ത്രക്രിയയിലൂടെ നീക്കം ചെയ്യുകയായിരുന്നു. ഗർഭസ്ഥ ശിശുവിന്റെ നെഞ്ചിൻകൂട്, തലയോട്ടി, ഇടുപ്പെല്ല്, തോളെല്ല് തുടങ്ങിയവ നീക്കം ചെയ്തതായി ഡോക്ടർമാർ പറഞ്ഞു.
Read Moreസഞ്ചാരികളേ ഇതിലേ… ഇതിലേ… വടക്കേപ്പുഴ ടൂറിസം പദ്ധതി നവംബർ ഒന്നിന് തുടങ്ങും
മൂലമറ്റം: കുളമാവ് വടക്കേപ്പുഴ ഡൈവേർഷൻ പദ്ധതിയിൽ വിനോദ സഞ്ചാര സാധ്യത പ്രയോജനപ്പെടുത്തി പെഡൽ ബോട്ടിംഗ്, കയാക്കിംഗ് ഉൾപ്പെടെയുള്ള വിനോദ സൗകര്യങ്ങൾ ഏർപ്പെടുത്തി നവംബർ ഒന്നിന് പ്രവർത്തനം ആരംഭിക്കുമെന്ന് മന്ത്രി കെ. കൃഷ്ണൻകുട്ടി അറിയിച്ചു. മന്ത്രി റോഷി അഗസ്റ്റിന്റെ സാന്നിധ്യത്തിൽ മൂലമറ്റത്ത് ചേർന്ന അവലോകന യോഗത്തിലാണ് മന്ത്രി ഇക്കാര്യം അറിയിച്ചത്. ഹൈഡൽ ടൂറിസം മുഖേനയാണ് പദ്ധതിയുടെ നടത്തിപ്പ്. ഇടുക്കി ആർച്ച് ഡാമിലേക്കുള്ള വെള്ളം ക്രമീകരിച്ച് വേനൽകാലത്തും ജലം ഉറപ്പാക്കുന്നതിനു വേണ്ടിയാണ് കുളമാവ് ഡൈവേർഷൻ സ്കീം നടപ്പാക്കിയത്. ടൂറിസം പദ്ധതിയുടെ ഭാഗമായി ഇവിടുത്തെ ചെളി നീക്കി ആഴം ഉറപ്പാക്കും. ഇതോടനുബന്ധിച്ച് പാർക്കിംഗ് സൗകര്യം, കഫ്റ്റേരിയ തുടങ്ങിയ സൗകര്യങ്ങളും ഒരുക്കും. ഇടുക്കി ആർച്ച് ഡാമിനോടനുബന്ധിച്ച് ലേസർ ഷോ ഉൾപ്പെടെയുള്ള പദ്ധതികൾ നടപ്പാക്കുന്നത് യോഗം ചർച്ച ചെയ്തു. ജൽജീവൻ മിഷന്റെ ഭാഗമായി വൈദ്യുത വകുപ്പിന്റെ അധീനതയിൽ വരുന്ന വിവിധ സ്ഥലങ്ങളിൽ ജലശുദ്ധീകരണ പ്ലാന്റുകൾ…
Read Moreപോരുന്നോ ഞങ്ങളുടെ കൂടെ… കെഎസ്ആർടിസി ബജറ്റ് ടൂറിസം; അറബിക്കടൽ യാത്ര ആറിന്
കെഎസ്ആർടിസി ബജറ്റ് ടൂറിസം സെല്ലിന്റെ ആഭിമുഖ്യത്തിൽ കേരള ഇൻലാൻഡ് നാവിഗേഷൻ കോർപറേഷന്റെ ആഡംബര കപ്പലിൽ കടൽ യാത്ര ഒരുക്കും. 250 ലൈഫ് ജാക്കറ്റുകൾ, 400 പേർക്ക് കയറാവുന്ന ലൈഫ് റാഫ്റ്റുകൾ, രണ്ട് ലൈഫ് ബോട്ടുകൾ എന്നിവയും മൂന്നു നിലയുള്ള ഈ യാത്രാ കപ്പലിലുണ്ട്. രസകരമായ ഗെയിമുകളും കലാപരിപാടിയും തിയറ്ററും അപ്പർ ഡെക്കിൽനിന്ന് അറബിക്കടലിൽനിന്നുള്ള സൂര്യാസ്തമയവും കാണാൻ കഴിയുന്ന തരത്തിലാണ് അഞ്ചു മണിക്കുർ യാത്ര ഒരുക്കിയിരിക്കുന്നത്. ആദ്യം ബുക്ക് ചെയ്യുന്ന 50 പേർക്കാണ് അവസരം. കപ്പലിൽ ഒരുക്കുന്ന ഭക്ഷണം ഉൾപ്പെടെ ടിക്കറ്റ് നിരക്ക് 3,550 രൂപ. അഞ്ചു മുതൽ 10 വയസ് വരെയുള്ള കുട്ടികൾക്ക് 1,250 രൂപയാണ് ചാർജ്. ആറിന് ഉച്ചയ്ക്ക് 12.30ന് തൊടുപുഴയിൽനിന്നു യാത്ര പുറപ്പെടും. രാവിലെ 9.30 മുതൽ 4.30 വരെ തൊടുപുഴ ഡിപ്പോയിൽ ആധാർ കാർഡുമായി എത്തി സീറ്റുകൾ ബുക്ക് ചെയ്യാം. ഫോണ്: 83048…
Read Moreഅത്തം പത്തിനു തിരുവോണം: പൊന്നോണം വർണാഭമാക്കാൻ പൂവിപണി ഒരുങ്ങി
അത്തം പുലരുന്നതോടെ ഓണത്തിന്റെ വരവറിയിച്ച് ഇനി പൂക്കളങ്ങളൊരുങ്ങും. എന്നാൽ മലയാളിക്ക് പൂക്കളമൊരുക്കണമെങ്കിൽ ഇത്തവണയും അന്യസംസ്ഥാനത്തെ പൂപ്പാടങ്ങളിൽനിന്നു പൂക്കളെത്തണം. ഓണ വിപണി ലക്ഷ്യമിട്ട് അന്യസംസ്ഥാനങ്ങളിൽനിന്നു കേരളത്തിലേക്ക് പൂക്കൾ എത്തിത്തുടങ്ങി. തമിഴ്നാട്ടിലെ തോവാള, ശീലയം പെട്ടി എന്നിവിടങ്ങളിൽനിന്നാണ് ജില്ലയിലേക്ക് കൂടുതലായി പൂക്കളെത്തുന്നത്. ഇതിനു പുറമേ മധുരയിലെ മാട്ടുത്താവണി, കോയന്പത്തൂർ, കർണാടകയിലെ ഗുണ്ടൽപ്പെട്ട്, ഹൊസൂർ, ബംഗളുരു എന്നിവിടങ്ങളിലെ പൂപ്പാടങ്ങളിലും ഓണവിപണി കണക്കിലെടുത്ത് വൻതോതിൽ പൂക്കളുടെ കൃഷിയും വിപണനവും നടക്കുന്നുണ്ട്. വിവിധ തരത്തിലുള്ള പൂക്കളാണ് ഇവിടെ നൂറുകണക്കിന് ഏക്കർ സ്ഥലത്ത് കൃഷി ചെയ്യുന്നത്. ഇതിനു പുറമേ ഇവിടെ പ്രാദേശിക തലത്തിൽ കൃഷി ചെയ്യുന്ന പൂക്കളും ഇത്തവണ പൂക്കടകളിൽ വിൽപ്പനയ്ക്കെത്തുന്നുണ്ട്. നേരത്തേ തൊടികളിൽനിന്നു ധാരാളമായി ലഭിച്ചിരുന്ന നാടൻ പൂക്കൾ ഇപ്പോൾ കിട്ടാനില്ലാത്തതിനാൽ വില കൊടുത്തു വാങ്ങുന്ന പൂക്കളുപയോഗിച്ചാണ് പൂക്കളമൊരുക്കുന്നത്.
Read More