തിരുവനന്തപുരം: നവകേരള ബസിന്റെ അറ്റകുറ്റപ്പണികൾക്കായി ബംഗുളൂരുവിലേക്ക് മാറ്റി. സർവീസ് നടത്താൻ സാധിക്കാതെ ബസ് പണി തന്നത് വിവാദമായതോടെയാണ് നടപടി. പ്രകാശ് കോച്ച് ബിൽഡേഴ്സ് പ്രൈവറ്റ് ലിമിറ്റഡിലേക്കാണ് ബസ് മാറ്റിയത്. കോഴിക്കോട് റീജിയണൽ വർക് ഷോപ്പിലായിരുന്നു കഴിഞ്ഞ ഒരു മാസത്തിലധികമായി ബസ്. മേയ് അഞ്ച് മുതലാണ് കോഴിക്കോട് – ബംഗുളൂരു റൂട്ടിൽ ബസ് സർവീസ് തുടങ്ങിയത്. എന്നാൽ യാത്രക്കാരില്ലാതെ വന്നതോടെ ബസിന്റെ സർവീസ് മുടങ്ങി. ജൂലായ് 21നാണ് അവസാനമായി നവകേരള ബസ് സർവീസ് നടത്തിയത്. സംസ്ഥാന സർക്കാർ സംഘടിപ്പിച്ച നവകേരള സദസിൽ പങ്കെടുക്കാൻ മുഖ്യമന്ത്രി പിണറായി വിജയൻ അടക്കമുള്ള മന്ത്രിമാർ സഞ്ചരിച്ച ബസാണ് ഇത്. അതിനു ശേഷം കുറച്ച് മാറ്റങ്ങൾ വരുത്തി ബസ് നിരത്തിലിറക്കുകയായിരുന്നു. സര്വീസ് ഉദ്ഘാടനം ചെയ്ത വേളയില് കയറാന് ആള്ക്കാര് ഉണ്ടായിരുന്നെങ്കിലും പിന്നീട് സ്ഥിതി മാറി. യാത്രക്കാര് ഈ സര്വീസിനോട് മുഖം തിരിക്കുകയായിരുന്നു.
Read MoreCategory: Today’S Special
വാക്കുകൾ കൂട്ടിച്ചൊല്ലാൻ പഠിക്കുന്ന പ്രായത്തിൽ ഇന്ത്യൻ ബുക്ക് ഓഫ് റെക്കോർഡ്സിന്റെ ഐബിആർ അച്ചീവർ വിയാന് സ്വന്തം
തൃശൂർ: രണ്ടര വയസേയുള്ളുവെങ്കിലും വിയാൻ സാഗർ അക്ഷരാർത്ഥത്തിൽ വിജ്ഞാൻ സാഗറാണ്. ഈ കുഞ്ഞുപ്രായത്തിനുള്ളിൽ അവൻ നേടിയ അറിവിന് അംഗീകാരമായി ഇന്ത്യൻ ബുക്ക് ഓഫ് റെക്കോർഡ്സിന്റെ 2024ലെ ഐബിആർ അച്ചീവർ പുരസ്കാരം വിയാൻ സാഗറെ തേടിയെത്തുന്പോൾ അത് തൃശൂരിനും അഭിമാനമാകുന്നു. തൃശൂർ കൈപ്പറന്പ് പുറ്റേക്കര സ്വദേശിയായ ചാലകത്ത് വീട്ടിൽ സാഗർ – കൃഷ്ണ ദന്പതികളുടെ മകനായ വിയാൻ സാഗർ ഇപ്പോൾ തൃശൂരിനു മാത്രമല്ല കേരളത്തിനാകെ അഭിമാനമായി മാറിയിരിക്കുന്നു. വാക്കുകൾ കൂട്ടിച്ചൊല്ലാൻ പഠിക്കുന്ന പ്രായത്തിൽ വിയാൻ കണ്ടറിഞ്ഞു മനസിലാക്കി ഹൃദ്യസ്ഥമാക്കി പറയുന്നത് കേട്ടാൽ അത്ഭുതം തോന്നും. 11 തരം പ്രാണികൾ, 13 വാഹനങ്ങൾ ഒന്പതു തരം പഴങ്ങൾ, 32 മൃഗങ്ങൾ, 14 പക്ഷികൾ, ഏഴു രൂപങ്ങൾ, ഏഴു രാഷ്ട്രീയ നേതാക്കൾ, ശരീരത്തിലെ ഒന്പത് അവയവങ്ങൾ, ഒന്പതു ജലജീവികൾ, 18 ഭക്ഷ്യവസ്തുക്കൾ, ഒന്പത് ഉത്സവങ്ങൾ, ഏഴു ചിഹ്നങ്ങൾ, നാലു ഋതുക്കൾ എന്നിവയെല്ലാം…
Read Moreതട്ടിപ്പുകാരെ സൂക്ഷിക്കുക…15 വയസിൽ കൂടുതൽ പ്രായമില്ലാത്ത കുട്ടിയുമായെത്തി; വിവാഹത്തിന് സഹായമായി ചോദിച്ചത് 15000 രൂപ
വിവാഹ തട്ടിപ്പുമായി ബന്ധപ്പെട്ട വാർത്തകൾ ഇടയ്ക്കിടെ സോഷ്യൽ മീഡിയയിൽ പ്രത്യക്ഷപ്പെടാറുണ്ട്. ഇപ്പോഴിതാ പുതിയൊരു തരം വിവാഹ തട്ടിപ്പിനെ കുറിച്ച് റെഡ്ഡിറ്റിൽ ഒരു യുവാവ് പങ്കുവച്ച കുറിപ്പാണ് വൈറലാകുന്നത്. വിവാഹത്തിനാണെന്ന് പറഞ്ഞ് പ്രായപൂർത്തിയാകാത്ത കുട്ടിയുമായെത്തി 15000 രൂപ ചോദിച്ചെന്നാണ് യുവാവ് പറയുന്നത്. ഈ തട്ടിപ്പിൽ താൻ വീണില്ലെങ്കിലും പ്രായപൂർത്തിയാകാത്ത കുട്ടിയുമായെത്തി പണം ചോദിക്കുന്ന കാര്യം പോലീസിൽ അറിയിക്കണോ എന്നാണ് യുവാവ് ചോദിക്കുന്നത്. കുട്ടിയുമായി എത്തി പതിനായിരങ്ങൾ ആവശ്യപ്പെട്ടതിനാലാണ് തനിക്ക് സംശയം തോന്നിയതെന്നും യുവാവ് പറഞ്ഞു. ‘kvak95’ എന്ന റെഡ്ഡിറ്റ് ഉപയോക്താവാണ് തനിക്കുണ്ടായ അനുഭവം പങ്കുവച്ചത്. ‘ഒരു OTT പ്ലാറ്റ്ഫോമിൽ സിനിമ കണ്ടുകൊണ്ടിരിക്കുന്നതിനിടയിൽ ചെറുതായിട്ട് ഒന്നു മയങ്ങി. ഇതിനിടയിലാണ് വീട്ടിൽ കോളിംഗ് ബെല്ലും വാതിലിൽ തട്ടുന്ന ശബ്ദവും കേട്ടത്. പെട്ടെന്ന് വാതിൽ തുറന്നപ്പോൾ 40 വയസ് തോന്നിക്കുന്ന ഒരു സ്ത്രീ പതിനഞ്ച് വയസിനുള്ളിൽ പ്രായം തോന്നിക്കുന്ന പെൺകുട്ടിയുമായി വീട്ടിന്റെ മുന്നിൽ നിൽക്കുന്നതാണ്…
Read Moreപണി കിട്ടിയിട്ടും പഠിക്കാത്ത മലയാളി: ഓൺലൈൻ തട്ടിപ്പ്; നേവൽ ഉദ്യോഗസ്ഥന്റെ ഭാര്യയുടെ ഒന്നേമുക്കാൽ ലക്ഷം നഷ്ടമായി
പയ്യന്നൂർ: ഓൺലൈൻ തട്ടിപ്പിന്റെ വലയിൽ കുരുങ്ങി നേവൽ ഉദ്യോഗസ്ഥന്റെ ഭാര്യയുടെ ഒന്നേമുക്കാൽ ലക്ഷം രൂപ നഷ്ടമായി. നേവൽ അക്കാദമിയിലെ ലഫ്. കമാൻഡറുടെ മുപ്പത്തിരണ്ടുകാരിയായ ഭാര്യയാണ് തട്ടിപ്പിന്റെ കെണിയിൽപ്പെട്ടത്. യുവതി പയ്യന്നൂർ പോലീസിനു നൽകിയ പരാതിയിൽ മിന്ത്ര ഓൺലൈൻ കമ്പനിക്കെതിരേ കേസെടുത്തു. കഴിഞ്ഞ മാസം 28, 29നാണു പരാതിക്കാസ്പദമായ സംഭവം. വീട്ടിലിരുന്നും അധികവരുമാനം നേടാമെന്ന സന്ദേശമാണ് ഇവരെ കുടുക്കിലാക്കിയത്. സന്ദേശത്തിൽ പറഞ്ഞതു പ്രകാരം ജോലിക്കായി ഓൺലൈനിൽ അപേക്ഷ നൽകി. അംഗത്വം ലഭിക്കുന്നതിനുള്ള ഫീസുമടച്ചു. ഇതിനുശേഷമാണ് ഓൺലൈനിൽ പണം നിക്ഷേപിച്ചാൽ 10 മുതൽ 50 ശതമാനം വരെ കമ്മീഷൻ വാഗ്ദാനം ചെയ്തുള്ള സന്ദേശമെത്തിയത്. പിന്നീട് വന്നത് ഓരോരോ ടാസ്കുകളാണ്. ഇതെല്ലാം ചെയ്യുന്നതിനനുസരിച്ച് പ്രതികൾ പറഞ്ഞ അക്കൗണ്ടിലേക്ക് പണം പൊയ്ക്കൊണ്ടിരുന്നു. ഓരോ ടാസ്കും പിന്നിടുമ്പോഴുള്ള പ്രോത്സാഹനത്തിൽ മയങ്ങി പരാതിക്കാരിയുടെ അക്കൗണ്ടിൽ നിന്നും പരിധികഴിഞ്ഞതിനാൽ ഗൂഗിൾ പേ പോകാതെയായി. തുടർന്ന് ബന്ധുക്കളുടെയും ഭർത്താവിന്റെയും…
Read Moreക്ഷേത്രസ്ഥലത്ത് നാല് അസ്ഥികൂടങ്ങൾ, പഴക്കം 3,000 വർഷത്തിലധികം; സുപ്രധാന കണ്ടെത്തലെന്ന് ഗവേഷകർ
വടക്കൻ പെറുവിൽ പുരാതനകാലത്ത് ക്ഷേത്രം സ്ഥിതിചെയ്തിരുന്ന സ്ഥലത്തുനിന്നു 3,000 വർഷത്തിലേറെ പഴക്കമുള്ള നാല് അസ്ഥികൂടങ്ങൾ കണ്ടെത്തി. പെറുവിലെ നാഷണൽ യൂണിവേഴ്സിറ്റി ഓഫ് ട്രൂജില്ലോയിലെ പുരാവസ്തു ഗവേഷകരാണു നൂറ്റാണ്ടുകൾക്കു പിന്നിലേക്കു വെളിച്ചം വീശുന്ന സുപ്രധാന കണ്ടെത്തൽ നടത്തിയത്. വിരു പ്രവിശ്യയിലെ താഴ്വരയ്ക്ക് സമീപം മണ്ണിനും കല്ലിനും ഇടയിലായിട്ടായിരുന്നു അസ്ഥികൂടങ്ങൾ. ഇവയ്ക്കു 3,100 നും 3,800 നും ഇടയിൽ വർഷം പഴക്കമുണ്ടെന്നു പുരാവസ്തു ഗവേഷകനായ ഫെറൻ കാസ്റ്റില്ലോ സാക്ഷ്യപ്പെടുത്തുന്നു. പുരാതനമായ അനേകം സംസ്കാരങ്ങളുടെ കേന്ദ്രം കൂടിയാണ് അസ്ഥികൂടങ്ങൾ കണ്ട സ്ഥലം. ഈ പ്രദേശത്തെ സാംസ്കാരിക പരിണാമത്തെക്കുറിച്ച് വ്യക്തമായ ധാരണ ലഭിക്കാൻ അസ്ഥികൂടങ്ങൾ സഹായിക്കും. നാല് അസ്ഥികൂടങ്ങൾ കണ്ടെത്തിയതിനാൽ കൂടുതൽ പേരെ ഇവിടെ അടക്കം ചെയ്തിട്ടുണ്ടാവാമെന്നു കരുതുന്നതായും കാസ്റ്റില്ലോ പറഞ്ഞു.
Read Moreഇതാരാണ് ഉർഫിയുടെ സഹോദരിയോ! കണ്ണാടി ഡ്രസ് ധരിച്ച് പെൺകുട്ടി; വൈറലായി വീഡിയോ
സോഷ്യൽ മീഡിയയിൽ വെറൈറ്റി ഡ്രസ്സ് ധരിച്ചെത്തി വൈറലായ താരമാണ് ഉർഫി ജാവേദ്. പഴങ്ങൾ, പച്ചക്കറികൾ, പേപ്പർ തുടങ്ങിയവയൊക്കെ വസ്ത്രമാക്കി ഉർഫി ധരിക്കാറുണ്ട്. ഇത്തരത്തിൽ ഉർഫിക്ക് സമാനമായ രീതിയിൽ വസ്ത്രം ധരിച്ച മറ്റൊരു പെൺകുട്ടിയുടെ വീഡിയോയാണ് സോഷ്യൽ മീഡിയിയൽ ഇപ്പോൾ ശ്രദ്ധ നേടുന്നത്. മുഖം നോക്കുന്ന ചെറിയ കണ്ണാടി ചേർത്താണ് പെൺകുട്ടി വസ്ത്രം ധരിച്ചിരിക്കുന്നത്. ഈ ഡ്രസിനൊപ്പം പെൺകുട്ടി നൃത്തം ചെയ്യുന്ന വീഡിയോ ഇൻസ്റ്റഗ്രാമിൽ പങ്കുവച്ചിട്ടുണ്ട്. വീഡിയോ നസീമ 208 എന്ന അക്കൗണ്ടിൽ നിന്നുമാണ് പങ്കുവച്ചിരിക്കുന്നത്. നിരവധി രസകരമായ കമന്റുകൾ വീഡിയോയ്ക്ക് ലഭിച്ചിട്ടുണ്ട്. ഇതാര് ഉർഫി ജാവേദറിന്റെ സഹോദരിയോ, എവിടെ നിന്നാണ് വന്നത് എന്നിങ്ങനെയുള്ള കമന്റുകളാണ് വന്നിരിക്കുന്നത്.
Read More52ൽ 25 ന്റെ ലുക്ക്: പ്രായത്തെ വെല്ലുവിളിക്കുന്ന രൂപം; വൈറലായി കഫേ ഉടമ
എല്ലാവരും തങ്ങളുടെ പ്രായത്തേക്കാൾ ചെറുപ്പമായിരിക്കാൻ ആഗ്രഹിക്കുന്നു. ചില ആളുകളെ കണ്ടാൽ യഥാർഥ പ്രായത്തെക്കാൾ കുറവേ തോന്നുകയുള്ളൂ. അവരെ നോക്കി അവരുടെ യഥാർഥ പ്രായം നിർണയിക്കാൻ പ്രയാസമാണ്. അത്തരത്തിലുള്ള ഒരാളാണ് ദക്ഷിണ കൊറിയയിൽ നിന്നുള്ള ലീ ഹ്യോ-ജോങ് എന്ന 52-കാരിയായ ഒരു ബിസിനസ് വനിത. 50-കളിൽ ആണെങ്കിലും അവൾക്ക് 24-ഓ 25-ഓ വയസ് മാത്രമേ തോന്നിക്കൂ. സിയോളിലെ ലണ്ടൻ ബാഗൽ മ്യൂസിയം കഫേയുടെ ഉടമയായ ലീ തന്റെ യുവത്വത്തിന്റെ പേരിൽ സോഷ്യൽ മീഡിയയിൽ വൈറലാണ്. 1973 ലാണ് ലീ ജനിച്ചത്. അവരുടെ മെലിഞ്ഞ ശരീരപ്രകൃതിയും സ്റ്റൈലിഷ് വസ്ത്രധാരണവും അവളെ ചെറുപ്പമാക്കുന്നു. ലീയുടെ ചിത്രങ്ങൾ ഒരു ഉപഭോക്താവ് സോഷ്യൽ മീഡിയയിൽ പോസ്റ്റ് ചെയ്തത് വൈറലായിരുന്നു. യുവത്വത്തെ കുറിച്ചുള്ള രഹസ്യത്തെക്കുറിച്ച് ചോദിച്ചപ്പോൾ തൻ്റെ ബിസിനസിൽ കൂടുതൽ ശ്രദ്ധ കേന്ദ്രീകരിക്കാൻ ആഗ്രഹിക്കുന്നുവെന്ന് പ്രസ്താവിച്ചുകൊണ്ട് ലീ ഹ്യോ ജോങ് അഭിപ്രായം പറഞ്ഞില്ല. അവൾ മൂന്ന്…
Read Moreവിപണി പിടിച്ചെടുത്ത് വ്യാജൻമാർ; പരന്പരാഗത പപ്പട വ്യവസായത്തിന് തകർച്ച
കോട്ടയം: തൂശനിലയില് ഓണസദ്യക്കു രുചി കൂടണമെങ്കില് പപ്പടം നിര്ബന്ധമാണ്. ഊണിനും പായസത്തിനുമൊപ്പം പപ്പടം പൊടിച്ചുചേര്ത്താലേ ഒരു സംതൃപ്തി വരൂ. ഓണത്തിന് ഒന്നരയാഴ്ച ബാക്കി നില്ക്കേ കച്ചവടം പൊടിപൊടിക്കുമെന്ന പ്രതീക്ഷയിലാണ് പപ്പട നിര്മാണ മേഖല. ഉഴുന്ന് ഉള്പ്പെടെ നിര്മാണ വസ്തുക്കളുടെ വില കൂടിയിട്ടും പപ്പടത്തിനു വില കൂടാത്തത് മേഖലയെ പ്രതിസന്ധിയിലാക്കുന്നു. ഓണക്കാലത്ത് ഇതര സംസ്ഥാനങ്ങളില്നിന്ന് വലിയ തോതില് പപ്പടം എത്തുന്നുണ്ട്. കൂടുതലും യന്ത്രനിര്മിത പപ്പടങ്ങളാണ് വിപണിയിലെത്തുന്നത്. പരമ്പരാഗതമായി പപ്പടം നിര്മിക്കുന്നവരുടെ എണ്ണം കുറഞ്ഞുവരാന് ഇതാണു കാരണം. തൃശൂര്, വയനാട്, കോയമ്പത്തൂർ എന്നിവിടങ്ങളിൽനിന്നുമാണ് പ്രധാനമായും പപ്പടം എത്തുന്നത്. പപ്പടത്തിന് ഏറ്റവും കുടൂതല് ആവശ്യക്കാരുള്ളത് ഓണക്കാലത്താണ്. ഇപ്പോള് 100 പപ്പടം 120 രൂപയ്ക്കാണ് വില്പന. അസംസ്കൃത വസ്തുക്കളുടെ വിലക്കയറ്റത്തില് പിടിച്ചുനിന്നെങ്കിലും ഇതര സംസ്ഥാന പപ്പടം കുറഞ്ഞ വിലയ്ക്കു വിപണി കീഴടക്കിയതോടെയാണ് ഈ വ്യവസായത്തിന് അടിപതറിയത്. ഇതോടെ ഉപജീവനമാര്ഗം തേടി പലരും മറ്റു…
Read Moreപുതു അധ്യായം രചിച്ച് വന്ദേഭാരത്: മൂന്നു മാസത്തിനുള്ളിൽ സ്ലീപ്പര് ട്രെയിനുകൾ ട്രാക്കിലിറങ്ങും
കൊല്ലം: ഇന്ത്യയിൽ ട്രെയിൻ യാത്രയില് പുതു അധ്യായം രചിച്ച വന്ദേഭാരത് സീരീസില് സ്ലീപ്പര് ട്രെയിനുകളും ട്രാക്കിലിറങ്ങാനുള്ള തയാറെടുപ്പിൽ. മൂന്നു മാസത്തിനകം വന്ദേഭാരത് സ്ലീപ്പര് ട്രെയിനുകള് സര്വീസ് ആരംഭിക്കുമെന്ന് കേന്ദ്ര റെയില് മന്ത്രി അശ്വിനി വൈഷ്ണവ് അറിയിച്ചു. ബംഗളൂരുവിലെ ഭാരത് എര്ത്ത് മൂവേഴ്സ് ലിമിറ്റഡില് (ബിഇഎംഎല്) പൂര്ത്തിയായ വന്ദേഭാരത് സ്ലീപ്പര് ആദ്യ മാതൃകയുടെ ചിത്രങ്ങളും ദൃശ്യങ്ങളും അദ്ദേഹം ഇന്നലെ സമൂഹമാധ്യമങ്ങളിൽ പങ്കുവച്ചു. ഇനിയുള്ള പത്തു ദിവസം ബിഇഎംഎലില് വന്ദേഭാരത് സ്ലീപ്പറിന്റെ വിശദമായ അവസാന വട്ട സാങ്കേതിക പരീക്ഷണങ്ങൾ നടക്കും. തുടര്ന്ന് ട്രാക്കില് നിരന്തര പരീക്ഷണവും ഉണ്ടാകും. അതിനുശേഷം സമാനമായ കൂടുതല് ട്രെയിനുകള് നിര്മിക്കുമെന്നും മന്ത്രി വ്യക്തമാക്കി. ഒന്നര വര്ഷത്തിനുശേഷം നിര്മാണം ഊര്ജിതമാക്കുമെന്നും മാസം രണ്ടോ മൂന്നോ ട്രെയിനുകള് പൂര്ത്തീകരിക്കാനാവുമെന്നും മന്ത്രി പറഞ്ഞു. വന്ദേഭാരത് ചെയര് കാറുകളാണു നിലവില് സര്വീസ് നടത്തുന്നത്. സ്ലീപ്പര് കോച്ചുകളില്ലാത്തതിനാല് പകല് മാത്രമേ ഇവ ഉപയോഗിക്കുന്നുള്ളൂ.…
Read Moreഇന്ന് ലോക നാളികേര ദിനം; അറിയാം നാളികേരത്തിന്റെ പ്രധാന ഗുണങ്ങൾ
പ്രകൃതിയുടെ ഏറ്റവും വൈവിധ്യമാർന്ന ഫലമെന്ന് അറിയപ്പെടുന്ന തേങ്ങ പോഷകാഹാരം മുതൽ ചർമ്മസംരക്ഷണം വരെ നിരവധി ഗുണങ്ങൾ പ്രദാനം ചെയ്യുന്നു. വർഷം തോറും സെപ്റ്റംബർ 2 ന് ആഘോഷിക്കുന്ന ലോക നാളികേര ദിനം നമ്മുടെ ജീവിതത്തിൽ നാളികേരത്തിന്റെ പ്രാധാന്യം എടുത്തുകാണിക്കുകയും സുസ്ഥിരമായ കൃഷിരീതികൾ പ്രോത്സാഹിപ്പിക്കുകയും ചെയ്യുന്നു. നാളികേരത്തിന്റെ വൈവിധ്യമാർന്ന ഉപയോഗങ്ങളെക്കുറിച്ച് അവബോധം വളർത്തുന്നതിനും ലോകമെമ്പാടുമുള്ള അവയുടെ ഉപഭോഗം പ്രോത്സാഹിപ്പിക്കുന്നതിനുമായി ഈ ദിനം സമർപ്പിക്കുന്നു. 2009 ലാണ് ആദ്യമായി ലോക നാളികേര ദിനം ആചരിച്ചത്. ഏഷ്യൻ ആന്റ് പസഫിക് നാളികേര കമ്മ്യൂണിറ്റിയുടെ നേതൃത്വത്തിലാണ് നാളികേര ദിനം ആചരിക്കുന്നത്. ഏഷ്യാ-പസഫിക് മേഖലയിലെ 19 നാളികേര ഉത്പാദക രാജ്യങ്ങളെ പ്രതിനിധീകരിക്കുന്ന ഏഷ്യൻ ആന്റ് പസഫിക് നാളികേര കമ്മ്യൂണിറ്റി 1969 സെപ്തംബർ 2നാണ് സ്ഥാപിച്ചത്. ഇതിന്റെ സ്മരണയ്ക്കായി എല്ലാ വർഷവും സെപ്റ്റംബർ 2 ലോക നാളികേര ദിനമായി ആചരിക്കുന്നു. തേങ്ങയുടെ ആരോഗ്യ ഗുണങ്ങൾ ആരോഗ്യകരമായ…
Read More