മധുരപലഹാരങ്ങളുടെ സ്വന്തം നാടാണ് കോഴിക്കോട്. ഇവിടെനിന്ന് ഇടയ്ക്കിടെ പുത്തൻ വിഭവങ്ങൾ വൈറലാകാറുണ്ട്. കുലുക്കി സർബത്ത്, ഫുൾ ജാർ സോഡ അങ്ങനെ പോകുന്ന പട്ടികയിലെ ന്യൂജെൻ വിഭവങ്ങൾ. എന്നാൽ, അടുത്തിടെ പുറത്തിറങ്ങിയ എരിവുള്ള ഹൽവ ഏവരെയും അമ്പരിപ്പിക്കുന്നതായി! കോഴിക്കോട്ടെ ഒരു റസ്റ്ററന്റിൽ “ഗ്രീൻ മിർച്ചി ഹൽവ’ തയാറാക്കുന്നതിന്റെ വീഡിയോ സമൂഹമാധ്യമങ്ങളിൽ വൈറലാണ്. പച്ചമുളകിലാണ് ഹൽവ തയാറാക്കുന്നത്. മുളക് ചെറുതായി അരിഞ്ഞശേഷം ചൂടാക്കിയ ചട്ടിയിലേക്കിടുന്നു. തുടർന്ന് അതിലേക്ക് പഞ്ചസാര, പാൽ, വെളിച്ചെണ്ണ, ഏലം തുങ്ങിയവ ചേർക്കുന്നു. വീഡിയോയിൽ കാണിക്കാത്ത ചേരുവകളും ഇതിലേക്കു ചേർക്കുന്നുണ്ട്. വിവിധതരം സൂപ്പർ സ്റ്റാർ മധുരഹൽവയ്ക്കൊപ്പം എരിവുള്ള ന്യൂജെൻ ഹൽവയും ഭക്ഷണപ്രിയർ സ്വീകരിച്ചുകഴിഞ്ഞതായാണു റിപ്പോർട്ട്.
Read MoreCategory: Today’S Special
തളർത്താനും കൊല്ലാനും ഇത്ര സമയം മതി: ഇരയിലേക്ക് കുത്തിവയ്ക്കാനുള്ള വിഷത്തിന്റെ അളവ് നിയന്ത്രിക്കാനും ഇവയ്ക്ക് കഴിയും, സൂക്ഷിക്കണം ഈ അപകടകാരിയായ പാമ്പിനെ
ഏറ്റവും അപകടകരമായ ജീവികളിൽ ഒന്നാണ് പാമ്പുകൾ, അതിനാൽ തന്നെ ആളുകൾക്ക് പാമ്പിനെ ഭയമാണ്. ഒരു വ്യക്തിയെ മിനിറ്റുകൾക്കുള്ളിൽ പോലും കൊല്ലാൻ പാമ്പിന് സാധിക്കും. പാമ്പ് കടിയേറ്റാൽ ഉടനടി വൈദ്യസഹായം നേടുന്നത് അത്യാവശ്യമാണ്. ലോകത്തിലെ എല്ലാ പാമ്പുകളുടെയും കടിയിൽ വിഷം ഇല്ല. എന്നാലും എപ്പോഴും ജാഗ്രത പാലിക്കണം. ലോകത്തിലെ ഏറ്റവും അപകടകാരിയായ വിഷപ്പാമ്പുകളിൽ ഒന്ന് രാജവെമ്പാലയാണ്. രാജവെമ്പാല ഇരയുടെ ശരീരത്തിൽ 200 മുതൽ 500 മില്ലിഗ്രാം വരെ വിഷം പുറത്തുവിടുന്നതായാണ് റിപ്പോർട്ടുകൾ പറയുന്നത്. രാജവെമ്പാലയുടെ കടിയേറ്റ ചില കേസുകൾ അനുസരിച്ച് 15 മിനിറ്റിനുള്ളിൽ അല്ലെങ്കിൽ അതിൽ കുറഞ്ഞ സമയത്തിനുള്ളിൽ മരണം സംഭവിക്കുന്നു. വിഷവീര്യത്തിൽ മറ്റ് പാമ്പുകളെ അപേക്ഷിച്ച് രാജവെമ്പാല പിന്നിൽ ആണെങ്കിലും ഒരു കടിയിൽ കുത്തിവെയ്ക്കുന്ന വിഷത്തിന്റെ അളവ് വളരെ വലുതായതിനാൽ വേഗം മരണം സംഭവിക്കുന്നു. ഈ വിഷത്തിന് ഏകദേശം 20 പേരെയൊ അല്ലെങ്കിൽ ഒരു ആനയെയൊ കൊല്ലാൻ സാധിക്കും…
Read Moreടിവി കാണുന്നതിനിടയിൽ അമിതമായി ചിരിച്ചു, നിർത്താതെ ചിരിച്ച് ഒടുവിൽ ബോധരഹിതനായി; 53കാരന് സംഭവിച്ചതെന്ത്? ഡോക്ടർ പറയുന്നതിങ്ങനെ…
ചിരിക്കുന്നത് ആരോഗ്യത്തിന് നല്ലതാണെന്ന് നമ്മൾ കേട്ടിട്ടുണ്ട്. ചിരി ആയുസ് കൂട്ടുമെന്നാണ് പറയപ്പെടുന്നത്. എന്നാൽ അമിതമായ ചിരി അത്ര നല്ലതല്ലെന്നാണ് ഇപ്പോൾ പുറത്തുവരുന്നൊരു വിചിത്രമായ സംഭവം വ്യക്തമാക്കുന്നത്. ഹൈദരാബാദിലെ അപ്പോളോ ആശുപത്രിയിലെ ന്യൂറോളജിസ്റ്റ് ഡോ.സുധീർ കുമാർ പറയുന്നത് അനുസരിച്ച് അടുത്തിടെ ലാഫ്റ്റർ -ഇൻഡ്യൂസ്ഡ് സിൻകോപ്പ് എന്നറിയപ്പെടുന്ന ഒരു അപൂർവ അവസ്ഥയെ തുടർന്ന് 53കാരനെ ആശുപത്രിയിൽ പ്രവേശിപ്പിച്ചിരുന്നു. വീട്ടിലിരുന്ന് ചായ കുടിച്ചുകൊണ്ട് ടിവിയിലെ ഒരു കോമഡി ഷോ ആസ്വദിക്കുന്നതിനിടെയാണ് സംഭവം. ടിവിയിലെ കോമഡി ഷോ കണ്ട് കുറച്ച് മിനിറ്റുകളോളം ശ്യാമിന് ചിരി നിർത്താൻ സാധിച്ചില്ല. തുടർന്ന് ശരീരത്തിന്റെ നിയന്ത്രണം പെട്ടെന്ന് നഷ്ടമായി അയാൾ വീണ് അബോധാവസ്ഥയിലായി. തുടർന്ന് മകൾ ആംബുലൻസ് വിളിച്ച് ശ്യാമിനെ ആശുപത്രിയിലെത്തിച്ചു. ആശുപത്രിയിലെത്തി അല്പ സമയം പിന്നിട്ടപ്പോഴേക്കും ശ്യാം കണ്ണ് തുറന്ന് എല്ലാവരേയും തിരിച്ചറിഞ്ഞ് കൈകൈലുകൾ ചലിപ്പിച്ച് സംസാരിക്കാനും തുടങ്ങി. എന്നാൽ തനിക്ക് എന്താണ് സംഭവിച്ചതെന്ന് ശ്യാമിന്…
Read Moreഫ്രീക്കൻ ബൈക്കിൽ സാരി ഉടുത്ത് ചെത്തി യുവതി! വൈറലായി വീഡിയോ
സാരി ധരിച്ച് സ്കൂട്ടർ ഓടിക്കുന്ന സ്ത്രീകൾ പുതുമയല്ല. എന്നാൽ, സാരി ധരിച്ച് ബൈക്ക് ഓടിക്കുന്നത് അത്ര സാധാരണമല്ല. അതും സ്പോർട്സ് ബൈക്കിൽ നഗരത്തിരക്കിലൂടെ. ഹൈദരാബാദ് നഗരത്തിലൂടെയായിരുന്നു യുവതിയുടെ കിടിലൻ യാത്ര. ഇൻസ്റ്റഗ്രാമിൽ പങ്കുവച്ച ഇതിന്റെ വീഡിയോ വൻ തരംഗമായി. വീഡിയോയുടെ തുടക്കത്തിൽ മറ്റു വാഹനങ്ങൾക്കൊപ്പം സിഗ്നലിനായി ട്രാഫിക് പോയന്റിൽ യുവതി ബൈക്കിൽ കാത്തുനിൽക്കുന്നു. ഇളംപച്ച സാരിയുടുത്ത യുവതി കൈനിറയെ അതിനു യോജിക്കുന്ന വളകളും അണിഞ്ഞിരുന്നു. ഫ്രീക്കൻ ബൈക്ക് ഓടിക്കുന്നതിന്റെ പരിഭ്രമങ്ങളൊന്നും അവരുടെ മുഖത്തില്ല. സിഗ്നിലിൽ കാത്തുനിന്ന മറ്റൊരു ഇരുചക്രവാഹനത്തിന്റെ പിന്നിലിരുന്ന യുവതി അസൂയ കലർന്ന ഭാവത്തിൽ ബൈക്ക് യാത്രികയെ നോക്കുന്നതും വീഡിയോയിൽ കാണാം. കാഴ്ചക്കാരെയാകെ ത്രില്ലടിപ്പിച്ച യുവതി ആരെയും മൈൻഡ് ചെയ്യാതെ യാത്ര തുടർന്നു.
Read Moreട്രെയിനിന്റെ ജനാലയിലൂടെ യാത്രക്കാരൻ്റെ ഫോൺ തട്ടിയെടുത്തോടി മോഷ്ടാവ്; ഞെട്ടിക്കുന്ന വീഡിയോ പുറത്ത്
ബസിലും ട്രെയിനിലും മെട്രോയിലുമൊക്കെ യാത്ര ചെയ്യുമ്പോൾ മോഷ്ടാക്കളെ സൂക്ഷിക്കണം എന്ന അറിയിപ്പ് സ്ഥിരമായി നമ്മൾ കേൾക്കാറുള്ളതാണ്. റെയിൽവേ സ്റ്റേഷനുകളിൽ യാത്രക്കാരുടെ സുരക്ഷയ്ക്കായി ഉദ്യോഗസ്ഥർ ജാഗ്രത പുലർത്താറുണ്ട്. എന്നാലും സ്റ്റേഷനുകളിലും ട്രെയിനുകൾക്കകത്തും നടക്കുന്ന കുറ്റകൃത്യങ്ങളിൽ കാര്യമായ കുറവുകളൊന്നും വന്നിട്ടില്ല. പലപ്പോഴും റെയിൽവേ ഉദ്യോഗസ്ഥർക്ക് പോലും ഒരു തുമ്പും ലഭിക്കാത്ത വിധം വളരെ സമർഥമായാണ് കുറ്റവാളികൾ കുറ്റകൃത്യങ്ങൾ ചെയ്യുന്നത്. സ്റ്റേഷനിൽ ട്രെയിൻ നിർത്തിയിടുമ്പോൾ ഫോൺ ചാർജ് ചെയ്യാനിട്ടിരിക്കുകയാണെങ്കിൽ അതിന് അടുത്ത് തന്നെ ഇരിക്കണമെന്ന് പറയാറുള്ളതാണ്. സ്ത്രീകൾ ആഭരണങ്ങൾ ധരിച്ചാൽ ജനലിനോട് ചേർന്ന് ഇരിക്കരുതെന്നും പറയാറുണ്ട്. കള്ളന്മാർ ഇവ തട്ടിയെടുത്ത് ഓടിപ്പോകുന്നതാണ് ഇതിന് പിന്നിലെ കാരണം. എന്നാൽ ഇപ്പോൾ ട്രെയിനിനുള്ളിൽ നിന്ന് യുവാവ് ഫോൺ മോഷ്ടിക്കുന്ന വീഡിയോയാണ് വൈറലാകുന്നത്. ഫോൺ മോഷ്ടിച്ച് ഇയാൾ ഓടുന്നത് കാമറയിൽ പതിഞ്ഞിട്ടുണ്ട്. @_fear_of_life_ എന്നയാളാണ് ഇൻസ്റ്റാഗ്രാമിൽ സംഭവത്തിന്റെ വീഡിയോ പോസ്റ്റ് ചെയ്തിരിക്കുന്നത്. യുവാവ് ഓടുന്ന ട്രെയിനിൽ…
Read Moreറോഡിന്റെ നടുവിലൊരു കോൾഡ് വാർ: കെഎസ്ആർടിസി ബസും കാറും തമ്മിലൊരു രസകരമായ മത്സരം; ഒടുവിൽ സംഭവിച്ചതിങ്ങനെ…
വഴിയോരങ്ങളിലുള്ള സംഘർഷങ്ങൾ ഇപ്പോൾ പതിവ് കാഴ്ചയാണ്. തെറ്റായ പാതയിലൂടെ വാഹനമോടിക്കുക, മറ്റൊരു വാഹനത്തെ ഇടിക്കുക, നിരുത്തരവാദപരമായി പെരുമാറുക, പാർക്കിംഗ് അങ്ങനെ പലതരത്തിലുള്ള കാരണങ്ങൾ സംഘർഷങ്ങൾക്ക് കാരണമാകുന്നു. റോഡിൽ നടക്കുന്ന ഈ പ്രശ്നങ്ങൾ ചിലപ്പോൾ വലിയ സംഘട്ടനത്തിന് കാരണമായേക്കാം. ഈ രംഗങ്ങളൊക്കെ കാഴ്ചക്കാർക്ക് ഒരു വിനോദമാണ്. എന്നാൽ സമാധാനപരമായ ഒരു ഏറ്റുമുട്ടലിന്റെ വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. ഒരു കാറും കെഎസ്ആർടിസി ബസും തമ്മിലാണ് ഏറ്റുമുട്ടിയിരിക്കുന്നത്. കാറിൻ്റെ ഡാഷ് കാമിൽ നിന്നാണ് ദൃശ്യങ്ങൾ പകർത്തിയതെന്ന് തോന്നുന്നു. കാറും ബസും മുഖാമുഖം നിൽക്കുന്നത് വീഡിയോയിൽ കാണാം. സാധാരണ ഇത്തരം സാഹചര്യങ്ങളിൽ രണ്ട് വാഹനങ്ങളും കടന്നുപോകാനായി വാഹനങ്ങളിലൊന്ന് മറ്റേതെങ്കിലും ദിശയിലേക്ക് ചെറുതായി മാറും. പക്ഷേ ഇവിടെ അങ്ങനെയല്ല അവസ്ഥ. കാർ ഡ്രൈവറും ബസ് ഡ്രൈവറും എതിർദിശയിൽ നിന്നുള്ള നീക്കത്തിനായി കാത്തിരിക്കുകയാണ്. എന്നാൽ രണ്ടുപേരും വിട്ടുകൊടുക്കാതെ നിൽക്കുകയും ചെയ്തു. ഓരോ നിമിഷം…
Read Moreചുട്ടുപൊള്ളുന്ന ചൂട്: മരത്തിൽ നിന്ന് കുഴഞ്ഞ് വീണ കുരങ്ങന് രക്ഷയായി പ്രദേശവാസികൾ; വീഡിയോ വൈറൽ
ഈ ദിവസങ്ങളിൽ രാജ്യത്തെ വിവിധ സംസ്ഥാനങ്ങൾ കടുത്ത ചൂടിലൂടെയാണ് കടന്നുപോകുന്നത്. വർധിച്ചുവരുന്ന താപനില റിക്കാർഡുകൾ തകർത്തതിനാൽ രാജ്യത്തെ തലസ്ഥാന മേഖലയിൽ താമസിക്കുന്നവർ ചുട്ടുപൊള്ളുകയാണ്. അടങ്ങാത്ത ചൂടിൽ സൂര്യൻ ജ്വലിച്ച് നിൽക്കുന്ന അവസ്ഥയിൽ മനുഷ്യർ മാത്രമല്ല മൃഗങ്ങളും ബുദ്ധിമുട്ട് അനുഭവിക്കുന്നുണ്ട്. ഉത്തർപ്രദേശിലെ ഗാസിയാബാദിൽ ഉയർന്ന താപനിലയെ തുടർന്ന് മൃഗങ്ങളും പക്ഷികളും ഉൾപ്പെടെ എല്ലാ ജീവജാലങ്ങളും ദുരിതത്തിലാണ്. ഈയിടെ കനത്ത ചൂടിനെ തുടർന്ന് ഒരു കുരങ്ങൻ മരത്തിൽ നിന്ന് വീഴുകയുണ്ടായി. ഭാഗ്യവശാൽ ആ കാഴ്ച കണ്ട പ്രദേശവാസികൾ ഉടൻ തന്നെ കുരങ്ങനെ സഹായിക്കാനായെത്തി. വൈറലായ വീഡിയോയിൽ ആളുകൾ കുരങ്ങിന് ശക്തി വീണ്ടെടുക്കാനും ജലാംശം നിലനിർത്താനുമായി ഒആർഎസ് (ഓറൽ റീഹൈഡ്രേഷൻ സൊല്യൂഷൻ) കൊടുക്കുന്നതും അതിനെ ആശ്വസിപ്പിക്കുകയും ചെയ്യുന്നത് കാണാം. കുരങ്ങനെ സഹായിക്കുന്നവരെ അഭിനന്ദിച്ച് നിരവധിപേരാണ് വീഡിയോയ്ക്ക് കമന്റുമായി എത്തിയത്. ‘വേനൽക്കാലത്ത് മൃഗങ്ങളുടെ അവസ്ഥ വളരെ മോശമാണ്, വളരെ കുറച്ച് ആളുകൾ അത്…
Read Moreപൂച്ചയും എലിയും ഒരുമിച്ച് ഉറങ്ങുമോ? ടോം ആൻഡ് ജെറി കാണുമ്പോൾ നിങ്ങളും കൊതിച്ചിട്ടില്ലേ അങ്ങനൊരു കാഴ്ച; വൈറലായ പൂച്ചയും എലിയും ഇതാ…
പൂച്ചയെയും എലിയെയും കുറിച്ച് ചിന്തിക്കുമ്പോൾ തന്നെ ഇരുവരും തമ്മിലുള്ള ശത്രുതയായിരിക്കും ആദ്യം നമുക്ക് ഓർമ വരുന്നത്. പൂച്ച വേട്ടക്കാരനും എലി ഇരയുമാണെന്നാണ് പറയപ്പെടുന്നത്. എന്നാൽ ഇന്റർനെറ്റിൽ വൈറലാകുന്ന ഒരു വീഡിയോ ഈ ആശയത്തെ വെല്ലുവിളിക്കുകയാണ്. സാധാരണയിൽ നിന്നും വിപരീതമായി ഒരു പൂച്ചയും എലിയും കളിക്കുന്നതും സുഖമായി ഉറങ്ങുന്നതുമാണ് വീഡിയോയിൽ കാണുന്നത്. ഒരു പൂച്ച എലിയെ കൈകാലുകൾ ഉപയോഗിച്ച് പിടിക്കാൻ ശ്രമിക്കുന്നത് കാണിച്ചാണ് വീഡിയോ ആരംഭിക്കുന്നത്. കൈയെത്തും ദൂരത്തുനിന്ന എലിയെ പൂച്ച പിടിക്കാൻ ശ്രമിക്കുന്നുണ്ട്. ഇതിന് പിന്നാലെ കാണിക്കുന്ന ദൃശ്യങ്ങളിൽ എലി പൂച്ചയുടെ മുൻകാലുകൾക്കിടയിൽ ഇരുന്നു ഉറങ്ങുന്നതും കാണാം. പൂച്ചയുടെ മുഖം എലിയുടെ തൊട്ടടുത്താണ്, പക്ഷേ എലിയും പൂച്ചയും ശാന്തമായാണ് കിടക്കുന്നത്. ഉറങ്ങുന്ന പൂച്ചയിൽ നിന്ന് എലിക്ക് എളുപ്പത്തിൽ രക്ഷപ്പെടാൻ കഴിയും, പക്ഷേ അനങ്ങാതെ എലി അവിടെ കിടക്കുകയാണ് ചെയ്തത്. ഈ വീഡിയോ മെയ് 29 ന് ആണ്…
Read Moreവിമാനത്താവളത്തിലെത്തിയ യാത്രക്കാരന്റെ ലഞ്ച് ബോക്സിൽ പന്നിയിറച്ചി; അഞ്ച് ലക്ഷം രൂപ പിഴ ചുമത്തി അധികൃതർ
വിമാനത്തിൽ യാത്ര ചെയ്യുമ്പോൾ പോകുന്ന രാജ്യങ്ങളുടെ നിയമങ്ങളെക്കുറിച്ചും യാത്രക്കാർ അറിഞ്ഞിരിക്കേണ്ടത് അത്യാവശ്യമാണ്. അല്ലെങ്കിൽ ഈ ഇന്തോനേഷ്യക്കാരന് സംഭവിച്ചത് പോലെയാകും. ഹോങ്കോംഗ് വഴി തായ്വാനിലേക്ക് പോകുകയായിരുന്നു ഇയാൾ. ഈ സമയത്ത് ഒരു നിരോധിത വസ്തു കൈവശം വച്ചതിന് അഞ്ച് ലക്ഷം രൂപയാണ് ഇയാൾക്ക് പിഴ ചുമത്തിയത്. തായ്പേയ് വിമാനത്താവളത്തിലെത്തിയ യാത്രക്കാരൻ ലഗേജ് പരിശോധനയ്ക്കായി എത്തിയപ്പോൾ എയർപോർട്ട് അധികൃതരുടെ സംഘത്തിലെ പരിശീലനം ലഭിച്ച നായ ബാഗിൽ മണംപിടിച്ചു. തുടർന്നുള്ള പരിശോധനയിൽ ഇയാളുടെ ലഞ്ച് ബോക്സിൽ നിന്ന് വറുത്ത പന്നിയിറച്ചിയും സോയ സോസും ഉണ്ടെന്ന് കണ്ടെത്തിയ സുരക്ഷാ സേന ഇയാളെ തടഞ്ഞു നിർത്തുകയും ചെയ്തു. തായ്വാനിൽ പന്നിയിറച്ചിയും സോയ സോസും നിരോധിച്ചതായി യാത്രക്കാരന് അറിവുണ്ടായിരുന്നില്ല. നിരോധിത വസ്തു കൊണ്ടുവന്നതിനെ തുടർന്ന് യാത്രക്കാരനെ കസ്റ്റഡിയിലെടുക്കുകയും ചെയ്തു. രാജ്യത്തെ നിയമമനുസരിച്ച്, യാത്രക്കാരന് 48,430 ഹോങ്കോംഗ് ഡോളർ പിഴ ചുമത്തി. ഇത് ഇന്ത്യൻ കറൻസിയിൽ ഏകദേശം…
Read Moreചില്ല കുലുക്കി മാമ്പഴം വീഴ്ത്തി ചില്ലിക്കൊമ്പൻ; ഇൻസ്റ്റഗ്രാമിൽ വൈറലായി ചില്ലിക്കൊമ്പന്റെ മാമ്പഴക്കൊതി
മൃഗങ്ങളുടെ രസകരവും മനോഹരവുമായ വീഡിയോകൾ സോഷ്യൽ മീഡിയയിൽ ആളുകളുടെ ശ്രദ്ധ പിടിച്ചുപറ്റാറുണ്ട്. ഇത്തരം വീഡിയോകൾ കാഴ്ചക്കാരുടെ മുഖത്ത് ഒരു പുഞ്ചിരി സമ്മാനിക്കുകയും ചെയ്യുന്നു. അത്തരത്തിലൊരു വീഡിയോയാണ് സോഷ്യൽ മീഡിയയിൽ ഇപ്പോൾ പ്രചരിക്കുന്നത്. മാമ്പഴത്തോട് കൊതിയുള്ള ഒരു കാട്ടാനയുടെ വീഡിയോയാണിത്. പാലക്കാട്ടെ നെല്ലിയാമ്പതിയിലെ കാടുകളിൽ താമസിക്കുന്ന ചില്ലിക്കൊമ്പൻ എന്ന ആന അയൽവാസികളെ ഉപദ്രവിക്കാതെ വനാതിർത്തികളിൽ വിഹരിച്ച് നടക്കുന്നു. മാമ്പഴങ്ങളും ചക്കയുമാണ് ചില്ലിക്കൊമ്പന്റെ ഇഷ്ടഭക്ഷണങ്ങൾ. ഇൻസ്റ്റാഗ്രാമിൽ അടുത്തിടെ പങ്കിട്ട ഒരു വൈറൽ വീഡിയോയിൽ ചില്ലിക്കൊമ്പൻ മരത്തിൽ നിന്ന് മാമ്പഴം കുലുക്കി താഴെയിടാൻ ശ്രമിക്കുന്നതാണ് കാണിക്കുന്നത്. ഓരോ കുലുക്കത്തിലും മാമ്പഴം നിലത്ത് വീഴുകയും ചില്ലിക്കൊമ്പൻ അവ കൊതിയോടെ എടുത്ത് കഴിക്കുകയും ചെയ്യുന്നു. @airnewsalerts എന്ന അക്കൗണ്ടിൽ നിന്നാണ് ഇൻസ്റ്റഗ്രാമിൽ വീഡിയോ പോസ്റ്റ് ചെയ്തിരിക്കുന്നത്. “#കേരളം: #പാലക്കാട്, #നെല്ലിയാമ്പതിയിൽ ജനവാസമേഖലയിലെത്തിയ കാട്ടാന മാങ്ങ കുലുക്കി മാമ്പഴം പൊഴിക്കുന്നു. ചില്ലിക്കൊമ്പൻ എന്നറിയപ്പെടുന്ന ഈ ആന…
Read More