കോ​വി​ഡ് ബാ​ധി​ച്ചു മ​രി​ച്ച​വ​രു​ടെ സ്വ​ർ​ണം ന​ഷ്‌‌ടപ്പെ​ട്ട സം​ഭ​വം; ഇതുവരെ എത്രപവൻ അടിച്ചു മാറ്റിയിട്ടുണ്ടാവും ? ചോദ്യം ചെയ്യൽ നടക്കവേ ആശുപത്രി ലോക്കറിൽ സ്വർണം വന്നതെങ്ങനെ?

അ​മ്പ​ല​പ്പു​ഴ: ആ​ല​പ്പു​ഴ വ​ണ്ടാ​നം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ കോ​വി​ഡ് ബാ​ധി​ച്ചു മ​രി​ച്ച​വ​രു​ടെ ശ​രീ​ര​ത്തി​ൽനി​ന്ന് ന​ഷ്ട​മാ​യ സ്വ​ർ​ണാ​ഭ​ര​ണം പോ​ലി​സ് അ​ന്വേ​ഷ​ണം ആ​രം​ഭി​ച്ച​പ്പോ​ൾ ആ​ശു​പ​ത്രി ലോ​ക്ക​റി​ൽ ക​ണ്ടെ​ത്തി​യ​തി​ൽ ദു​രൂ​ഹ​ത ബാ​ക്കി നി​ൽ​ക്കു​ന്നു.

സ്വ​ർ​ണാഭ​ര​ണ​ങ്ങ​ൾ ന​ഷ്ട​പ്പെ​ട്ട രോ​ഗി​യു​ടെ ബ​ന്ധു​ക്ക​ളും ആ​ശു​പ​ത്രി സൂ​പ്ര​ണ്ടും അ​മ്പ​ല​പ്പു​ഴ പോ​ലി​സി​നു ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് പോ​ലി​സ് അ​ന്വേ​ഷ​ണം ആ​രം​ഭി​ച്ച​ത്.ര​ണ്ടു കു​ടു​ബ​ത്തി​ന്‍റെ എ​ട്ട​ര പ​വ​ൻ സ്വ​ർ​ണാ​ഭ​ര​ണ​ങ്ങ​ളാ​ണ് ന​ഷ്ട​മാ​യ​ത്.

സം​ഭ​വം ന​ട​ന്ന് ആ​ഴ്ച​ക​ൾ​ക്കു ശേ​ഷ​മാ​ണ് സി​ഐ​യു​ടെ നേ​തൃ​ത്തി​ലു​ള്ള പോ​ലി​സ് സം​ഘം പി​പി​ഇ കി​റ്റ് ധ​രി​ച്ചു ആ​ശു​പ​ത്രി​യി​ലെ​ത്തി ജീ​വ​ന​ക്കാ​രെ ചോ​ദ്യം ചെ​യ്ത​ത്. ശു​ചീ​ക​ര​ണ തൊ​ഴി​ലാ​ളി​ക​ളെ​യും ന​ഴ്സു​മാ​രെ​യുമട​ക്കം നൂ​റോ​ളം പേ​രെ ചോ​ദ്യം ചെ​യ്തി​രു​ന്നു.

സം​ശ​യ​മു​ള്ള​വ​രെ പോ​ലി​സ് സ്റ്റേ​ഷ​നി​ൽ വി​ളി​ച്ചു വ​രു​ത്തി ചോ​ദ്യം ചെ​യ്യു​മെ​ന്നി​രി​ക്കെ​യാ​ണ് സ്വ​ർ​ണാഭ​ര​ണം ലോ​ക്ക​റി​ൽ ക​ണ്ടെ​ത്തി​യെ​ന്ന് പ​റ​യു​ന്ന​ത്.അ​ങ്ങ​നെ​യെ​ങ്കി​ൽ ലോ​ക്ക​റി​ന്‍റെ ചാ​ർ​ജു​ള്ള​വ​ർ എ​ന്തു​കൊ​ണ്ട് ഈ ​വി​വ​രം മൃ​ത​ദേ​ഹം കൈ​മാ​റു​ന്ന സ​മ​യ​ത്ത് മ​രി​ച്ച​യാ​ളു​ടെ ബ​ന്ധു​ക്ക​ളെ അ​റി​യി​ച്ചി​ല്ലെ​ന്ന ചോ​ദ്യം ഇ​പ്പോ​ഴും അ​വ​ശേ​ഷി​ക്കു​ന്നു.

ആ​ശു​പ​ത്രി​യു​ടെ മേ​ല​ധി​കാ​രി​​ക​ളെ ലോ​ക്ക​ർ സൂ​ക്ഷി​പ്പു​കാ​ർ വി​വ​രം ധ​രി​പ്പി​ച്ചി​രു​ന്നോ, എ​ങ്കി​ൽ ബ​ന്ധു​ക്ക​ൾ പ​രാ​തി​യു​മാ​യി പോ​ലി​സി​ൽ പോ​കു​മാ​യി​രു​ന്നോ തു​ട​ങ്ങി​യ ചോ​ദ്യ​ങ്ങ​ളാ​ണ് ദു​രൂ​ഹ​ത ബ​ല​പ്പെ​ടു​ത്ത​ത്.കോ​വി​ഡ് മ​ര​ണ​ത്തി​ന്‍റെ തു​ട​ക്കം മു​ത​ൽ മൃ​ത​ദേ​ഹ​ത്തി​ൽ മൂ​ന്നു ക​വ​റിം​ഗ് ന​ട​ത്തി​യാ​ണ് ബ​ന്ധു​ക്ക​ൾ​ക്ക് കൈ​മാ​റു​ന്ന​ത്.

യാ​തൊ​രു കാ​ര​ണ​വ​ശാ​ലും മു​ഖം പോ​ലും കാ​ണാ​ൻ പ​റ്റാ​ത്ത രീ​തി​യി​ലാ​ണ് പാ​യ്ക്ക് ചെ​യ്യു​ന്ന​ത്. ബ​ന്ധു​ക്ക​ൾ​ക്കു വി​ട്ടു കൊ​ടു​ക്കു​ന്ന മ്യ​ത​ദേ​ഹം ഉ​ട​ൻ സം​സ്ക​രി​ക്കു​ക​യാ​ണ് ചെ​യ്യു​ന്ന​ത്. ഈ ​സ​മ​യം ചെ​റി​യ തൂ​ക്കം വ​രു​ന്ന ആ​ഭ​ര​ണ​ങ്ങ​ൾ ആ​ണെ​ങ്കി​ൽ മൃ​ത​ദേ​ഹ​ത്തോ​ടൊ​പ്പം ക​ത്തി​യ​മ​ർ​ന്ന​താ​യി​രി​ക്കു​മെ​ന്നു ക​രു​തി പ​ല​പ്പോ​ഴും ബ​ന്ധു​ക്ക​ൾ ശ്ര​ദ്ധി​ക്കാ​റി​ല്ല.

എ​ന്നാ​ൽ ക​ഴി​ഞ്ഞ ദി​വ​സം മ​രി​ച്ച സ്ത്രീ​ക​ളു​ടെ ശ​രീ​ര​ത്തി​ൽ മാ​ല, വ​ള, ക​മ്മ​ൽ അ​ട​ക്കം വി​ല​പി​ടി​പ്പു​ള്ള ആ​ഭ​ര​ണ​ങ്ങ​ൾ ഉ​ണ്ടാ​യ​താ​ണ് പ​രാ​തി കൊ​ടു​ക്കാ​ൻ ബ​ന്ധു​ക്ക​ളെ പ്രേ​രി​പ്പി​ച്ച​ത്. ഈ ​സം​ഭ​വു​മാ​യി ബ​ന്ധ​പ്പെ​ട്ടു ദു​രൂ​ഹ​ത മാ​റ്റ​ണ​മെ​ന്നാ​വ​ശ്യം ശ​ക്ത​മാ​യി​രി​ക്കു​ക​യാ​ണ്. അ​തേ​സ​മ​യം സം​ഭ​വം ഒ​തു​ക്കി തീ​ർ​ക്കാ​നു​ള്ള ശ്ര​മ​വും ചി​ല സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ ന​ട​ക്കു​ന്നുണ്ട്. ക​ള്ള​ൻ ക​പ്പ​ലി​ൽ ത​ന്നെ​യാ​ണെ​ന്നാ​ണ് ​സം​സാ​രം.

കോ​വി​ഡ് രോ​ഗി​ക​ളു​ടെ ആ​ഭ​ര​ണ​ങ്ങ​ൾ പ്ര​വേ​ശ​ന​സ​മ​യ​ത്ത് കൂ​ട്ടി​രി​പ്പു​കാ​ർ​ക്ക് കൈ​മാ​റും
ആ​ല​പ്പു​ഴ: മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ കോ​വി​ഡ് ചി​കി​ത്സ​യ്ക്ക് പ്ര​വേ​ശി​പ്പി​ക്കു​ന്ന രോ​ഗി​ക​ളു​ടെ ആ​ഭ​ര​ണ​ങ്ങ​ൾ രോ​ഗി​ക്കൊ​പ്പ​മു​ള്ള ബ​ന്ധു​ക്ക​ളാ​യ കൂ​ട്ടി​രി​പ്പു​കാ​രെ ഏ​ൽ​പ്പി​ക്കാ​നും ഇ​ക്കാ​ര്യം ര​ജി​സ്റ്റ​റി​ൽ രേ​ഖ​പ്പെ​ടു​ത്താ​നും തീ​രു​മാ​നം.

മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ ചി​കി​ത്സാ​സൗ​ക​ര്യ​ങ്ങ​ൾ വ​ർ​ധി​പ്പി​ക്കു​ന്ന​തി​നാ​യി എ​ച്ച്. സ​ലാം എം​എ​ൽഎയു​ടെ അ​ധ്യ​ക്ഷ​ത​യി​ൽ ക​ള​ക്ട​റേ​റ്റി​ൽ കൂ​ടി​യ ഉ​ദ്യോ​ഗ​സ്ഥ​ ത​ല യോ​ഗ​ത്തി​ലാ​ണ് തീ​രു​മാ​നം.

കൂ​ട്ടി​രി​പ്പു​കാ​രെ ആ​ഭ​ര​ണ​ങ്ങ​ളും മ​റ്റും ഏ​ൽ​പ്പി​ച്ച​ശേ​ഷം ട്ര​യാ​ജി​ലെ എ​ൻ​ട്രി ര​ജി​സ്റ്റ​റി​ൽ രേ​ഖ​പ്പെ​ടു​ത്തും. രോ​ഗി​ക്കൊ​പ്പം കൂ​ട്ടി​രി​പ്പു​കാ​ർ ഇ​ല്ലെ​ങ്കി​ൽ ആ​ഭ​ര​ണ​ങ്ങ​ളും മ​റ്റും പ്രോ​പ്പ​ർ​ട്ടി ര​ജി​സ്റ്റ​റി​ൽ ചേ​ർ​ത്ത് സൂ​ക്ഷി​ച്ച് ബ​ന്ധു​ക്ക​ൾ​ക്ക് ന​ൽ​കും.

കോ​വി​ഡ് ഐ​സി​യു​വി​ൽ പ്ര​വേ​ശി​പ്പി​ച്ചാ​ൽ മൊ​ബൈ​ൽ ഫോ​ണും ആ​ഭ​ര​ണ​ങ്ങ​ളും അ​നു​വ​ദി​ക്കി​ല്ല. ഐ​സി​യു​വി​ൽ രോ​ഗി​യു​ടെ കൂ​ട്ടി​രി​പ്പു​കാ​രെ അ​നു​വ​ദി​ക്കി​ല്ല.

കോ​വി​ഡ് രോ​ഗ​ബാ​ധി​ത​രാ​യി മ​രി​ക്കു​ന്ന​വ​രു​ടെ മൃ​ത​ദേ​ഹം വി​ട്ടു​കി​ട്ടു​ന്ന​തി​നാ​യി ബ​ന്ധു​ക്ക​ൾ തി​രി​ച്ച​റി​യ​ൽ രേ​ഖ ഡി​ജി​റ്റ​ലാ​യി ന​ൽ​കി​യാ​ൽ മ​തി​യെ​ന്നും യോ​ഗം തീ​രു​മാ​നി​ച്ചു.