Set us Home Page

ഇ​ള​മ്പ​ൽ സ്കൂ​ളിലെ ആ​ക്ര​മ​ണം;​ പ്ര​തി​ക​ളെ തി​രി​ച്ച​റി​ഞ്ഞത് രാഷ്ട്രീയസം​ഘ​ര്‍​ഷം ഒഴിവാക്കാനായെന്ന് പോലീസ്

പ​ത്ത​നാ​പു​രം: ഇ​ള​മ്പ​ൽ ഗ​വ​ൺ​മെ​ന്റ് യു ​പി സ്കൂ​ളി​ൽ ന​ട​ന്ന സാ​മൂ​ഹി​ക വി​രു​ദ്ധ ആ​ക്ര​മ​ണ​ത്തി​ലെ പ്ര​തി​ക​ളെ പി​ടി​കൂ​ടി​യ​തോ​ടെ ഒ​ഴി​വാ​യ​ത് ഇ​രു​വി​ഭാ​ഗ​ങ്ങ​ള്‍ ത​മ്മി​ലു​ണ്ടായേക്കാവുന്ന സം​ഘ​ര്‍​ഷ​മാ​ണ്.​

ഇ​രു​വി​ഭാ​ഗം രാ​ഷ്ട്രീ​യ പാ​ര്‍​ട്ടി​ക​ള്‍ ത​മ്മി​ല്‍ സ്കൂ​ളി​ന്റെ ശോ​ച​നാ​വ​സ്ഥ​യെ​യും,അ​ടു​ത്ത കാ​ല​ത്താ​യു​ണ്ടാ​യ ന​വീ​ക​ര​ണ പ്ര​വ​ര്‍​ത്ത​ന​ങ്ങ​ളെ​യും ചൊ​ല്ലി നേ​ര​ത്തേ ത​ര്‍​ക്ക​മു​ണ്ടാ​യി​രു​ന്നു.​

ഈ ത​ര്‍​ക്കം നി​ല​നി​ല്‍​ക്കു​ന്ന​തി​നി​ടെ​യാ​ണ് സ്കൂ​ളി​ന് നേ​രെ അ​ക്ര​മം ന​ട​ക്കു​ന്ന​ത്.​ഇ​തേ ചൊ​ല്ലി ഇ​രു​വി​ഭാ​ഗ​ങ്ങ​ളും ത​മ്മി​ല്‍ ആ​രോ​പ​ണ പ്ര​ത്യാ​രോ​പ​ണ​ങ്ങ​ളു​മാ​യി രം​ഗ​ത്തെ​ത്തു​ക​യും ചെ​യ്തു.​

ഇ​ത് സം​ഘ​ര്‍​ഷ​ത്തി​ല്‍ ക​ലാ​ശി​ക്കു​മെ​ന്ന ഘ​ട്ടം വ​ന്ന​പ്പോ​ഴാ​ണ് പോ​ലീ​സി​ന്റെ ത​ന്ത്ര​പ​ര​മാ​യ നീ​ക്ക​ത്തി​ല്‍ യ​ഥാ​ര്‍​ത്ഥ അ​ക്ര​മി​ക​ള്‍ പി​ടി​യി​ലാ​യ​ത്. സ്കൂ​ളി​ലെ പൊ​തു​മു​ത​ലു​ക​ൾ​ക്കു നാ​ശ​ന​ഷ്ടം വ​രു​ത്തി​യ കേ​സി​ലാ​ണ് മൂ​ന്ന് പ്ര​തി​ക​ൾ കു​ന്നി​ക്കോ​ട് പോ​ലീ​സി​ന്റെ പി​ടി​യി​ലാ​യ​ത്.

പ്ര​തി​ക​ൾ മൂ​വ​രും പ്രാ​യ​പൂ​ർ​ത്തി​യാ​കാ​ത്ത​വ​രാ​ണെ​ന്ന​താ​ണ് പ്ര​ത്യേ​ക​ത. മൂ​ന്ന് പ്ര​തി​ക​ളി​ൽ ഒ​രാ​ൾ ഇ​തേ സ്കൂ​ളി​ലെ ഏ​ഴാം ക്ലാ​സ് വി​ദ്യാ​ർ​ഥി​യും ര​ണ്ടാ​മ​ത്തെ​യാ​ൾ സ്കൂ​ളി​ലെ പൂ​ർ​വ്വ വി​ദ്യാ​ർ​ത്ഥി​യും മൂ​ന്നാ​മ​ത്തെ ആ​ൾ മ​റ്റൊ​രു സ്കൂ​ളി​ലെ വി​ദ്യാ​ർ​ഥി​യു​മാ​ണ് ഇ​വ​ർ മൂ​വ​രും ഒ​രേ പ്ര​ദേ​ശ​ത്ത് താ​മ​സി​ക്കു​ന്ന​വ​രാ​ണ്.​

ഒ​രു ദി​വ​സം ഫു​ട്ബോ​ൾ ക​ളി ക​ഴി​ഞ്ഞ​തി​നു​ശേ​ഷം മ​റ്റ് കു​ട്ടി​ക​ൾ എ​ല്ലാം പോ​യ സ​മ​യ​ത്ത് പ്ര​തി​ക​ളാ​യ കു​ട്ടി​ക​ൾ മൂ​വ​രും ചേ​ർ​ന്ന് ന​ട​ത്തി​യ​താ​യി​രു​ന്നു സ്കൂ​ളി​ലെ പൊ​തു​മു​ത​ൽ ന​ശി​പ്പി​ക്കു​ന്ന പ്ര​വൃ​ത്തി. പ്ര​തി​ക​ൾ മൈ​ന​ർ ആ​യ​തി​നാ​ൽ മൂ​വ​രെ​യും ബാ​ല​നീ​തി ബോ​ർ​ഡി​നു മു​ൻ​പി​ൽ പോ​ലീ​സ് ഹാ​ജ​രാ​ക്കി.

‌യാ​തൊ​രു തു​മ്പും കി​ട്ടാ​തി​രു​ന്ന ഈ ​കേ​സ് ക്രി​യാ​ത്മ​ക​മാ​യ അ​ന്വേ​ഷ​ണ​ത്തി​ലൂ​ടെ പ്ര​തി​ക​ളി​ലേ​ക്ക് എ​ത്തി കു​റ്റം തെ​ളി​യി​ക്കാ​ൻ സാ​ധി​ച്ച​തി​ലൂ​ടെ പ്ര​ദേ​ശ​ത്ത് നി​ല​നി​ന്നി​രു​ന്ന സം​ഘ​ർ​ഷ സാ​ധ്യ​ത ഇ​ല്ലാ​താ​ക്കാൻ സാധിച്ചു.

Leave a Reply

Your email address will not be published. Required fields are marked *

LATEST NEWS