ഇരിങ്ങാലക്കുടയിലെ വീഥിയിലൂടെയുള്ള ഇന്നച്ചന്‍റെ അവസാനയാത്ര  ക​ണ്ണീ​ർ​മഴയത്ത്; പ്രിയതാരത്തെ അവസാനമായി കാണാൻ റോഡിനിരുവശത്തും കണ്ണീർപൊഴിച്ച് കാത്തുനിന്നത് പതിനായിരങ്ങൾ…

സ്വ​ന്തം ലേ​ഖ​ക​ൻ
ഇരിങ്ങാലക്കുട: എ​ത്ര​യോ ത​വ​ണ സ​ഞ്ച​രി​ച്ചി​ട്ടു​ള്ള ഇ​രി​ങ്ങാ​ല​ക്കു​ട​യു​ടെ വ​ഴി​ക​ളി​ലൂ​ടെ അ​വ​സാ​ന​മാ​യി ഇ​ന്ന​സെ​ന്‍റ് യാ​ത്ര​യാ​കു​മ്പോ​ൾ വ​ഴി​യു​ടെ ഇ​രു​വ​ശ​ത്തും തി​ങ്ങി​നി​റ​ഞ്ഞ​വ​ർ പ്രി​യതാ​ര​ത്തി​ന് ക​ണ്ണു​നീ​രി​ൽ കു​തി​ർ​ന്ന ആ​ദ​രാ​ഞ്ജ​ലി​ക​ൾ അ​ർ​പ്പി​ച്ചു.

ക​ണ്ണീ​ർക്കുട ചൂ​ടി​യാ​ണ് ഇ​രി​ങ്ങാ​ല​ക്കു​ട ത​ങ്ങ​ളു​ടെ പ്രി​യ​പ്പെ​ട്ട ഇ​ന്ന​ച്ച​നെ യാ​ത്ര​യാ​ക്കി​യ​ത്. ഇ​ന്ന​സെ​ന്‍റി​ന്‍റെ വീ​ട്ടി​ൽനി​ന്നു പ​ള്ളി​യി​ലേ​ക്കു​ള്ള വി​ലാ​പ​യാ​ത്ര​യി​ൽ ആ​യി​ര​ക്ക​ണ​ക്കി​ന് ആ​രാ​ധ​ക​രും ക​ലാ​സാം​സം​കാ​രി​ക രാ​ഷ്ട്രീ​യ പ്ര​മു​ഖ​രു​ം നാ​ട്ടു​കാ​രു​മടക്കം പ​ങ്കാളികളായി.

ഔ​ദ്യോ​ഗി​ക ബ​ഹു​മ​തി​ക​ളോ​ടെ​യാ​യി​രു​ന്നു സം​സ്കാ​രം ച​ട​ങ്ങു​ക​ൾ. ഇ​രി​ങ്ങാ​ല​ക്കു​ട രൂ​പ​ത ബി​ഷ​പ് മാ​ർ പോ​ളി ക​ണ്ണൂ​ക്കാ​ട​ൻ സം​സ്കാ​ര ച​ട​ങ്ങു​ക​ൾ​ക്കു മു​ഖ്യ​കാ​ർ​മി​ക​ത്വം വ​ഹി​ച്ചു. തൃ​ശൂ​ർ അ​തി​രൂ​പ​ത സ​ഹാ​യ​മെ​ത്രാ​ൻ മാ​ർ ടോ​ണി നീ​ല​ങ്കാ​വി​ൽ, ഫാ. ​പ​യ​സ് ചി​റ​പ്പ​ണ​ത്ത് തു​ട​ങ്ങി​യ​വ​ർ സ​ഹ​കാ​ർ​മി​ക​രാ​യി.

രാ​വി​ലെ ഇ​ന്ന​സെ​ന്‍റി​ന്‍റെ വീ​ടാ​യ പാ​ർ​പ്പി​ട​ത്തി​ൽ പ്രാ​ർ​ഥ​നാ ച​ട​ങ്ങു​ക​ൾ​ക്കു ശേ​ഷം മൃ​ത​ദേ​ഹം ഇ​രി​ങ്ങാ​ല​ക്കു​ട സെ​ന്‍റ് തോ​മ​സ് ക​ത്തീ​ഡ്ര​ൽ സെ​മി​ത്തേ​രി​യി​ലേ​ക്ക് അ​ല​ങ്ക​രി​ച്ച വാ​ഹ​ന​ത്തി​ൽ വി​ലാ​പ​യാ​ത്ര​യാ​ണ് കൊ​ണ്ടു​വന്ന​ത്.

പാ​ർ​പ്പി​ട​ത്തി​ൽനി​ന്നു മൃ​ത​ദേ​ഹം പ​ള്ളി​യി​ലേ​ക്ക് എ​ടു​ക്കു​മ്പോ​ൾ വി​കാ​ര​നി​ർ​ഭ​ര​മാ​യ കാ​ഴ്ച​ക​ൾ​ക്കാ​ണ് ഇ​രി​ങ്ങാ​ല​ക്കു​ട സാ​ക്ഷ്യം വ​ഹി​ച്ച​ത്. വാ​വി​ട്ടു ക​ര​ഞ്ഞ ഭാ​ര്യ ആ​ലീ​സ് അ​ട​ക്ക​മു​ള്ള ബ​ന്ധു​ക്ക​ളെ ആ​ശ്വ​സി​പ്പി​ക്കാ​ൻ ബന്ധുക്ക​ളും മ​റ്റും പാ​ടു​പെ​ട്ടു.

മൃ​ത​ദേ​ഹം പ​ള്ളി​യി​ലേ​ക്ക് കൊ​ണ്ടു​പോ​കു​മ്പോ​ഴും പ​ർ​പ്പി​ട​ത്തി​നു പു​റ​ത്ത് റോ​ഡി​ൽ ആ​ദ​രാ​ഞ്ജ​ലി​ക​ൾ അ​ർ​പ്പി​ക്കാ​ൻ ക​ഴി​യാ​തെ കാ​ത്തു​നി​ൽ​ക്കു​ന്ന നി​ര​വ​ധി പേ​ർ ഉ​ണ്ടാ​യി​രു​ന്നു.

മ​ന്ത്രി​മാ​രാ​യ കെ. ​രാ​ജ​ൻ, ആ​ർ. ബി​ന്ദു, വാ​സ​വ​ൻ എ​ന്നി​വ​ർ അ​ന്തി​മോ​പ​ചാ​രം അ​ർ​പ്പി​ക്കാ​ന്‍ എ​ത്തി​യി​രു​ന്നു ച​ല​ച്ചി​ത്ര​താ​ര​ങ്ങ​ളാ​യ ദി​ലീ​പ്, കാ​വ്യ മാ​ധ​വ​ൻ, ടോ​വി​നോ തോ​മ​സ്, ഇ​ട​വേ​ള ബാ​ബു, നാ​ദി​ർ​ഷ എ​ന്നി​വ​രും ഇ​ന്ന​സെ​ന്‍റി​ന്‍റെ വി​ലാ​പ​യാ​ത്ര​യി​ൽ പ​ങ്കു​കൊ​ണ്ടു.

ക​ലാ​ഭ​വ​ൻ മ​ണി​ക്ക് ആ​ദ​രാ​ഞ്ജ​ലി​ക​ൾ അ​ർ​പ്പി​ക്കാ​ൻ ത​ടി​ച്ചു​കൂ​ടി​യ ജ​ന​ക്കൂ​ട്ട​ത്തെ ഓ​ർ​മി​പ്പി​ക്കു​ന്ന​താ​യി​രു​ന്നു ഇ​ന്ന​സെ​ന്‍റി​നും യാ​ത്രാ​മൊ​ഴി​യേ​കാ​ൻ എ​ത്തി​യ​വ​രു​ടെ തി​ര​ക്ക്. ക​ത്തീ​ഡ്ര​ൽ പ​ള്ളി​യു​ടെ കി​ഴ​ക്കേ സെ​മി​ത്തേ​രി​യി​ൽ പി​താ​വ് തെ​ക്കേ​ത്ത​ല കൊ​ച്ചു​വ​റീ​തി​ന്‍റെ ക​ല്ല​റ​യും ഇ​വി​ടെ​യാ​ണു​ള്ള​ത്.

ഇ​ന്ന​സെ​ന്‍റി​ന്‍റെ വീ​ട്ടി​ൽ​നി​ന്ന് 200 മീ​റ്റ​ർ മാ​റി​യാ​ണ് ഇ​നി അ​ന്ത്യ​വി​ശ്ര​മം കൊ​ള്ളു​ക. ഇ​ന്ന​സെ​ന്‍റ് അ​വ​സാ​നം ഇ​രി​ങ്ങാ​ല​ക്കു​ട​യി​ലെ മ​ണ്ണി​ൽ അ​ലി​ഞ്ഞു​ചേ​രു​ന്പോ​ൾ ക​ണ്ണു​നീ​രി​ൽ ന​ന​യാ​ത്ത​വ​രു​ണ്ടാ​യി​രു​ന്നി​ല്ല. ഇ​ന്ന​ലെ ഇ​രി​ങ്ങാ​ല​ക്കു​ട ടൗ​ൺ​ഹാ​ളി​ൽ ഇ​ന്ന​സെ​ന്‍റി​ന് അ​ന്ത്യോ​മ​പ​ചാ​ര​മ​ർ​പ്പി​ക്കാ​ൻ ആ​യി​ര​ങ്ങ​ളാ​ണ് എ​ത്തി​യ​ത്.

വൈ​കു​ന്നേ​ര​ത്തോ​ടെ മൃ​ത​ദേ​ഹം അ​വി​ടെ​നി​ന്ന് വീ​ടാ​യ പാ​ർ​പ്പി​ട​ത്തേ​ലേ​ക്കു കൊ​ണ്ടു​പോ​യ​ശേ​ഷ​വും പ്രി​യ​താ​ര​ത്തെ കാ​ണാ​ൻ ​ആ​ളു​ക​ളു​ടെ ഒ​ഴു​ക്കാ​യി​രു​ന്നു.

പാ​ർ​പ്പി​ട​ത്തി​ൽ രാ​ത്രി വൈ​കി​യും പു​ല​ർ​ച്ചെ​യും ആ​ളു​ക​ൾ ഇ​ന്ന​ച്ച​നെ അ​വ​സാ​ന​മാ​യി ഒ​രു​നോ​ക്കു കാ​ണാ​ൻ എ​ത്തി. മോ​ഹ​ൻ​ലാ​ൽ, സു​രേ​ഷ്ഗോ​പി, സി​ദ്ദീ​ഖ്, ദി​ലീ​പ്, സം​വി​ധാ​യ​ക​ൻ പ്രി​യ​ദ​ർ​ശ​ൻ, സ​ത്യ​ൻ അ​ന്തി​ക്കാ​ട് തു​ട​ങ്ങി​യ സി​നി​മാ പ്ര​വ​ർ‌​ത്ത​ക​ർ ഇ​ന്ന​ലെ മൃ​ത​ദേ​ഹ​ത്തി​ൽ ​അ​ന്തി​മോ​പ​ചാ​ര​മ​ർ​പ്പി​ച്ചു.