മിക്ക സെലിബ്രിറ്റികളും അവരുടെ ജീവിതത്തിലെ വിശേഷങ്ങൾ ആരാധകരമായി പങ്കുവെക്കാറുണ്ട്.കഴിഞ്ഞ ദിവസം ബോളിവുഡ്താരം ജാക്കി ഷ്റോഫ് പങ്കുവച്ചൊരു വീഡിയോ സോഷ്യൽ മീഡിയ വളരെ അധികം ചർച്ച ചെയ്തിരുന്നു.
ഫാമില്‍ നിന്ന് പറിച്ചെടുത്ത പൂർണമായും ഓര്‍ഗാനിക് ആയ പച്ചക്കറികൾ കൊണ്ട് തയ്യാറാക്കിയ ഭക്ഷണമാണ് ജാക്കി ഷ്റോഫ് പങ്കുവച്ചത്.
എന്നാൽ വീഡിയോയില്‍ കാണിച്ചിരിക്കുന്ന പരിപ്പ് കറിയില്‍ ഒരു ഈച്ച ചത്തുകിടക്കുന്നത് കാണാം. വളരെ മികച്ച – ഹെല്‍ത്തിയായ ഭക്ഷണം എന്ന പേരിലായിരുന്നു ജാക്കി ഷ്റോഫ് വീഡിയോ പങ്കുവച്ചത്.
ഈച്ച കിടക്കുന്നത് കണ്ടില്ലേ ഇതാണോ ഹെൽത്തി ഭക്ഷണമെന്ന് ആരാധകർ കമന്‍റുമായി എത്തി. എന്നാൽ ഈ ചോദ്യത്തിന് മറുപടിയായി ‘ബ്രോ, ഞാൻ കാട്ടിനുള്ളിലാണ് ഇരിക്കുന്നത്…’ എന്നാണ് ജാക്കി ഷ്റോഫ് പറഞ്ഞത്. ഇത്രയും തുറസായ സ്ഥലത്ത് പ്രത്യേകിച്ച് കാട് പോലൊരു ചുറ്റുപാടിൽ ഈച്ചയോ അല്ലെങ്കില്‍ മറ്റെന്തെങ്കിലും പ്രാണികളോ ഭക്ഷണത്തില്‍ വീഴുന്നത് സ്വാഭാവികം എന്നാണ് അദ്ദേഹം ഉദ്ദേശിച്ചത്.
