തിരുവനന്തപുരം: സംസ്ഥാന സർക്കാരിന്‍റെ മദ്യനയത്തിനെതിരെ ഡിജിപി ജേക്കബ് തോമസ്. ആരെ വേണമെങ്കിലും വളയ്ക്കാനും ഒടിക്കാനും മദ്യമാഫിയയ്ക്ക് കഴിയുന്നുണ്ടെന്ന് അദ്ദേഹം പറഞ്ഞു.
മദ്യമാഫിയയെ എതിർക്കുന്നവർക്ക് പിന്നെ യൂണിഫോം ഇടേണ്ടിവരില്ലെന്നു പറഞ്ഞ ജേക്കബ് തോമസ് സുസ്ഥിര വികസനമെന്നാൽ കൂടുതൽ മദ്യം കുടിപ്പിക്കലാണോയെന്നും ചോദിച്ചു. തലസ്ഥാനത്ത് മദ്യ വിരുദ്ധസമിതി സംഘടിപ്പിച്ച സെമിനാറിൽ സംസാരിക്കുകയായിരുന്നു അദ്ദേഹം.
