ഹു​ഡ്ക വ​ലി​ക്കു​ന്ന പോലെ പൈ​പ്പി​ൽ ക​ഞ്ചാ​വ്; ഒ​റ്റ ഉ​പ​യോ​ഗത്തി​ന് 100 രൂ​പ; ടൂറിസ്റ്റ് ഹോമിൽ ഒത്തു ചേർന്നത് വിൽപന എങ്ങനെ മെച്ചപ്പെടുത്താം എന്ന ആലോചനയ്ക്ക്; കുട്ടി കഞ്ചാവ് സംഘത്തെ പൊക്കി പോലീസ്

കോ​ട്ട​യം: ടൂ​റി​സ്റ്റ് ഹോ​മി​ൽ നി​ന്നും ക​ഞ്ചാ​വു​മാ​യി ഈ​രാ​റ്റു​പേ​ട്ട പോ​ലീ​സ് പി​ടി​കൂ​ടി​യ മൂ​ന്നം​ഗ സം​ഘ​ത്തെ​ക്കു​റി​ച്ചു കൂ​ടു​ത​ൽ അ​ന്വേ​ഷ​ണം ആ​രം​ഭി​ച്ചു.ഈ​രാ​റ്റു​പേ​ട്ട ന​ട​ക്ക​ൽ സ്വ​ദേ​ശി​ക​ളാ​യ സ​ഹ​ൽ (23), മു​ഹ​മ്മ​ദ് ഷെ​ഫി​ൻ (19), ഷാ​ബി​ർ (22) എ​ന്നി​വ​രെ​യാ​ണു ഈ​രാ​റ്റു​പേ​ട്ട പോ​ലീ​സ് അ​റ​സ്റ്റു ചെ​യ്ത​ത്.

പ്ര​തി​ക​ൾ​കെ​തി​രേ നി​ര​വ​ധി ക​ഞ്ചാ​വ് കേ​സു​ക​ൾ കേ​ര​ള​ത്തി​ലെ വി​വി​ധ സ്റ്റേ​ഷ​നു​ക​ളി​ൽ നി​ല​വി​ലു​ണ്ട്. ഇ​വ​രി​ൽ നി​ന്നും 100 ഗ്രാം ​ക​ഞ്ചാ​വ്, മൂ​ന്നു ഹു​ഡ്ക്ക, ഒ​രു വ​ടി​വാ​ൾ, മൂ​ന്നു മൊ​ബൈ​ൽ എ​ന്നി​വ പി​ടി​ച്ചെ​ടു​ത്തി​രു​ന്നു. ഇ​വ​രു​ടെ മൊ​ബൈ​ൽ ഫോ​ണു​ക​ൾ കേ​ന്ദ്രീ​ക​രി​ച്ചും അ​ന്വേ​ഷ​ണം പു​രോ​ഗ​മി​ക്കു​ക​യാ​ണ്.

ലോ​ക്ക്ഡൗ​ണി​ൽ ക​ഞ്ചാ​വ് വി​ല്പ​ന ല​ക്ഷ്യ​മി​ട്ടാ​ണ് സം​ഘം ടൂ​റി​സ്റ്റ് ഹോ​മി​ൽ ഒ​ത്തു​ചേ​ർ​ന്ന​ത്. ഇ​തി​നു പു​റ​മെ മ​റ്റു ചി​ല പ​ദ്ധ​തി​ക​ളും സം​ഘം ത​യാ​റാ​ക്കി​യി​രു​ന്നു. ഇ​തി​നാ​യി​രു​ന്നു വ​ടി​വാ​ൾ സൂ​ക്ഷി​ച്ചി​രു​ന്ന​ത്. ക​ഞ്ചാ​വ് വ​ലി​ക്കാ​ൻ താ​ൽ​പ​ര്യ​മു​ള്ള​വ​രെ ഇ​വ​ർ ടൂ​റി​സ്റ്റ് ഹോ​മി​ലേ​ക്ക് എ​ത്തി​ച്ച് ഇ​തി​നു​ള്ള സൗ​ക​ര്യ​ങ്ങ​ൾ ചെ​യ്തു ന​ല്കി​യി​രു​ന്നു.

ഹു​ഡ്ക വ​ലി​ക്കു​ന്ന ത​ര​ത്തി​ലു​ള്ള പൈ​പ്പി​ൽ ക​ഞ്ചാ​വ് നി​റ​ച്ചു​ന​ൽ​കും. ഇ​ത് ഒ​രു​ത​വ​ണ ഉ​പ​യോ​ഗി​ക്കു​ന്ന​തി​ന് 100 രൂ​പ ഫീ​സ് ഇ​ടാ​ക്കി​യി​രു​ന്ന​ത്. ലോ​ക്ക് ഡൗ​ണ്‍ ആ​രം​ഭി​ച്ച​തോ​ടെ ക​ഞ്ചാ​വ് ഉ​പ​യോ​ഗി​ക്കാ​ൻ എ​ത്തു​ന്ന​വ​രു​ടെ എ​ണ്ണം ഗ​ണ്യ​മാ​യി കു​റ​യു​ക​യും ക​ച്ച​വ​ടം കു​റ​യു​ക​യും ചെ​യ്തു.

പോ​ലീ​സി​നു വെ​ട്ടി​ച്ചു എ​ങ്ങ​നെ ക​ഞ്ചാ​വ് വി​ൽ​പ്പ​ന പു​ന​രാ​രം​ഭി​ക്കാ​മെ​ന്ന് ആ​ലോ​ചി​ക്കാ​നാ​ണ് സം​ഘം ഒ​ത്തു ചേ​ർ​ന്ന​ത്. ഈ​രാ​റ്റു​പേ​ട്ട ന​ഗ​ര​ത്തി​ൽ വ്യാ​പ​ക​മാ​യി ക​ഞ്ചാ​വ് ക​ച്ച​വ​ടം ന​ട​ത്തു​ന്നു​വെ​ന്നും ഇ​ത്ത​രം സം​ഘ​ങ്ങ​ൾ ഒ​ത്തു ചേ​രു​ന്ന​താ​യും വി​വ​രം ല​ഭി​ച്ച​തി​ന്‍റെ അ​ടി​സ്ഥാ​ന​ത്തി​ൽ പോ​ലീ​സ് വ്യാ​പ​ക​മാ​യി പ​രി​ശോ​ധ​ന​ക​ളും ആ​രം​ഭി​ച്ചി​രു​ന്നു.

ഇ​ന്ന​ലെ ഉ​ച്ച​യ്ക്ക് 12നു ​ഒ​രു സം​ഘം ടൂ​റി​സ്റ്റ് ഹോ​മി​ലെ​ത്തി​യ​താ​യി വി​വ​രം ല​ഭി​ച്ച​തി​ന്‍റെ അ​ടി​സ്ഥാ​ന​ത്തി​ൽ ഇ​രാ​റ്റു​പേ​ട്ട ഇ​ൻ​സ്പെ​ക്ട​ർ എ​സ്.​എം. പ്ര​ദീ​പ് കു​മാ​റി​ന്‍റെ നേ​തൃ​ത്വ​ത്തി​ൽ പോ​ലീ​സ് ഉ​ദ്യോ​ഗ​സ്ഥ​ർ ഹോ​ട്ട​ലി​ന്‍റെ പ​രി​സ​ര​ത്തു നി​ല​യു​റ​പ്പി​ച്ചു.

നി​രീ​ക്ഷ​ണ​ത്തി​നു​ശേ​ഷം മ​ഫ്ടി വേ​ഷ​ത്തി​ൽ സ്ഥ​ല​ത്തു​ണ്ടാ​യി​രു​ന്ന പോ​ലീ​സ് സം​ഘം ഹോ​ട്ട​ലി​ന്‍റെ അ​ക​ത്തു ക​ട​ന്നു പ്ര​തി​ക​ളെ അ​റ​സ്റ്റ് ചെ​യ്യു​ക​യാ​യി​രു​ന്നു. ആ​ന്ധ്ര​യി​ൽ​നി​ന്നു​മാ​ണു പ്ര​തി​ക​ൾ ക​ഞ്ചാ​വ് വി​ൽ​പ്പ​ന​യ്ക്കാ​യി എ​ത്തി​ക്കു​ന്ന​ത്. ലോ​ക്ക് ഡൗ​ണി​നു മു​ന്പു പ്ര​തി​ക​ൾ മൂ​ന്നു കി​ലോ ക​ഞ്ചാ​വ് ആ​ന്ധ്രയി​ൽ​നി​ന്നു കേ​ര​ള​ത്തി​ൽ എ​ത്തി​ച്ചു വി​ൽ​പ്പ​ന ന​ട​ത്തി​യ​താ​യി അ​ന്വേ​ഷ​ണ സം​ഘ​ത്തി​നു വി​വ​രം ല​ഭി​ച്ചി​ട്ടു​ണ്ട്.

ഈ​രാ​റ്റു​പേ​ട്ട പോ​ലീ​സ് സ്റ്റേ​ഷ​ൻ സ​ബ് ഇ​ൻ​സ്പെ​ക്ട​ർ​മാ​രാ​യ വി.​ബി. അ​ന​സ്, സു​രേ​ഷ് കു​മാ​ർ, സീ​നി​യ​ർ സി​വി​ൽ പോ​ലീ​സ് ഓ​ഫീ​സ​ർ ജി​നു, ജ​സ്റ്റി​ൽ, സി​വി​ൽ പോ​ലീ​സ് ഓ​ഫീ​സ​ർ കി​ര​ണ്‍ എ​ന്നി​വ​രു​ടെ സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്തു.