അഞ്ചാമൻ അജി! അ​ഞ്ചാം ദി​വ​സ​വും അ​റ​സ്റ്റി​ല്ല; പോലീസിനെ വട്ടം ചുറ്റിച്ച് പ്രതികളുടെ ഒളിച്ചുകളി തുടരുന്നു

കാ​ട്ടാ​ക്ക​ട : കാ​ട്ടാ​ക്ക​ട​യി​ൽ അ​ച്ഛ​നെ​യും​ മ​ക​ളെ​യും മ​ർ​ദി​ച്ച കെ​എ​സ്ആ​ർ​ടി​സി ജീ​വ​ന​ക്കാ​രെ അ​ഞ്ചാം ദി​വ​സ​വും അ​റ​സ്റ്റ് ചെ​യ്യാ​തെ പോ​ലീ​സ്.

പ്ര​തി​ക​ൾ ഫോ​ൺ ഓ​ഫ് ചെ​യ്ത് ഒ​ളി​വി​ലാ​ണെ​ന്നാ​ണ് പ്ര​ത്യേ​ക അ​ന്വേ​ഷ​ണ സം​ഘം ന​ൽ​കു​ന്ന വി​ശ​ദീ​ക​ര​ണം.

മ​ർ​ദി​ച്ച സം​ഘ​ത്തി​ലു​ൾ​പ്പെ​ട്ട മെ​ക്കാ​നി​ക് അ​ജി​യേ​യും കേസിൽ പ്ര​തി ചേ​ർ​ത്തു. ഒ​ളി​വി​ൽ നി​ന്ന് പ്ര​തി​ക​ൾ മു​ൻ​കൂ​ർ ജാ​മ്യ​ത്തി​ന് ശ്ര​മി​ക്കു​ന്നുണ്ട്.

പ്ര​തി​ക​ൾ​ക്കെ​തി​രെ എ​സ്ഇ എ​സ്ടി അ​തി​ക്ര​മ നി​യ​മം നി​ല​നി​ൽ​ക്കി​ല്ലെ​ന്നാ​ണ് പോ​ലീ​സി​ന് കി​ട്ടി​യ നി​യമോപ​ദേ​ശം.

അഞ്ചാമൻ അജി

ദൃ​ശ്യ​ങ്ങ​ളി​ൽ ക​ണ്ട അ​ഞ്ചാ​മ​നാ​യ മെ​ക്കാ​നി​ക് അ​ജി​യെ കേ​സി​ൽ പ്ര​തി ചേ​ർ​ത്തി​രു​ന്നു. എ​ഫ്‌​ഐ​ആ​റി​ൽ അ​ഞ്ചാ​മ​നാ​യി ഒ​രു മെ​ക്കാ​നി​ക്ക് എ​ന്ന് എ​ഴു​തി​യി​രു​ന്നെ​ങ്കി​ലും പേ​ര് ചേ​ർ​ത്തി​രു​ന്നി​ല്ല.

സാ​മൂ​ഹി​ക മാ​ധ്യ​മ​ങ്ങ​ളി​ൽ പ്ര​ച​രി​ക്കു​ന്ന ദൃ​ശ്യ​ങ്ങ​ൾ പ​രി​ശോ​ധി​ച്ച​തി​ൽ നി​ന്നാ​ണ് അ​ഞ്ചാ​മ​ൻ അ​ജി​യാ​ണെ​ന്ന് തി​രി​ച്ച​റി​ഞ്ഞ് പ്ര​തി​ചേ​ർ​ത്ത​ത്.

ഐ​എ​ൻ​ടി​യു​സി പ്ര​വ​ർ​ത്ത​ക​നാ​യി​രു​ന്ന അ​ജി അ​ടു​ത്തി​ടെ​യാ​ണ് സി​ഐ​ടി​യു​വി​ൽ ചേ​ർ​ന്ന​ത്. ദൃ​ശ്യ​ങ്ങ​ളി​ൽ നീ​ല വ​സ്ത്രം ധ​രി​ച്ച് ക​ണ്ട അ​ജി​ക്കെ​തി​രെ കേ​സെ​ടു​ക്കാ​ത്ത​ത് വ്യാ​പ​ക വി​മ​ർ​ശ​നം ഉ​യ​ർ​ന്നി​രു​ന്നു.

റിപ്പോർട്ട് ഹൈക്കോടതിയിൽ

അ​തി​നി​ടെ, കാ​ട്ടാ​ക്ക​ട​യി​ൽ മ​ക​ളു​ടെ മു​ന്നി​ൽ വെ​ച്ച് അ​ച്ഛ​നെ കെ​എ​സ്ആ​ർ​ടി​സി ജീ​വ​ന​ക്കാ​ർ മ​ർ​ദി​ച്ച സം​ഭ​വ​ത്തി​ൽ കെഎ​സ്ആ​ർടിസി അധികൃതർ ഹൈ​ക്കോ​ട​തി​യി​ൽ റി​പ്പോ​ർ​ട്ട് സ​മ​ർ​പ്പി​ച്ചു.

മ​ർ​ദന​മേ​റ്റ പ്രേ​മ​ന​നെ​യും മ​ക​ളെ​യും നേ​രി​ട്ട് വി​ളി​ച്ച് ക്ഷ​മാ​പ​ണം ന​ട​ത്തി​യ​താ​യി കെ​എ​സ്ആ​ർ​ടി​സി അ​റി​യി​ച്ചു. കു​റ്റ​ക്കാ​ർ​ക്കെ​തി​രെ ന​ട​പ​ടി സ്വീ​ക​രി​ക്കു​മെ​ന്ന് ഇ​രു​വ​ർ​ക്കും ഉ​റ​പ്പ് ന​ൽ​കി.

അ​ക്ര​മി സം​ഘ​ത്തി​ൽ കൂ​ടു​ത​ൽ പേ​രു​ണ്ടോ എ​ന്ന് അ​ന്വേ​ഷി​ച്ച​താ​യും റി​പ്പോ​ർ​ട്ടി​ലു​ണ്ട്. ദൃ​ശ്യ​ങ്ങ​ൾ ചി​ത്രീ​ക​രി​ച്ച കെ​എ​സ്ആ​ർ​ടി​സി​യി​ലെ ജീ​വ​ന​ക്കാ​ര​ന് നേ​രെ സു​ര​ക്ഷാ ഭീ​ഷ​ണി​യു​ണ്ടെ​ന്നും കേ​സി​ൽ ഉ​ൾ​പ്പെട്ട​വ​രു​ടെ യൂ​ണി​യ​ൻ ഇ​ദ്ദേ​ഹ​ത്തെ ല​ക്ഷ്യം വെ​ക്കു​ന്ന സാ​ഹ​ച​ര്യ​ത്തി​ൽ സു​ര​ക്ഷ​ക​ര​ണ​ങ്ങ​ളാ​ൽ ഇ​യാ​ളെ മ​റ്റൊ​രു യു​ണി​റ്റി​ലേ​ക്ക് സ്ഥ​ലം മാ​റ്റി​യ​താ​യും കെ​എ​സ്ആ​ർ​ടി​സി കോ​ട​തി​യെ അ​റി​യി​ച്ചു.

മ​ക​ൾ രേ​ഷ്മ​യ്ക്കും മ​ക​ളു​ടെ സു​ഹൃ​ത്തി​നു​മൊ​പ്പം ക​ൺ​സ​ഷ​ൻ കാ​ർ​ഡ് പു​തു​ക്കാ​ൻ എ​ത്തി​യ​പ്പോളാണ് പ്രേമനും മകൾക്കും മർദനമേറ്റത്്.