Set us Home Page

വാ​യ്പ തി​രി​ച്ച​ട​വ് ;  സാ​മ്പ​ത്തി​ക ശേ​ഷി​യു​ള്ള​വ​രു​ടെ കു​ടി​ശി​ക ത​ള്ളി​ക്ക​ളയി​ല്ലെന്ന് മ​ന്ത്രി ഇ.​ച​ന്ദ്ര​ശേ​ഖ​ര​ന്‍

കോ​ഴി​ക്കോ​ട്: ഭ​വ​ന നി​ര്‍​മാ​ണ ബോ​ര്‍​ഡി​ല്‍ നി​ന്നെ​ടു​ത്ത വാ​യ്പ തി​രി​ച്ച​ട​യ്ക്കാ​ന്‍ ക​ഴി​വു​ള്ള സാ​മ്പ​ത്തി​ക ശേ​ഷി​യു​ള്ള​വ​രു​ടെ കു​ടി​ശി​ക ത​ള്ളി​ക്ക​ള​യാ​നാ​വി​ല്ലെ​ന്ന് മ​ന്ത്രി ഇ.​ച​ന്ദ്ര​ശേ​ഖ​ര​ന്‍. സാ​മ്പ​ത്തി​ക ശേ​ഷി​യു​ള്ള​വ​ര്‍ സൗ​ജ​ന്യം പ്ര​തീ​ക്ഷി​ക്ക​രു​ത്.

കു​ടി​ശി​ക തി​രി​ച്ച​ട​യ്ക്കാ​ന്‍ ക​ഴി​വു​ള്ള​വ​ര്‍​ക്ക് മൂ​ന്നു മാ​സ​ത്തെ കാ​ലാ​വ​ധി ന​ല്‍​കു​മെ​ന്നും പ​റ​ഞ്ഞു. ഭ​വ​ന​വാ​യ്പാ കു​ടി​ശി​ക വ​രു​ത്തി​യ​വ​ര്‍​ക്കാ​യു​ള്ള കു​ടി​ശി​ക നി​വാ​ര​ണ അ​ദാ​ല​ത്ത് സി​വി​ല്‍ സ്റ്റേ​ഷ​നി​ലെ പ്ലാ​നി​ംഗ് ഹാ​ളി​ല്‍ ഉ​ദ്ഘാ​ട​നം ചെ​യ്യു​ക​യാ​യി​രു​ന്നു മ​ന്ത്രി.

വാ​യ്പ എ​ടു​ത്ത​വ​രു​ടെ സാ​മ്പ​ത്തി​ക ശേ​ഷി​യെ കു​റി​ച്ച് അ​ന്വേ​ഷി​ക്കാ​ന്‍ ഭ​വ​ന നി​ര്‍​മാ​ണ ബോ​ര്‍​ഡ് ഉ​ദ്യോ​ഗ​സ്ഥ​രും റ​വ​ന്യൂ ഉ​ദ്യോ​ഗ​സ്ഥ​രും സം​യു​ക്ത പ​രി​ശോ​ധ​ന ന​ട​ത്തി​യി​ട്ടു​ണ്ട്. ഇ​ത് പ​ത്താ​മ​ത്തെ ജി​ല്ല​യി​ലാ​ണ് കു​ടി​ശി​ക നി​വാ​ര​ണ അ​ദാ​ല​ത്ത് ന​ട​ത്തു​ന്ന​ത്.

2018 ഡി​സം​ബ​റി​ല്‍ ആ​ദ്യം ന​ട​ത്തി​യ അ​ദാ​ല​ത്തി​ല്‍ , തി​രി​ച്ച​ട​യ്ക്കാ​ന്‍ ആ​വ​ശ്യ​പ്പെ​ട്ട കു​ടിശി​ക​ക്കാ​രെ​ല്ലാം പ​ണം അ​ട​ച്ചു ക​ഴി​ഞ്ഞു. മൂ​ന്ന് ഗ​ഡു​ക്ക​ളാ​യോ ഒ​ന്നി​ച്ചോ മൂ​ന്നു​മാ​സ​ത്തി​നു​ള്ളി​ല്‍ പ​ണം തി​രി​ച്ച​ട​യ്ക്കാം. ഒ​രാ​ളെ പോ​ലും സ്വ​ന്തം വീ​ട്ടി​ല്‍​നി​ന്ന് പു​റ​ന്ത​ള്ളാ​ന്‍ സ​ര്‍​ക്കാ​രി​ന് ഉ​ദ്ദേ​ശ​മി​ല്ല, എ​ന്നാ​ല്‍ സാ​മ്പ​ത്തി​ക ശേ​ഷി​യു​ള്ള​വ​രി​ല്‍ നി​ന്ന് കു​ടി​ശി​ക തി​രി​ച്ചു കി​ട്ടാ​നു​ള്ള ന​ട​പ​ടി​ക​ള്‍ എ​ടു​ക്കു​മെ​ന്നും മ​ന്ത്രി പ​റ​ഞ്ഞു.

മേ​യ​ര്‍ തോ​ട്ട​ത്തി​ല്‍ ര​വീ​ന്ദ്ര​ന്‍ ച​ട​ങ്ങി​ല്‍ അ​ധ്യ​ക്ഷ​ത വ​ഹി​ച്ചു. ജി​ല്ലാ ക​ള​ക്ട​ര്‍ സാം​ബ​ശി​വ​റാ​വു മു​ഖ്യ​പ്ര​ഭാ​ഷ​ണം ന​ട​ത്തി. ഭ​വ​ന നി​ര്‍​മാ​ണ ബോ​ര്‍​ഡ്ചെ​യ​ര്‍​മാ​ന്‍ പി ​പ്ര​സാ​ദ്, മെ​മ്പ​ര്‍ അ​ഡ്വ ഗോ​വി​ന്ദ​ന്‍ പ​ള്ളി​ക്കാ​പ്പി​ല്‍, മ​റ്റു മെ​മ്പ​ര്‍​മാ​ര്‍, ഉ​ദ്യോ​ഗ​സ്ഥ​ര്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS