ന​ഗ​ര​സ​ഭ​യു​ടെ വാ​ക്കും പ​ഴ​യ ചാ​ക്കും…ഗാന്ധിജയന്തി ദിനാഘോഷം ഗംഭീരമാക്കി; വി​ദ്യാ​ർ​ഥി​ക​ൾ ശേ​ഖ​രി​ച്ച മാ​ലി​ന്യം നഗരസഭ  എടുത്തു മാറ്റിയില്ല; ചീഞ്ഞനാറി ഏറ്റുമാനൂർ ബസ് സ്റ്റാന്‍റ്

ഏ​റ്റു​മാ​നൂ​ർ: ഗാ​ന്ധി​ജ​യ​ന്തി ദി​ന​ത്തി​ൽ എം​ജി യൂ​ണി​വേ​ഴ്സി​റ്റി വി​ദ്യാ​ർ​ഥി​ക​ൾ ശേ​ഖ​രി​ച്ച മാ​ലി​ന്യം ഏ​റ്റു​മാ​നൂ​ർ കെഎസ്ആ​ർ​ടി​സി സ്റ്റാ​ൻ​ഡി​ൽ കെ​ട്ടി ക്കിട​ക്കു​ന്നു. എം​ജി യൂ​ണി​വേ​ഴ്സി​റ്റി വി​ദ്യാ​ർ​ഥി​ക​ൾ ഏ​റ്റു​മാ​നൂ​ർ ന​ഗ​ര​പ്ര​ദേ​ശ​ത്ത് ദു​ർ​ഗ​ന്ധം​പ​ര​ത്തി അ​ല​ക്ഷ്യ​മാ​യി ഇ​ട്ടി​രു​ന്ന പ​ച്ച​ക്ക​റി, പ്ലാ​സ്റ്റി​ക്ക്, മ​ത്സ്യം തു​ട​ങ്ങി​യ മാ​ലി​ന്യ​ങ്ങ​ളാ​ണു ശേ​ഖ​രി​ച്ച് ചാ​ക്കി​ൽ കെ​ട്ടി വ​ച്ച​ത്. എ​ന്നാ​ൽ ദി​വ​സ​ങ്ങ​ൾ ക​ഴി​ഞ്ഞി​ട്ടും ന​ഗ​ര​സ​ഭ അ​ത് എ​ടു​ത്ത് മാ​റ്റാ​ത്ത​ത് മൂ​ലം യാ​ത്ര​ക്കാ​ർ​ക്കും ക​ച്ച​വ​ട​ക്കാ​ർ​ക്കും മാ​ലി​ന്യ​ങ്ങ​ൾ ത​ല​വേ​ദ​ന​യാ​യി​രി​ക്കു​ക​യാ​ണ്.

ശേ​ഖ​രി​ച്ച മാ​ലി​ന്യം ന​ഗ​ര​സ​ഭ ത​ന്നെ സം​സ്ക​രി​ച്ചു കൊ​ള്ളാ​മെ​ന്ന ഉ​റ​പ്പി​ൻ​മേ​ലാ​ണ് വി​ദ്യാ​ർ​ഥി​ക​ൾ മാ​ലി​ന്യ​ങ്ങ​ൾ ശേ​ഖ​രി​ച്ച് ത​രം തി​രി​ച്ച് വി​വി​ധ ചാ​ക്കു​ക​ളി​ലാ​ക്കി കെഎസ്ആ​ർ​ടി​സി സ്റ്റാ​ൻ​ഡി​ലെ പ​ഴ​യ കെ​ട്ടി​ട​ത്തി​ൽ ശേ​ഖ​രി​ച്ച​ത്. എ​ന്നാ​ൽ ഗാ​ന്ധി ജ​യ​ന്തി ക​ഴി​ഞ്ഞ് ദി​വ​സ​ങ്ങ​ൾ പി​ന്നി​ട്ടി​ട്ടും ഇ​വ നീ​ക്കം ചെ​യ്യാ​നോ, സം​സ്ക​രി​ക്കാ​നോ ന​ഗ​ര​സ​ഭാ അ​ധി​കൃ​ത​ർ ത​യ്യ​റാ​യി​ട്ടി​ല്ല. ദി​വ​സ​ങ്ങ​ൾ പി​ന്നി​ട്ട​തോ​ടെ പ​ല ത​ര​ത്തി​ലു​ള്ള മാ​ലി​ന്യ​ങ്ങ​ൾ ചീ​ഞ്ഞുനാ​റി ബ​സ് സ്റ്റാ​ൻ​ഡും പ​രി​സ​ര​വും ദു​ർ​ഗ​ന്ധ​ത്തി​ൽ മു​ങ്ങി​യി​രി​ക്കു​ക​യാ​ണെ​ന്ന് യാ​ത്ര​ക്കാ​രും വ്യാ​പാ​രി​ക​ളും പ​റ​യു​ന്നു.

മാ​ലി​ന്യ നി​ക്ഷേ​പത്താ​ൽ ചീ​ഞ്ഞ് നീ​റു​ന്ന ഏ​റ്റു​മാ​നൂ​ർ ന​ഗ​ര​ത്തി​ന് തെ​ല്ലെങ്കി​ലും ആ​ശ്വാ​സം ആ​ക​ട്ടെ​യെ​ന്ന തീ​രു​മാ​ന​ത്തോ​ടെ​യാ​ണ് എം​ജി സ​ർ​വ​ക​ലാ​ശാ​ല​യി​ലെ ഫി​സി​ക്സ്, നാ​നോ സ​യ​ൻ​സ് ഡി​പ്പാ​ർ​ട്ട് മെ​ന്‍റി​ലെ ഡ​യ​റ​ക്ട​ർ ന​ന്ദ​കു​മാ​ർ ക​ള​രി​ക്ക​ലി​ന്‍റെ നേ​തൃ​ത്വ​ത്തി​ൽ അ​ന്പ​തോ​ളം വി​ദ്യാ​ർ​ഥി​ക​ൾ ഗാ​ന്ധി​ജ​യ​ന്തി ദി​ന​ത്തി​ൽ ശു​ചീ​ക​ര​ണ പ്ര​വ​ർ​ത്ത​ന​വു​മാ​യി ഏ​റ്റു​മാ​നൂ​രി​ലെ​ത്തി​യ​ത്.

രാ​വി​ലെ മു​ത​ൽ ആ​രം​ഭി​ച്ച ശു​ചീ​ക​ര​ണ പ്ര​വ​ർ​ത്ത​ന​ങ്ങ​ൾ ഉ​ച്ച​ക​ഴി​ഞ്ഞാ​ണ് അ​വ​സാ​നി​ച്ച​ത്. വി​ദ്യാ​ർ​ഥി​ക​ളാ​യ ജ​സ്ബി​ൻ, മെ​റി​ൻ, നി​ധീ​ഷ്, ന​വാ​സ് എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു ശു​ചീ​ക​ര​ണ പ​രി​പാ​ടി​ക​ൾ. പ്രൈ​വ​റ്റ്, കെഎസ്ആ​ർ​ടി​സി ബ​സ് സ്റ്റാ​ൻ​ഡു​ക​ളും, ന​ഗ​ര പ്ര​ദേ​ശ​വും മ​ത്സ്യ, പ​ച്ച​ക്ക​റി മാ​ർ​ക്ക​റ്റു​ക​ളും വൃ​ത്തി​യാ​ക്കി​യ ശേ​ഷ​മാ​ണ് വി​ദ്യാ​ർ​ഥി​ക​ൾ മ​ട​ങ്ങി​യ​ത്.