Set us Home Page

മാ​വോ​യി​സ്റ്റ് കേ​സ്: അലനും താഹയ്ക്കുമൊപ്പം ഉണ്ടായിരുന്ന മൂ​ന്നാ​മ​ന്‍ എ​വി​ടെ ?

കോ​ഴി​ക്കോ​ട്: മാ​വോ​യി​സ്റ്റ് ബ​ന്ധ​മു​ള്ള സി​പി​എം പ്ര​വ​ര്‍​ത്ത​ക​രാ​യ വി​ദ്യാ​ര്‍​ഥി​ക​ള്‍​ക്കൊ​പ്പ​മു​ണ്ടാ​യി​രു​ന്ന മൂ​ന്നാ​മ​നെ ക​ണ്ടെ​ത്താ​ന്‍ പോ​ലീ​സി​നാ​യി​ല്ല. കേ​ന്ദ്ര-​സം​സ്ഥാ​ന ര​ഹ​സ്യാ​ന്വേ​ഷ​ണ വി​ഭാ​ഗ​ങ്ങ​ളും അ​ന്വേ​ഷ​ണ​സം​ഘ​വും മൂ​ന്നാ​മ​നെ തേ​ടി​യെ​ങ്കി​ലും യാ​തൊ​രു വി​വ​ര​വും ല​ഭി​ച്ചി​ട്ടി​ല്ല. സം​ഭ​വം ന​ട​ന്ന് ഒ​രാ​ഴ്ച​യാ​വാ​റാ​യി​ട്ടും മൂ​ന്നാ​മ​നെ കു​റി​ച്ചു​ള്ള വി​വ​ര​ങ്ങ​ള്‍ ശേ​ഖ​രി​ക്കാ​ന്‍ ക​ഴി​യാ​ത്ത​ത് ര​ഹ​സ്യാ​ന്വേ​ഷ​ണ വി​ഭാ​ഗ​ത്തി​ന്‍റെ വീ​ഴ്ച​യാ​യാ​ണ് ആ​രോ​പ​ണ​മു​യ​രു​ന്ന​ത്. ന​ഗ​രം കേ​ന്ദ്രീ​ക​രി​ച്ചു​ള്ള മാ​വോ​യി​സ്റ്റു​ക​ളു​ടെ പ്ര​വ​ര്‍​ത്ത​ന​ങ്ങ​ള്‍​ക്ക് നി​ര്‍​ദേ​ശം ന​ല്‍​കു​ന്ന ഉ​ണ്ണി​യെ​ന്ന​യാ​ളാ​ണ് മൂ​ന്നാ​മ​നെ​ന്നാ​ണ് സൂ​ച​ന.

എ​ന്നാ​ല്‍ ഉ​ണ്ണി​യെ​ന്ന പേ​ര് യ​ഥാ​ര്‍​ത്ഥ പേ​ര​ല്ലെ​ന്നും യു​വാ​ക്ക​ള്‍​ക്കി​ട​യി​ല്‍ അ​റി​യ​പ്പെ​ടു​ന്ന പേ​രാ​ണി​തെന്നു​മാ​ണ് ര​ഹ​സ്യാ​ന്വേ​ഷ​ണ വി​ഭാ​ഗം പ​റ​യു​ന്ന​ത്. പോ​ലീ​സ് പി​ടി​യി​ലാ​യ അ​ല​ന്‍​ഷു​ഹൈ​ബും താ​ഹ ഫ​സ​ലും ഉ​ണ്ണി​യെ​ന്ന പേ​രി​ലു​ള്ള​യാ​ളെ കു​റി​ച്ചു​ള്ള സൂ​ച​ന​ക​ള്‍ ന​ല്‍​കി​യി​രു​ന്നു. ല​ഘു​ലേ​ഖ​ക​ളും വ​ലി​യ ബാ​ന​റു​ക​ളും യു​വാ​ക്ക​ള്‍​ക്ക് ന​ല്‍​കി​യ മൂ​ന്നാ​മ​ന്‍ മാ​വോ​യി​സ്റ്റ് നേ​താ​ക്ക​ളു​മാ​യി അ​ടു​ത്ത​ ബ​ന്ധ​മു​ള്ള​യാ​ളാ​ണെ​ന്ന് പോ​ലീ​സ് ക​രു​തു​ന്നു. മൊ​ബൈ​ല്‍ വ​ഴി യാ​തൊ​രു ബ​ന്ധ​വും ഇ​യാ​ളും യു​വാ​ക്ക​ളും ത​മ്മി​ലു​ണ്ടാ​യി​രു​ന്നി​ല്ല. ഇ​ത് അ​ന്വേ​ഷ​ണ​ത്തെ പ്ര​തി​കൂ​ല​മാ​യ ബാ​ധി​ക്കു​ന്നു​ണ്ട്.

യു​എ​പി​എ ചു​മ​ത്തി ജി​ല്ലാ ജ​യി​ലി​ല്‍ റി​മാ​ന്‍​ഡി​ല്‍ ക​ഴി​യു​ന്ന വി​ദ്യാ​ര്‍​ഥി​ക​ളെ ക​സ്റ്റ​ഡി​യി​ല്‍ വി​ട്ടു​ന​ല്‍​കാ​ന്‍ പോ​ലീ​സ് വ​രും ദി​വ​സ​ങ്ങ​ളി​ല്‍ കോ​ട​തി​യി​ല്‍ അ​പേ​ക്ഷ സ​മ​ര്‍​പ്പി​ക്കും. ഡി​ജി​റ്റ​ല്‍ തെ​ളി​വു​ക​ളു​ടെ ഫോ​റ​ന്‍​സി​ക് പ​രി​ശോ​ധ​നാ ഫ​ലം കൂ​ടി ല​ഭി​ച്ചാ​ല്‍ സി​പി​എം പ്ര​വ​ര്‍​ത്ത​ക​രാ​യ ഒ​ള​വ​ണ്ണ മൂ​ര്‍​ക്ക​നാ​ട് താ​ഹ​ഫ​സ​ല്‍ (24), തി​രു​വ​ണ്ണൂ​ര്‍ പാ​ലാ​ട്ട് ന​ഗ​ര്‍ അ​ല​ന്‍ ഷു​ഹൈ​ബ് (20) എ​ന്നി​വ​രെ ക​സ്റ്റ​ഡി​യി​ല്‍ ല​ഭി​ക്കു​ന്ന​തി​നു​ള്ള അ​പേ​ക്ഷ യു​എ​പി​എ പ്ര​ത്യേ​ക കോ​ട​തി കൂ​ടി​യാ​യ പ്രി​ന്‍​സി​പ്പ​ല്‍ സെ​ഷ​ന്‍​സ് കോ​ട​തി​യി​ല്‍ സ​മ​ര്‍​പ്പി​ക്കും. സാ​ധാ​ര​ണ 14 ദി​വ​സ​ത്തേ​ക്കാ​ണ് കോ​ട​തി റി​മാ​ന്‍​ഡ് ചെ​യ്യാ​റു​ള്ള​ത്.

എ​ന്നാ​ല്‍ യു​എ​പി​എ കേ​സി​ല്‍ 30 ദി​വ​സ​മാ​ണ് റി​മാ​ന്‍​ഡ് കാ​ലാ​വ​ധി. ആ​റു മാ​സ​ത്തി​ന​കം കു​റ്റ​പ​ത്രം സ​മ​ര്‍​പ്പി​ച്ചാ​ല്‍ മ​തി. അ​ന്ന് ര​ക്ഷ​പ്പെ​ട്ട മൂ​ന്നാ​മ​നെ കു​റി​ച്ച് പ്ര​തി​ക​ളി​ല്‍ നി​ന്ന് കൂ​ടു​ത​ല്‍ വി​വ​ര​ങ്ങ​ള്‍ അ​റി​യു​ന്ന​തി​നാ​ണ് യു​വാ​ക്ക​ളെ ക​സ്റ്റ​ഡി​യി​ല്‍ വാ​ങ്ങു​ന്ന​ത് . കൂ​ടാ​തെ മാ​വോ​യി​സ്റ്റു​ക​ളു​മാ​യു​ള്ള ബ​ന്ധ​ത്തെ കു​റി​ച്ചും ഏ​തെ​ങ്കി​ലും രീ​തി​യി​ല്‍ അ​വ​ര്‍​ക്ക് സ​ഹാ​യം ചെ​യ്തു​കൊ​ടു​ത്തി​രു​ന്നോ എ​ന്ന​റി​യേ​ണ്ട​തു​ണ്ട്. പ്ര​തി​ക​ളു​മാ​യി അ​ടു​പ്പ​മു​ണ്ടാ​യി​രു​ന്ന​വ​രു​ടെ വി​വ​ര​ങ്ങ​ള്‍ സൈ​ബ​ര്‍ സെ​ല്ലി​ന്‍റെ സ​ഹാ​യ​ത്തോ​ടെ ശേ​ഖ​രി​ച്ചി​ട്ടു​ണ്ട്. കോ​ള്‍ ഡീ​റ്റൈ​യി​ല്‍ റി​പ്പോ​ര്‍​ട്ട് (സി​ഡി​ആ​ര്‍) പ​രി​ശോ​ധി​ച്ച ശേ​ഷം ആ​വ​ശ്യ​മെ​ങ്കി​ല്‍ ഇ​വ​രെ വി​ളി​ച്ചു വ​രു​ത്തി ചോ​ദ്യം ചെ​യ്യും.

അ​തേ​സ​മ​യം യു​വാ​ക്ക​ള്‍​ക്കെ​തി​രേ ന​ട​പ​ടി സ്വീ​ക​രി​ക്കാ​നും സി​പി​എം ആ​ലോ​ചി​ക്കു​ന്നു​ണ്ട്. യു​എ​പി​എ ഒ​ഴി​വാ​ക്കു​ന്ന​തി​ല്‍ നി​ന്ന് ആ​ഭ്യ​ന്ത​ര​വ​കു​പ്പ് പി​ന്‍​മാ​റാ​ത്ത സാ​ഹ​ച​ര്യ​ത്തി​ലാ​ണ് ഇ​രു​വ​രേ​യും പാ​ര്‍​ട്ടി​യി​ല്‍ നി​ന്ന് പു​റ​ത്താ​ക്കു​ന്ന​ത് സം​ബ​ന്ധി​ച്ച് ആ​ലോ​ചി​ക്കു​ന്ന​ത്. അ​തേ​സ​മ​യം പ്ര​തി​ക​ള്‍​ക്ക് സു​ര​ക്ഷാ​ഭീ​ഷ​ണി​യു​ണ്ടെ​ന്ന് ജി​ല്ലാ ജ​യി​ല്‍ സൂ​പ്ര​ണ്ട് ജ​യി​ല്‍ ഡി​ജി​പി ഋ​ഷി​രാ​ജ് സിം​ഗി​ന് റി​പ്പോ​ര്‍​ട്ട് സ​മ​ര്‍​പ്പി​ച്ചി​രു​ന്നു.

വി​യ്യൂ​രി​ലെ അ​തി​സു​ര​ക്ഷാ ജ​യി​ലി​ലേ​ക്ക് മാ​റ്റ​ണ​മെ​ന്നാ​വ​ശ്യ​പ്പെ​ട്ടാ​ണ് റി​പ്പോ​ര്‍​ട്ട് സ​മ​ര്‍​പ്പി​ച്ച​ത്. എ​ന്നാ​ല്‍ ജ​യി​ല്‍​മാ​റ്റം ഇ​പ്പോ​ള്‍ വേ​ണ്ടെ​ന്നാ​ണ് ഡി​ജി​പി​യു​ടെ നി​ല​പാ​ട്. നേ​ര​ത്തെ പി​ടി​യി​ലാ​യ മാ​വോ​യി​സ്റ്റ് നേ​താ​വ് രൂ​പേ​ഷ് വി​യ്യൂ​ര്‍ അ​തി​സു​ര​ക്ഷാ ജ​യി​ലി​ലു​ണ്ട്. ഈ ​സാ​ഹ​ച​ര്യം കൂ​ടി ക​ണ​ക്കി​ലെ​ടു​ത്താ​ണ് യു​വാ​ക്ക​ളെ വി​യ്യൂ​രി​ലേ​ക്ക് മാ​റ്റാ​ന്‍ ഡി​ജി​പി അ​നു​മ​തി ന​ല്‍​കാ​ത്ത​ത്. പാ​ര്‍​ട്ടി പ്ര​വ​ര്‍​ത്ത​ക​ര്‍​ക്കെ​തി​രേ യു​എ​പി​എ ചു​മ​ത്തി​യ ന​ട​പ​ടി സി​പി​എ​മ്മി​ല്‍ ഏ​റെ വി​വാ​ദ​ത്തി​നി​ട​യാ​ക്കി​യി​ട്ടു​ണ്ട്.

അ​തേ​സ​മ​യം പാ​ര്‍​ട്ടി പ്ര​വ​ര്‍​ത്ത​ക​ര്‍​ക്ക് മാ​വോ​യി​സ്റ്റ് ബ​ന്ധ​മു​ണ്ടെ​ന്ന ക​ണ്ടെ​ത്ത​ലും പാ​ര്‍​ട്ടി​യെ പ്ര​തി​രോ​ധ​ത്തി​ലാ​ക്കി. ഈ ​സാ​ഹ​ച​ര്യ​ത്തി​ല്‍ എ​ല്ലാ ഏ​രി​യാ​ക​മ്മി​റ്റി​ക​ളും പാ​ര്‍​ട്ടി അം​ഗ​ങ്ങ​ളെ കു​റി​ച്ചു​ള്ള വി​വ​ര​ങ്ങ​ളും മ​റ്റും അ​ന്വേ​ഷി​ക്ക​ണ​മെ​ന്നും ഇ​വ​രു​ടെ പ്ര​വ​ര്‍​ത്ത​ന രീ​തി വി​ല​യി​രു​ത്ത​ണ​മെ​ന്നും നി​ര്‍​ദേ​ശം ന​ല്‍​കി​യ​താ​യാ​ണ് വി​വ​രം. ഇ​ത് സം​ബ​ന്ധി​ച്ച് യോ​ഗ​വും സി​പി​എം വി​ളി​ച്ചു ചേ​ര്‍​ത്തി​ട്ടു​ണ്ട്.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS