കാക്കനാട്: മാസ്റ്റേഴ്സ് ഗ്രൂപ്പ് ഉടമകളായ കാക്കനാട് മൂലേപ്പാടം റോഡിൽ സ്ലീബാവീട്ടിൽ എബിൻ വർഗീസ് (40), ഭാര്യ ശ്രീരഞ്ജിനി എന്നിവരെ ഓഹരി നിക്ഷേപത്തട്ടിപ്പ് കേസിൽ പുത്തൻകുരിശ് പോലീസും അറസ്റ്റുചെയ്തു.
കോലഞ്ചേരിയിലെ ഡോക്ടറുടെ ഒരു കോടിരൂപ തട്ടിയെന്ന കേസിലാണ് അറസ്റ്റ്. 5.1 കോടി രൂപ തങ്ങളെ കബളിപ്പിച്ചതായി തൃപ്പൂണിത്തുറ സ്വദേശി ബാലകൃഷ്ണൻ നൽകിയ പരാതിയിൽ അറസ്റ്റിലായ ദമ്പതികൾ ഇപ്പോൾ റിമാൻഡിലാണ്. കോടതിയുടെ അനുമതിയോടെ ജയിലിലെത്തിയാണ് ഇരുവരുടെയും അറസ്റ്റ് രേഖപ്പെടുത്തിയത്.
ഇന്നലെ എബിൻ വർഗീസിനെ മാസ്റ്റേഴ്സ് ഗ്രൂപ്പിന്‍റെ ഓഫീസിലെത്തിച്ച് തെളിവെടുപ്പ് നടത്തിയശേഷം ഇന്നലെ കോടതിയിൽ ഹാജരാക്കി.19 വരെ റിമാൻഡ് ചെയ്തു.
തൃക്കാക്കരയിൽ ഉൾപ്പെടെ സംസ്ഥാനത്തെ ഏഴ് സ്റ്റേഷനുകളിലായി 141 പരാതികളിൽ പതിനൊന്ന് കേസുകളാണ് ഇതുവരെ രജിസ്റ്റർ ചെയ്തിരിക്കുന്നത്.
പ്രതികൾ 135 കോടി കോടിയുടെ തട്ടിപ്പ് നടത്തിയതായാണ് വിവിധ സ്റ്റേഷനുകളിൽ നൽകിയ പരാതിയിൽ പറയുന്നത്.
