ഡ്യൂൻഡിൻ: 20 വർഷത്തെ കരിയറിന് വിരാമമിട്ട് ന്യൂസിലൻഡ് ഓൾറൗണ്ടർ സൂസി ബേറ്റ്സ് അന്താരാഷ്ട്ര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചു. ഈ വർഷം ഇംഗ്ലണ്ടിൽ നടക്കുന്ന ട്വന്റി20 ക്രിക്കറ്റ് വനിതാ ലോകകപ്പിന് ശേഷം വിരമിക്കുമെന്നാണ് 38കാരിയായ താരം അറിയിച്ചത്.
2003ൽ പതിനഞ്ചാം വയസിൽ ആഭ്യന്തര ക്രിക്കറ്റിലും 2006ൽ അന്താരാഷ്ട്ര ക്രിക്കറ്റിലും ബേറ്റ്സ് അരങ്ങേറ്റം കുറിച്ചു. വനിതാ ട്വന്റി20 യിൽ ഏറ്റവും കൂടുതൽ റണ്സ് നേടിയ താരം (4717), വനിതാ ഏകദിനത്തിൽ നാലാം സ്ഥാനക്കാരിയുമാണ് (5964). 2011 ജൂലൈയിൽ ന്യൂസിലൻഡ് ക്യാപ്റ്റനായി സ്ഥാനം ഏറ്റെടുത്ത ബേറ്റ്സ് ഏഴ് വർഷത്തോളം ടീമിനെ നയിച്ചു.
