സമ്പർക്കപ്പട്ടിക തയാറാക്കുന്നതിനിടെ ഫലം വന്നു; വി​ഷം ഉ​ള്ളി​ൽ ചെ​ന്നു​മ​രി​ച്ച വൃ​ദ്ധ​യ്ക്കു കോ​വി​ഡി​ല്ല; ആശ്വാസത്തിൽ നാട്ടുകാർ

സ്വ​ന്തം ലേ​ഖ​ക​ൻ
തൃശൂർ: ക​ഴി​ഞ്ഞ ദി​വ​സം വി​ഷം ഉ​ള്ളി​ൽ ചെ​ന്നു മ​രി​ച്ച വൃ​ദ്ധ​യ്ക്ക് കോ​വി​ഡ് ഇ​ല്ലെ​ന്ന് ആ​ല​പ്പു​ഴ വൈ​റോ​ള​ജി ലാ​ബി​ന്‍റെ റി​പ്പോ​ർ​ട്ട്. വൃ​ദ്ധ​യ്ക്ക് പോ​സി​റ്റീ​വാ​ണെ​ന്ന് ട്രൂ​നാ​റ്റ് പ​രി​ശോ​ധ​ന​യി​ൽ സ്ഥി​രീ​ക​രി​ച്ചി​രു​ന്നു.

തു​ട​ർ​ന്നു വി​ശ​ദ​മാ​യ പ​രി​ശോ​ധ​ന​യ്ക്ക് സ്ര​വം ആ​ല​പ്പു​ഴ വൈ​റോ​ള​ജി ലാ​ബി​ലേ​ക്ക് അ​യ​ച്ച​തി​ന്‍റെ പ​രി​ശോ​ധ​ന​ഫ​ല​ത്തി​ലാ​ണ് കോ​വി​ഡി​ല്ലെ​ന്നും നെ​ഗ​റ്റീ​വാ​ണെ​ന്നും റി​പ്പോ​ർ​ട്ട് വ​ന്നി​രി​ക്കു​ന്ന​ത്.

പ​ഴ​യ​ന്നൂ​ർ സൗ​ത്ത് കൊ​ണ്ടാ​ഴി കു​ഴി​യം​പാ​ട​ത്ത് ദേ​വ​കി​ക്കാ​ണ് കോ​വി​ഡ് സ്ഥി​രീ​ക​രി​ച്ച​താ​യി ആ​ദ്യം പ​റ​ഞ്ഞ​ത്. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ഇ​വ​രെ ചി​കി​ത്സി​ച്ച അ​ത്യാ​ഹി​ത വി​ഭാ​ഗ​ത്തി​ലെ ഡോ​ക്ട​ർ​മാ​ര​ട​ക്ക​മു​ള്ള 25 പേ​രെ നി​രീ​ക്ഷ​ണ​ത്തി​ലേ​ക്ക് മാ​റ്റി​യി​രു​ന്നു.

ദേ​വ​കി​യു​ടെ മ​ര​ണ​ശേ​ഷം ന​ട​ത്തി​യ ട്രൂ​നാ​റ്റ് പ​രി​ശോ​ധ​ന​യി​ലാ​ണ് ഇ​വ​ർ​ക്ക് കോ​വി​ഡ് പോ​സി​റ്റീ​വാ​ണെ​ന്ന് സ്ഥി​രീ​ക​രി​ച്ച​ത്. ആ​ശു​പ​ത്രി​യും പ​രി​സ​ര​വും അ​ണു​വി​മു​ക്താ​ക്ക​ല​ട​ക്ക​മു​ള്ള സു​ര​ക്ഷ ന​ട​പ​ടി​ക​ളു​മെ​ടു​ത്തി​രു​ന്നു.

വീ​ടി​നു പു​റ​ത്തി​റ​ങ്ങാ​ത്ത വ്യ​ക്തി​യാ​യി​രു​ന്നു ദേ​വ​കി​യെ​ന്ന് വീ​ട്ടു​കാ​ർ ക​ഴി​ഞ്ഞ ദി​വ​സം ത​ന്നെ പ​റ​ഞ്ഞി​രു​ന്നു. ഇ​വ​രു​ടെ മ​ക്ക​ൾ ഒ​റ്റ​പ്പാ​ല​ത്തും പ​രി​സ​ര​ത്തു​മു​ള്ള വ്യാ​പാ​ര​സ്ഥാ​പ​ന​ങ്ങ​ളി​ൽ ജോ​ലി നോ​ക്കു​ന്ന​വ​രാ​ണ്.

ഇ​വ​രു​ടെ​യൊ​ക്കെ സ​ന്പ​ർ​ക്ക​പ​ട്ടി​ക ത​യ്യാ​റാ​ക്കു​ന്ന​തി​നി​ടെ​യാ​ണ് ഇ​പ്പോ​ൾ കോ​വി​ഡ് നെ​ഗ​റ്റീ​വ് എ​ന്ന പ​രി​ശോ​ധ​ന​ഫ​ലം വ​ന്നി​രി​ക്കു​ന്ന​ത്.