വേളമാനൂർ ഗാന്ധി ഭവൻ സ്നേഹാശ്രമത്തിലെ റിപ്പബ്ലിക് ദിനാഘോഷത്തിന് തുടക്കം കുറിച്ചു കൊണ്ട് മുൻ ഡിജിപി എ.ഹേമചന്ദ്രൻ ദേശീയപതാക ഉയർത്തുന്നു.
പാരിപ്പള്ളി: വേളമാനൂർ ഗാന്ധിഭവൻ സ്നേഹാശ്രമത്തിൽ റിപ്പബ്ലിക് ദിനം ആഘോഷിച്ചു. മുൻ ഡിജിപി എ.ഹേമചന്ദ്രൻ സ്നേഹാശ്രമത്തിൽ ദേശീയപതാക ഉയർത്തി റിപ്പബ്ലിക്ക് ദിന സന്ദേശം നൽകി.
നാം അനുഭവിക്കുന്ന സ്വാതന്ത്ര്യവും സുഖസൗകര്യങ്ങളും നമ്മുടെ മുൻ തലമുറ അനുഭവിച്ച യാതനകളുടെയും ത്യാഗങ്ങളുടെയും ഫലമാണെന്നത് നാം വിസ്മരിക്കരുതെന്നു അദ്ദേഹം പറഞ്ഞു. ഇന്നത്തെ വൃദ്ധരുടെ യൗവനകാലത്ത് അവർ അനുഭവിച്ച കഷ്ടപ്പാടുകളുടെ ഫലമാണ് ഇന്നത്തെ സുഖത്തി െ ന്റ നിദാനം.
വൃദ്ധരെ ചേർത്തുപിടിച്ചു സംരക്ഷിക്കേണ്ടത് രാഷ്ട്രത്തിന്റെ കടമയാണെന്ന് അദ്ദേഹം പറഞ്ഞു. കേരള സ്റ്റേറ്റ് എക്സ് സർവീസസ് ലീഗ് പാരിപ്പള്ളി യൂണിറ്റ് ഭാരവാഹികളുടെ നേതൃത്വത്തിൽ പതാക വന്ദനം നടത്തി.
എഴിപ്പുറം ഹയർസെക്കഡറി സ്കൂളിലെ എൻസിസി കേഡറ്റുകൾ റിപ്പൂബ്ലിക്ദിന പരേഡ് നടത്തി. കൊല്ലം ജില്ലാ മെഡിക്കൽ ഓഫീസറായി നിയമിതയായ ഡോ.എ.എൽ.ഷീജയെയും സംസ്ഥാന സ്കൂൾ കലോത്സവത്തിൽ ഇംഗ്ലീഷ് പദ്യപാരായണത്തിനു എ ഗ്രേഡ് കരസ്ഥമാക്കിയ വേളമാനൂർ സ്വദേശി ധ്വനിയേയും സ്നേഹാശ്രമം ആദരിച്ചു.
ധ്വനി സമ്മാനർഹമായ പദ്യം അവതരിപ്പിച്ചു.സ്നേഹാശ്രമം ചെയർമാൻ ബി.പ്രേമാനന്ദ് അധ്യക്ഷത വഹിച്ചു. ചടങ്ങിൽ ഡയറക്ടർ പത്മാലയം ആർ.രാധാകൃഷ്ണൻ, സെക്രട്ടറി പി.എം.രാധാകൃഷ്ണൻ, വർക്കിംഗ് ചെയർമാൻ തിരുവോണം രാമചന്ദ്രൻ പിള്ള, കെ.എം.രാജേന്ദ്ര കുമാർ, ബി.സുനിൽകുമാർ , ജി.രാമചന്ദ്രൻ പിള്ള, ആലപ്പാട്ട് ശശിധരൻ എന്നിവർ നേതൃത്വം നൽകി.
