പഴനിയിൽ പോകുംമുമ്പ് യുവതി ഭർത്താവിൽ നിന്നും  നേരിട്ടത്  കൊടിയ മർദനം; പ​ഴ​നി​യി​ൽ സംഭവിച്ചതിനെക്കുറിച്ച് ഇരുവരും പറഞ്ഞ മൊഴികളിൽ വൈരുധ്യം; മൊഴികൾ രാഷ്ട്രദീപികയ്ക്ക്

സ്വ​ന്തം ലേ​ഖ​ക​ൻ
ത​ല​ശേ​രി: പ​ഴ​നി അ​ടി​വാ​ര​ത്ത് നാ​ല്പ​തു​കാ​രി​യെ ത​ട്ടി​ക്കൊ​ണ്ടു പോ​യി മു​റി​യി​ൽ പൂ​ട്ടി​യി​ട്ടു മൂ​ന്നം​ഗ​സം​ഘം പീ​ഡ​ന​ത്തി​നി​ര​യാ​ക്കി​യ സം​ഭ​വ​ത്തി​ൽ ദ​മ്പ​തി​ക​ളെ പ​ഴ​നി​യി​ൽ മു​റി​യെ​ടു​ക്കാ​ൻ പ്രേ​രി​പ്പി​ച്ച അ​ജ്ഞാ​ത​നെ ക​ണ്ടെ​ത്താ​ൻ കേ​ര​ള – ത​മി​ഴ്നാ​ട് പോ​ലീ​സ് സം​യു​ക്ത നീ​ക്കം ആ​രം​ഭി​ച്ചു.

ഭ​ർ​ത്താ​വി​നു ലൈ​സ​ൻ​സ് എ​ടു​ക്കു​ന്ന​തി​നാ​യി സ്വ​ന്തം നാ​ടാ​യ ഡി​ണ്ടി​ഗ​ല്ലി​ലേ​ക്കു പോ​കാ​ൻ പ​ഴ​നി​യി​ലെ​ത്തി​യ ദ​മ്പ​തി​ക​ളെ ക്ഷേ​ത്ര ദ​ർ​ശ​നം ന​ട​ത്തി പൊ​യ്ക്കൂ​ടേ​യെ​ന്നു ചോ​ദി​ച്ചു മു​റി​യെ​ടു​ക്കാ​ൻ അ​ഞ്ജാ​ത​ൻ പ്രേ​രി​പ്പി​ച്ച​താ​യി ദ​മ്പ​തി​ക​ളു​ടെ മൊ​ഴി​യി​ൽ പ​റ​യു​ന്നു​ണ്ട്.

ഈ ​അ​ജ്ഞാ​ത​നെ ക​ണ്ടെ​ത്തി​യാ​ൽ കേ​സി​ന്‍റെ ചു​രു​ള​ഴി​യു​മെ​ന്ന നി​ഗ​മ​ന​ത്തി​ലാ​ണ് പോ​ലീ​സ്. ഇ​തി​ന്‍റെ ഭാ​ഗ​മാ​യി പ​ഴ​നി അ​ടി​വാ​ര​ത്തെ സം​ഭ​വം ന​ട​ന്നു​വെ​ന്നു പ​റ​യു​ന്ന പ്ര​ദേ​ശ​ത്തെ സി​സി ടി​വി ദൃ​ശ്യ​ങ്ങ​ൾ പ​ഴ​നി പോ​ലീ​സ് ശേ​ഖ​രി​ക്കും.

ജ​ന​ത്തി​ര​ക്കേ​റി​യ അ​ടി​വാ​ര​ത്തു സ്ത്രീ​യെ ത​ട്ടി​ക്കൊ​ണ്ട് പോ​യി എ​ന്ന​തും സം​ഭ​വ​ങ്ങ​ൾ​ക്കു ശേ​ഷം ര​ണ്ട് വ​ഴി​ക്കാ​യ ദ​മ്പ​തി​ക​ൾ ഉ​ദു​മ​ൽ പേ​ട്ട റെ​യി​ൽവേ സ്റ്റേ​ഷ​നി​ൽ അ​പ്ര​തീ​ക്ഷി​ത​മാ​യി ക​ണ്ടു മു​ട്ടി​യെ​ന്ന മൊ​ഴി​യും പോ​ലീ​സി​നെ കു​ഴ​ക്കു​ന്നു​ണ്ട്.

പീ​ഡ​ന സം​ഭ​വം ന​ട​ന്നു പ​തി​നേ​ഴ് ദി​വ​സം ക​ഴി​ഞ്ഞാ​ണ് യു​വ​തി ഭ​ർ​ത്താ​വി​നോ​ടു പീ​ഡ​ന വി​വ​രം പ​റ​ഞ്ഞ​തെ​ന്ന മൊ​ഴി ഉ​ൾ​പ്പെ​ടെ ദ​മ്പ​തി​ക​ളു​ടെ മൊ​ഴി​ക​ളി​ൽ ഏ​റെ വൈ​രു​ധ്യ​ങ്ങ​ൾ ഉ​ള്ള​താ​യി പോ​ലീ​സ് പ്രാ​ഥ​മി​ക അ​ന്വ​ഷ​ണ​ത്തി​ൽ ക​ണ്ടെ​ത്തി.

ആ​ദ്യ ഭ​ർ​ത്താ​വി​ൽ നാ​ല് പെ​ൺ​മ​ക്ക​ളു​ള്ള യു​വ​തി​യെ പീ​ഡി​പ്പി​ച്ച കേ​സി​ൽ കേ​ര​ള – ത​മി​ഴ്നാ​ട് പോ​ലീ​സ് സം​യു​ക്ത​മാ​യാ​ണ് അ​ന്വ​ഷ​ണം ന​ട​ത്തി വ​രു​ന്ന​ത്. സി​റ്റി പോ​ലീ​സ് ക​മ്മീ​ഷ​ണ​ർ ആ​ർ.​ഇ​ള​ങ്കോ ഡി​ണ്ടി​ഗ​ൽ ജി​ല്ലാ പോ​ലീ​സ് ചീ​ഫു​മാ​യി കേ​സി​ന്‍റെ വി​ശ​ദാം​ശ​ങ്ങ​ൾ ച​ർ​ച്ച ചെ​യ്തു.

ഇ​തി​നെത്തു​ട​ർന്നു പ​ഴ​നി പോ​ലീ​സും സം​ഭ​വ​ത്തി​ൽ അ​ന്വേ​ഷ​ണം ഊ​ർ​ജി​ത​മാ​ക്കി​യി​ട്ടു​ണ്ട്.ത​ല​ശേ​രി എ​സി​പി മൂ​സ വ​ള്ളി​ക്കാ​ട​ൻ, സി​ഐ സ​ന​ൽ​കു​മാ​ർ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് ഇ​വി​ടെ കേ​സ​ന്വേ​ഷി​ച്ചു വ​രു​ന്ന​ത്.

164 പ്ര​കാ​രം യു​വ​തി​യു​ടെ മൊ​ഴി രേ​ഖ​പ്പെ​ടു​ത്ത​ൽ ഉ​ൾ​പ്പെ​ടെ​യു​ള്ള ന​ട​പ​ടി ക്ര​മ​ങ്ങ​ൾ പൂ​ർ​ത്തി​യാ​ക്കി​യ ശേ​ഷം കേ​സ് ത​മി​ഴ്നാ​ട് പോ​ലീ​സി​ന് കൈ​മാ​റു​മെ​ന്ന് ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​ർ രാ​ഷ്‌​ട്ര​ദീ​പി​ക​യോ​ടു പ​റ​ഞ്ഞു.

യു​വ​തി പീ​ഡ​ന​ത്തി​നി​ര​യാ​യ വി​വ​രം ത​ങ്ങ​ളോ​ടു ദ​മ്പ​തി​ക​ൾ പ​റ​ഞ്ഞി​ട്ടി​ല്ലെ​ന്നും 6500 രൂ​പ ത​ട്ടി​യെ​ടു​ത്ത വി​വ​രം മാ​ത്ര​മാ​ണ് പ​റ​ഞ്ഞ​തെ​ന്നും പ​ഴ​നി പോ​ലീ​സ് കേ​ര​ള പോ​ലീ​സി​നെ അ​റി​യി​ച്ചു.

ഭ​ർ​ത്താ​വ് പ​റ​യു​ന്ന​ത്…
ഭാ​ര്യ​യെ അ​ക്ര​മി​ക​ൾ ത​ട്ടി​ക്കൊ​ണ്ടു പോ​യ ശേ​ഷം അ​വ​രെ ക​ണ്ടെ​ത്താ​ൻ ക​ഴി​യാ​തെ ര​ണ്ട് ദി​വ​സം പ​ഴ​നി​യി​ൽ അ​ല​ഞ്ഞു. പ​രാ​തി പ​റ​യാ​ൻ ചെ​ന്ന​പ്പോ​ഴെ​ല്ലാം പ​ഴ​നി പോ​ലീ​സ് അ​ടി​ച്ചോ​ടി​ച്ചു. പോ​ലീ​സി​ന്‍റെ അ​ടി​കൊ​ണ്ട് അ​വ​ശ​നാ​യി പ​ഴ​നി ആ​ശു​പ​ത്രി​യി​ൽ ചി​കി​ത്സ തേ​ടി​യെ​ങ്കി​ലും ചി​കി​ത്സ ല​ഭി​ച്ചി​ല്ല.

സ​ഹാ​യം വാ​ഗ്ദാ​നം ചെ​യ്തെ​ത്തി​യ ഓ​ട്ടോ​റി​ക്ഷ ഡ്രൈ​വ​ർ പേ​ഴ്സ് കൊ​ള്ള​യ​ടി​ച്ചു. ഒ​ടു​വി​ൽ ഭാ​ര്യ​യെ ക​ണ്ടെ​ത്താ​നാ​കാ​തെ ഡി​ണ്ടി​ഗ​ല്ലി​ലെ സ​ഹോ​ദ​രി​യു​ടെ വീ​ട്ടി​ലേ​ക്കു താ​ൻ പോ​യി. സ​ഹോ​ദ​രി​യോ​ടു വി​വ​രം പ​റ​ഞ്ഞു. തു​ട​ർ​ന്ന് സ​ഹോ​ദ​രി ത​ന്ന 500 രൂ​പ​യു​മാ​യി വീ​ണ്ടും ഭാ​ര്യ​യെ തേ​ടി ട്രെ​യി​നി​ൽ പ​ഴ​നി​യി​ലേ​ക്കു പു​റ​പ്പെ​ട്ടു.

എ​ന്നാ​ൽ, ഉ​റ​ങ്ങി പോ​യ താ​ൻ ഉ​ദു​മ​ൽ പേ​ട്ട​യി​ൽ ഇ​റ​ങ്ങി. അ​വി​ടെ വ​ച്ച് ഭാ​ര്യ​യെ ക​ണ്ടെ​ത്തു​ക​യാ​യി​രു​ന്നു​വെ​ന്ന് മു​പ്പ​ത്തി​യെ​ട്ടു​കാ​ര​നാ​യ ഭ​ർ​ത്താ​വ് പോ​ലീ​സി​ന് ന​ൽ​കി​യ മൊ​ഴി​യി​ൽ പ​റ​ഞ്ഞു.

യു​വ​തി​ക്ക് സം​ഭ​വി​ച്ച​ത് …
പ​ഴ​നി​യി​ൽ മു​റി​യെ​ടു​ത്ത ശേ​ഷം ഭ​ർ​ത്താ​വ് ഭ​ക്ഷ​ണം വാ​ങ്ങാ​ൻ റോ​ഡി​നെ​തി​ർ​വ​ശ​ത്തു​ള്ള ഹോ​ട്ട​ലി​ലേ​ക്കു പോ​യ ഉ​ട​ൻ പി​റ​കി​ൽ നി​ന്നെ​ത്തി​യ മൂ​ന്ന് പേ​ർ യു​വ​തി​യു​ടെ ത​ല​യി​ലൂ​ടെ തു​ണി​യി​ട്ട ശേ​ഷം ത​ട്ടി​ക്കൊ​ണ്ട് പോ​യി കൈയും കാ​ലും പി​ടി​ച്ചു വെ​ച്ച് പീ​ഡി​പ്പി​ച്ചു​വെ​ന്നാ​ണ് കേ​സ്.

അ​ക്ര​മി​ക​ൾ ഉ​റ​ങ്ങു​ന്ന സ​മ​യ​ത്ത് മു​റി​യി​ൽനി​ന്നു ര​ക്ഷ​പ്പെ​ട്ട യു​വ​തി റെ​യി​ൽ​വേ സ്റ്റേ​ഷ​നി​ൽ എ​ത്തി ട്രെ​യി​ൽ മാ​ർ​ഗം ഉ​ദു​മ​ൽ പേ​ട്ട​യി​ൽ എ​ത്തു​ക​യാ​യി​രു​ന്നു.

അ​വി​ടെ വ​ച്ച് ഭ​ർ​ത്താ​വി​നെ ക​ണ്ടമു​ട്ടി​യ ശേ​ഷം ദ​മ്പ​തി​ക​ൾ പ​ഴ​നി​യി​ൽ എ​ത്തി പോ​ലീ​സി​ൽ പ​ണം കൊ​ള്ള​യ​ടി​ച്ച വി​വ​രം പ​റ​യു​ക​യും ചെ​യ്ത​താ​യി ദ​മ്പ​തി​ക​ളു​ടെ മൊ​ഴി​ക​ളി​ൽനി​ന്നു വ്യ​ക്ത​മാ​യ​താ​യി പോ​ലീ​സ് വൃ​ത്ത​ങ്ങ​ൾ പ​റ​ഞ്ഞു.

പ​ഴ​നി​യി​ലേ​ക്ക് പോ​യ​ത് ലൈ​സ​ൻ​സ് എ​ടു​ക്കാ​ൻ ….
ഭ​ർ​ത്താ​വി​ന് ഡ്രൈ​വിം​ഗ് ലൈ​സ​ൻ​സ് എ​ടു​ക്കു​ന്ന​തി​നാ​ണ് ഇ​രു​വ​രും​ഡി​ണ്ടി​ഗ​ല്ലി​ലേ​ക്കു പു​റ​പ്പെ​ട്ട​ത്. ത​ല​ശേ​രി​യി​ൽ നി​ന്നും കോ​ഴി​ക്കാ​ട് വ​രെ ബ​സി​നും അ​വി​ടെ നി​ന്നും ട്രെ​യി​ൽ മാ​ർ​ഗം പ​ഴ​നി​യി​ലും എ​ത്തി.

പ​ഴ​നി​യി​ൽ വ​ന്ന സ്ഥി​തി​ക്കു ക്ഷേ​ത്ര ദ​ർ​ശ​നം ക​ഴി​ഞ്ഞു പൊ​യ്ക്കൂ​ടെ​യെ​ന്ന് ഒ​രാ​ൾ പ​റ​ഞ്ഞ​തി​നെ തു​ട​ർ​ന്നാ​ണ് ത​ങ്ങ​ൾ പ​ഴ​നി​യി​ൽ മു​റി​യെ​ടു​ത്ത​തെ​ന്നാ​ണ് ഭ​ർ​ത്താ​വി​ന്‍റെ മൊ​ഴി​യി​ൽ ഉ​ള്ള​ത്.

ഇ​പ്പോ​ൾപ​രി​യാ​രം മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലു​ള്ള യു​വ​തി​യു​ടെ മൊ​ഴി 164 പ്ര​കാ​രം മ​ജി​സ്ട്രേ​റ്റ് രേ​ഖ​പ്പെ​ടു​ത്തും. ഇ​തി​നാ​യി പോ​ലീ​സ് കോ​ട​തി​യി​ൽ ഹ​ര​ജി ന​ൽ​കും.

പ​ഴ​നി യാ​ത്ര​ക്ക് മു​മ്പ് …
ഇ​തി​നി​ട​യി​ൽ ദ​മ്പ​തി​ക​ൾ പ​ഴ​നി​യി​ലേ​ക്ക് പോ​കു​ന്ന​തി​ന് ര​ണ്ട് ദി​വ​സം മു​മ്പ് യു​വ​തി ഭ​ർ​ത്താ​വി​ന്‍റെ ക്രൂ​ര​മ​ർദന​ത്തി​നി​ര​യാ​യ​താ​യി​ട്ടു​ള്ള റി​പ്പോ​ർ​ട്ടും പു​റ​ത്തു വ​ന്നു.

ന​ഗ​ര​പ്രാ​ന്ത പ്ര​ദേ​ശ​ത്തെ താ​മ​സ സ്ഥ​ല​ത്തു വ​ച്ച് യു​വ​തി അ​ക്ര​മ​ത്തി​നി​ര​യാ​യ​പ്പോ​ൾ നാ​ട്ടു​കാ​ർ ഇ​ട​പെ​ടു​ക​യും ഭ​ർ​ത്താ​വി​നെ താ​ക്കീ​ത് ചെ​യ്യു​ക​യും തു​ട​ർ​ന്ന് ദ​മ്പ​തി​ക​ൾ അ​വി​ടെനി​ന്നു താ​മ​സം മാ​റ്റു​ക​യും ചെ​യ്ത​താ​യി പോ​ലീ​സ് അ​ന്വേ​ഷ​ണ​ത്തി​ൽ ക​ണ്ടെ​ത്തി​യി​ട്ടു​ണ്ട്.