ഈ ​കൊ​ള്ള​യ്ക്ക് അ​റു​തി​യി​ല്ലേ? ഇടുക്കിയില്‍ നൂ​റു ക​ട​ന്ന് ഇ​ന്ധ​ന​വി​ല; സാധാരണക്കാരുടെ ജീവിതം വറചട്ടിയില്‍ നിന്നു എരിതീയിലേക്ക്…

തൊ​ടു​പു​ഴ: സ​മ​സ്ത മേ​ഖ​ല​ക​ളി​ലും വി​ല​ക്ക​യ​റ്റം സൃ​ഷ്ടി​ച്ച് ഇ​ന്ധ​ന​വി​ല കു​തി​ക്കു​ന്നു.​ പൂ​പ്പാ​റ​യി​ലാ​ണ് പെ​ട്രോ​ൾ വി​ല നൂ​റു​ക​ട​ന്ന​ത്.

ച​രി​ത്ര​ത്തി​ൽ ആ​ദ്യ​മാ​യി ജി​ല്ല​യി​ൽ പെ​ട്രോ​ളി​ന് വി​ല സെ​ഞ്ചു​റി​യി​ലെ​ത്തി​യ​തോ​ടെ എ​ന്തു​ചെ​യ്യു​മെ​ന്ന​റി​യാ​തെ പ​ക​ച്ചു​നി​ൽ​ക്കു​ക​യാ​ണ് ജ​ന​ങ്ങ​ൾ.​

ലോ​ക്ഡൗ​ണി​നെത്തുട​ർ​ന്നു വ​രു​മാ​നം നി​ല​ച്ച് വ​റു​തി​യി​ലാ​യ ജ​ന​ങ്ങ​ളു​ടെ അ​വ​സാ​ന ചി​ല്ലി​ക്കാ​ശും പി​ഴി​ഞ്ഞെ​ടു​ക്കു​ന്ന കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ളു​ടെ നി​ല​പാ​ടി​നെ​തി​രേ നാ​ടെ​ങ്ങും പ്ര​തി​ഷേ​ധാ​ഗ്നി ആ​ളി​പ്പ​ട​രു​ക​യാ​ണ്.

കൂ​ലി​പ്പ​ണി​ക്കാ​രും ഇ​ട​ത്ത​രം ക​ർ​ഷ​ക​രും കൂ​ടു​ത​ൽ അ​ധി​വ​സി​ക്കു​ന്ന ജി​ല്ല​യി​ലെ ജ​ന​ങ്ങ​ൾ ജീ​വി​ത​ത്തി​ന്‍റെ ര​ണ്ട​റ്റ​വും കൂ​ട്ടി​മു​ട്ടി​ക്കാ​ൻ പെ​ടാ​പ്പാ​ട് പെ​ടു​ന്പോ​ഴാ​ണ് ഇ​ന്ധ​ന​ക്കൊ​ള്ള ന​ട​ത്തു​ന്ന​ത്.

മ​ഹാ​പ്ര​ള​യ​വും കോ​വി​ഡും തീ​ർ​ത്ത ദു​രി​ത​ത്തി​ൽ നി​ന്നു ക​ര​ക​യ​റാ​ൻ ഇ​നി​യും ഇ​വി​ടു​ത്തെ ജ​ന​ങ്ങ​ൾ​ക്ക് ക​ഴി​ഞ്ഞി​ട്ടി​ല്ല.​

ഇ​തി​നി​ടെ ഇ​ന്ധ​ന വി​ലവ​ർ​ധ​ന​മൂ​ലം നി​ത്യോ​പ​യോ​ഗ സാ​ധ​ന​ങ്ങ​ളു​ടെ​യും നി​ർ​മാ​ണ സാ​മ​ഗ്രി​ക​ളു​ടേ​യു​മെ​ല്ലാം വി​ല കു​തി​ച്ചു​യ​രു​ന്ന​ത് സാ​ധാ​ര​ണ​ക്കാ​രു​ടെ ജീ​വി​ത​ത്തെ വ​റ​ച​ട്ടി​യി​ൽ നി​ന്നു എ​രി​തീ​യി​ലേ​ക്ക് വ​ലി​ച്ചെ​റി​യു​ക​യാ​ണ്.

ആ​രോ​ഗ്യ, തൊ​ഴി​ൽ, വ്യാ​പാ​ര മേ​ഖ​ല​ക​ളി​ലും ഇ​ന്ധ​ന​വി​ല സൃ​ഷ്ടി​ക്കു​ന്ന ആ​ഘാ​തം ചെ​റു​ത​ല്ല.​ മ​രു​ന്നു​ക​ൾ ഉ​ൾ​പ്പെ​ടെ​യു​ള്ള​വ​യ്ക്ക് വി​ല വ​ർ​ധി​ക്കു​ന്ന​ത് സാ​ധാ​ര​ണ​ക്കാ​ർ​ക്ക് താ​ങ്ങാ​നാ​വി​ല്ല.

കോ​വി​ഡി​നെത്തുട​ർ​ന്നു പൊ​തു​വാ​ഹ​ന​ങ്ങ​ളി​ലെ യാ​ത്ര ഉ​പേ​ക്ഷി​ച്ച് സ്വ​കാ​ര്യ വാ​ഹ​ന​ങ്ങ​ളി​ലേ​ക്കു തി​രി​ഞ്ഞ​വ​ർ​ക്ക് ഇ​നി പ​ഴ​യ അ​വ​സ്ഥ​യി​ലേ​ക്ക് മ​ട​ങ്ങേ​ണ്ടി​വ​രും.​

ജി​ല്ല​യി​ൽ ക​ഴി​ഞ്ഞ ഒ​രു​മാ​സ​ത്തി​നി​ടെ ഡീ​സ​ലി​നും പെ​ട്രോ​ളി​നും 20 രൂ​പ​യു​ടെ വ​രെ വ​ർ​ധ​ന​യാ​ണ് ഉ​ണ്ടാ​യി​രി​ക്കു​ന്ന​ത്. ഈ ​പോ​ക്കി​ന് ക​ടി​ഞ്ഞാ​ണി​ട്ടി​ല്ലെ​ങ്കി​ൽ വി​ല​ക്ക​യ​റ്റം സൃ​ഷ്ടി​ക്കു​ന്ന ആ​ഘാ​തം മൂ​ലം സ​മ​സ്ത​മേ​ഖ​ല​യേ​യും തീ​രാ​ദു​രി​ത​ത്തി​ലാ​ക്കും.