വ​ള​വി​ലെ ഇ​ര​പി​ടു​ത്ത​വും വേ​ണ്ട! വാഹന പരിശോധനയ്ക്കിടെ ദേഹ പരിശോധന നടത്തരുത്; ഹെ​ൽ​മ​റ്റ് പ​രി​ശോ​ധ​ന​യി​ൽ ലാ​ത്തി വി​ല​ക്കി ഡി​ജി​പി

തി​രു​വ​ന​ന്ത​പു​രം: ഹെ​ൽ​മെ​റ്റ് പ​രി​ശോ​ധ​ന​യ്ക്ക് ഇ​റ​ങ്ങു​ന്ന പോ​ലീ​സു​കാ​രു​ടെ കൈ​യി​ൽ ലാ​ത്തി വേ​ണ്ടെ​ന്നു ഡി​ജി​പി​യു​ടെ സ​ർ​ക്കു​ല​ർ. ക​ട​യ്ക്ക​ലി​ൽ വാ​ഹ​ന പ​രി​ശോ​ധ​ന​യ്ക്കി​ടെ പോ​ലീ​സു​കാ​ര​ൻ ഇ​രു​ച​ക്ര വാ​ഹ​ന യാ​ത്രി​ക​നു നേ​രെ ലാ​ത്തി​യെ​റി​ഞ്ഞു വീ​ഴ്ത്തി​യ സം​ഭ​വ​ത്തെ തു​ട​ർ​ന്നാ​ണു നി​ർ​ദേ​ശം. വാ​ഹ​ന പ​രി​ശോ​ധ​ന​യ്ക്കി​ടെ യാ​ത്ര​ക്കാ​ര​ന്‍റെ ദേ​ഹ പ​രി​ശോ​ധ​ന ന​ട​ത്ത​രു​തെ​ന്നും സം​സ്ഥാ​ന പോ​ലീ​സ് മേ​ധാ​വി​യു​ടെ നി​ർ​ദേ​ശ​ത്തി​ൽ പ​റ​യു​ന്നു.

പ​രി​ശോ​ധ​ന​യ്ക്കാ​യി പ​ര​മാ​വ​ധി സാ​ങ്കേ​തി​ക സം​വി​ധാ​ന​ങ്ങ​ൾ ഉ​പ​യോ​ഗി​ക്ക​ണം. പ​രി​ശോ​ധ​നാ ച​ട്ട​ത്തി​ൽ നി​ർ​ദേ​ശി​ച്ചി​ട്ടു​ള്ള​തു പോ​ലെ എ​സ്ഐ​യോ അ​തി​നു മു​ക​ളി​ലു​ള്ള ഉ​ദ്യോ​ഗ​സ്ഥ​ന്‍റെ​യോ നേ​തൃ​ത്വ​ത്തി​ലാ​ക​ണം പ​രി​ശോ​ധ​ന ന​ട​ത്തേ​ണ്ട​ത്. പ​രി​ശോ​ധ​ന​യ്ക്കി​ടെ വാ​ഹ​ന​ങ്ങ​ൾ നി​ർ​ത്തി​യി​ല്ലെ​ങ്കി​ൽ അ​പ​ക​ട​മു​ണ്ടാ​ക്കു​ന്ന ത​ര​ത്തി​ൽ അ​വ​യെ പി​ന്തു​ട​ർ​ന്ന് പി​ടി​കൂ​ടാ​ൻ ശ്ര​മി​ക്ക​രു​ത്. റോ​ഡി​നു മ​ധ്യ​ത്തി​ൽ നി​ന്നു വാ​ഹ​ന​ങ്ങ​ൾ നി​ർ​ത്താ​നാ​യി കൈ​കാ​ണി​ക്ക​രു​തെ​ന്നും നി​ർ​ദേ​ശ​ത്തി​ൽ പ​റ​യു​ന്നു.

അ​തു​പോ​ലെ വ​ള​വി​ലും തി​രി​വി​ലും ഒ​ളി​ഞ്ഞി​രു​ന്നു പ​രി​ശോ​ധ​ന ന​ട​ത്തു​ന്ന​തി​നെ​യും ഡി​ജി​പി വി​ല​ക്കി. വാ​ഹ​ന പ​രി​ശോ​ധ​ന ന​ട​ത്തു​ന്ന​തു നി​ർ​ബ​ന്ധ​മാ​യും കാ​മ​റ​യി​ൽ പ​ക​ർ​ത്ത​ണ​മെ​ന്നും നി​ർ​ദേ​ശി​ച്ചി​ട്ടു​ണ്ട്. എ​ന്തെ​ങ്കി​ലും അ​നി​ഷ്ട സം​ഭ​വ​മു​ണ്ടാ​യാ​ൽ ജി​ല്ലാ പോ​ലീ​സ് മേ​ധാ​വി​മാ​ർ​ക്കാ​യി​രി​ക്കും ഉ​ത്ത​ര​വാ​ദി​ത്ത​മെ​ന്നും നി​ർ​ദേ​ശ​ങ്ങ​ളി​ൽ മു​ന്ന​റി​യി​പ്പ് ന​ൽ​കി​യി​ട്ടു​ണ്ട്.