വടക്കാഞ്ചേരി: വൈദ്യുതി പോസ്റ്റിൽ പുഷ്പങ്ങൾ വിരിഞ്ഞ് നിൽക്കുന്നത് യാത്രക്കാർക്ക് കൗതുകം പകരുന്നതോടൊപ്പം അപകടവും ക്ഷണിച്ചു വരത്തും.
വടക്കാഞ്ചേരി ഫൊറോന പള്ളിക്ക് സമീപത്തെ റെയിൽവേ മേൽപ്പാലത്തിലാണ് സ്ട്രീറ്റ് ലൈറ്റ് സ്ഥാപിച്ച വൈദ്യൂതി പോസ്റ്റിൽ ചെടികൾ വളർന്ന് പുഷ്പങ്ങൾ നിറഞ്ഞ് നിൽക്കുന്നത്.
തൃശൂർ -ഷൊർണൂർ സംസ്ഥാന പാതയായതിനാൽ ദിനംപ്രതി നിരവധി വാഹനങ്ങളാണ് ഇതുവഴി കടന്നു പോകുന്നത്.റോഡിന്റെ ഇരുവശത്തുകൂടി കാൽനടയാത്രക്കാരും സഞ്ചരിക്കാറുണ്ട്.
അതുകൊണ്ടുതന്നെ അപകടം ക്ഷണിച്ചു വരത്തും. കെഎസ്ഇബി അധികൃതരുടെയും, നഗരസഭ ഭരണാധികാരികളുടെയും അനാസ്ഥയാണ് ഇതിന് കാരണമെന്ന് നാട്ടുകാർ പറഞ്ഞു.
