ജോ​ലി ഹോ​ബി​യാ​ക്കി, സ്വ​ന്തം ജീ​വി​തോ​പാ​ധി​ക്കു​ള്ള ഉ​പ​ക​ര​ണ​ങ്ങ​ൾ സ്വ​ന്ത​മാ​യി നി​ർ​മി​ച്ച് ര​തീ​ഷ് ക​ണ്ടു​പി​ടു​ത്ത​ങ്ങ​ളു​ടെ ഹ​ര​ത്തി​ൽ…

പൊ​ൻ​കു​ന്നം: സീ​ലിം​ഗ് ഫാ​ൻ വൈ​ൻ​ഡിം​ഗ് മെ​ഷീ​ൻ സ്വ​യം നി​ർ​മി​ച്ച് ക​ണ്ടു​പി​ടു​ത്ത​ങ്ങ​ളു​ടെ ലോ​ക​ത്തേ​ക്ക് ചു​വ​ടു​വെ​ച്ച് ഒ​രു യു​വാ​വ്.

ഇ​ല​ക്ട്രീ​ഷ​നാ​യ എ​ലി​ക്കു​ളം ഉ​രു​ളി​കു​ന്നം ക​ല്ലു​ക്കു​ന്നേ​ൽ ര​തീ​ഷ്‌​കു​മാ​റാ​ണ് സ്വ​ന്തം ജീ​വി​തോ​പാ​ധി​ക്കു​ള്ള ഉ​പ​ക​ര​ണ​ങ്ങ​ൾ സ്വ​ന്ത​മാ​യി നി​ർ​മി​ച്ച് ശ്ര​ദ്ധേ​യ​നാ​കു​ന്ന​ത്.

ക​ഴി​ഞ്ഞ ലോ​ക്ഡൗ​ൺ കാ​ലം മു​ത​ൽ ര​തീ​ഷി​ന്‍റെ പ​ണി കു​റ​ഞ്ഞു. കാ​ര​ണം ര​തീ​ഷ് വീ​ടു​ക​ളി​ലെ​ത്തി​യാ​യി​രു​ന്നു ജോ​ലി ചെ​യ്തി​രു​ന്ന​ത്.

ഒ​ടു​വി​ൽ ഒ​രു മു​റി വാ​ട​ക​യ്‌​ക്കെ​ടു​ത്തു. മു​റി​യി​ൽ ഇ​രി​ക്കു​വാ​നു​ള്ള ക​സേ​ര മു​ത​ൽ വി​ല കൊ​ടു​ത്തു വാ​ങ്ങ​ണം. സാ​മ്പ​ത്തി​ക ഞെ​രു​ക്കം വ​ല​ച്ചു.

ഇ​രു​മ്പു കൊ​ണ്ട് മേ​ശ​യും ക​സേ​ര​യും സ്വ​യം പ​ണി​തു. അ​ത്യാ​വ​ശ്യം ഇ​ല​ക്ട്രീ​ഷ​ൻ ജോ​ലി​ക​ൾ ഒ​ക്കെ കി​ട്ടി​ത്തു​ട​ങ്ങി. അ​പ്പോ​ഴാ​ണ് ഒ​രു ഇ​ല​ക്ട്രീ​ഷ​ന് അ​ത്യാ​വ​ശ്യം വേ​ണ്ട സീ​ലിം​ഗ് ഫാ​ൻ വൈ​ൻ​ഡിം​ഗ് മെ​ഷീ​നെ​ക്കു​റി​ച്ച് ചി​ന്തി​ച്ച​ത്.

കേ​ര​ള​ത്തി​ൽ നി​ർ​മി​ക്കു​ന്നി​ല്ലാ​ത്ത ഈ ​മെ​ഷീ​ൻ അ​ന്യ​സം​സ്ഥാ​ന​ത്തു നി​ന്ന് വ​രു​ത്ത​ണം. വി​ല​യാ​ക​ട്ടെ 30,000 ത്തി​ന് മു​ക​ളി​ലാ​വും.

നി​ല​വി​ലെ സാ​മ്പ​ത്തി​ക സ്ഥി​തി​യി​ൽ അ​തി​ന് വ​ഴി​യി​ല്ല. അ​ങ്ങ​നെ​യാ​ണ് ഈ ​മെ​ഷീ​നും നി​ർ​മി​ക്കു​ന്ന​തി​ലേ​ക്കെ​ത്തി​യ​ത്.

ഒ​ടു​വി​ൽ യൂ ​ട്യൂ​ബ് സ​ഹാ​യ​ത്തോ​ടെ ആ​റു മാ​സം കൊ​ണ്ട് ര​തീ​ഷ് ഇ​ല​ക്ട്രോ​ണി​ക് വൈ​ൻ​ഡിം​ഗ് മെ​ഷീ​നും നി​ർ​മി​ച്ചു. ഇ​പ്പോ​ൾ ഇ​ത് പ്ര​വ​ർ​ത്ത​ന സ​ജ്ജ​വു​മാ​ണ്. നി​ർ​മാ​ണ ചി​ല​വ് പ​തി​നാ​യി​ര​ത്തി​ൽ താ​ഴെ​യും.

ഇ​തു​കൂ​ടാ​തെ പു​ല്ലു​വെ​ട്ടി​യും, പി​വി​സി പൈ​പ്പു കൊ​ണ്ടു​ള്ള ഫാ​ൻ​സി ലൈ​റ്റു​ക​ളും നി​ർ​മി​ച്ചി​ട്ടു​ണ്ട്. എ​ല്ലാ പി​ന്തു​ണ​യു​മാ​യി ഭാ​ര്യ ര​ഞ്ജി​നി​യും ര​ണ്ടാം ക്ലാ​സു​കാ​ര​നാ​യ മ​ക​ൻ ദേ​വ​സൂ​ര്യ​നും ഒ​പ്പ​മു​ണ്ട്.