കത്തിച്ച് കൊന്നു..! വി​ൽ​പ​ത്രം എ​ഴു​തി​യ​ത് അ​റി​ഞ്ഞില്ല; എ​ല്ലാം സ്വ​ത്തി​നു​വേ​ണ്ടി; ഒ​ടു​വി​ൽ എ​ല്ലാം തു​റ​ന്നു പ​റ​ഞ്ഞു പ്രതി സു​നി​ൽ​കു​മാ​ർ

സീ​മ മോ​ഹ​ൻ​ലാ​ൽ

കു​റ​ച്ചു ദി​വ​സ​ങ്ങ​ൾ​ക്കു​ശേ​ഷം പോ​ലീ​സ് സം​ഘം സു​നി​ൽ​കു​മാ​റി​ന്‍റെ വീ​ട്ടി​ൽ പ​രി​ശോ​ധ​ന​യ്ക്കെ​ത്തി.

ഇ​ൻ​സ്പെ​ക്ട​ർ ശി​വ​കു​മാ​ർ ഇ​യാ​ളെ ചോ​ദ്യം ചെ​യ്യു​ന്പോ​ൾ അ​യാ​ൾ അ​റി​യാ​തെ ആ ​ദൃ​ശ്യ​ങ്ങ​ൾ മൊ​ബൈ​ൽ ഫോ​ണി​ൽ പ​ക​ർ​ത്തു​ന്നു​ണ്ടാ​യി​രു​ന്നു.

പി​ന്നീ​ട് ആ ​വീ​ഡി​യോ പ​രി​ശോ​ധി​ച്ച​പ്പോ​ൾ ചോ​ദ്യ​ങ്ങ​ൾ​ക്കു മു​ന്നി​ൽ ഇ​യാ​ൾ പ​ത​റു​ന്ന​തും ന​ന്നാ​യി വി​യ​ർ​ക്കു​ന്ന​തും പോ​ലീ​സ് ശ്ര​ദ്ധി​ച്ചു.

അ​ന്നു ന​ട​ത്തി​യ പ​രി​ശോ​ധ​ന​യി​ൽ പോ​ലീ​സി​ന് നി​ർ​ണാ​യ​ക​മാ​യ ഒ​രു രേ​ഖ ല​ഭി​ച്ചു. അ​ഞ്ചു​വ​ർ​ഷം മു​ന്പ് സ​രോ​ജി​നി​യു​ടെ സ്വ​ത്തു​ക്ക​ളെ കു​റി​ച്ച​റി​യാ​ൻ ഇ​യാ​ൾ മു​ട്ടം ര​ജി​സ്ട്രാ​ർ​ക്ക് കൊ​ടു​ത്ത വി​വ​രാ​വ​കാ​ശ രേ​ഖ​യു​ടെ കോ​പ്പി​യാ​യി​രു​ന്നു അ​ത്.

അ​തോ​ടെ മു​ട്ടം സ​ബ് ര​ജി​സ്ട്രാ​ർ ഓ​ഫീ​സി​ലെ​ത്തി​യ പോ​ലീ​സ് സം​ഘം സു​നി​ൽ​കു​മാ​ർ ന​ൽ​കി​യ അ​പേ​ക്ഷ​യു​ടെ വി​ശ​ദാം​ശ​ങ്ങ​ൾ ശേ​ഖ​രി​ച്ചു.

ഇ​തോ​ടെ പോ​ലീ​സി​ന്‍റെ സം​ശ​യം ബ​ല​പ്പെ​ട്ടു. വ​സ്തു​വ​ക​ക​ൾ കൈ​ക്ക​ലാ​ക്കാ​ൻ സു​നി​ൽ​കു​മാ​ർ ന​ട​ത്തി​യ കൊ​ല​പാ​ത​ക​മാ​കാം ഇ​തെ​ന്നു പോ​ലീ​സി​നു ബോ​ധ്യ​മാ​യി.

പ്ര​തി​യെ സം​ശ​യ​ത്തി​ന്‍റെ നി​ഴ​ലി​ൽ നി​ർ​ത്താ​തെയുള്ള അ​ന്വേ​ഷ​ണ​വു​മാ​യി ശി​വ​കു​മാ​ർ മു​ന്നോ​ട്ടു നീ​ങ്ങി.

ബ​ന്ധു​ക്ക​ളും സ​മീ​പ​വാ​സി​ക​ളു​മു​ൾ​പ്പെ​ടെ 67 പേ​രെ ചോ​ദ്യം ചെ​യ്തു. അ​പ്പോ​ഴും സു​നി​ൽ​കു​മാ​ർ നി​ര​പ​രാ​ധി​യെ​ന്ന രീ​തി​യി​ൽ പോ​ലീ​സിനു മു​ന്നി​ൽനി​ന്നു.

വി​ൽ​പ​ത്രം എ​ഴു​തി​യ​ത് അ​റി​ഞ്ഞില്ല

സ​രോ​ജി​നി വി​ൽ​പ​ത്രം എ​ഴു​തി​യ​ത് സു​നി​ൽ​കു​മാ​ർ വൈ​കി​യാ​ണ് അ​റി​ഞ്ഞ​ത്. മൂ​ന്ന​ര ഏ​ക്ക​ർ വ​രു​ന്ന സ്വ​ത്തി​ൽ ഭൂ​രി​ഭാ​ഗ​വും ഇ​യാ​ൾ​ക്ക് ല​ഭി​ക്കു​മെ​ന്നാ​ണ് ക​രു​തി​യി​രു​ന്ന​ത്.

ഒ​രി​ക്ക​ൽ ഒ​രു അ​പേ​ക്ഷ സാ​ക്ഷ്യ​പ്പെ​ടു​ത്താ​ൻ ചെ​ന്ന ആ​യു​ർ​വേ​ദ ഡോ​ക്ട​റി​ൽ​നി​ന്നാ​ണ് സ​രോ​ജി​നി സ്വ​ത്തു​ക്ക​ൾ ഭാ​ഗം വ​ച്ചി​രു​ന്ന കാ​ര്യം ഇ​യാ​ൾ ആ​ദ്യ​മാ​യി അ​റി​യു​ന്ന​ത്.

അ​ന്നു മു​ത​ൽ ഇ​യാ​ൾ​ക്ക് സ​രോ​ജി​നി​യോ​ട് പ​ക​യാ​യി​രു​ന്നു. വീ​ട്ടി​ലെ​ത്തി​യ ഇ​യാ​ൾ സ​രോ​ജി​നി​യു​മാ​യി വിൽപത്രത്തെക്കു​റി​ച്ച് ചോ​ദി​ച്ച് വാ​ക്കേ​റ്റ​മു​ണ്ടാ​യി.

ഇ​തേ​ത്തു​ട​ർ​ന്ന് അ​വ​ർ​ക്ക് ര​ക്ത​സ​മ്മ​ർ​ദം ഉ​ണ്ടാ​യി. അ​യ​ൽ​വാ​സി​യാ​യ ഒ​രു സ്ത്രീ ​അ​ന്ന് സ​രോ​ജി​നി​യു​ടെ വീ​ട്ടി​ലെ​ത്തി​ ര​ക്ത​സ​മ്മ​ർ​ദം പ​രി​ശോ​ധി​ച്ച​പ്പോ​ൾ വളരെ കൂ​ടു​ത​ലാ​യി​രു​ന്നു.

വി​ൽ​പ​ത്ര​ത്തെ​ക്കു​റി​ച്ച് ചോ​ദി​ച്ച് സു​നി​ൽ​കു​മാ​ർ വാ​ക്കേ​റ്റ​മു​ണ്ടാക്കിയ കാ​ര്യം സരോജിനി അപ്പോൾ അവരോട് പ​റ​ഞ്ഞിരുന്നു.

ഇ​ക്കാ​ര്യം മൊ​ഴി​യെ​ടു​ക്ക​ലി​ൽ അ​യ​ൽ​വാ​സി​യാ​യ സ്ത്രീ​യും ഭ​ർ​ത്താ​വും പോ​ലീ​സി​നെ അ​റി​യി​ക്കു​ക​യു​ണ്ടാ​യി.

ഒ​ടു​വി​ൽ എ​ല്ലാം തു​റ​ന്നു പ​റ​ഞ്ഞു

മു​ട്ട​ത്തെ സ​യ​ന്‍റി​ഫി​ക് ഇ​ന്‍റ​റോ​ഗേ​റ്റീ​വ് റൂ​മി​ലെ​ത്തി​ച്ചാ​ണ് ശി​വ​കു​മാ​റി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം അ​വ​സാ​നം സുനിൽ കുമാറിനെ ചോ​ദ്യം ചെ​യ്ത​ത്.

ശാ​സ്ത്രീ​യ തെ​ളി​വു​ക​ൾ നി​ര​ത്തി​യു​ള്ള ചോ​ദ്യം ചെ​യ്യ​ലി​ൽ സു​നി​ൽ​കു​മാ​റിന് ഏ​റെനേ​രം പി​ടി​ച്ചുനി​ൽ​ക്കാ​നാ​യില്ല.

അ​വ​സാ​നം അ​യാ​ൾ എ​ല്ലാം തു​റ​ന്നു പ​റ​ഞ്ഞു. ഏ​റെ നാ​ള​ത്തെ ആ​സൂ​ത്ര​ണ​ത്തി​ലൂ​ടെ​യാ​ണ് അ​യാ​ൾ കൊ​ല​പാ​ത​കം ന​ട​ത്തി​യ​ത്.

സം​ഭ​വ​ദി​വ​സ​ത്തി​ന് ര​ണ്ടു​ദി​വ​സം മു​ന്പ് സ​രോ​ജി​നി​യു​മാ​യി ഓ​ട്ടോ​യി​ൽ ഇ​യാ​ൾ റേ​ഷ​ൻ ക​ട​യി​ൽ പോ​യി. ഒ​ന്ന​ര ലി​റ്റ​ർ മ​ണ്ണെ​ണ്ണ വാ​ങ്ങി.

കൊ​ല​പാ​ത​കം ന​ട​ക്കു​ന്ന​തി​ന് ത​ലേ​ന്ന് ര​ണ്ടു ലി​റ്റ​ർ മ​ണ്ണെ​ണ്ണ കൂ​ടി സ​രോ​ജി​നി​യെ കൊ​ണ്ടു​പോ​യി വീ​ണ്ടും വാ​ങ്ങി. അ​ത് ഔ​ട്ട് ഹൗ​സി​ലു​ള്ള അ​യാ​ളു​ടെ മു​റി​യി​ൽ സൂ​ക്ഷി​ച്ചു.

അ​തി​നു​ശേ​ഷം മൂ​വാ​റ്റു​പു​ഴ​യി​ലെ ഒ​രു പെ​ട്രോ​ൾ പ​ന്പി​ൽ​നി​ന്ന് ര​ണ്ടു ലി​റ്റ​ർ പെ​ട്രോ​ൾ വാ​ങ്ങി. സ്ഥി​രം സ​ഞ്ച​രി​ക്കാ​റു​ള്ള ഓ​ട്ടോ​റി​ക്ഷ​യി​ൽ ഇ​തു​മാ​യി വീ​ട്ടി​ൽ വ​ന്നു.

ഇ​യാ​ളു​ടെ മു​റി​യി​ൽ വ​ച്ച് മ​ണ്ണെ​ണ്ണ​യും പെ​ട്രോ​ളും മി​ക്സ് ചെ​യ്ത് ഒ​രു കാ​നി​ൽ സൂ​ക്ഷി​ച്ചു. ബി​വ​റേ​ജ​സി​ൽനി​ന്ന് ര​ണ്ട് ബി​യ​ർ വാ​ങ്ങി​യി​രു​ന്നു.

വീ​ട്ടി​ലെ​ത്തി​യ ഉ​ട​ൻ അ​തി​ലൊ​ന്നു ക​ഴി​ച്ചു. പ​ട്ടി​യെ കു​ളി​പ്പി​ച്ചു വ​ന്ന​ശേ​ഷം മ​റ്റൊ​ന്നു കൂ​ടി ക​ഴി​ച്ചു. പോ​ലീ​സ് അ​ന്വേ​ഷ​ണ​ത്തി​ൽ ബി​യ​ർ വാ​ങ്ങി​യ ബി​ല്ല് ക​ണ്ടെ​ത്തു​ക​യു​ണ്ടാ​യി.

രാ​ത്രി​യാ​യ​പ്പോ​ൾ ക​ഞ്ഞി​യെ​ടു​ത്ത് സ​രോ​ജി​നി​ക്കു കൊ​ടു​ത്തശേ​ഷം സു​നി​ൽ​കു​മാ​റും ക​ഴി​ഞ്ഞു. പി​ന്നീ​ട് ഇ​യാ​ളു​ടെ മു​റി​യി​ലേ​ക്കു പോ​കു​ന്നു​വെ​ന്നു പ​റ​ഞ്ഞു പു​റ​ത്തേ​ക്കി​റ​ങ്ങി.

ആ ​സ​മ​യം സ​രോ​ജി​നി മു​റി​യു​ടെ വാ​തി​ൽ അ​ട​ച്ചു. പ​ക്ഷേ സു​നി​ൽ​കു​മാ​ർ പു​റ​ത്തേ​ക്കു പോ​യി​രു​ന്നി​ല്ല. ഇ​യാ​ൾ വി​ദ​ഗ്ധ​മാ​യി മ​റ്റൊ​രു മു​റി​യി​ൽ ഒ​ളി​ച്ചി​രു​ന്നു.

എ​ല്ലാം സ്വ​ത്തി​നു​വേ​ണ്ടി

പു​ല​ർ​ച്ചെ ഒ​ന്ന​ര​യ്ക്ക് ഒ​ളി​ച്ചി​രു​ന്ന മു​റി​യി​ൽ നി​ന്ന് സു​നി​ൽ​കു​മാ​ർ എ​ഴു​ന്നേ​റ്റു. മ​റ്റൊ​രു വാ​തി​ൽ തു​റ​ന്ന് ഔ​ട്ട് ഹൗ​സി​ൽ സൂ​ക്ഷി​ച്ചി​രു​ന്ന മ​ണ്ണെ​ണ്ണ​യും പെ​ട്രോ​ളും മി​ക്സ് ചെ​യ്ത കാ​നു​മാ​യി മു​റി​യി​ലെ​ത്തി.

ഈ ​സ​മ​യം സ​രോ​ജി​നി ന​ല്ല ഉ​റ​ക്ക​ത്തി​ലാ​യി​രു​ന്നു. അ​വ​ർ കി​ട​ന്നി​രു​ന്ന മു​റി​യു​ടെ വാ​തി​ൽ ച​വി​ട്ടിപ്പൊ​ളി​ച്ച് അ​ക​ത്തു​ക​യ​റി.

ശ​ബ്ദം കേ​ട്ട് സു​നി​ലേ എ​ന്നു ഉ​റ​ക്കെ വി​ളി​ച്ചാ​ണ് സ​രോ​ജി​നി ഉ​ണ​ർ​ന്ന​ത്. എ​ന്നാ​ൽ അ​യാ​ൾ അ​വ​രെ പി​ടി​ച്ച് ത​റ​യി​ൽ അ​ടി​ച്ചു.

ഇ​ട​തു നെ​ഞ്ചി​ൽ ര​ണ്ടു​വ​ട്ടം ആ​ഞ്ഞു ച​വി​ട്ടി. എ​ഴു​ന്നേ​ൽ​ക്കാ​നാ​വാ​തെ ത​റ​യി​ൽ കി​ട​ന്ന അ​വ​രെ എ​ടു​ത്ത് ക​ട്ടി​ലി​ൽ കി​ട​ത്തി​യ ശേ​ഷം കാ​നി​ൽ സൂ​ക്ഷി​ച്ചി​രു​ന്ന മ​ണ്ണെ​ണ്ണ പെ​ട്രോ​ൾ മി​ക്സ് ദേ​ഹ​ത്തേ​ക്കും ക​ട്ടി​ലി​ലും ഒ​ഴി​ച്ചു.

ശേ​ഷം ലൈ​റ്റ​ർ ക​ത്തി​ച്ചി​ട്ട​ശേ​ഷം വാ​തി​ൽ അ​ട​ച്ചു പി​ടി​ച്ചു. അ​തു​കൊ​ണ്ടാ​യി​രു​ന്നു വാ​തി​ലി​ന്‍റെ പു​റ​കി​ൽ ക​രി​യു​ടെ പാ​ടു​ണ്ടാ​യ​ത്. ദേ​ഹ​ത്ത് ക​ത്തു​പി​ടി​ച്ചു എന്ന് ​ഉ​റ​പ്പാ​ക്കി​യ​ശേ​ഷം വാ​തി​ൽ തു​റ​ന്നു.

മ​ര​ണം ഉ​റ​പ്പാ​ക്കി​യ ശേ​ഷം തു​ട​ർ​ന്ന് ഗ്യാ​സ് അ​ടു​പ്പി​ൽനി​ന്ന് തീ ​പി​ടി​ച്ച് മ​രി​ച്ച​താ​യി വ​രു​ത്തി തീ​ർ​ക്കാ​നാ​യി ക​ത്തി​ക്ക​രി​ഞ്ഞ ശ​രീ​രം വീ​ടി​ന്‍റെ വ​ട​ക്കു ഭാ​ഗ​ത്തു​ള്ള അ​ടു​ക്ക​ള​യോ​ടു ചേ​ർ​ന്നു​ള്ള കി​ട​പ്പു മു​റി​യു​ടെ വാ​തി​ലി​ന്‍റെ പ​ടി​യി​ൽ കൊ​ണ്ടി​ട്ടു.

തു​ട​ർ​ന്ന് അ​ല​മാ​ര​യും മ​റ്റു വ​സ്ത്ര​ങ്ങ​ളും ഗൃ​ഹോ​പ​ക​ര​ണ​ങ്ങ​ളും പെ​ട്രോ​ൾ ഒ​ഴി​ച്ച് ക​ത്തി​ച്ചു. ശേ​ഷം അ​ടു​ക്ക​ള​യി​ലെ ഗ്യാ​സ് സി​ലി​ണ്ട​റി​ന്‍റെ റെ​ഗു​ലേ​റ്റ​റും സ്റ്റൗ​വും തു​റ​ന്നു​വി​ട്ട് മ​ണ്ണെ​ണ്ണ​യൊ​ഴി​ച്ച് അ​വ​യും ക​ത്തി​ച്ചു.

അ​തി​നു​ശേ​ഷം അ​യ​ൽ​ക്കാ​രെ വി​വ​രം അ​റി​യി​ക്കു​ക​യാ​ണു​ണ്ടാ​യ​ത്. ഫോ​റ​ൻ​സി​ക് പ​രി​ശോ​ധ​ന​യി​ൽ സ​രോ​ജി​നി​യു​ടെ ശ​രീ​ര​ത്തി​ൽ നി​ന്ന് മ​ണ്ണെ​ണ്ണ​യു​ടെ​യും പെ​ട്രോ​ളി​ന്‍റെ​യും അം​ശം ക​ണ്ടെ​ത്തി​യി​രു​ന്നു.

കൂ​ട്ടാ​യ പ​രി​ശ്ര​മം

ഡി​വൈ​എ​സ്പി​മാ​രാ​യ രാ​ജ​പ്പ​ൻ റാ​വു​ത്ത​ർ, സ​ദ​ൻ കു​ട്ട​ൻ എ​ന്നി​വ​രു​ടെ മേ​ൽ​നോ​ട്ട​ത്തി​ൽ എ​സ്ഐ കെ.​ആ​ർ. അ​നി​ൽ​കു​മാ​ർ, എ​എ​സ്ഐ​മാ​രാ​യ പി.​എ​സ്. ജ​യേ​ന്ദ്ര​ൻ, അ​ബ്ദു​ൾ ഖാ​ദ​ർ, സി​പി​ഒ​മാ​രാ​യ എ​സ്.​ആ​ർ. ശ്യാം, ​കെ.​യു. റ​ഷീ​ദ് എ​ന്നി​വ​രാ​ണ് ശി​വ​കു​മാ​റി​നൊ​പ്പം അ​ന്വേ​ഷ​ണ സം​ഘ​ത്തി​ൽ ഉ​ണ്ടാ​യി​രു​ന്ന​ത്.

സം​ഭ​വം ന​ട​ന്നു മൂ​ന്നു മാ​സം വ​രെ ഗ്യാ​സ് പൊ​ട്ടി​ത്തെ​റി​ച്ചു​ള്ള മ​ര​ണം എ​ന്നു ക​രു​തി​യി​രു​ന്ന സം​ഭ​വ​മാ​ണ് ശാ​സ്ത്രീ​യ​മാ​യ തെ​ളി​വു​ക​ളി​ലൂ​ടെ ഇ​ൻ​സ്പെ​ക്ട​ർ ശി​വ​കു​മാ​ർ അ​ഞ്ചു മാ​സ​ത്തെ അ​ന്വേ​ഷ​ണ​ത്തി​ൽ കൊ​ല​പാ​ത​ക​മാ​ണെ​ന്ന് തെ​ളി​യി​ച്ച​ത്. പ്ര​തി​യെ ക​ണ്ടെ​ത്തി 85 ദി​വ​സ​ത്തി​ന​കം കുറ്റപത്രം കോ​ട​തി​യി​ൽ സ​മ​ർ​പ്പി​ക്കാ​നാ​യി.

അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന എ​ട്ടു പേ​ർ​ക്ക് കു​റ്റാ​ന്വേ​ഷ​ണ മി​ക​വി​നു​ള്ള മു​ഖ്യ​മ​ന്ത്രി​യു​ടെ ബാ​ഡ്ജ് ഓ​ഫ് ഓ​ണ​ർ ല​ഭി​ക്കു​ക​യു​ണ്ടാ​യി. പ്ര​തി സു​നി​ൽ​കു​മാ​ർ ക​ഴി​ഞ്ഞ ഒ​രു വ​ർ​ഷ​മാ​യി റി​മാ​ൻ​ഡ് പ്ര​തി​യാ​യി മു​ട്ടം ജ​യി​ലി​ലാ​ണ്.

(അവസാനിച്ചു)