Set us Home Page

പച്ചക്കറിക്കാരി സുമി! 30 സെ​ന്‍റി​ല്‍​നി​ന്നു സുമിയുടെ മാ​സവരുമാനം 30,000 രൂ​പ

ജെ​റി എം. ​തോ​മ​സ്

കൊ​ച്ചി: ലോ​ക്ക് ഡൗ​ണി​നെ​ത്തു​ട​ര്‍​ന്ന് വ്യാ​പാ​ര മേ​ഖ​ല ഒ​ന്ന​ട​ങ്കം പ്ര​തി​സ​ന്ധി നേ​രി​ടു​മ്പോ​ഴും പു​ര​യി​ട​ത്തി​ലെ പ​ച്ച​ക്ക​റി കൃ​ഷി​യി​ല്‍ നി​ന്നും നേ​ട്ടം കൊ​യ്ത് വീ​ട്ട​മ്മ.

ആ​ലു​വ കോ​മ്പാ​റ സ്വ​ദേ​ശി​നി സു​മി​യു​ടെ തോ​ട്ട​ത്തി​ലെ പ​ച്ച​ക്ക​റി​ക​ളാ​ണ് ലോ​ക്ക്ഡൗ​ണ്‍ കാ​ല​ത്തും ചൂ​ട​പ്പം പോ​ലെ​ വി​റ്റ​ഴി​യു​ന്ന​ത്. നേ​ര​ത്തെ ഉ​ണ്ടാ​യി​രു​ന്ന​തി​നേ​ക്കാ​ള്‍ ആ​വ​ശ്യ​ക്കാ​രും ഏ​റി​യ​തോ​ടെ അ​ടു​ത്ത സീ​സ​ണി​ല്‍ നെ​ല്‍​കൃ​ഷി​യും പ​രീ​ക്ഷി​ക്കാ​നൊ​രു​ങ്ങു​ക​യാ​ണ് ഇവർ.

ആ​ല​പ്പു​ഴ സ്വ​ദേ​ശി​യാ​യ ഭ​ര്‍​ത്താ​വ് ശ്യാം ​രാ​ജി​ന് ഇ​ട​പ്പ​ള്ളി​യി​ലെ ട​യ​ര്‍ ക​മ്പ​നി​യി​ല്‍ ജോ​ലി ല​ഭി​ച്ച​തോ​ടെ​യാ​ണ് നാ​ലു വ​ര്‍​ഷം മു​മ്പ് ഇ​വ​ര്‍ എ​റ​ണാ​കു​ള​ത്തെ​ത്തി​യ​ത്.

ഒ​ഴി​വു​സ​മ​യ​ങ്ങ​ളി​ല്‍ വീ​ട്ടി​ലേ​ക്കാ​വ​ശ്യ​മാ​യ പ​ച്ച​ക്ക​റി​ക​ള്‍ മൂ​ന്ന് സെ​ന്‍റി​ലെ പു​ര​യി​ട​ത്തി​ല്‍ കൃ​ഷി ചെ​യ്തു തു​ട​ങ്ങി​യ സു​മി ജൈ​വ പ​ച്ച​ക്ക​റി​ക​ള്‍​ക്ക് നി​ര​വ​ധി ആ​വ​ശ്യ​ക്കാ​രു​ണ്ടെ​ന്ന​റി​ഞ്ഞ​തോ​ടെ തോ​ട്ടം വി​പു​ലീ​ക​രി​ക്കു​ക​യാ​യി​രു​ന്നു.

ഇ​തി​നാ​യ അ​യ​ല്‍​വാ​സി ത​ന്‍റെ 30 സെ​ന്‍റ് കൂ​ടി കൃ​ഷി​ക്കാ​യി വി​ട്ടുന​ല്‍​കി​യ​തോ​ടെ​യാ​ണ് വീ​ട്ടാ​വ​ശ്യ​ങ്ങ​ള്‍​ക്കു പു​റ​മേ വി​ല്‍​പ്പ​നയ്​ക്കാ​യും കൃ​ഷി​യി​റ​ക്കി തു​ട​ങ്ങി​യ​ത്.

കാ​ടു​പി​ടി​ച്ചു​കി​ട​ന്ന സ്ഥ​ലം സു​മി​യും ഭ​ര്‍​ത്താ​വ് ശ്യാം​രാ​ജും ചേ​ര്‍​ന്നാ​ണ് വെ​ട്ടി​ത്തെ​ളി​ച്ച് കി​ള​ച്ച് കൃ​ഷി​ക്ക​നു​യോ​ജ്യ​മാ​ക്കി​യ​ത്. പ​യ​ര്‍, പാ​വ​ല്‍.

വെ​ണ്ട, വ​ഴു​ത​ന, ത​ക്കാ​ളി, മു​ള്ള​ന്‍​വെ​ള്ള​രി, ക​പ്പ, ചേ​ന, ചേ​മ്പ്, കാ​ച്ചി​ല്‍ ​തു​ട​ങ്ങി എ​ല്ലാ​വി​ധ വി​ള​ക​ളും ഈ ​കൃ​ഷി​യി​ട​ത്തി​ലു​ണ്ട്. പൂ​ര്‍​ണ​മാ​യും ജൈ​വ​കൃ​ഷി​രീ​തി​യാ​ണ് അ​വ​ലം​ബി​ച്ചി​ട്ടു​ള്ള​തെ​ന്ന് സു​മി പ​റ​യു​ന്നു. അ​തു​കൊ​ണ്ടു​ത​ന്നെ പ​ച്ച​ക്ക​റി​ക​ള്‍ വി​ല്‍​ക്കാ​ന്‍ ബു​ദ്ധി​മു​ട്ട് വ​രു​ന്നി​ല്ല.

അ​ടു​ത്തു​ള്ള വീ​ടു​ക​ളി​ല്‍ നേ​രി​ട്ട് എ​ത്തി​ച്ചു​ന​ല്‍​കു​ന്ന​തി​ന് പു​റ​മേ വാ​ട്‌​സാ​പ്പ് ഗ്രൂ​പ്പു​ക​ള്‍ വ​ഴി​യും വി​ല്‍​പ്പ​ന ന​ട​ത്തു​ന്നു​ണ്ട്. വി​ല്‍​പ്പ​ന​യ്ക്ക് ത​യാ​റാ​യി​ട്ടു​ള്ള വി​ഭ​വ​ങ്ങ​ളു​ടെ ലി​സ്റ്റ് ഇ​ത്ത​ര​ത്തി​ല്‍ ഗ്രൂ​പ്പി​ല്‍ പോ​സ്റ്റ് ചെ​യ്ത് മി​നി​ട്ടു​ക​ള്‍​ക്ക​കം അ​വ വീ​റ്റു തീ​രു​ക​യും ചെ​യ്യും.

കോ​വി​ഡി​നെ​ത്തു​ട​ര്‍​ന്ന് ഏ​ര്‍​പ്പെ​ടു​ത്തി​യ ലോ​ക്ക് ഡൗ​ണ്‍ കാ​ല​യ​ള​വി​ല്‍ പ​തി​വി​ലും ഇ​ര​ട്ടി വി​ല്‍​പ്പ​ന ന​ട​ന്ന​താ​യി സു​മി പ​റ​ഞ്ഞു. മു​പ്പ​ത് സെ​ന്‍റി​ല്‍ നി​ന്ന് പ്ര​തി​മാ​സം 25000 മു​ത​ല്‍ 30000 വ​രെ​യാ​ണ് വ​രു​മാ​നം നേ​ടു​ന്ന​ത്.

പ്ര​ദേ​ശ​ത്തെ ചെ​റി​യ ക​ട​ക​ളി​ലും ആ​വ​ശ്യാ​നു​സ​ര​ണം പ​ച്ച​ക്ക​റി എ​ത്തി​ച്ചു ന​ല്‍​കു​ന്ന സു​മി പ​ഞ്ചാ​യ​ത്തി​ന്‍റെ​യും ബ്ലോ​ക്ക് പ​ഞ്ചാ​യ​ത്തി​ന്‍റെ​യും മി​ക​ച്ച സ​മ്മി​ശ്ര ക​ര്‍​ഷ​ക​യ്ക്കു​ള്ള അ​വാ​ര്‍​ഡും സ്വ​ന്ത​മാ​ക്കി​യി​ട്ടു​ണ്ട്.

പ​ച്ച​ക്ക​റി​ക്ക് പു​റ​മേ ട​യ​റു​കൊ​ണ്ടു​ള്ള ചെ​ടി​ച്ച​ട്ടി​ക​ളും ഇ​ല​ച്ചെ​ടി​ക​ളും ത​ന്‍റെ വ​രു​മാ​ന​മാ​ര്‍​ഗ​മാ​ണെ​ന്ന് സു​മി പ​റ​ഞ്ഞു. ഫേ​സ്ബു​ക്ക് മാ​ര്‍​ക്കറ്റ് പ്ലേ​സി​ല്‍ പ​ര​സ്യം ചെ​യ്താ​ണ് ഇ​വ​യു​ടെ വി​ല്‍​പ​ന.

ഇ​ന്‍​ഡോ​ര്‍ പ്ലാ​ന്‍റു ​ക​ളാ​ണ് വി​പ​ണി​യി​ലെ മു​ഖ്യ​താ​ര​ങ്ങ​ള്‍. പ്ര​ള​യ​ത്തി​ല്‍ വെ​ള്ളം പൊ​ങ്ങി കൃ​ഷി മു​ഴു​വ​ന്‍ ന​ശി​ച്ച സാ​ഹ​ച​ര്യ​ത്തി​ലാ​ണ് പു​തി​യ വ​രു​മാ​ന​മാ​ര്‍​ഗ​മെ​ന്ന നി​ല​യി​ല്‍ ട​യർ​കൊ​ണ്ടു​ള്ള ചെ​ടി​ച്ച​ട്ടി​ക​ള്‍ നി​ര്‍​മി​ച്ചു തു​ട​ങ്ങി​യ​ത്.

മ​ണ്ണു​ത്തി​യി​ലെ ന​ഴ്സ​റി ഗാ​ര്‍​ഡ​നേ​ഴ്‌​സ് ട്രെ​യി​നിം​ഗി​ല്‍ പ​ങ്കെ​ടു​ത്ത​തോ​ടെ​യാ​ണ് ഈ ​മേ​ഖ​ല​യി​ലേ​ക്ക് ക​ട​ന്നുവ​ന്ന​ത്. ഭ​ര്‍​ത്താ​വ് ട​യ​ര്‍ ഷോ​പ്പി​ലെ ജീ​വ​ന​ക്കാ​ര​നാ​യ​തുകൊ​ണ്ട് ഉ​പ​യോ​ഗ​ശൂ​ന്യ​മാ​യ ട​യ​റു​ക​ള്‍ സം​ഘ​ടി​പ്പി​ക്കാ​ന്‍ ബു​ദ്ധി​മു​ട്ടു​വ​ന്നി​ല്ല.

ഇ​രു​വ​രും ചേ​ര്‍​ന്നാ​ണ് ട​യ​ര്‍ മു​റി​ച്ച് ചെ​ടി​ച്ച​ട്ടി​ക​ള്‍ നി​ര്‍​മി​ക്കു​ന്ന​ത്. ചെ​ടി​ക​ള്‍ ന​ടാ​നു​ള്ള ത​ര​ത്തി​ലും ജ​ല​സ​സ്യ​ങ്ങ​ള്‍ ന​ടാ​നു​ള്ള ത​ര​ത്തി​ലും ച​ട്ടി​ക​ള്‍ ത​യാ​റാ​ക്കി​ക്കൊ​ടു​ക്കും.

250 മു​ത​ല്‍ 350 വ​രെ രൂ​പ വി​ല​യു​ള്ള ച​ട്ടി​ക​ളാ​ണ് ഇ​രു​വ​രും ത​യാ​റാ​ക്കു​ന്ന​ത്. വ​ലി​യ ഓ​ര്‍​ഡ​റു​ക​ള്‍ ല​ഭി​ച്ചാ​ല്‍ എ​ത്തി​ച്ചു​ന​ല്‍​കു​ക​യും ചെ​യ്യും. സി​മ​ന്‍റ്, ചി​ര​ട്ട എ​ന്നി​വ കൊ​ണ്ടും ച​ട്ടി​ക​ള്‍ നി​ര്‍​മി​ച്ചു ന​ല്‍​കു​ന്നു​ണ്ട്.

Leave a Reply

Your email address will not be published. Required fields are marked *

LATEST NEWS