വാളയാറിലെ സഹോദരിമാരുടെ മരണം! കൊലപാതകം ? ഇളയപെണ്‍കുട്ടിയെ കെട്ടിത്തൂക്കിയതെന്ന് പിതാവ്; പോലീസ് പറഞ്ഞുപറ്റിച്ചെന്ന് അമ്മ; പോ​ലീ​സും പ്രോ​സി​ക്യൂ​ഷ​നും പ്ര​തി​ക്കൂ​ട്ടി​ൽ

പാ​ല​ക്കാ​ട്: ഇ​ള​യ കു​ട്ടി​യു​ടെ മ​ര​ണം ആ​ത്മ​ഹ​ത്യ​യ​ല്ലെ​ന്ന് പോ​ലീ​സി​നോ​ട് പ​റ​ഞ്ഞി​രു​ന്നു​വെ​ന്ന് കു​ട്ടി​ക​ളു​ടെ അ​ച്ഛ​ൻ. ചെ​റി​യ കു​ട്ടി​യാ​യ അ​വ​ൾ​ക്ക് വീ​ടി​ന്‍റെ മു​ക​ളി​ൽ ക​യ​റു​കെ​ട്ടി തൂ​ങ്ങാ​ൻ ക​ഴി​യി​ല്ലെ​ന്ന് ഞ​ങ്ങ​ൾ​ക്ക് ഉ​റ​പ്പു​ണ്ടാ​യി​രു​ന്നു. ഇ​ത് അ​ന്ന് പോ​ലീ​സി​നോ​ട് പ​റ​ഞ്ഞ​തു​മാ​ണ്.

അ​വ​ളെ കെ​ട്ടി​ത്തൂ​ക്കി​യ​താ​ണ്. പ​ക്ഷേ പോ​ലീ​സ് അ​ത് അം​ഗീ​ക​രി​ച്ചി​ല്ല. അ​വ​ൾ ആ​ത്മ​ഹ​ത്യ​ചെ​യ്ത​തു​ത​ന്നെ​യാ​ണെ​ന്ന് ഞ​ങ്ങ​ലെ നി​ർ​ബ​ന്ധി​ച്ച് വി​ശ്വ​സി​പ്പി​ച്ച​താ​യും അ​ച്ഛ​ൻ മാ​ധ്യ​മ​ങ്ങ​ളോ​ട് പ​റ​ഞ്ഞു.

കേ​സി​ലെ അ​ഞ്ചാം സാ​ക്ഷി​യും അ​യ​ൽ​വാ​സി​യു​മാ​യ അ​ബ്ബാ​സും ഇ​ള​യ കു​ട്ടിയുടേ​ത് കൊ​ല​പാ​ത​ക​മാ​ണെ​ന്ന് വി​ശ്വ​സി​ക്കു​ന്ന​താ​യി പ​റ​ഞ്ഞി​രു​ന്നു. അ​തി​നു പി​ന്നാ​ലെ​യാ​ണ് കു​ട്ടി​യു​ടെ അ​ച്ഛ​നും അ​ത് ശ​രി​വെ​ച്ചി​രി​ക്കു​ന്ന​ത്. എ​ട്ട് അ​ടി ഉ​യ​ര​ത്തി​ലാ​ണ് കു​ട്ടി തൂ​ങ്ങി​യ നി​ല​യി​ൽ ക​ണ്ട​ത്. ഇ​ത് അ​സം​ഭ​വ്യ​മാ​ണെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.

കേ​സി​ൽ ആ​ദ്യം സാ​ക്ഷി​പ്പ​ട്ടി​ക​യി​ലു​ണ്ടാ​യി​രു​ന്ന ത​ന്നെ കോ​ട​തി​യി​ൽ വി​സ്ത​രി​ച്ചി​ല്ലെ​ന്ന് അ​ഞ്ചാം സാ​ക്ഷി അ​ബ്ബാ​സ് പ​റ​ഞ്ഞു. ത​ന്നെ മ​ന​പൂ​ർ​വം ഒ​ഴി​വാ​ക്കു​ക​യാ​യി​രു​ന്നു. ര​ണ്ടാ​മ​ത്തെ കു​ട്ടി തൂ​ങ്ങി​മ​രി​ച്ച​ത​ല്ലെ​ന്നും കെ​ട്ടി​ത്തൂ​ക്കി​യ​താ​കാ​മെ​ന്നും അ​ബ്ബാ​സ് പ​റ​ഞ്ഞു.

പാവങ്ങളായ ഞങ്ങളെ എല്ലാവരും ചേർന്ന് പറ്റിച്ചുവെന്ന് അമ്മ

പാ​ല​ക്കാ​ട്: വാ​ള​യാ​ർ അ​ട്ട​പ്പ​ള്ള​ത്തെ ദ​ലി​ത് സ​ഹോ​ദ​രി​മാ​രു​ടെ മ​ര​ണ​വും, കേസിലെ കോ​ട​തി വി​ധി​യും സം​ബ​ന്ധി​ച്ച് പോ​ലീ​സും പ്രോ​സി​ക്യൂ​ഷ​നും പ്ര​തി​ക്കൂ​ട്ടി​ൽ. പോ​ലീ​സും പ്ര​തി​ക​ളും ത​മ്മി​ലു​ള്ള ഒ​ത്തു​ക​ളി മൂ​ലം അ​ന്വേ​ഷ​ണം പ്ര​ഹ​സ​ന​മാ​യ​താ​ണ് നാ​ലു പ്ര​തി​ക​ളേ​യും വെ​റു​തെ വി​ടു​ന്ന​തി​ന് കാ​ര​ണ​മാ​യ​തെ​ന്ന് പെ​ണ്‍​കു​ട്ടി​ക​ളു​ടെ അ​മ്മ പ​റ​ഞ്ഞു. ഇ​തേ അ​ഭി​പ്രാ​യ​മാ​ണ് നാ​ട്ടു​കാ​രും പ​ങ്കു​വെ​ക്കു​ന്ന​ത്.

പ്രോ​സി​ക്യൂ​ഷ​ന്‍റെ ജാ​ഗ്ര​ത​ക്കു​റ​വും കേ​സി​നെ ബാ​ധി​ച്ച​താ​യി മ​ന്ത്രി എ.​കെ ബാ​ല​നും സ​മ്മ​തി​ച്ചി​ട്ടു​ണ്ട്. കേ​സി​ന്‍റെ ഒ​രു ഘ​ട്ട​ത്തി​ലും പോ​ലീ​സ് ത​ങ്ങ​ൾ​ക്ക് ഒ​രു വി​വ​ര​വും കൈ​മാ​റി​യി​ട്ടി​ല്ലെ​ന്ന് അ​മ്മ പ​റ​ഞ്ഞു. കേ​സി​ന്‍റെ വി​ധി ചാ​ന​ലു​ക​ളി​ൽ നി​ന്നാ​ണ് അ​റി​യു​ന്ന​ത്. എ​ന്നാ​ൽ എ​ല്ലാ പ്ര​തി​ക​ൾ​ക്കും ശി​ക്ഷ ല​ഭി​ക്കു​മെ​ന്നാ​ണ് പോ​ലീ​സ് നേ​ര​ത്തെ പ​റ​ഞ്ഞു വി​ശ്വ​സി​പ്പി​ച്ചി​രു​ന്ന​ത്.

മൂ​ത്ത കു​ട്ടി​യെ ഒ​ന്നാം പ്ര​തി​യും ബ​ന്ധു​വു​മാ​യ മ​ധു പീ​ഡി​പ്പി​ക്കു​ന്ന​ത് നേ​രി​ട്ടു ക​ണ്ടെ​ന്ന് പോ​ലീ​സി​നോ​ട് പ​റ​ഞ്ഞി​രു​ന്നു. കോ​ട​തി​യി​ലും ഇ​ത് പ​റ​ഞ്ഞു. പ്ര​ദേ​ശ​വാ​സി​ക​ളെ​യൊ​ന്നും പോ​ലീ​സ് സാ​ക്ഷി​പ്പ​ട്ടി​ക​യി​ൽ ഉ​ൾ​പ്പെ​ടു​ത്തി​യി​രു​ന്നി​ല്ല. പ്ര​തി​ക​ളെ ര​ക്ഷി​ക്കാ​ൻ സി​പി​എം ഇ​ട​പെ​ട്ടി​ട്ടു​ണ്ട്.

മൂ​ത്ത കു​ട്ടി​യെ പീ​ഡി​പ്പി​ച്ച​വ​രെ പി​ടി​കൂ​ടി​യി​രു​ന്നു​വെ​ങ്കി​ൽ ര​ണ്ടാ​മ​ത്തെ മ​ക​ൾ ഞ​ങ്ങ​ൾ​ക്ക് ന​ഷ്ട​പ്പെ​ടു​മാ​യി​രു​ന്നി​ല്ല. എ​ല്ലാ​വ​രും ചേ​ർ​ന്ന് പാ​വ​ങ്ങ​ളാ​യ ഞ​ങ്ങ​ളെ പ​റ്റി​ക്കു​ക​യാ​യി​രു​ന്നു. എ​ന്തു സം​ഭ​വി​ച്ചാ​ലും ഈ ​കേ​സി​ൽ കു​റ്റ​ക്കാ​രെ ശി​ക്ഷി​ക്കു​ന്ന​തു വ​രെ കേ​സു​മാ​യി മു​ന്നോ​ട്ട് പോ​കു​മെ​ന്ന് അ​മ്മ പ​റ​ഞ്ഞു. അ​തേ​സ​മ​യം ര​ണ്ടാ​മ​ത്തെ പെ​ണ്‍​കു​ട്ടി​യു​ടേ​ത് ആ​ത്മ​ഹ​ത്യ​യ​ല്ലെ​ന്ന സം​ശ​യ​വു​മു​യ​ർ​ന്നി​ട്ടു​ണ്ട്.