വാ​സ​ന്തി​മ​ഠ​ത്തി​ലെ മ​ന്ത്ര ത​ന്ത്ര​ങ്ങ​ൾ! വാ​സ​ന്തി കു​ന്പ​ഴ സ്വ​ദേ​ശി; രാ​ത്രി​കാ​ല​ങ്ങ​ളി​ൽ അ​ല​ർ​ച്ച​യും നി​ല​വി​ളി​ക​ളും; ദു​ർ​മ​ന്ത്ര​വാ​ദ​ത്തി​ന്‍റെ മ​റ​വി​ൽ ഇവിടെ നടക്കുന്നത്…

പ​ത്ത​ന​തി​ട്ട: വി​ഷാ​ദ​രോ​ഗ​ത്തി​നും പ​ഠ​ന​വൈ​ക​ല്യ​ത്തി​നു​മാ​യി പ്ര​തി​വി​ധി തേ​ടി​യെ​ത്തു​ന്ന കു​ട്ടി​ക​ളെ മ​ന്ത്ര​വാ​ദ​ത്തി​ലൂ​ടെ ചി​കി​ത്സി​ക്കു​ന്ന രീ​തി​യാ​ണ് മ​ല​യാ​ല​പ്പു​ഴ വാ​സ​ന്തി​മ​ഠ​ത്തി​ൽ ശോ​ഭ​ന​യു​ടേ​ത്.

പൂ​ജ​ക​ൾ​ക്കി​ടെ കു​ട്ടി താ​ഴെ​വീ​ഴു​ന്ന ദൃ​ശ്യ​ങ്ങ​ൾ പു​റ​ത്തു​വ​ന്ന​തി​നു പി​ന്നാ​ലെ​യാ​ണ് മ​ല​യാ​ല​പ്പു​ഴ പൊ​തി​പ്പാ​ട് ല​ക്ഷം വീ​ട് കോ​ള​നി​യി​ൽ വാ​സ​ന്തി​മ​ഠ​ത്തി​ൽ ശോ​ഭ​ന തി​ല​കി(​വാ​സ​ന്തി, 51)നെ ​ഇ​ന്ന​ലെ പോ​ലീ​സ് അ​റ​സ്റ്റു ചെ​യ്ത​ത്.

മാ​ന്നാ​ർ സ്വ​ദേ​ശി​യാ​യ കു​ട്ടി​ക്ക് 2020 ഏ​പ്രി​ലി​ൽ ഒ​രു ദി​വ​സം രാ​ത്രി പൂ​ജ ന​ട​ത്തു​ന്ന രം​ഗ​ങ്ങ​ളാ​ണ് ഇ​ന്ന​ലെ പു​റ​ത്തു​വ​ന്ന​തെ​ന്ന് പോ​ലീ​സ് അ​ന്വേ​ഷ​ണ​ത്തി​ൽ വ്യ​ക്ത​മാ​യി.

അ​ന്ന് കു​ട്ടി​ക്ക് പ​തി​നേ​ഴ് വ​യ​സാ​യി​രു​ന്നു. മ​ന്ത്ര​വാ​ദം ക​ഴി​ഞ്ഞ് 20,000 രൂ​പ​യും കൈ​പ്പ​റ്റി. കു​ട്ടി​യു​ടെ​യും പി​താ​വി​ന്‍റെ​യും മൊ​ഴി​യു​ടെ അ​ടി​സ്ഥാ​ന​ത്തി​ലാ​ണ് കേ​സ്.

അ​ന്ന​ത്തെ പ​തി​നേ​ഴു​കാ​ര​ൻ ഇ​ന്ന് പ്രാ​യ​പൂ​ർ​ത്തി​യാ​യി​ട്ടു​ണ്ട്. വാ​സ​ന്തി​ക്കൊ​പ്പ​മു​ണ്ടാ​യി​രു​ന്ന ഉ​ണ്ണി​ക്കൃ​ഷ്ണ(31)​നെ​യും കേ​സു​മാ​യി ബ​ന്ധ​പ്പെ​ട്ട് അ​റ​സ്റ്റ് ചെ​യ്ത​താ​യി പോ​ലീ​സ് പ​റ​ഞ്ഞു.

ഭീ​ഷ​ണി​യും ശാ​പ​വും ! ശ​ല്യം സ​ഹി​ക്ക​വ​യ്യാ​തെ നാ​ട്ടു​കാ​ർ

വാ​സ​ന്തി മ​ഠ​ത്തി​ൽ വ​ർ​ഷ​ങ്ങ​ളാ​യി തു​ട​രു​ന്ന ദു​ർ​മ​ന്ത്ര​വാ​ദം ന​ട​ത്തു​ന്ന​ത് ചോ​ദ്യം ചെ​യ്യു​ന്ന പ്ര​ദേ​ശ​വാ​സി​ക​ളെ ഭീ​ഷി​ണി​പ്പെ​ടു​ത്തി​യി​രു​ന്ന​താ​യും പ​രാ​തി​പ​റ​യു​ന്ന​വ​രു​ടെ വീ​ടി​നു മു​ന്പി​ൽ പൂ​വും എ​ള്ളും ഇ​ടു​ക​യും, നാ​ല്പ​ത്തി​യൊ​ന്നാം ദി​വ​സം മ​രി​ച്ചു പോ​കു​മെ​ന്ന​ത​ട​ക്കം ശാ​പ​വാ​ക്കു​ക​ൾ വി​ളി​ച്ചു​പ​റ​യു​ക​യും പ​തി​വാ​യി​രു​ന്നു.

ഗു​ണ്ട​ക​ളെ ഉ​പ​യോ​ഗി​ച്ച് ഭീ​ഷി​ണി​പ്പെ​ടു​ത്തി​യി​രു​ന്ന​താ​യും നാ​ട്ടു​കാ​ർ പ​റ​ഞ്ഞു. പ​രാ​തി അ​ന്വേ​ഷി​ക്കാ​നെ​ത്തു​ന്ന പോ​ലീ​സ് ഉ​ദ്യോ​ഗ​സ്ഥ​രെ ഇ​വ​ർ അ​സ​ഭ്യം പ​റ​ഞ്ഞി​രു​ന്ന​താ​യും പ​രി​സ​ര​വാ​സി​ക​ൾ പ​റ​യു​ന്നു.

രാ​ത്രി​കാ​ല​ങ്ങ​ളി​ൽ ഇ​വി​ടെ നി​ന്നും അ​ല​ർ​ച്ച​യും നി​ല​വി​ളി​ക​ളും കേ​ട്ടി​രു​ന്ന​താ​യും പോ​ലീ​സി​നോ​ടു നാ​ട്ടു​കാ​ർ പ​റ​ഞ്ഞു.

ഇ​ന്ന​ലെ രാ​വി​ലെ പോ​ലീ​സ് ഇ​വ​രെ അ​റ​സ്റ്റ് ചെ​യ്തു കൊ​ണ്ടു​പോ​കു​മ്പോ​ൾ കാ​ണാ​ൻ വ​ലി​യ ജ​ന​ക്കൂ​ട്ടം എ​ത്തി​യി​രു​ന്നു.

മ​ന്ത്ര​വാ​ദ​ത്തേ തു​ട​ർ​ന്ന് കു​ട്ടി താ​ഴെ വീ​ഴു​ന്ന ദൃ​ശ്യ​ങ്ങ​ൾ സ​മൂ​ഹ​മാ​ധ്യ​മ​ങ്ങ​ളി​ല​ട​ക്കം പ്ര​ച​രി​ച്ച​തോ​ടെ ഡി​വൈ​എ​ഫ്ഐ, യൂ​ത്ത് കോ​ൺ​ഗ്ര​സ്, യു​വ​മോ​ർ​ച്ച സം​ഘ​ട​ന​ക​ൾ പ്ര​തി​ഷേ​ധ​വു​മാ​യി രം​ഗ​ത്തെ​ത്തു​ക​യാ​യി​രു​ന്നു.

മ​ഠ​ത്തി​ന്‍റെ മു​റ്റ​ത്തു ക​ട​ന്ന പ്ര​തി​ഷേ​ധ​ക്കാ​ർ കെ​ട്ടി​ട​ത്തി​നു നാ​ശ​മു​ണ്ടാ​ക്കി. സം​ഭ​വം അ​റി​ഞ്ഞ് സ്ഥ​ല​ത്തെ​ത്തി​യ പ​ത്ത​നം​തി​ട്ട ഡി​വൈ​എ​സ്പി ന​ന്ദ​കു​മാ​റും സം​ഘ​വും വ​നി​താ പോ​ലീ​സി​നെ വി​ളി​ച്ചു​വ​രു​ത്ത വാ​സ​ന്തി​യെ ക​സ്റ്റ​ഡി​യി​ലെ​ടു​ക്കു​ക​യും മ​ഠം പൂ​ട്ടു​ക​യു​മാ​യി​രു​ന്നു. ഇ​തോ​ടെ​യാ​ണ് പ്ര​തി​ഷേ​ധം ശ​മി​ച്ച​ത്.

വാ​സ​ന്തി കു​ന്പ​ഴ സ്വ​ദേ​ശി

കു​മ്പ​ഴ സ്വ​ദേ​ശി​യാ​യ വാ​സ​ന്തി ക​ഴി​ഞ്ഞ പ​ത്തു വ​ർ​ഷ​ങ്ങ​ളാ​യി വാ​സ​ന്തി​മ​ഠം എ​ന്ന പേ​രി​ൽ വീ​ട് വാ​ട​ക​യ്ക്കെ​ടു​ത്തു താ​മ​സി​ക്കു​ക​യാ​യി​രു​ന്നു.

ദൂ​ര സ്ഥ​ല​ങ്ങ​ളി​ൽ നി​ന്നാ​ണ് കൂ​ടു​ത​ൽ ആ​ളു​ക​ൾ ഇ​വി​ടെ ചി​കി​ത്സ തേ​ടി​യെ​ത്തി​യി​രു​ന്ന​ത്. ഫേ​സ്ബു​ക്ക് വ​ഴി​യും ഇ​വ​ർ വാ​സ​ന്തി മ​ഠ​ത്തി​നു പ്ര​ചാ​രം ന​ൽ​കി​യി​രു​ന്നു.